❤️🍃តាមស្នេហ៍លោកពូ🍃❤️ Season 1 (Completed)

Part 40

     ❤️🍃តាមស្នេហ៍លោកពូ🍃❤️ ភាគទី 40

_ ត្របកភ្នែកតូចបើកឡើងសន្សឹមៗបន្តិចម្ដងៗរហូត ដល់អស់ក៏ឃើញថាខ្លួនឯងកំពុងនៅក្នុងបន្ទប់មួយតែម្នាក់ឯងទើប Tae យកដៃទប់ងើបក្រោកអង្គុយទាំងនៅធីងធោងនៅឡើយ ។

Tae: នៅកន្លែងណាហ្នឹង?

< ក្រាក >

_ ទ្វារបន្ទប់បើកឡើងដោយអ្នកកម្លោះស្រស់សង្ហារ ជាបងប្រុសដែលតែងតែលេចមុខឡើងនៅពេល Tae ជួបរឿងមិនល្អហើយលើកនេះជាលើកទីបី ហើយដែលគេបានជួយ ។

Hoseok: ភ្ញាក់ហើយហ្អេស? នេះបងគិតថានាំឯងទៅពេទ្យហើយតើស!!

_ នាយនិយាយហើយក៏ដើរមកអង្គុយក្បែររាងតូចដោយមានទឹកក្ដៅនិងថ្នាំខ្លះមកជាមួយរីឯ Tae ក៏មើលមុខគេម៉ក់ៗ ។

Tae: បងប្រុសទីនេះជាកន្លែងណា?

Hoseok: ជាបន្ទប់បង

Tae: ហាស?

Hoseok: ចង់និយាយថាជាបន្ទប់ធ្វើការបង មុននេះឃើញឯងរកខ្យល់សន្លប់នៅមុខបន្ទប់លោកMin ទើបបងនាំឯងមកសម្រាកនៅទីនេះសិន

Tae: អ៎មែនហើយខ្ញុំដូចជារាងវិលមុខតិចតួចអរគុណបងហើយ

Hoseok: ត្រូវការផឹកថ្នាំសិនទេ?

Tae: មិនអីទេ តែខ្ញុំដូចជាមិនទាន់ដឹងទេថាបងធ្វើខាងផ្នែកអី?

Hoseok: គឺធ្វើខាងទីផ្សារធម្មតាៗទេ

Tae: អ៎បាទអរគុណបងច្រើនហើយ គិតសព្វៗទៅបងដូចជា angel របស់ខ្ញុំចឹងព្រោះឲ្យតែជួបអ្វីមិនល្អបងក៏ជួយខ្ញុំរាល់លើក

Hoseok: មិនដល់ថ្នាក់ហ្នឹងពេកទេ ជួនកាលមនុស្សបងមិនបានល្អដូចឯងគិតឡើយ

_ នាយនិយាយហើយរាងទម្លាក់ទឹកមុខចុះ ព្រោះបើគេល្អមិនមែនមិត្តស្រីសុំបែកហើយទៅរស់នៅឆ្ងាយពីខ្លួនទេ ។

Tae: ហេតុអីក៏និយាយចឹង? តាមខ្ញុំឃើញបងល្អសឹងអីហើយហ្នឹងច្បាស់ជាមានអ្នកស្រឡាញ់បងច្រើនហើយ

Hoseok: ហឹមឯងនេះ...!!

_ រាងសង្ហារលេងសក់ក្បាលរាងតូចថ្នមៗ កាន់តែមានអារម្មណ៏ថាចូលចិត្តក្មេងនេះខ្លាំងឡើងចង់បានធ្វើជាប្អូនប្រុសខ្លាំងណាស់ ។