في المرعى
كنعان : زيد ياخوي ليه ماودك تقول وش مضايقك
زيد بتنهيده : مدري ياخوك مدري ودي اعرف وش مضايقني مير مالقيت
كنعان : بدل ماتفرح معي تكدر خاطري معك
ناظره زيد وفي نفسه يقول : ياخوفي ان سبب فرحتك سبب ضيقي
كنعان : قم قم نتمشى نشم هواء
زفر زيد بهدواء : زين
نطوا فوق الخيول وراحوا لتله عاليه قرب الغدير
وقعدوا كلا سارح بتفكيره بعد مده سمع صوت هتان وعنان
وناظروا لاتجاه الصوت وكانت خوله ظهرها لاصق في الصخره وعنان وهتان حولها
وشكلهم مايبشر بخير
كنعان بخوف : والله ان نيتهم سوداء وش سويتي ياخوله
نط زيد لفوق الخيل واسرع وتبعه كنعان
،
،
: لاترفع صوتك انت وياه عليها
هتان بابتسامه : ااادهم حيااااك
عنان متفاجاء : متى وصلتوا
تقدم لعندهم ضموه ورحبوا فيه : وصلت حين انطلقتوا ورها
التف يناظر خوله وابتسم بهدواء : كبرتي ياخوله
خوله بحرج ماعرفت وش تقول ومنزله وجهها : اا وانت اام
كنعان من قربهم : اادهم حيااااك ورحب ياشيخ
ابتسم بجاذبيه ادهم على ربكت خوله ولف لكنعان حضنوا بعض
ادهم : احيااك ربي
كنعان بفرحه : ادهم هذا زيد الي كلمتك عليه مره
اتقدم زيد وسلموا على بعض بهدواء
ادهم : والنعم فيك
زيد وحاجبه مرفوع : والنعم في اصلك
التف ادهم لهتان وعنان : ليه ترفعوا صوتكم على خوله
هتان تذكر وعقد حواجبه وناظرها بحده : والله بردها لك ياخوله ما انساها
عنان : يرضيك يا ادهم تصحينا بمي ومو مي قليل الا لكل واحد سطل
ضحك ادهم : انزين مافيها شي هذا انت مثل الخيل مافيك شي
عنان : من جدك انت قسم اني خفت وقلت انغزينا
اتقدمت خوله من كنعان وتمسكت بيده والحرج مبين من عيونها
خوله بصوت منخفض : ودي ارجع خيمتنا
زيد الي كان قريب منها ومن كنعان ويحس ادهم مانزله من زور ( يعني حلق 😁)
كنعان يضحك : خوله هذا ادهم سلمتي عليه
رفعت راسها له بصدمه وتوسعت عيونها خوله تكلم نفسها ( وكاني ناقصه تعرفني عليه بذا الموقف السخيف)
التف ادهم الي كان يضحك مع عنان وهتان : لا والله لا سلمت علي ولا رحبت بي
كنعان بنذاله : افااا ياذا العلم خوله ماعرفتك ماترحبين بادهم
ادهم وفهم غمزة كنعان : افاا ياخوله ليكون نسيتيني وانا الي كنت اهتم فيك وانتي صغيره
خوله ماعاد عرفت وش تقول او تسوي غير انها تجلس
ضحكوا اخوانها من قلب عليها وزيد الي حس ضيقته انزادت
ادهم حس ان خوله فيها شي تقدم اشوي وانعطف : خوله فيه شي يالمك
رفعت خوله راسها وعيونها تلمع اخر شخص توقعته يحس فيها هزت راسها بالموافقه
نزل كنعان وجلس قدامها وبقلق : خوله رجلك
هزت راسها بالموافقه بدون كلام
هتان بقلق : لازم نوديك عند الطبيب
هزت راسها بـ لا
عنان : خوله لاتعاندي انتي اليوم من صحيتي وانتي واقفه غير هذا المشي كله
ادهم عقد حواجبه : خير وش فيها رجله
كنعان حمل خوله وقام : مدري وش لدغها في رجلها وماتلاحقنا السم
ادهم بقلق : والحين كيف رجلها
حط كنعان خوله فوق خيله : تالمها بس الطبيب جاب لها عشبه تنفع
لكن خوله اليوم حبت تجهز كل شي لكم بنفسها ومارضت تجلس من الصباح
