My Love In Novel

အမုန်းအဆိပ်သင့်ဒဏ်....

𝕄𝕪 𝕃𝕠𝕧𝕖 𝕀𝕟 ℕ𝕠𝕧𝕖𝕝

Episode 12

''မိဖုရားကြီးဆီက ဖိတ်စာ!!!!"

ခြေဖျားလက်ဖျားတွေ အေးစက်သွားသည့်အလားပင် ရိုစ့်ရင်ထိတ်သွားရ၏...။
ဘေးကအားဒီကလည်းရိုစ့်ရဲ့မျက်နှာအခြေအနေကိုသုံးသပ်လိုက်ပြီး...

''သခင်မလေး...မသွားချင်ဘူးလားဟင်''

''မိဖုရာကြီးခေါ်တာမသွားပဲနေလို့ရမလား!!
ဆင်ခြေတွေပေးလိုက်ရင်လည်း မာနကြီးတယ်...မလေးစားဘူး ဆိုတဲ့သတင်းတွေကြီးသွားလိမ့်မယ်''

နဂိုတည်းက ရိုစ့်ကလည်းမကောင်းသတင်းတွေကြီးနေတာနဲ့...။

ရိုစ့်ရဲ့မကောင်းသတင်းကို ငွေပေးပြီးလွင့်ပစ်ခဲ့တာငါကိုယ်တိုင်ပဲကိုး...။
ဈန်နဲ့လက်မထက်ချင်လို့ သတင်းတွေလွင့်မိပါတယ်...။
အခုတော့ ကိုယ်ရှုးကိုယ်ပြန်ပတ်ပြီးပေါ့...။

''ဟင်းးး...''

''ပွဲက သဘက်ခါပဲသခင်မလေးရဲ့...၊ အဝတ်အစားတွေပြင်ဆင်ခိုင်းလိုက်ရမလားဟင်''

''အင်း...အားဒီပဲအကုန်စီစဥ်လိုက်ပါတော့''

စိတ်ပျက်လက်ပျက်လေးနဲ့အားဒီကိုပဲ တာဝန်လွဲပေးလိုက်တော့၏...။
သူမကတော့ ကုတင်ပေါ်မှောက်ရပ်ကြီးပစ်လဲပစ်လိုက်ကာ...

ဘယ်တတ်နိုင်မှာလဲ...။
လာမဲ့ဘေးကို လာထားအာဘွားဆိုပြီး ပြေးတွေ့ရတော့မှာပေါ့...။

''ဟင်းးးး...''

တော်ဝင်ပန်းတိုင်းပြည်ရဲ့မိဖုရားကြီး...
တချိန်က အင်အားကြီး စော်ဘွားမျိုးနွယ်ရဲ့မင်းသမီး...စောရမ်...။

တစ်ချိန်က သူမသည်တိုင်းပြည်ရဲ့အလှပဆုံးအနက်ရောင်နတ်သမီးလို့တင်စားခဲ့ကြတယ်...။
ပက်ပက်စက်စက်လှခဲ့ပြီး အရမ်းကိုရက်စက်တဲ့မိန်းမတစ်ယောက်ပေါ့...။
အတ္တကြီးတယ်...မနာလိုစိတ်ကြီးတယ်...။
သူမလိုချင်သမျှအားလုံးကိုသိမ်းပိုက်တတ်သော လိုချင်တပ်မက်မှုကြီးမားတယ်...

သူမတို့အချိန်အခါက မိဖုရားခေါင်ကြီး
စောရမ်သည်အနက်ရောင်နတ်သမီး...
မိဖုရားငယ်ဖီးဆယ်ရာ ကတော့အဖြူရောင်နတ်သမီးလို့တင်စားသမုတ်ခဲ့ကြတယ်...။