[အောင်နိုင်သူ အရှုံးသမား]
ခပ်ဟဟတံခါးကိုတွန်းပြီးဝင်လိုက်တော့ အလုပ်စားပွဲပေါ်ခေါင်းမှောက်အိပ်ပျော်နေတဲ့ Ryan ကို စိတ်မသက်မသာစရာကောင်းအောင် တွေ့လိုက်ရတယ်။ စားပွဲပေါ်ကစာရွက်တွေကြမ်းပြင်ပျော်ကျလိုကျနဲ့။ ဘာတွေများစိတ်ရှုပ်စရာတွေရှိနေလဲလို့ထုတ်မေးချင်ပါတယ်။ Ryan ဆိုတာသူဘယ်တော့မှဖတ်ခွင့်မရတဲ့ ဗလာစာအုပ်ကြီးလိုပဲ။
ညက အနားကိုလာသွားသေးလားမသေချာပါဘူး။ တစ်စုံတစ်ယောက်ကစောင်ကိုခြုံသွားပေးသလား၊ မခြုံပေးသွားဘူးလားဆိုတာလဲမသေချာဘူး။ သူအိပ်မက်တွေမက်နေခဲ့သလိုအိပ်တစ်ဝက်နိုးတစ်ဝက် ဖြစ်နေခဲ့ပေမဲ့ ညက ရာသီဥတုကိုဆန့်ကျင်လို့ သိပ်နွေးခဲ့ပါတယ်။
ပြတင်းပေါက်လိုက်လာစတွေကိုလှန်တင်လိုက်တော့ အမြဲတစေ ငေးငေးယူရတဲ့ အနောက်တိုင်းသားကြီးရဲ့မျက်နှာပေါ်ကိုအလင်းထိုးတယ်။ အလင်းရောင်ရဲ့အကူအညီနဲ့ပြောင်နေတဲ့ပါးသိုင်းမွှေးအတိုစတွေကိုထိကိုင်ကြည့်ရင်း ပါးကိုပုတ်လို့လှုပ်နှိုးနေမိတယ်။
သိပ်ကြာကြာမနှိုးလိုက်ရပါဘူး။ တစ်ချက်တွန့်ပြီးRyanက အပျင်းကြောဆန့်ရင်းထလိုက်တယ်။ နားထင်တွေကိုလက်နဲ့ဖိနှိပ်နေပြန်ပြီ။
"အိပ်ရေးမဝဘူးလား ဦးငယ်"
"အင်း ညက တော်တော်လေးနောက်ကျသွားလို့"
စားပွဲပေါ်ကိုမေးတစ်ဖက်ထောက်တင်ရင်း မျက်လုံးတွေမှိတ်ထားပြန်တယ်။ မနေနိုင်ဘဲသက်တန့်ရဲ့လက်တွေက Ryan ရဲ့ဆံနွယ်အညိုတွေကြား တိုးဝင်မိကုန်ရော။ မရပ်တန့်လိုက်ချင်ဘူး။ ထိတွေ့ထားတယ်လို့သိရရုံလေးနူးညံ့တဲ့အထိအတွေ့မျိုးကို သက်တန့်သဘောကျတယ်။
"မင်းလုပ်မှငါပိုငိုက်လာပြီ ဝါးးးး"
"Appoinment ယူထားတဲ့လူနာတွေများလို့လား၊ ဒီနေ့နားလိုက်ပါလား၊ ဦးငယ်အနားယူဖို့လိုနေတယ်"
"အမှန်အတိုင်းပြောရရင် ဒီနေ့ OPD (out patient department=ပြင်ပလူနာဌာန) မထိုင်ရဘူး"
"ဒါဆိုမသွားနဲ့တော့"
ရှုပ်ပွနေတဲ့အိပ်ယာကိုအပြစ်ရှာရင်း ယောက်ျားတစ်ယောက်ရဲ့အိပ်ယာနိုးထချိန်ခန့်ညားမှုကို ဆက်ပြီးငေးမနေဖို့အားထုတ်ရတယ်။ တစ်စတစ်စငြိတွယ်ခြင်းတွေကနက်ရှိုင်းလာနေတော့ ဆေးလုံးတွေမျိုချပြီးပဲဖြစ်ဖြစ်သက်တန့်ရုန်းထွက်ချင်တယ်။ မဖြစ်နိုင်ဘူးဆိုတာသိပေမယ့် အိပ်မက်တွေထဲထည့်မက်ပါရစေဦး။ မနီးခင်ကတည်းကဝေးနေပြီးသားလူတစ်ယောက်ကို အနီးကနေသူတစိမ့်စိမ့်ငေးတယ်။
YOU ARE READING
Be My Chlorophyll [completed]
Storie d'amoreA tree grows in Ryan's heart Cv:pinterest