نط لفوق الخيل وخوله قدامه حطت راسها على صدر كنعان بهدواء
ادهم : وين بتوديها لزوم تروح لعند الطبيب
كنعان : تعال ادهم نتكلم في الخيمه
التف كنعان لزيد : زيد وانت وش تنتظر حركوا
زيد يناظر للبعيد : انا برجع للمرعى
كنعان : زييد تعال بدون كلام لو سمحت
تحرك كنعان وادهم وزيد وراه
هتان : لحظه لحظه واحنا خذونا معكم
زيد : الي جيتوا فيه ارجعوا فيه
عنان : ادري ان مامنك فايده ادهم ياولد خالي خذني معك
ادهم ميل شفته لجهت اليسار وبانت غمازه صغيره : احلم وانت لحقت خوله تهددها
هتان : والله مامنكم رجاء مدري كيف تعرفنا فيكم
عنان : اييه والله من حظنا الردي
هتان : خلنا نتحرك كود نوصل
،
،
في خيمة ابو كنعان بعد ماراحوا هتان وعنان والكل يضحك
ابو كنعان : والله ان صار لبنتي شي ياكنان ياويلك
كنان والابتسامه شاقه حلقه على ضحك اشجان : مايصير فيها شي
سامر بابتسامه : لاتخاف ياعمي مايطاوعهم قلبهم
الشيخ ونظره للي جايين : ابو كنعان ضيوفك
التف ابو كنعان وابتسم بقوه واتقدم منهم : اهلا وسهلا ورحبو حياااكم حيااااكم
الشيخ بترحيب : ياهلا ومسهلا ورحبو ورحبو
نزل ابو ادهم من فوق الخيل وتقدم من ابو كنعان وحضنه : الله يحيييك ياخوي
التف للشيخ وسلم عليه وسلم على ابو سامر
ادهم بابتسامه : عمي هتان وعنان ليه كانوا يجروا
ابو كنعان ناظر كنان بتهديد : والله ياكنان لخليك تندم
ادهم : خير ياعمي وش فيه
كنان بابتسامه ويغمز لادهم : والله ياولد خالي كان يجروا خلف خوله متحلفين فيها
ادهم : افااا ليه
كنان : ابد انا وسامر كبينا عليهم سطول المي وهم جرواء خلف خوله
ادهم بضحك : عديمين الرجاء وش له ماياخذوا حقهم منك
نط ادهم لفوق الخيل وانطلق خلفهم
في خيمه ابو كنعان عند اشجان : ياهلا ومسهلا منوره ياخاله
ام ادهم بابتسامه حلوه : النور نورك يابنيتي
فاطمه بمزح : يعني وانا واختي مالنا نور ههههه
اشجان بحرج : لااا والله النور نوركم جميع
ضحكت عايشه : نمزح معك الا وش اسمك ووين خوله
اشجان وخدودها حمراء من الحرج : انا اسمي اشجان وو خوله هربت
ام ادهم بصدمه اعتقدت هربت منهم : وشووو هربت مننا
اشجان بورطه فزت لقدام ام ادهم : لا لا ياخاله مير هربت من عنان وهتان
فاطمه بابتسامه : ليييه وش مسويه
اشجان نست الحرج اشوي وضحكت : كنان وسامر كبو عليهم سطول مي
عايشه بتفكير : وليه لحقو خوله بدل كنان وسامر
اشجان بابتسامه : كانت فكرتها
ام ادهم بابتسامه حلوه : الله يهديها ماتغيرت يعني من وهي صغيره
اشجان : تتذكري خوله وهي صغيره ياخاله
ام ادهم وتتذكر : ايييه يوم ولادت خوله كانت عندنا ولزوم امها تزورنا كل سنه شهر على القليل
اشجان : والله توني ادري انها ولدت في قبيلتكم
عايشه : انا ما اتذكر خوله لاني اصغر منها بسنتين
فاطمه : عاد انا بعد ادهم اكبر من خوله بثلاث سنين
اشجان : العمر كله لكم
الثنتين بنفس الوقت : تسلمين
ناظروا بعض وضحكوا
ام ادهم : وانتي يابنتي بنت منو
اشجان وبدات تتعود عليهم : انا بنت اخو الشيخ وانا وخوله ولدنا بنفس السنه
ابتسمت ام ادهم بحب : انتي بنت عمر وامك اسمها غدير
