وقفت اشجان دقيقه ودقيقتين التفت تناظر كنان : انت وش تقول
ابتسم كنان وتقدم منها ونزل راسه لمستواها : احبك شجن وودي اخطبك لين تنتهي الحراسه
رفت رموشها تحاول تستوعب دفته : كنان وش الي تقوله انت ماتستحي تكلمني كذا
كنان : ودي اعرف وش رايك
اشجان : تعرف رايي من اخواني ماهو مني
كنان : خايف عليك شجن خايف ماتبيني ويجبرونك
ناظرته اشجان وفي فمها شبح ابتسامه : وتتوقع اني برفضك يامهبول.
التفت ودخلت الخيمه بسرعه قبل يتكلم
اما كنان موقف يكرر كلامها ابتسم بهدواء ثم بقوه لين ضحك بخفه
،
،
وقف زيد لين حس الكل نام وقبل يطلع من الخيمه وقف جاسم واشر له يوقف
طلع زيد وانتظر جاسم لين طلع
جاسم بصوت واطي : زيد تعال نروح للغدير
ابتسم زيد : كنت بروح له
لين وصلوا للغدير ناظر جاسم زيد : زيد من عرفتك ماشفت ذي النظرات في وجهك
تنهد زيد وابتسم : وش تشوف بنظرتي
ابتسم جاسم وغمز له : اشوف بعيونك بنيه متملكه قلبك وعقلك
ضحك زيد بخفه : يمكن تملكت قلبي مير ماهو بعقلي
جاسم بنذاله : بقول لك ياخوي خوله عجبتني اخت كنعان اهي ماهي بمخطوبه
ناظره زيد بحده وضحك جاسم من قلب : امزززح ياخوي بس قلت اشوف عقلك اذا تحكمت به
زيد بارتباك : ومنو قال ان الي بقلبي خوله
جاسم مبتسم وعيونه للسماء : غيرتك عليها فاضحتك اشك ان كنعان يدري
ناظره زيد وحواجبه معقوده : وش تقول انت تمزح
جاسم : لاتكابر يازيد في حبك لها قبل تخسرها
تنهد زيد من قلللب : ترى خسرتها وانتهى الموضوع
جاسم : تكذب وشلون خسرتها
زيد بابتسامه : خسرت مشاعرها وابتسامتها وخسرتها كلها دوم اهاوشها واهزئها
جاسم : عادي ليا ملكت عليها بتحبك مع الايام
ضحك زيد مايدري وش شعوره الحين : ترى انخطبت لولد خالها ويمكن ياخذها قريب خسرتها
حزن جاسم على زيد وماعرف شلون يواسيه
زيد حب يفضفض من الي بقلبه : خسرت كل شي فيها وهي ملكت كل شي فيني
ليتها بس تدري وشلون اغليها كان حزنت على حالي
جاسم : وين كنت من قبل يخطبها ولد خالها
ابتسم زيد بقهر : ماكان ودي اعترف لنفسي بحبها كنت دوم اشوف ان مابه فيها سنع او جمال او اخلاق
جاسم : وش الي تغير بعدين
زيد غمض عيونه يرجع ذكرياته : شفتها حرمه حساسه تجرحها ابسط كلمه شفتها زيينه وغمازتها تذبح
شفتها حنونه كنها ام واخوانها عيالها شفت ضحكتها كنها سحر تسحرك
جاسم : والسنع
زيد : ترى مافيه مثل اكلها اكل ريحت اكلها كافيه تشبعك ياخوي
جاسم : لين راحت منك عرفت كل ذولا
تنهد زيد ثم ابتسم : بقدر ماكرهت الحريم زاد كرهي لهم ماتوقعت بيوم حرمه تلعب بمشاعري
ازعلها واراضيها ابكيها ثم اواسيها مدري وشو حالي
ضحك جاسم : اجل انا الحين اروح اخطب بنت عمتي
ناظره زيد وميل فمه بابتسامه : طلعت تهوى ياجاسم
جاسم : اييه مير المشكله انها دوم تعتبرني مثل خالد
زيد : ليه وش فيه خالد
جاسم : خالد اخوها من الرضاعه عمتي ارضعت خالد مع خديجه لان زوجها مات يوم كانت حامل
