نسختي الرمادية

حلقة 1

#نسختي_الرمادية 🖤✍ حلقة 1

كنّا مقعمزين ع سفرة افطار رمضان ،، نراجو ف الأذان
معتصم/ نوضي انتي فاطرة متقعمزيش معانا 😏
اني 🥺 😭
مالك/ نوضي اييييه انتي فاطرة
نضت نجري و نبكي 😭😭
بوي/ خلوها تقعمز 😑 تعالي بنوتي قعمزي متدوريهمش 😘
زيد/ خلتتعلم الصيام 🙃
امي/ مكلت شيء هيا ،، من المدرسة
اني/ معش نبي ناكل خلاص 😭😭
بوي/ تعالي قعمزي بحداي وكولي ،، طزز فيهم ☺ هادو حاسدينك
معتصم/ 😂😂

قعمزنا فطرنا وقعدنا نتفرجو ع حكايات البسباسي ،، وبعتالي برنامج رسوم متع عمي ابراهيم صاحب بابا ،،
معتصم/ إبداع ابراهيم حتى الرسومات والحلقة مليحة ..
بوي/ ايه ينكل ويترس مليح فالإذاعة ،، خدوم هلباااا
امي/ وامتة حيجيبو حلقة شيراز هيا و الصغار؟
اني ضحكت 😍
بوي/ ف نص رمضان 😊
مالك مسح على راسي / انشهرتي يا فصعونة ..😉
اني/ نبي نكبر نولي زي خدوجة صبري ممتلة كبيرررة ،، ولا مذيعة فالراديو 😍❤❤
بوي/ اهو مهدتلك الطريق ،، ديري عقلك ف راسك واخدمي مليح وتعلمي وتو تولي مديعة كبيرررة ، عندك التمتيل فوتيه خير..
معتصم/ اياه شن تمتيل وإذاعة اقري طب زيني ..
اني/ نبي نتكلم ف الراديو اني 🥺..
بوي/ خلاص اكبري وتو نخدمك معاي ف الإذاعة والتلفزيون ..😊
غمضت عيوني واني نحلم بحلمي 💜🤤

جي برنامج خالتي مشهية
قعدو خوتي يقولو انه راجل لابس رداء نساوين واني نبكي ونقوللهم لا هادي خالتي مشهية عزوزة مش راجل 😭😤

مشيت لامي فالمطبخ كانت تغسل ف اماعين
يما يماااا حقا خالتي مشهية راجل 🥺 ؟
ماما/ ايه هوا راجل يمتل على أساس عزوزة 😊

قعدت منهارة و نبكي لما اكتشفت بأنه خالتي مشهية راجل انخدعت فيه 😂😂 😭 تاااكي تااااااكي

👇🏻👇🏻
اسمي شيراز
بيضاء وعيوني زرق ،،
بابا اسمه عادل إداري في مبنى الإذاعة والتلفزيون فالقناة الليبية ،، ديما نمشي معاه للعمل ونعرف اللي يخدمو غادي كلهم 😍❤ موظفات وموظفين هههه.. وديما نطلع ع تلفزيون لما يجيبو ف برامج اطفال ولا لقاءات،، عيوني عالنعم انفتحو هلباااااا ومكنتش نعرف إنّ هادي حتكون نقمتي يوما ما ✋💔
أمي اسمها عواطف ،، ربة بيت عادية ومتواضعة جدا ،، معتصم خوي الكبير يقرا فالطب بيكمل برا ،، اما مالك يقرا ف تانوي تخصص اقتصاد و بوي مدخله ف تايكواندو رغم ان يمارس حتى ف ملاكمة بالسر ( لان كانت ممنوع ف بلادنا ) وديما يسافر ويدير ف معسكرات تدريب
و زيد فالاعدادي يبي يتخصص هندسة ..
اما اني طموحي نكون مشهورة ونقدم برامج زي عمي ابراهيم صاحب بابا اللي معاه ف الإذاعة ..
ويسكنو بحدانا حوش عمامي وحوش جدي عمر وجداي عيشة وعمي العزري بحكم أرضنا أرض عيلة من أيامات الطليان 1921 ف طريق الهنشير ع البحر ...

°°° ••••••☆▪K▪h▪o▪L▪o▪d▪☆•••••• °°°
جي الموسم
طلعت اني وبابا وزيد بالسيارة بنشرو دبش العيد
امي مقدرتش تطلع معانا ،، واني من مكان لمكان معجبني شيء 😂 اما زيد كمل حاجاته
حطنا بوي فالمدينة ونزلنا ع رجلينا لعل وعسى نلقى لبسة العيد ..
اني/ بابا فك يدي نعرف نمشي بروحي😤
بوي/ زحمة تريحي مني😥
اني/ لالا منريحش اطلقني يدي خلاص،، عييت 😣
قعدت نعافر لين بابا سيبني وبديت نتبع فيه لان يمشي بسرعة واني دهشت 😁
كان المكان زحمة بشكل لايوصف ،، قعدت نمشي وبابا قدامي يمشي بسرعة ،، بااابا ،، يا بابااااا بااااااااااااابا
مشيت نجري ومسكته من يده ،، بابا خيرك تجري عييت 🥺
تلفتلي
اني مش بوك يا بنتي 😊
اني انخلعت ،، 😱 كان واحد لابس كبوط زي بابا
قعدت نتلفت يمين ويسااااااار ،، ندور ف زيد وبوي بس ملقيتهمش ،، الدنيا زحمة ومضغوطة
كلهم يشرو ف لبس العيد
قعدت نبكي وخايفة 😭 بعتالي هديت
مسحت دموعي بيديا ،، وقررت نستكشف المكان وندور على اي جيهة توصلني ب بابا
بديت نلف ع زناقي الحارات ،، ندور على بابا وكانو فيه سوادين ومصاروة يضايقو فيا واني درت روحي قوية بش مينتهزوش الفرصة ويستغلوني
قعد واحد مصري يتبع فيا ومن وجهه واضح انه خبيث ف قعدت نعيط عليه .. ومشيت جيهة واحد شرطي وقفتله
يا عموو اني رحت من بابا 🥺 💔
الشرطي/ قداش عمرك
اني/ 8 سنين
الشرطي/ تعرفيه رقم بوك ،؟
اني/ ايه حافظاته 😥