اشجان بابتسامه : ايييه كلمتك عنا ام اخوله الله يرحمها
ناظرتها ام ادهم بعمق : لا يابنتي انا صديقت امك الله يرحمها
اشجان عقدت حواجبها بغرابه : شلون يعني انتي جيت قبيلتنا
ام ادهم : ايييه كنت اجي قبيلتكم قبل اتزوج كان اخو امك متزوج بنت خالي
اشجان بلهفه : يعني تقربي لنا وين عيال خالي
ام ادهم نزلت عيونها للارض : خالك مات قبل يخلف
هزت اشجان راسها بتفهم
كنعان من براء : الله الله ياخاله
ام ادهم : ادخل ياولدي مابه غريب
فزت اشجان بسرعه قبل يدخل وهي عاقه البرقع وراحت الشق
دخل كنعان حامل خوله بين يداته وبابتسامه : هلا والله وغلااا منوره ياخاله
حط خوله قريب من البنات واقبل يسلم على خالته
فاطمه وعايشه اول ماباعد من خوله تقربن منها يسالن عن حالها ووش صار
ام ادهم تقربت من خوله الجالسه وجلست امامها : سلامتك يابنتي وش صار لك
ابتسم كنعان وناظر البنات : هلاوالله ببنات خالي اخباركم عساكم بخير
فاطمه : حالنا يسرك وانت اخبارك كنعان
كنعان : الحمدلله اخبار ابو عثمان وعثمان
فاطمه بابتسامه : يبلغوك سلامهم
كنعان : لاااتقولي ماجبتي عثمان
ضحكت فاطمه بخفه : ماله داعي يجي صار رجال وش كبره
كنعان : والله كنت متلهف لشوفته الله يسامحك يام عثمان وبعدين لسى صغير
فاطمه : عمره الحين اربع وابوه يشوفه رجال مايتركه
ابتسم كنعان : ماشاء الله بس خليه يخف عليه
ام ادهم ناظرت كنعان بعتب : كنعاان وينك من خوله يوم انلدغت
كنعان زم شفايفه : والله ياخاله كنا بحالة تدريبات وكذا يعني الكل انشغل
ام ادهم : لو صار في بنتي شي ماكنت بسامحكم
كنعان ناظر خوله : لو صار فيها شي ماكنت بسامح نفسي انا
خوله بابتسامه : الله لايحرمني منكم
فاطمه بابتسامه : اقوول ياكنعان شكلك راعي طويله والبنت انكتمت في الشق
ناظر كنعان بغرابه للشق واستوعب بسرعه : العذر والسموحه يا اشجان مادريت انك هنا اعذريني
وطلع بسرعه فاطمه باستغراب : وش عرفه انها اشجان
ضحكت خوله بخفه : محد يلازمني داايم ويساعدني غير شجن فديت قلبها
طلت اشجان من الشق : يفداك الكون ولو احنا خوات ليكون نسيتي العهد
ضحكت خوله : لاا ابد مانسيت بس عطيني ياقلبي العشبه الي جابها لي الطبيب
هزت اشجان راسها وراحت
ام ادهم : خوله ليه ماتروحي للطبيب
خوله باحراج : استحي ياخاله اللدغه قرب ركبتي مايصير يكشفني
ابتسمت فاطمه : عااد لاتستحي كثير معانا
هزت راسها خوله بالموافقه
،
،
بعد الغداء الي جهزته اشجان وعايشه باشراف فاطمه
كانت خوله مستحيه ومتفشله لان الضيوف طبخوا وام ادهم تحاول معاها ماتستحي وانهم اهل
،
،
عند الرجال الي راحو بعد الغداء لمجلس الشيخ
الشيخ : والله منورنا يابو ادهم من حب ابو كنعان لك حبيناك
ابو ادهم : النور نوركم وانا والله حبيتكم واعزكم عزت اخواني
ابو كنعان : ابو ادهم انت من اهل البيت منت ضيف اي شي تبيه او ينقصك قول
ابو سامر : ليه يقول يجي وياخذ بنفسه ابو ادهم اخو عزيز وغالي
ابو ادهم : تسلمون ماتقصرون خيركم سابق
وفي طرف الخيمه عند الشباب
