زيد ولد شيخ القبيله والشيخ بعد ابوه
مايمزح يحكم عقله وسلاحه اما قلبه ماله وجود
عنيد وذكي قاسي متحكم
زيد وحيد ابوه امه ماتت لما ولدته وتربى بدون ام بدون حنان ام
قناص وخيله الاول ومحد يقدر يبارزه بسيف او بدون سيف الا وينهزم
طويل ومايل للنحف مو ابيض ولا اسمر يعني نقدر نقول حنطي
شعره يوصل لكتافه بني شكلاتي وعنده سكسوكه تزيد جاذبيته
عيونه حاده عسليه وحواجبه مرتبه ويميزه انيابه الطويله اشوي
انفه حاد مثل السيف
،
،
خوله من نفس قبيله زيد وابوها وابو زيد اصدقاء
خوله ذكيييه وحيده بين اربعه اخوان وماخذه من طبعهم في القوه
لكن عند حريم القبيله تكون انثى بكل معنى الكلمه
شعرها طويل يوصل لنص فخذها اسود مثل سواد الليل
عيونها وساع ورموشها كثيفه وحواجبها مرتفعه مرتبه من الله
لون عيونها رمادي غامق فمها صغير منتفخ اشوي ووردي
انفها مثل حقت الارنب وعندها غمازه في خدها الايمن
مو بيضاء لذاك الزود سمارها حلو
،
،
في وسط القبيله وفي مجلس الشيخ ابو زيد
نط فارس لوسط المجلس : يا شيخ ياشيخ القبيله المجاوره لنا من الشرق انغزت
الشيخ ابو زيد بقلق : من الي غزاها وكيف وضعها
مازن رفيق فارس الي مايفترقوا : ماندري عن وضعها مير ياعمي الي غزوها هم الي غزوا القبايل الثلاث
الشيخ ابو زيد : مبين انهم مابيوقفوا وبيوصلوا لنا في يوم
ابو كنعان هو نفسه ابو خوله : شبابنا يكفوو ويوفوا لا تقلق ياشيخ
ابو سامر : ياخوي وكاد ان عندهم خطه يمشوا بها
الشيخ : وش قصدك
ابو سامر : اهم للحين غزوا اربع قبائل بداوء من قبيله الشيخ منذر والقبيله الثانيه للشيخ سطام والثالثه للشيخ ظافر والحين الرابعه للشيخ وقاص وذي قبائل فرسانها ضعيفين
ابو مشاري : تقصد ان الغزوا ماهو الا على القبايل الضعيفه
ابو سامر : ايييه
ابو كنعان : ياشيخ لزوم نجهز العده والعتاد
الشيخ : ايييه لزوما قم قم انت وياه ازهبوا لي كل شباب قبيلتنا
مازن وفارس : الحين طال عمرك
راحوا يركضون فارس راح للي يقنصون ومازن للي يتجمعوا قريب من الغدير
عند فارس الي مانزل من خيله وينادي : زييييد يااا زيييد
ركب زيد خيله وتقدم من فارس : خير يافارس وش صار
فارس : اييييه ايييه القبيله المجاوره لنا انغزت والشيخ يقول ينجمعوا شباب القبيله كلهم
زيد عقد حواجبه : ازهبهم
ضرب زيد خيله منطلق فيه لمجلس الشيخ
اما عند مازن وقف خيله قريب من الشباب : الشيخ يقول كل شباب القبيله يروحوا لعنده بسرعه
الكل قام وانطلق لمجلس الشيخ
عند الغدير سمعوا البنات الكلام وعلامات التعجب كلها فوق راسهم
خوله : اقوول وش عنده الشيخ جمع الشباب كلهم
اشجان : سمعت يابنات ان القبيله المجاوره لنا انغزت
مهره : يادافع البلا وش ذا وكاد انهم بيهجمون علينا
وسن : لا يا هبيله مايمشون بالدور يتخيروا في القبائل
اشجان : ياخوووفي يختاروا قبيلتنا
خوله : ان ماكفوا فرسان قبيلتنا فحنا بنات فرسان مانهابهم والله من يدخل القبيله اني له ند
مشت خوله بغضب عارم من تخيل قبيلتها تكون مثل القبائل الي انغزت
