My Love In Novel

မှော်ဆရာမလေးရဲ့ အချစ်ခရီး

𝕄𝕪 𝕃𝕠𝕧𝕖 𝕀𝕟 ℕ𝕠𝕧𝕖𝕝

Episode 1

"ကောင်းပါပြီး....အရှင့်သားရဲ့အလိုတော်အတိုင်းပါ၊အရှင့်သားနဲ့ကျွန်တော်မျိုးမတို့ရဲ့စေ့စပ်ပွဲကိုဖျက်သိမ်းပေးဖို့ ကျွန်တော်မျိုးမကိုယ်တိုင်အရှင်မင်းကြီးဆီတောင်းဆိုလိုက်ပါ့မယ်...''

"ပင်ပန်းလိုက်ပါဦး သခင်မလေး''

အရာရာနင့်သဘောပဲ။
အရာရာနင့်ဆန္ဒပါ။
နင်တောင်းဆိုသမျှငါခေါင်းညိတ်နေပြီးသားပဲ။

နင့်ကိုအရမ်းချစ်လွန်းလို့ပါအရှင်မင်းသား။
ငါ့ဘက်ကအချစ်တွေဘယ်လောက်ပေးပေး နင့်ကတော့မုန်းနေမယ်မလား။

ငါသိပါတယ်...နင်ငါ့ကိုမုန်းနေမှာပဲ။
အဘယ်ကြောင့်ဆိုသော ငါကဒီဇာတ်လမ်းရဲ့ဗီလိန်တစ်ယောက်ဖြစ်နေလို့ပဲ......

..............................

2021 ခုနှစ်.....တိုကျိုမြို့...။

ဇာတ်လမ်းတစ်ပုဒ်ကိုအလှဆင်ဖို့ရာ မင်းသားမင်းသမီးလိုအပ်သလို ဇာတ်ပို့ဇာတ်ရံတွေလည်း လိုအပ်ပါတယ်။
ပြီးတော့ သေချာပေါက် ဗီလိန်လည်း လိုအပ်တယ်။

ဟုတ်တယ်...အဲဒီ ဗီလိန်နေရာဟာ ကျွန်မ့နေရာပဲ။

အမည် - ဟာနာ
အသက် ၂၉ နှစ်
အလုပ်အကိုင် - သရုပ်ဆောင်မင်းသမီး

အသက်၂၀မှာတင် ရုပ်ရှင်လောကထဲ ခြေစုံဝင်လိုက်သောသူမ...၉နှစ်တာလုံးမှာ သူမရဲ့ ဇာတ်ရုပ်က ဗီလိန်မှတခြားဇာတ်ရုပ်ဆီပြောင်းခဲ့ပါ။

အားလုံးရင်းနှီးကြမှာပါ။
ဗီလိန်ဆိုတဲ့ စကားလုံးဆိုတာ မင်းသမီးကိုနှိမ့်စက်တဲ့ အခန်း။
မင်းသားကိုလုတဲ့အခန်း။

ယုတ်မာမယ်၊ မောက်မာမယ်၊ ကောက်ကျစ်တယ်၊အကြံဆိုးပေါင်း သောင်းခြောက်ထောင်နဲ့ဇာတ်လမ်းတစ်ခုကို အလှဆင်သွားတဲ့ နေရာက ကျွန်မနေရာပဲ။
ကျွန်မအလုပ်ပဲ။