My Love In Novel

ဇာတ်လမ်းကခုမှစမှာ...

𝕄𝕪 𝕃𝕠𝕧𝕖 𝕀𝕟 ℕ𝕠𝕧𝕖𝕝

Episode 14

''ဒီအစီအစဥ်ကို မလုပ်ခင် အထူးသတိထားရမဲ့အချက်တစ်ချက်ရှိတယ်...''

''ထောင်ချောက်ဖြစ်နိုင်တယ်ဆိုတဲ့အချက်လား''

ရိုစ့်ရဲ့ခန့်မှန်းချက်ကို ကုန်သည်ကြီး သဘောကျစွာပဲခေါင်းညိတ်လိုက်ပါသည်...။

''ဟုတ်တယ်...၊ သတင်းအချက်အလက်ကိုလွယ်လွယ်ရခဲ့သလိုမျိုး ရန်သူကိုလည်းလွယ်လွယ်ဖမ်းနိုင်မယ်မထင်နဲ့...၊ ရန်သူတွေက ငတုံးတွေမဟုတ်ဘူး...တိုက်ပွဲအတွင်းမှာပဲဖြစ်​ဖြစ် သတိလုံးဝမပေါ့စေနဲ့...နားလည်လား...''

အစီစဥ်မစခင်အချိန်မှာ ကုန်သည်ကြီးကအကြိမ်ကြိမ်သတိတွေပေးခဲ့ပါသည်...။
ထိုအတူ...

''ဟာနာ...''

''ဟင်...''

လေလံပွဲကျင်းပမည့်လှေပေါ်မတက်ခင် စီရာက ဟာနာနံဘေးကိုတိုးကပ်၍ တိုးတိုးကလေးပြောလိုက်သောစကား...

''ရာရာကိုယ်စား ဓားစာခံအဖြစ်ဝင်ပေးတာကျေးဇူးတင်ပါတယ်နော်''

''ဟွန်း...မဟုတ်တာ...ကျေးဇူးတင်စရာမလိုပါဘူး...၊ အဖွဲ့ဝင်တွေဖြစ်နေကြပြီးပဲကိုး''

''အဟွန်း...ဒါပေမဲ့လည်းရာရာကို ဒီလိုကြင်နာပေးတာ ဟာနာကပထမဦးဆုံးပဲ...၊ တကယ်ကျေးဇူးတင်ပါတယ်နော်...ရန်သူစခန်းကိုရောက်ရင်လည်း သတိထားပါနော်''

''အ..အွန်း...၊ စိတ်ချပါ...''

''ဒါဆိုနောက်မှတွေ့မယ်နော် ဟာနာ''

''အွန်း''

ရာရာရဲ့ အပြုံးချိုချိုလေးများဟာ မခို့တရို့အပြုံးကလေးများဖြစ်ပြီး ရှက်​နေသလိုလို...။
ဘယ်မျိုးရိုးမြင့်အိမ်က သမီးလေးလဲမသိရပေမဲ့ အတော်ကိုနူးညံတဲ့မိန်းကလေးလို့ တွေးလိုက်မိပေသည်...။
အခုလည်းကြည့်ပါလား...။
ပြောပုံဆိုပုံ၊ သွားပုံလာပုံ အားလုံးကသိမ်သိမ်မွေ့မွေ့လေး...။

ငါသာယောင်္ကျားလေးဆိုရာရာကိုကြိုက်မိမှာ...လို့ တွေးကောင်နေတုန်း...

''မင်းသူ့ကိုသတိထားနော် ဟာနာ''

''ဟင်!!''

ရုတ်တရပ်ကိုယ့်ဘေးစကားလာရပ်ပြောသော ဈန်ကြောင့်လန့်သွားရကာ...