راحت لخيل ابوها نطت عليه وجرت فيه لقريب المرعى نزلت عند النخيل وخرجت سيف جدها الي محد يستعمله بارزت فيه وادت بعض الحركات واتفقدت صقله
اتنهدت بقوه ورجعت تدرب
،
في مجلس الشيخ الي كان يناظر شباب القبيله
الشيخ : اسمعوني زيين يمكن الغزاه يتصيدوا قبيلتنا لزوما نكون مستعدين
زيد : احنا لها يبه وبنكسر راس الي يتجراء يغزوا قبيلتنا
ابو كنعان : ندري انكم رجال من ظهر رجال مير لزوما نسوي خطه نكون فيها امنين
كنان : وش الخطه
الشيخ : كم عددكم ياشباب
زيد : اثنين وثلاثين فارس تحت امرك ياشيخ
الشيخ : انزين بنقسمكم لست مجموعات
ابو سامر : وبيكون التوزيع اثنين في الشرق واثنين في الغرب واثنين في الشمال واثنين في الجنوب
ابو فارس : بيبقى اربعه وعشرين فارس عشره يتدربوا وعشره يدربوا الصغار
قسور : والاربعه الباقي
الشيخ : احنا تناقشنا واتفقنا ان الاربعه الباقي يدربوا الحريم
الشباب بصوت واحد : ليييه
هتان : ليه الحريم تتدرب ليكون محنا بقدها
الشيخ : لازوما يدربوا اخاف تكون اعدادهم كبيره وساعتها كل حرمه تقدر تدافع عن حالها
وبعد اشويت جدالات ومناقشات الكل وافق وخرج من المجلس
عند زيد الي مسك لجام خيله بغضب قبل يركب وقفه كنعان : خيييير ليه كل هذا الغضب
زيد بعصبيه : كنعان ليكون عاجبك قرارهم
ابتسم كنعان على صديق الطفوله : خلنا نروح للمرعى ونتكلم هناك
اتجهوا لهنك ولما وصلوا ناظر كنعان الخيل المربوط
زيد : هذا خيل عمي حمود
كنعان الي نط من فوق خيله : ايييه والله انه خيل ابوي
سمعوا صوت عند شجر النخيل ونط زيد واتقدم مع كنعان وقفوا بعد ماشافوا مصدر الصوت
ابتسم كنعان بعد ماعرف الي قدامه وزاد استغراب زيد من الحرمه الي تبارز بالسيف بمهاره
اخذ كنعان سيفه ورما غمده لزيد الي ناظره بصدمه : انهبلت تبارز حرمه
ضحك كنعان وجرئ رافع سيفه و زيد الي صرخ ينبه الحرمه
،
وقفت بتعب من التدريب بالسيف من صغرها تحبه وتحب تبارز اخوانها وابوها الي شجعها ودربها
اخذت قربة المي الصغيره المربوطه حول خصرها شربت لين ارتوت وصبت الباقي من فوق راسها تمسكت في السيف اكثر وردت تبارز بحده اكثر وبعد مده بسيطه سمعت صوت صرخه تنبيه والتفت بسرعه وناظرت الي يركض نحوها بالسيف صدت اول ضربه وابتسمت بتحدي
وتبارزوا ضربه بضربه تحت صدمة زيد
خوله الي كانت تحس بالتعب وتهمس لخوها : مو بعدل صار لي مده اتدرب وهلكت لاتسوي نفسك قوي علي
كنعان بضربه طير سيفها وحط سيفه برقبتها : ههههه تضحكي على نفسك
لاتحاولي تبارزي فرسان منتي قدهم
اول ما انهاء جملته اتقدم زيد بغضب : ماعرفتك ياكنعان تستقوي على الحريم فكها
ناظر كنعان زيد الغاضب وارتخت قبضته : لاتخاف هذي
قبل ينطق حرف زياده كانت خوله ساحبه سيفه وموجهته لقلبه بعد جرحت باطن كفها : اقوول لاتامن شي بين يدينك ترى ماعاد فيه امان في الدنيا ياخوي
اتقدم كنعان الغاضب من استهتارها : مجنووونه ناظري يدك الدم ينزف
خوله ببرود : اهم شي ناخذ دروس
هز كنعان راسه بعدم رضاء وبداء يتفقد كفها المجروح
