အတိတ်တွေဆီကို ပျံ့လွင့်သွားသည့်အတွေးအချို့က ramsayလှုပ်နှိုးလိုက်မှ sorelအသိပြန်ဝင်လာခဲ့သည်။
"Boss boss ကျွန်တော်တို့ရောက်ပြီ"
စိမ်းစိုနေသည့် ပန်းပင်တွေအလယ် အဖြူရောင်သစ်သားအိမ်ငယ်လေးတစ်လုံးက အေးချမ်းစွာတည်ရှိနေသည်။ ထိုအိမ်ငယ်လေးကိုမြင်လိုက်ရသည်နှင့် sorel၏နောက်ကျိနေသည့်စိတ်အစဉ်တို့မှာ အနည်းငယ်ငြိမ်သက်စပြုလာသည်။
တံခါးဖွင့်လိုက်သည်နှင့် နှာခေါင်းထဲတိုးဝင်လာသည့် စူးရှရှအနံ့တို့က sorel၏ကမ္ဘာငယ်လေးသို့ ရောက်ရှိခြင်း သင်္ကေတတစ်ခုပင်။ ဒီအိမ်ကို နောက်ဆုံးအကြိမ်အဖြစ် ဘယ်နေ့ကရောက်ခဲ့သလဲဆိုတာ sorelမမှတ်မိတော့။
ရှုပ်ပွနေသည့် ကြမ်းပြင်ပေါ် ခြေချရင်းဘယ်နားပစ်ထားမိမှန်းမသိသော ပစ္စည်းတွေကို စမ်းတဝါးဝါးလိုက်ရှာနေမိသည်။ ပစ္စည်းတွေလိုက်ရှာလို့အပြီးမှာ ဘုတ်ပြားတစ်ခုပေါ် အရောင်စုံဆေးတောင့်တွေကို ညှစ်၍ရောစပ်နေပြန်သည်။ ပုံဆွဲဖို့ရန် အသင့်ထောင်ထားသည့်ကားချပ်အပေါ် လက်တင်လိုက်သည်နှင့် ပတ်ဝန်းကျင်တစ်ခုလုံးကို sorelမေ့သွားခဲ့ပြီ။
Oops! This image does not follow our content guidelines. To continue publishing, please remove it or upload a different image.
bossရောက်ထဲကပန်းချီထိုင်ဆွဲနေသည်မှာ ramsayကိုပင်ရှိတယ်ဟု မသတ်မှတ်လေသလား။ တစ်ချက်လှည့်ကြည့်ဖို့မပြောနှင့် ပတ်ဝန်းကျင်ကိုပင် မျက်စိမကစားတော့သောbossပါပဲ။ ပန်းချီအကြောင်းနားမလည်သူအဖို့ boss၏စုတ်ချက်တွေကိုလဲ တစ်ခုမှနားမလည်။
ယခုဆွဲနေသည့်ပုံမှာလဲ ပိတ်ကား၏တစ်ဝက်လောက်ရောက်နေသော်လည်း အရောင်ရောစပ်မှုနှင့် မိမိ၏မျက်စိထဲ ပုံသဏ္ဌာန်မဖော်နိုင်မှုတို့ကြောင့် အဖြူရောင်ပိတ်စပေါ် ဆေးပုံးတွေပက်ထားသကဲ့သို့မြင်နေမိသည့်ramsay။ ထိုင်ကြည့်နေလဲ ဘာမှမထူးတာကြောင့် ရှုပ်ပွနေသည်များကို ရှင်းလင်းပေးဖို့သာ ပြင်လိုက်တော့သည်။
YOU ARE READING
Destiné
Action⚠️trigger warning ⚠️ Rape,Murder,Crime,Torture,violence ,Drugs,curse words ဤဝတ္ထုသည် လူသတ်မှု၊ မုဒိမ်းမှု၊ လိင်ပိုင်းဆိုင်ရာအမြတ်ထုတ်မှုဇာတ်ကွက်များ ၊ ညစ်ညမ်းသောအသုံးအနှုန်းများ ပါဝင်ပါသဖြင့် အသက်မပြည့်သူများမဖတ်ကြပါရန် မေတ္တာရပ်ခံအပ်ပါသည်။ ⚠️trigg...
