My Love In Novel

သွေးကျိန်စာ

𝕄𝕪 𝕃𝕠𝕧𝕖 𝕀𝕟 ℕ𝕠𝕧𝕖𝕝

Episode 24

''ရိုစ့်စကားလက်စ်...စကားလက်စ်အိမ်တော်ရဲ့ တစ်ဦးတည်းသောသွေးသား...၊ မောက်မာတယ်...ရိုင်းစိုင်းတယ်...မာနကြီးတယ် ဂုဏ်ပုဒ်လှလှတွေနဲ့ပြည့်နက်နေပါလား...ဟွန်း''

ရိုစ့်ကိုအပြုံးလေးမပျက်ဝေဖန်လိုက်သူဟာ ညသန်းခေါင်ကြီး ရိုစ့်ရဲ့အခန်းဝရန်တာမှာပေါ်လာသူဖြစ်၏...။

''ရှင်ကဘယ်သူလဲ...ကြောင်တောင်တောင်အဝတ်အစားတွေနဲ့..."

''ဘာကြောင်တောင်တောင် အဝတ်အစားလဲ!! ဒါစတိုင်ကွ စတိုင်!!"

''ဟုတ်လား...ဒီမှာ!!!!!! အစောင့်တွေတစ်ယောက်မှ မရှိဘူးလား!!! သေကုန်ပြီလား!!'

ရုတ်တရပ် အာပြဲစိန်အသံကြီးနဲ့အော်ပစ်လိုက်တာမှ ဝရန်တာနှုတ်ခမ်းဝမှာထိုင်နေသော နတ်ဘုရားပင် အနောက်ကိုလှန်ကျတော့မလို့...

ထိုအခါမှကမန်းကတန်းလက်ဖျောက်တီး၍ သူမကိုလေဟာနယ်ကြီးထဲခေါ်သွားလိုက်ရကာ...။

''ဒါဘယ်နေရာလဲ''

ပတ်ပတ်လည်မှာအဖြူရောင်နံရံကြီးပဲ...။

''ဒါဘယ်နေရာလဲ!!!!''

အသံကလည်းပြဲလိုက်တာ...။

''မင်းအသံလေးကိုနည်းနည်းလျော့စမ်းပါ...မင်းဘယ်ရောက်နေလဲပြောပြမယ်''

''အေး...ပြောကြည့်လေ၊ မဟုတ်ကဟုတ်ကနေရာဆိုလို့ကတော့ မင်းအင်္ဂါကိုဖြတ်ပစ်ပြီး ကျွန်စျေးမှာရောင်းစားပစ်မယ်''

ဝါးးး...ဒီကောင်မလေးတကယ်မလွယ်ပါလား။
တကယ့်ဗီလိန်ဆိုတာဒီလိုမျိုးကိုး...။
လှလှပပမျက်နှာလေးကို မောက်မာတဲ့မျက်နှာအသွင်ဖမ်းထားတာမှ အမြင်ကတ်စရာ...။

''အဟွမ်းအဟွမ်း...''

သူမောက်မာပြလည်းငါကဖြုံပြလို့မဖြစ်ဘူးလေ...။
ကိုယ်နေဟန်ထားကို ပြန်ပြင်လိုက်ပြီး မျက်နှာလေးကိုမော်လိုက်၏...

''ရိုစ့်စကားလက်စ်...ငါက ဒီလောကတွေကိုကြိုးကိုင်တဲ့ နတ်ဘုရားတစ်ပါး''

''နတ်ဘုရား?? နင်က!?''

''ဘာလို့တစ်စက်ကလေးမှ မယုံနိုင်ဘူး ဆိုတဲ့မျက်နှာကြီးလုပ်ပြနေရတာလဲ😒''