كنان : اقوول ساهر مو بالعاده تقعد ساكت وانت في الحراسه ماتسكت
ناظره ساهر بطرف عينه : السكوت هيبه يقولو
سامر بابتسامه : والله الي يشوفك ياتوامي يقول ان حالك مثل حال هتان وعنان
ضحك كنعان من قلبه : والله يستاهلون ليه يلحقوا خوله مير انت وش صار لك
ساهر ابتسم على عنان وهتان الي معقدين حواجبهم وممددين ارجيلهم : والله مادريت
ان تكلمت قلتو ليه وان سكت قلتو ليه وش يرضيكم يعني
اخذ كنان القهوه ومررها يقهوي الجميع
كنعان : ابد مير ماودي تسكت انا فرحان بجيت ادهم افرح معي
ايهم رفع حواجبه : يعني وانا جيت زيادت عدد مثلا
ضحك ادهم من قلبه : انت روح عند رفيقينك وشاركهم مدت الرجيل
اخذ ساهر القهوه وشرب بس قاطع شربته كنعان : مدري ليه احسك تحب ياساهر
اشترغ ساهر بالقهوه واول ماشف سامر نط واقف بيقرب له مسك ثوبه وجراء
ادهم يضحك من قلب : ههههههه وش فيه وش ماسك عليك ياسامر
ضحك سامر : ابد مير ...... حكى لهم سامر لما اشترغ ساهر المره الاوله كيف سوو معه
والكل ضحك من قلب حتى عنان وهتان
،
،
عند خوله الي وقفت وحلفت الا تجيب هي القهوه خرجت من الخيمه تكلم نفسها
( يافضيحتي بين العرب طبخوا الضيوف غداهم والله اني هبيله يافضحي فضحاه )
ناظرت ساهر يكح من بعد ثلاث خيمات ضبطت البرقع وقربت منه وبيدها المي
خوله بترقب : ساهر
رفع ساهر عيونه يحاوله يمسك الكح ومتفاجاء ان خوله الي امامه : هلا اامري
ورد ساهر يكح فرحت خوله انها مالخبطت بين التوام ومدت له القربه المي : وكاد المي يخفف عنك
ابتسم ساهر ابتسامه اربكت خوله واخذ المي وشرب منه ورده لها
ارتاح كثير ساهر كثير بالمي وبالي جابته : سلمت يدك
خوله بهدواء : يسلمك ربي مير ليه وحدك منت عند العرب
ساهر رفع حاجب : مارتحت هناك كثير
ناظرته خوله لصراحته معاها والضيوف بيت خالها : تدري انهم بيت خالي
ساهر نزل راسه : ايييه مير مرتحت
ضحكت خوله بخفه : طيب مير بتجلس وحدك
دق قلب ساهر بقوه على ضحكتها : لا علشانك بروح اقعد معاهم
استحت خوله ونزلت راسها : تذكرت القهوه عن اذنك بودي القهوه لخالتي اقهويها
وراحت وساهر عيونه عليها كانت تميل في مشيتها علشان رجلها اليمه تنهد ساهر بقوه
ورد على الطريق الي اجى منه ،
،
،
في مجلس الشيخ الي حضر كبار القريه والشباب
كنعان : اسمعوا ياشباب نروح للتلال القريبه من الغدير وش قلتو
سامر : تسوي خير ناخذ راحتا
الكل وافق واستاذنوا وراحوا
وصلوا للتلال وقعدوا بشكل دايري
عنان : ايهم تذكر السباق الي كنا نسويه
ضحك ايهم : ايييه وكيف انسى وانا الي كنت افوز فيه
هتان : شوووف انكر اخر هزيمه له ياعنان
فارس : وش المسابقه
عنان : انا بشرحها علشان نلعبها
الكل : زين
هتان : نتسابق لشجر النخل والي يقطف عشر ثمر ويرد يفوز
ناظره عنان بحده : قلت انا الي بشرح
هتان : ايييه مير انك بتطولها وهي قصيره
نط عنان لفوق هتان يتقالبوا والكل يضحك
ايهم : نتقسم لمجموعات والي يفوز من كل مجموعه نجمعهم ويتسابقوا
سامر : زين مع اني متاكد اني الفايز
مازن : يصير خير اذا فزت انت