وارضعت خالد لاجل يصير لخديجه محرم وعون وظهر
زيد : انزين يعني خالد اخوها وش السالفه
جاسم : خديجه تعاملني مثل خالد كني اخوها
زيد : وانت ترضى
ابتسم جاسم : بالبدايه ايه لكن يوم عرفت انها تعتبرني اخوها ضاق حالي ومدري وش الحل المشكله اني
مقدر على بعدها مقدر ماشوف ابتسامتها
ضحك زيد : لزوم لك حل
جاسم : وشو
زيد : ورى ماتجي معانا
جاسم : واترك خديجه انت مجنون
زيد : لزوم تبتعد عنها لاجل تستحي منك ويوم تخطبها ماتعتبرك اخو
جاسم : زيد ودي تقعد عندنا يومين لاجل تساعدني
ابتسم زيد : ليه وانت منت بناوي تساعدني
ضحك جاسم : بسوي الي اقدر عليه
زيد عقد حواجبه : يكفي انك تبعد ذيب عني وعن خوله
ضحك جاسم : اجل تغار يازيد
ابتسم زيد وناظر للسماء
،
،
في الصباح عند خوله والبنات
صحت خوله بدري وخرجت من الخيمه ناظرت الكل نايم والدنيا هدؤا
اتقدمت من خيلها فكت ربطته ونطت فوقه : تعال نروح للغدير يامزيون
ابتسمت للخيل وتحركت به للغدير نزلت من فوقه واقربته للغدير تسقيه
قربت للغدير ونزلت على ركبها ابعدت البرقع وغسلت وجهها وتنفست بعمق
: انتي مجنونه وش له تفكين البرقع
التفت خوله وناظرت زيد بغضب : انت من وين تطلع لي وترى لزوم تطلع صوت من بعيد ماهو
تتكلم من تقرب
فتح زيد عيونه : اقووول بسرعه غطي وجهك قبل لحد يشوفك
زفرت خوله بغضب وردت البرقع على وجهها : انت ليه منت بنايم وش مصحيك
زيد بابتسامه : تبيني انام وانتي في الغدير وحدك
خوله بغرابه : وشلون عرفت اني في الغدير وحدي
ضحك زيد : اقول اسقيني
ناظرته خوله بغضب : الغدير قدامك اشرب
ناظرها زيد بعمق : مو جايه تهتمي فينا
ارتبكت خوله من نظراته وفكت الجربه الي حول خصرها ومدت يدها : خ خذ
ابتسم زيد من قلب على ارتباكها وقرب منها وخوله تناظره ليه يقرب
زيد بهمس وماسك الجربه مع اطراف اصابيعها : ترى ذي الجربه الي حول خصرك
ماتعطيها لحد الا انا انزين
دقات قلب خوله المتها من قرب زيد وملامسته لاصابعها سحبت يدها : ا اانت انهبلت
رفع زيد حاجبه الايسر : ادري انك ماتعطيها الا لاخوانك مير حتى هم لاتعطيهم
خوله والمشاعر تتضارب داخلها وماعرفت وش هي بضبط : اا انت ص صاحي
قعد زيد قرب حجر يدكي ظهره له : تعبان ياخوله
خوله وبان عليها القلق : و وش فيك تحس بشي فيه شي يالمك
غمض زيد عيونه فرحان انها قلقت عليه : راسي يالمني بقوه وذا يالمني
واشر لصدره
قربت منه خوله : ززيد لا لاتغمض عيونك نا ناظر ني
فتح زيد عيونه بهدواء وناظر عيونها : تقدري تعالجيني
نزلت خوله نظرها للارض مرتبكه وخايفه عليه : انتظر ولاتغمض فيه اعشاب جبتهم ينفعنك
وقفت وجرت للخيل تناظر بالاغرض لين لقت العشبه ردت لقرب زيد
خوله ترفع نظرها له وتنزله للارض : بتقدر تاكلها كذا
ناظر زيد للعشبه وعقد حواجبه ورد يناظر لخوله وهز راسه ب لا
خرجت خوله خنجر من ساقها اليمين كانت مخبيتنه واخذت العشبه تقصها صغار
لاجل يقدر يبلعها وزيد مبتسم على قلقها واول مره يدري انها تخبي خنجر بساقها
