My Love In Novel

လေသင်္ဘောအဖွဲ့အစည်း

𝕄𝕪 𝕃𝕠𝕧𝕖 𝕀𝕟 ℕ𝕠𝕧𝕖𝕝

Episode 25

နှစ်ရက်ကြာပြီးနောက်...။

အမဲလိုက်ပွဲကြီးပြီးသွားတဲ့အခါမှ
ရေးစ်နဲ့ဘယ်လ်ဆီ ရိုစ့်အသက်ရှင်နေသေးကြောင်း ဈန်ပြောပြခဲ့ပါသည်...။

အန်ခမ်းကတော့ရိုစ့်ရဲ့ကိစ္စကို စကားလက်စ်သခင်ကြီးလျှောက်တင်ခဲ့ပြီး...

''ညီမလေးက အခုအရှင့်သား နန်းဆောင်မှာရှိပါတယ်...၊ ဒဏ်ရာတွေ အပြတ်ပျောက်ကင်းဖို့က လတ်တလောတော့ နန်းတော်မှာပဲနေရမယ်လို့ ပြောပါတယ်''

ကြားကြားချင်းပဲ စကားလက်စ်သခင်ကြီးနန်းတော်ကိုလာခဲ့သည်...။
သမီးဖြစ်သူအခြေအနေကိုကိုယ်တိုင်မျက်စိနဲကြည့်ပြီးကာမှ...

''အရှင့်သား...ကျွန်တော်သမီးလေးကိုကယ်တင်ပေးခဲ့တာ တကယ်ကျေးဇူးတင်ပါတယ်''

''မဟုတ်ပါဘူး''

ရိုစ့်ကသာငါ့ကိုကာကွယ်ခဲ့တာ...။
သူ့ရဲ့နှလုံးသားထဲက ရှိရှိသမျှခံစားချက်အားလုံးကို အိတ်သွန်ခွန်မှောက်ပြီးငါ့ရှေ့တောင်းဆိုခဲ့တာတောင်...ငါသူ့ကိုကျောခိုင်းပစ်ခဲ့တယ်...။
ငါ့ကြောင့်သာ ရိုစ့်ထိခိုက်ခဲ့ရတာ...။

''ကျွန်တော်ကြောင့်မဟုတ်ပါဘူး၊ တကယ်အသုံးမကျတာ ကျွန်တော်ပါ''

''အရှင့်သား...''

''ဆရာ...ကျွန်တော် တောင်းပန်ပါတယ်''

ကိုယ်ခံပညာသင်ပေးခဲ့သော ဆရာဖြစ်တဲ့စကားလက်စ်သခင်ကြီးဆီ ဈန်ခေါင်းငုတ်တောင်းပန်လေသည်...။
စကားလက်စ်သခင်ကြီးလည်း လှုပ်လှုပ်ရှားရှားဖြစ်ခဲ့ရပြီး...

''အရှင့်သား!!!''

''ကျွန်တော်ရဲ့ပေါ့လျော့မှုကြောင့် ရိုစ့်ကိုထိခိုက်စေခဲ့တာပါ...၊ မျက်နှာမပြဝံပါဘူး''

''မဟုတ်တာပါအရှင့်သား...ကျွန်တော်
အန်ခမ်းဆီက အားလုံးကြားပြီးပါပြီး...ရိုစ့်ကိုကယ်တင်ဖို့ အရှင့်သား ဘယ်လိုကြိုးစားခဲ့တယ်ဆိုတာ''

''လက်လှမ်းမိခဲ့ရုံပါ...သူ့ကိုကယ်ဖို့အတွက်သေးငယ်တဲ့ အခွင့်အရေးလေးကို မရမကဆုတ်ကိုင်ခဲ့ရုံပါ၊ ကျွန်တော်သာ သူ့ကိုအဲဒီအခြေအနေ မရောက်အောင် ကာကွယ်ခဲ့မယ်ဆိုရင်...''