زيد : ايهم هتان مازن ساهر راشد انتم ابداوء
استعدوا الخمسه وعند اشارت كنعان انطلقوا
وكل شوي شخص يسبوق والكل يشجع اول شخص من ماكان هههههه
،
،
في خيمة ابو كنعان جو حريم القريه يرحبن بالضيوف وقعدت ام ادهم وفاطمه مع الحريم
وخوله والباقي من سنها طلعوا وراحوا للغدير
مهره : ناظرن مو كانه سباق
مزنه : ايييه والله يازينهم يتسلوا احنا بس نتفرج
اشجان : الاول اخوي ساهر شوفن
عايشه الي حبت صديقات خوله كثير : والي وراه ايهم اخوي
مزنه قوست شفايفها : مازن الثالث غرييبه بالعاده سريع
اشجان : خوله شوفي هتان اخر واحد هههههه
خوله : اييه جعله يخسر يستاهل ههههههه اكيد هلكان بعد ماجروا وراي الصباح
،
،
ساهر : فززززت
جلس ياخذ انفاسه وبابتسامه للي وصلوا وراه : تعلموا مني
هتان قعد واخذ مي : لو اني ماجريت الصباح للغدير ورجعت جري كان سبقتك بس الحظ حالفك
سامر يضحك : لاتجيبوا اعذار اخي فاز
كنعان : لحضه بنعد الثمر الي جابوه
كمل كنعان يعدهم وضحك من قلبه : هتااان انت اجمع الثمر كله وبعدين تعذر على الجري ههههههههه
ناظره ساهر بشماته : مامنك فايده لاجمعت الثمر ولافزت
رمى هتان ساهر بجربة المي والباقي يضحكوا
زيد : الحين سامر وكنان وقسور وفارس وراشد
وابتداء السباق عند اشارة كنعان والكل يشجع الاول
،
عند البنات
اشجان : مامن سامر رجاء وقسور موجود
مهره : ولد عمي فايز من الحين اقولكم
عايشه : ماشاء الله عليه سريع
خوله : انا اشجع قسور
والاغلبيه شجع قسور لانه سريع
،
قسور ياخذ نفس من التعب : محد قدر يسبقني ولو دقيقه
كنعان : انا اشهد انك ذييب
هتان : عد الثمر قبل تشهد
قسور : ماني غشاش مثلك
هتان : لاااحول ازعجتوني مانقصت الا واحده اكيد طاحت في الطريق
ضحك ساهر من قلبه : قصدك ماجمعت الا واحده والباقي طاحوا هههههههههه
زيد : الحين كنعان ومشاري وفهد وقيس وصقر
وعند اشارت ادهم انطلقوا
ساهر : كنعان الفايز بدون ماناظر
وفعلا فاز كنعان والكل كان يشجعه
مشاري : لو شجعتوني كان فزت
عنان : انت بذات مستحيل تفوز وانت المرتبه الخامسه
ضحكوا على تعليق عنان ومشاري الي يدور اعذار
زيد : ادهم وعنان وخالد وعثمان وغسان
وعند اشارت كنعان انطلقوا وفاز ادهم
وماعجب زيد سرعته
كنعان : الحين دورك زيد وسعد وفاروق واحمد وعدي
وانطلقوا وفاز زيد بمهاره
كنان : الان السباق بيكون بين ساهر وقسور وكنعان وادهم وزيد
عنان : سباق مشوق جدا
سامر : بنغير السباق وبتروحوا للغدير تملوا الجرب المي وتردوا
مازن : من متى الحريم هناك
كنعان : اعرف الي عيونهم تزوغ للحريم هتان وساهر شلون شفتهم
ابتسم مازن باحراج : واحده منهم كانت تنط لما فاز زيد
زيد بابتسامه : ماغيرها اشجان
ساهر : لاتفرح كثير الحين بنتنافس وتشجعني
قسور: الحمدلله عندي مشجعه محد يقدر يسرقها
كنعان : وانا عندي خوله
ادهم بابتسامه : انا عندي ثنتين عايشه وخوله اكيد بتشجعني
انقهر زيد هنا ووقف : استعدوا نبداء
سامر : لحظــہہ بروح للحريم اقولهن يبتعدن من الغدير
زيد : خلهم يساعدن
وقف مازن واشر بيده بمعنى استعداد
،
