Destiné

Ep (11)

sorel၏ဒေါသတို့ မြစ်ဖျားခံရာမှာ bobbyဆိုတဲ့ ကျက်သတုံးသေနာလေးပင်ဖြစ်သည်။ သူ့အတွက် အမြဲတမ်းမကောင်းခြင်းတွေ သယ်ဆောင်လာတဲ့ဂြိုဟ်ဆိုးကောင်လို့ ပြောလဲမမှားဘူး။ ဒယ်ဒီ ဒင်းကိုအိမ်ပေါ်စခေါ်လာထဲက မွှေလိုက်တဲ့ပြဿနာဆိုတာ တစ်နေ့တစ်မျိုး မရိုးနိုင်အောင်ပင်။

ကိုယ့်ဘာသာတစ်ယောက်ထဲ လုပ်စရာရှိတာလုပ် အေးဆေးနေတာတောင် တစ်အိမ်လုံးမှာ ဒယ်ဒီပြီးရင် သူသာအာဏာအရှိဆုံးဖြစ်ချင်တာကြောင့် ကျွန်တော့်ကိုပြဿနာအမျိုးမျိုးရှာပြီး ဒယ်ဒီ့အိမ်ကနေ မြို့အစွန်အဖျားနား ရောက်ခါနီးလောက်ကို မောင်းထုတ်ခဲ့တာလေ။

အခုလဲ ဒယ်ဒီ့ဆီမှာ သက်တော်စောင့်တွေ အများကြီးရှိတာကို ကျွန်တော့်ကိုခေါ်ပြန်သည်။ ဟက် အဲ့လိုကောင်အတွက်နဲ့ ကျွန်တော့်ကို သေနတ်နဲ့ ချိန်နိုင်ခဲ့သေးတာပဲလေ။ အဲ့မအေဘေးပြောသမျှ ခေါင်းညိမ့်နေတဲ့ ဒယ်ဒီလဲစောက်ရူးပဲ။

sorelလက်ရှိနေသည့်အိမ်မှာ မြို့စွန်နားဖြစ်တာကြောင့် ဧကအတော်များများ ကျယ်ပြန့်သည်။ ခြံဝင်ပေါက်နှင့် အိမ်၏အကွာအဝေးက ၁၅မိနစ်လောက်မောင်းရသည်။

ဒယ်ဒီ့အိမ်မှာ ထွက်လာတဲ့ဒေါသတွေကို ကားပေါ်သာ ပုံချနေမိသည့်sorel။ ခြံရှေ့ကိုကားမရောက်သေးသော်လည်း ကား၏လီဗာနင်းသံအနေအထားက Bossဒေါသထွက်လာတာကို ခန့်မှန်းလို့ရသည်။

ခြံတံခါးမှာ တာဝန်ကျနေသူက အိမ်ကြီးထဲမှာရှိတဲ့arloကို bossဒေါသထွက်နေကြောင်း လှမ်းအကြောင်းကြားလိုက်သည်။ Bossဒေါသထွက်နေတယ်လို့ ပြောသံကြားတာနဲ့ အကုန်လုံးသတိအနေအထား ဖြစ်သွားကြပြီး ကိုယ့်တာဝန်ကိုယ်လုပ်ဖို့ ပြေးလွှားရတော့သည်။

အိမ်ရှေ့မှ Bossကြိုက်နှစ်သက်သည့် ပန်းအိုးတွေကို Bossမမြင်နိုင်လောက်တဲ့ နေရာသို့ ရွှေ့သူကရွှေ့၊ ထိုနေရာမှာ တခြားပန်းအိုးကို အစားထိုးသူကထိုး၊ ပုလင်းခွံတွေကို တန်းစီပြီးထောင်သူကထောင်၊ အိမ်ထဲမှာ Bossကိုထိခိုက်နိုင်လောက်သည့် ပစ္စည်းမှန်သမျှ အကုန်သိမ်းသူကသိမ်းနှင့် အားလုံးအလုပ်ရှုပ်လို့နေသည်။