My Love In Novel

မုဆိုးကိုလိုက်သောသားကောင်

𝕄𝕪 𝕃𝕠𝕧𝕖 𝕀𝕟 ℕ𝕠𝕧𝕖𝕝

Episode 43

နောက်ကိုခြေလှမ်းဆုတ်လိုက်စဥ် ခလုတ်တိုက်ကာ ဖင်ထိုင်ရပ်လေးကျသွား၏...။
ထိုလူရဲ့ဓားဦးဟာ ရိုစ့်ဆီရွယ်ထားသော်လည်း ရှေ့ကိုဆက်မတိုးပါ...။

သူက ရိုစ့်ကို ခနဲ့ပြုံးတစ်ချက်ဖြင့် လှောင်ရယ်ပြုံးလိုက်ကာ...

''ကြည့်စမ်းပါဦး...ကြည့်စမ်းပါဦး၊ တစ်မိုးအောက်ကအတောက်ပဆုံးဆိုတဲ့ တစ်ယောက်တည်းသော စကားလက်စ်သခင်မလေးက အခုတော့ပုံပျက်ပန်းပျက်ဖြစ်လို့ပါလား...''

ရိုစ့်ကိုအတွင်းကျကျသိနေတဲ့သူအတိုင်းပြော၏...။
ရိုစ့်ကတော့သူဘယ်သူလဲခန့်မှန်းမရနိုင်...။

သာမန်ရုပ်ရည်ပဲရှိပေမယ့် စစ်သားတစ်ယောက်ပီပီအသားညိုညို အရပ်မြင့်မြင့်ဗလတောင့်တောင့်ဖြစ်၏...။

''နင်!!!ဘယ်သူလဲ...''

ရိုစ့် မေးလိုက်သော အရိုးရှင်းဆုံးမေးခွန်းဟာ သူ့ဒေါသကိုမီးပွင့်သွားစေသည်...။
ဒေါသက နထင်းကိုတက်ဆောင့်သွားပြီး သူ့ရဲ့လက်ဖဝါးကြီးကြီးဖြင့် ဆံပင်အုံကိုဆွဲ
ဆောင့်ပစ်၏...

''အား!!!"

မညှာမတာဆွဲဆောင့်သည်မှာ ခေါင်းတစ်ခုလုံးကျိန်းထွက်၍ ဆံပင်တွေပါကျွတ်သွားပြီးထင်ရသည်...။

''အား!!! လွှတ်စမ်း လူယုတ်မာကောင်!!လူမဆန်တဲ့ကောင်!!''

နာနေသော်လည်း ဆဲဆိုပစ်သည်...။
သူက ဆံပင်ဆွဲထားတဲ့အတိုင်းတရွတ်တိုက်ဆွဲခေါ်၏...ရိုစ့်လည်းသူဆွဲခေါ်ရာကို အရုပ်တစ်ရုပ်အတိုင်းလိုက်ပါသွားရလျှင်...

''အာ့!!"

စားဖိုဆောင်တံခါးကိုဖွင့်ကာ အခန်းအတွင်းဆီ ရိုစ့်ကိုအထုတ်တစ်ထုတ်လို့ ပစ်ထည့်၏။

ကြမ်းပြင်ပေါ်အကြမ်းပတမ်းတွန်းထိုးခြင်းခံလိုက်ရတော့...

''သခင်မလေး!!"

ရိုစ့်နားကို အပြေးကလေးလာ၍ ရိုစ့်ကိုလာထူသူမှာ အားဒီဖြစ်နေခဲ့ပြီး...

''အားဒီ!!"

အားဒီကိုတွေ့ကာမှ အားဒီနောက်မှာအစုလိုက်အပြုံလိုက်ရှိနေသော မင်းသမီး
ဟာနွန်းအပါအဝင် သူနာပြုအဖွဲ့နှင့် စားဖိုမှုးများကိုမြင်တော့၏...။