Napakarami na ng ating napuntahan.
Napag-usapan ang mga bagay na hindi dapat pagtuunan.
Tila paglalakbay na walang paroroonan—
Walang direksyong nakatumbok kundi puro kasiyahan.
Tila baga ako'y nasa malawak na kapatagan.
Pilit inaabot ang maparusang sikat sa kalangitan.
Sapagkat sa tuwing pagkapuwing ko sa iyong liwanag,
Ngiti sa labi ko ang agad na masasaksihan.
Naisip kong ipagdamot ka.
Mga mata kasi nila'y ikaw lamang ang nakikita.
Nais kong sa bawat hakbang ko ng aking mga paa,
Ikaw ang paroroonan at wala ng iba.
Nakalimot ako!
May gabi pala.
Kung saan sa muling paggising mo sa umaga'y—
Kumupas na ang misteryo ng gabing iyong ginambala.
-ANG MISTERYO NG GABI-
ni: B R U H A N G M E O W
BINABASA MO ANG
Ang Mga Tula
PoetryMga salitang kusang binibigkas ng isipan. [ Copyright © Keide Morena 2018-2023] All Rights Reserved. No part of this publication may be reproduced or transmitted in whole or in part, in any manner, without the prior written permission of the copyrig...
