My Love In Novel

စာနာမှုမရှိသောကံတရား

𝕄𝕪 𝕃𝕠𝕧𝕖 𝕀𝕟 ℕ𝕠𝕧𝕖𝕝

Episode 41

''ဘာ!!! ဒရက်စ်ကသေပြီး!!!ဟုတ်လား...''

"ဟုတ်ပါတယ်အရှင်မ...ထွက်ပြေးသွားတဲ့စကားလက်စ်သခင်မလေးကို လိုက်ဖမ်းရင်း အရှင့်သားဈန်ရဲ့လက်ထဲကျရှုံးသွားတယ်လို့ သတင်းရခဲ့ပါတယ်...''

ပြူးကျယ်အံသြသွားသော မျက်ဝန်းများဟာ ခြောက်ခြားမှုအပြည့်...။

ဒရက်စ်က သေပြီးတဲ့လား...။

''ဟား...''

မရယ်ချင်ပဲ ရွဲ့ပြုံးရယ်သံတစ်ချက်ထွက်လာသည်...။

''ရိုစ့်စကားလက်စ် ထင်ထားတာထက် အသက်ပြင်းပါလား...''

''နယ်စပ်တွေကလည်း မင်းသားဈန်ရဲ့လက်အောက်ကို ကျရှုံးသွားပြီးလို့သတင်းရပါတယ်...၊ နောက်ဆုံးစတယ်ရှားနယ်တစ်နယ်ပဲကျန်ပါတော့တယ်အရှင်မ''

''ဟုတ်လား...၊ ဒါဆိုအဲဒီနယ်ကို သူ့သင်္ချိုင်းအဖြစ်လုပ်ပေးရမှာပေါ့...၊နယ်စပ်ကိုစာပို့လိုက်...ဈန်အဲလက်ဂန်ကို ပုန်ကန်သူအဖြစ်ကြောညာမှာမို့လို့ အင်အားအပြည့်သုံးပြီးသတ်ပစ်ပါလို့''

''ဟုတ်ကဲ့...အရှင်မ''

သတင်းပေးထွက်သွားတာနဲ့ သားမွေးထိုင်ခုံပေါ်အင်အားယုတ်လျော့စွာထိုင်လိုက်မိသည်...။

ဒရက်စ်က ကျရှုံးသွားတယ်ပေါ့လေ..။
ဈန်အဲလက်ဂန်ရဲ့လက်ထဲမှာကျရှုံးသွားတယ်ပေါ့လေ...

မဖြစ်နိုင်တာ...။
ဈန်တစ်ယောက်တည်း အနိုင်ရတာ ဘယ်လိုမှမဖြစ်နိုင်ဘူး...။

သေချာပေါက်တစ်ယောက်ယောက်ကများ!!!မဟုတ်မှလွဲရော...

''အဲဒီဉာဏ်နီဉာဏ်နက်များတဲ့မြေခွေးမပဲဖြစ် ရမယ်!!!တောက်စ်...''

စားပွဲခုံကိုလက်သီးလေးနဲ့ထုပစ်ပြီး မာနဒေါသများလျှံလျှံထွက်သွားသည်...။

''တစ်ယောက်ယောက်လာစမ်း!!"

''ဟုတ်ကဲ့မိဖုရာကြီး...''

အခြွေအရံလေးတစ်ယောက်က အလျင်စလိုပြေးလာ၍ သူမရှေ့ခစားလိုက်ကာ...

''အိမ်ရှေ့စံကို စောင့်ကြည့်တာဘယ်လိုအခြေအနေရှိလဲ''

''ပုံမှန်ပါပဲမိဖုရားကြီး...မနက်ဖြန်နေ့လယ်ဘုံအဖွဲ့အစည်းမှာတင်ပြမယ့်အချက်အလက်တွေကိုလည်း သေချာပြင်ဆင်ထားပြီးပြီးလို့ သိရပါတယ်...''