Napapagod na ang mga braso.
Hindi na alam kung saan patungo.
Malayo pa ba ang dulo?
Dahil paunti-unti'y nalulunod na rito.
Malapit nang kapusin sa paghinga.
Mga kamay at paa'y namamanhid na—
ngunit kailangang magpatuloy pa.
Hihinto lang sandali upang magpahinga.
Pagtapos, patuloy na lalangoy;
patuloy na sasabay sa daloy.
Hindi alintana ang direksyon,
patuloy lang sasabay sa alon.
Darating din ang panahon...
masisilayan ang inaasam na pag-ahon,
at pasasalamatan ang sarili sa pagpapatuloy;
sa hindi paghinto sa paglangoy.
BINABASA MO ANG
Through Words
PoetrySharing with you a book anthology of my English and Filipino short poems, open letters, prose and other literary works. Let me express myself through words. 🌻 Enjoy!