زيد مانزل نظره عن خوله لثمتها لاصقه بوجهها ورابطه شيلتها باتقان ماتخرج ولا شعره منه
عيونها الوساع المزينه بالكحل ماقدر يرفع عيونه منها غمض عيونه بقوه وشال نظره لبعيد : كنعان من متى الحريم تبارز
كنعان الي ابتسم : من الحرمه الي تبارز ، ليكون تقصد اخوي الخامس
خوله ناظرت اخوها بحده : اييييه وانا اقوى اخواني واسمي خالد
شدت كفها المجروح بحده وراحت تاخذ سيفها والغمد وجرت للخيل نطت عليه ناظرتهم بمكر وفكت خيولهم وضربتهم لاجل يجروا
كنعان بابتسامه : خااالد رجعهم يامجنون
ما اهتمت خوله وراحت تجري بالخيل
زيد ناظر كنعان باستفهام : وش القصه
كنعان الي يعتبر اخته مخزن اسراره وتوام له : ابد هذي الله يسلمك اختي خوله تتذكر لما كان ابوي ياخذها ويطلع من القبيله
زيد الي يحاول يسترجع ذكريات قدييمه : ايييه
كنعان تنهد : كان يروح يدربها بالبراري بين العقارب والثعابين والشوك
زيد رفع حاجب : وليه كل هذا التدريب لحرمه
كنعان بذكريات سيئه : تذكر امي يوم ماتت لما كانت راجعه من قبيلتها
زيد الي كان يعتقد انها موته عاديه : ايييه
كنعان الي ابتسم بحزن : يومها هجموا قطاع طرق على امي وخالي وخوله اقتلوا خالي ولان امي ماتعرف تدافع او تسوي شي كل الي قدرت عليه انها تخبي خوله كان عمر خوله بوقتها ثلاث سنوات ، بعد ماقتلو خالي وامي واخذوا الخيول
والذهب حقت امي وسيف خالي وهجوا ردت خوله
زيد الي ربت على كتف كنعان ومايدري وش يقول
ابتسم كنعان ينسى الماضي : خلنا نمشي مابترجع الخيول المهبوله
،
،
عند خوله الي وصلت للغدير ونزلت تروي الخيل وتعبي قربة المي الصغيره سمعت عنان يناديها التفت وشافت شباب ما اهتمت وردت تملي قربة المي
ربطتها حول خصرها مكانها الدايم واخذت الفرس اتقدم عنان
وباستغراب : خوله يدك تنزف وش صار
ابتسمت خوله بنصر : ابد هزمت خويك وصديقه واخذت خيولهم
ضحك عنان على اخته الي مايهمها انها تتالم بقدر مايهمها انها تفوز : وانا اشهد انك عن عشره فرسان
ضحكة خوله بدلع : واحلا الحريم
كنان والي قرب منهم : لااا عاد في هذي بدون منافس
هتان غمز له : لاتزودوا لها المديح عاد ترفع خشمها علينا
خوله بدلع : اقوول هتوني
هتان الي يحب دلع الحريم : تحت امرك هو واخوانه
خوله بحت صوتها : قم نازلني ماعاد اشوفك تبارز مثل الفرسان
هتان الي ضحك : والله اني اشك ان فيك جني ماعد ادري انتي حرمه دلوع ولا فارس مغوار
كنان تنهد : ودي بس اشوف زوجك الي امه داعيه عليه
عنان الي يحتاجها بشغله : لاااا يحمد ربه انه بياخذ شيخت الزين
خوله ناظرت عنان بمكر : قووول وش تبي مني
هتان ضحك : ذي الحين الجنيه يومك اغبر ياعنان ههههه
عنان الي سوى حاله مصدق : يااابوي الحق بنتك بيها جنيه
وراح يركض باتجاه مجلس الشيخ
كنان بغضب : والله انك مهبول وهو اهبل منك الحين لو يوصل العلم ابوي وش نسوي
كنعان من خلفهم بالفرس : زييين ياخالد تفك الخيل وتتركهم يهجون
اول ماسمعت خوله صوت كنعان نطت فوق الفرس وهجت