كملت خوله تقطعهم لكنها جرحت اصبعها بس كتمت الالم لاجل ماتبين لزيد اخذت منه
الجربه وكبت العشبه الي قصقصتها لداخلها وهزتهم زين ومن ثم اقربت منه بهدواء
خوله : زيد خذ اشرب منهم الحين بتقدر تبلعهم
ابتسم زيد واخذ الجربه وشرب منها رغم ان الاعشاب مره الا لاجل خوله جابتهم بيشربهم
ناظر يدها ووقف شرب وسحب يدها من حضنها : خوله جرحتي اصبعك
سحبت خوله يدها بهدواء من يد زيد : ماهو جرح كبير
عض زيد شفاته السفلى : يعورك
هزت خوله راسه ب لا : بغسل يدي بالغدير اشرب انت العشبه
وقفت وقربت من الغدير تغسل يدها والعشبه تالمها
وردت لزيد وبهدواء : وشلون صرت
ابتسم زيد : الم راسي راح مير الم ذا ماراح
وكان ياشر على صدره
خوله بخجل : مبين ان الم راسك ماراح
ذيب يضحك ويتقدم منهم : يازين الصباح صبحكم الله خير
خوله بهدواء : صبحك الله عافيه
ذيب مبتسم لخوله : طلبتك يابنت الاجاود
خوله مستغربه : سم ياذيب وش تبي
ذيب : ودي تسقيني مت من العطش
زيد وماسك اعصابه : كود نفتك منك
ضحك ذيب بصوت عالي : اقول يازيد ليه تكرهني
ابتسم زيد بسخريه : ما اكرهك مير ما ابلعك
ناظر ذيب لخوله قرب الغدير تملي الجربه مي : لاتبلعني ولاتحبني ولاتكرهني مير خوله عجبتني
وبحاول اكسب مشاعرها
ناظره زيد بحده : تراها مخطوبه باعد عنها
ضحك ذيب وبصوت هادي : مابتركها لين تتزوج
ابتسم ذيب وخوله تقرب منهم وقف زيد ولكمه بقوه
قربت خوله من زيد : زييييد انجنيت
زيد بعيون حااده : واقسم بالله لاقتله لو يعيد كلامه
خوله بعصبيه من تصرف زيد المتهور بالنسبه لها : الكلام سهل مير لو تسويها قامت حرب بين القبيلتين
وش سوى ذيب لاجل تساوي به كذا وش صابك يازيد
غمضت عيونها تخفي غضبها وقربت من ذيب تاركه خلفها زيد يحترق بنار غيرته
خوله تناظر خد ذيب وبهدواء : وش قلت له ياذيب
ابتسم ذيب : تراه عصبي كنت امزح معه وعصب
زفرت خوله الهواء : تالمك
ابتسم لها ذيب بكل جاذبيه : ماهي قويه لاتخافي
نزلت خوله راسها وعطته جربة المي وراحت للخيل نطت لفوقه والتفت به راجعه
ناظرت خوله زيد وردت نزلت نظرها تمشي بالخيل
راح زيد لخيله وانطلق به لخارج القبيله وكنعان يناديه بس مالتف
ناظر كنعان خوله فوق الخيل قربت من كنعان
وبهدواء : صبحكم الله خير
نزل جاسم راسه : صبحك الله بالعافيه
كنعان : خوله وين كنتي
خوله : في الغدير ياخوي وين زيد
كنعان بغرابه : ليه تسالي ياخوله
خوله بنفس الهدواء : من شوي تهاوش مع ذيب في الغدير
ابتسم جاسم : كنتي هناك ياخيه
خوله : اييه
كنعان : خوله عطيني خيلك مدري وين راح خيلي ودي اتبع زيد
ابتسم جاسم : خلك انت ياكنعان بروح وراه انا
راح جاسم وكنعان عاقد حواجبه
خوله : اقول ياخوي متى بنروح
كنعان معصب : مدري ورى ماتروحين عند البنات
خوله منصدمه من اسلوب كنعان معاها من لما سافروا
حركت الخيل وردت به لخيمت البنات بدون ماتقول اي كلمه
