My Love In Novel

ဒါပေမယ့်... ချစ်တယ်

𝕄𝕪 𝕃𝕠𝕧𝕖 𝕀𝕟 ℕ𝕠𝕧𝕖𝕝

Episode 26

''ဒီလောက်အချက်အလက်နဲ့ဆိုရင်တော့ အမှုကိုင်သွယ်ခွင့်ပေးလို့ရပြီး...''

ရှင်ဘုရင်ဆီက တရားဝင်ခွင့်ပြုချက်ကိုရသွားတာကြောင့် ညီအကိုနှစ်ယောက်လုံးကျေနပ်ဝမ်းသာသွား၏...။

ဖခင်ခမည်းတော်ကလည်း...သားနှစ်ယောက်ရဲ့ကြိုးစားအပေါ်အားရကျေနပ်စွာမိန့်မိန့်ကြီးပြုံးကြည်နေ၍...

''မင်းတို့ဘယ်လိုနည်းလမ်းမျိုးနဲ့ သိခဲ့ကြတာလဲ...၊ ကိုးကွယ်မဲ့တွေက နတ်ဘုရားလမ်းစဥ်နဲ့တသားတည်းကျတဲ့သူတွေဆိုတာကို...''

''အဲဒါက...''

''သခင်မလေးစကားလက်စ်ကနေ အကူအညီပေးခဲ့တာပါ...၊ သခင်မလေးရဲ့အကူအညီကြောင့်သာ ကိုးကွယ်မဲ့တွေရဲ့သရုပ်အမှန်ကိုသိခဲ့ရတာလေ ခမည်းတော်ရဲ့''

ရေးစ်က ရိုစ့်အကြောင်းကိုအားတက်သရောချီးမွှမ်းပြောကြားပေး၏...။

''ဟိုး...သားငယ်ရဲ့ဇနီးလောင်းကထင်ထားတာထက်အရည်အချင်းတွေပြည့်နက်နေပါလား...''

လေသံကသဘောကျသည်ထက် ပိုနေသည်။

''ငါ့ရဲ့ချွေးမလောင်းက ကြာလေပဟေဋ္ဌိဆန်လာလေပါလား...၊အခုကျန်းမာရေးရော ကောင်းနေပြီးတဲ့လား''

''စိတ်ပူပေးတာကျေးဇူးတင်ပါတယ်ခမည်းတော်....ရိုစ့်ကိုကျွန်တော် သေချာဂရူစိုက်
နေပါတယ်...''

''ဟွန်း...ကောင်းပြီးလေ...''

ရိုစ့်ကိုအဖြစ်သည်းပြနေသောကြောင့် ဘုရင်ကြီး ကြိတ်ဝမ်းသာမိသည်...။

''မင်းတို့ဆီအမှုစုံစမ်းခွင့်ပေးလိုက်ပေမယ့် လှိုဝှက်စုံစမ်းရမယ်ဆိုတာနားလည်တယ်မလား''

''ဟုတ်ကဲ့...နားလည်ပါတယ်ခမည်းတော်''

ညီအကိုနှစ်ယောက်လုံးတစ်သံတည်းပင်...။

''အေး...ဒီတစ်ခေါက်ကိစ္စတည်းကနေ သင်ခန်းယူကြ...၊ ​ထင်သာမြင်သာနေတဲ့ရန်သူက ကြောက်စရာမကောင်းဘူး...နောက်ကျောကနေ ခိုးထိုးမယ့်ရန်သူတွေကသာကြောက်စရာကောင်းတယ်ဆိုတာ...''

''မှတ်သားထားပါ့မယ်ခမည်းတော်...''

နောက်ကျောကနေထိုးတဲ့ဓားတဲ့လား...။
အေးလေ...မှန်တာပဲကိုး...။
ကိုးကွယ်မဲ့တွေက နတ်ဘုရားလမ်းစဥ်နဲ့တူညီတယ်ဆိုတည်းက သူတို့ရှိနိုင်သောနေရာတွေဟာ တိုင်းပြည်တွေရဲ့ဘုရားကျောင်းမှာပဲ...