My Love In Novel

ကျေးဇူးပြုပြီး...ကံတရားရယ်

𝕄𝕪 𝕃𝕠𝕧𝕖 𝕀𝕟 ℕ𝕠𝕧𝕖𝕝

Episode 44

လွန်ခဲ့သောရက်အနည်းငယ်က...။
စတယ်ရှားနယ်အတွင်းမှ နယ်စားရဲ့အိမ်တော်တွင်....

''သခင်မလေးပြောတဲ့ လက်တီးဆိုတဲ့သူကိုနောက်ကနေကြိုးကိုင်သူက မိဖုရာကြီးလို့ထင်ရပါတယ်...''

ရိုစ့်သဘောပေါက်စွာခေါင်းညိတ်ရင်းး

''ဒီအခြေအနေတွေ အရဆိုရင်တော့ မိဖုရားကြီးကအဖြစ်နိုင်ဆုံးပဲပေါ့...၊ ဒါပေမယ့် လက်တီးကိုမိဖုရားကြီးကဘယ်လိုလုပ်ပြီးသူ့လက်အောက်ထဲခေါ်သွားခဲ့တာလဲ...''

အဲဒါက အဓိကမေးခွန်းဖြစ်နေသလိုလို...။

''သခင်မလေးသိချင်ရင် ကျွန်တော်စုံစမ်းထားပေးပါ့မယ်...''

''အင်း...ကူညီပေးပါဦး ဆိုးစ့်...''

''ဟုတ်ကဲ့...ပြီးတော့ သခင်မလေးတောင်းထားတဲ့ဆိုတဲ့ စရင်းတွေကို နော့စ်က ပေးခိုင်းလိုက်ပါတယ်...''

ပြော၍ ရိုစ့်ရှေ့ကစားပွဲဆီ စရင်းစာရွတ်အထပ်လိုက်ကိုချပေး၏...။

''နော့စ်ကရောဘယ်သွားတာလဲ''

''သူကဆာ့စ်နဲ့အတူ ကျရှုံးစစ်သည်တွေထဲက
ကိုးကွယ်မဲ့အစစ်တွေကို စစ်ဆေးနေပါတယ်''

''ဟုတ်လား...ကောင်းပါပြီး၊နော့စ်ကို ကျေးဇူးပါလို့ပြောပေးပါ''

''ဟုတ်ကဲ့သခင်မလေး''

ဆိုးစ့်က ရိုစ့်နားမှာတပ်ကြပ်မကွာနေပေး၍
ရိုစ့်ခိုင်းသမျှအကုန်ကူညီနေ၏...။
စတယ်ရှားနယ်ကိုရိုစ့်တို့ရောက်သွားပြီးနောက်တစ်ရက်မှာပဲ ရိုစ့်က ဈန်လုပ်ရမယ့်အလုပ်များကို ဈန်နေ ပြန်ကောင်းမလာ သေးခင် ကိုယ်စားကူညီလုပ်ပေးနေသည်ဖြစ်ကာ...

ရိုစ့်အတွက် နယ်တစ်ခုလုံးရဲ့ စည်းစနစ်ကြီးကို လေ့လာပြင်ဆင်ပေးရမှာခက်ခဲပါ၏..။
ဒါပေမယ့် ဘေးက အကူအညီများကြောင့် အနည်းငယ်အဆင်ပြေနေသည်ရှိကာ...

စတယ်ရှားနယ်မှာ အကျင့်ပျက် ခြစားမှုကနည်းနည်းပါးပါးမဟုတ်...။
နန်းတော်ရဲ့အဓိကထောက်ပံမှုက နယ်စားအိတ်ထဲပဲရောက်နေ၍ နယ်ခံပြည်သူများမှာအကျိုးခံစားခွင့်ရှိမနေချေ...။