وصلت وشافت البنات نزلت من فوق الخيل ومبين من عيونها متضايقه
خديجه بحب : خوله ودي تجين معي بروح للمرعى اجيب خروف
ابتسمت خوله : انزين
ربطت خوله لجام الخيل لخشبة الخيمه ومشت مع خديجه هاديه بدون ماتتكلم
خديجه : خوله تعرفين بتقعدون عندنا لبكره
ناظرتها خوله بصدمه : منو قالك
خديجه : خالد قالنا
خوله : منو خالد
ابتسمت خديجه : خالد ولد خالي الشيخ واخوي من الرضاع لاجل كذا دايم اكون في خيمة خالي الشيخ
خوله عقدت حواجبها : مير مايصير
خديجه تبسمت : وش الي مايصير
خوله : اذا خالد امك ارضعته اهو اخوك مير اخوه الثاني ماهو باخوك
خديجه : تقصدين ان جاسم ماهو باخوي
خوله : اييه
خديجه بغرابه : مير من صغري وانا عندهم اممم يعني نعتبر اخوان
خوله ابتسمت : بس مايصير تلمسيه او تكوني بقربه وحدك ياخديجه ترى يجوز يتزوجك
وقفت خديجه وفتحت عيونها على الاخير : وووووشوووو يجوز يتزوجني
ضحكت خوله : ايييه يجوز اهو ماهو باخوك
خديجه شتت عيونها : مير انا اوقات امزح معاه وكم مره شافني بشعري
خوله بصدمه : من جدك خديجه ترى مايجوووز جاسم ذا ماهو بخوك
خديجه بقلق : يافضحي ووش اسوي ياخديجه وشلون يصير كذا محد كلمني من قبل
ابتسمت خوله وتمسكت بيدات خديجه : ترى حتى هم يفكرون مثلك مير جاسم رجال يحب الزين
وانتي يازينك زيناه وترى جاسم مثله مثل باقي البشر محد يقدر يتحكم بقلبه وبمشاعره
القلب ينبض للي هو يبغاه ماهو باختيارنا
نزلت خديجه عيونها : مير ياخوله مقدر اباعد عن جاسم تعودت عليه لزوم اروح الصباح اصحيه
واقهويه لزوم اضحك معه وامازحه
خوله : اذا ماقدرتي تباعدي عنه تاكدي انه ملك قلبك والي تكنيه له ماهي مشاعر اخوه
تنفست خديجه بعمق ومشت بصمت تفكر بكلام خوله اما خوله ابتسمت تذكرت قلبها
شلون دق يوم قرب منها زيد وغمضت عيونها وتهز راسها تخرج هذي الفكره
،
،
عندي زيد الي خرج من حدود القبيله نزل من فوق خيله وخرج سيفه لاجل يخرج قهره
ابتسم جاسم على زيد الي يبارز بقوه مع نفسه خرج سيفه وجرى نحو زيد
وبارزه بقوه وضلوا على هذا الحال لين هلكوا
جاسم بتعب : ززززيد ترى ضرباتك قويه ياخوي اتعبتني
رمى زيد سيفه بقهر ورد للخيل اخذ منه جربة المي حق خوله الي سوت له اعشاب فيها
وشربهم كلهم
جاسم : اعطني شوية مي
ناظره زيد بحده : ترى ذي حقت خوله
ابتسم جاسم : اااه تراك تخوفني بذي النظرات تدري يازيد ان خوله اجت تسال
عنك بعد ما انطلقت بخيلك
ناظره زيد : خوله تسال عني
جاسم : ايييه وكاد كانت قلقه عليك
ضحك زيد : ماظنتي الي تقوله صحيح
جاسم : اجل ليه سالت عنك
تنهد زيد : يمكن كان ودها تاخذ جربة المي حقها
جاسم : تعال نرد احس كنعان خويك متضايق
ناظره زيد : ليه وش صار
جاسم : مدري يمكن لاني اتكلم معاك كثير
ابتسم زيد : خلنا نعاود
نطوا فوق الخيول وردوا
،
،
وصلت خديجه وخوله للمرعى وكانت خديجه تتنقى الغنم الي بتنذبح لاجل الغداء ضيافة زيد وذيب وكنعان
خديجه زفرت : خوله تخيري انتي احس راسي يالمني
قرب منهم الراعي : من انتن
خديجه : انا خديجه بنت اخت الشيخ وذي ضيفتنا وودنا بخروف زين لاجل نضيفهم
الراعي : زييين الحين اتنقى لكن واحد
راح الراعي بين الغنم يشوفهن
خوله : لاتشغلي نفسك ابتعدي عنه
ابتسمت خديجه : ترى الكلام سهل
خوله : لاتدوري اعذار اذا مشاعرك اخوه بتقدرين مير اذا هي شي ثاني مابتقدري
خديجه : وانتي ياخوله وشلون تعرفين كل ذا معقول تهوين
خوله بهدواء : دوم كان يكلمني ابوي شلون هواء امي
قبل ماتنطق خديجه نطو خمسه فرسان من فوق سور المرعى وخرجوا سيوفهم
الاول : محد يتحرك قبل اذبحكم
رفعت خوله راسه : من انتم وش تبون
الثاني : ابد نبي ناخذكن نتسلى معكن ثم نردكن
ضحك الثالث : هاااه وش قلتن يامزيونات
خوله ترجع خديجه لوراها : منتم برجال يالخايسين لاجل تطولوا لنا
الاول : قد كلامك ياحرمه اسمع زين ذي انا ودي بها
همست خوله لخديجه : سمعي زين انتي اهربي ودوري على كنعان او زيد او ذيب زين
خديجه ودموعها تنزل من الخوف : ماودي اتركك ياخوله
خوله : ان كنتم رجال عطوني سيف واتركو ذي تروح
الاول : حرمه تعرف تبارز هههههههههه مبين ان يديك رقيقه وشلون بتحملي السيف
خوله بتحدي وثقه تربكهم : ان كنت رجال عطني سيف واتركها تروووح
الثاني : ودي اشوف ذي الثقه الي بصوتك خلو ذيك تروح وهذا سيفي خذيه
رمى لها سيفه وطاح للارض وضحكوا عليها
الاول : ماقدرتي تمسكيه وشلون بتبارزين فيه
التفت خوله لخديجه : روحي
هزت خديجه راسها بلا والدموع مغطيه عيونها : ماودي اتركك
دهفتها خوله : قلت روحي
التفت خديجه تجري تتمنى تلاقي حد لاجل ينقذ خوله
ابتسمت خوله واخذت نفس والتفت لهم : زين تعال بارزني دامك تعتقد انك رجال
نزل الاول من خيله وابتسم وخرج سيفه يحركه بيد واحده قدامها
اسندت خوله السيف لرجلينها ورفعت يديها تشد غطاها وتتاكد من ثباته
الاول : مستعده
حملت خوله السيف بيدينها الثنتين والثقه بين عيونها : تعال اهجم
ضحك وتقدم منها وجهلها ضربه وتفاجاء لما صدتها
تبسمت خوله ونزلت يد ومسكت السيف بيد دفته وتقدمت منه بعنف تهاجمه لين قلبته واخذت سيفه
خوله بثقه : بتركك هذي المره حي مير لو شفتك مره ثانيه قطعت راسك
الثاني ناظر للثلاثه الباقيين : اهجموا عليها ابيها حيه
تقدموا منها الثلاثه مرتبكين من قوتها
كانت خوله ماسكه سيفين وتناظر لهم بثقه وتحدي وهذا الي اربكهم
،
،
ابتسم جاسم لزيد الي قاعد يكلم كنعان وكنعان معصب منه وذيب الي يناظر زيد بحده
قرب جاسم خيله من الغدير يسقيه : اقوول ياكنعان خيلك متى رد
كنعان : بعد مارحت
زيد : كنعان وش له ماتكلمنا زين
كنعان : متضايق شويات
زيد : وش الي ضايقك
ناظره كنعان : وليه اقلك وش مضايقني
ذيب بمكر : اقول ياكنعان ذي الجربه عطتني ايها خوله خلها عندك
تنهد كنعان : عطها انت وكاد انها ماخذه بخاطرها مني
زيد : ليه وش انك مسوي
كنعان : هاوشتها من امس وانا مزعلها واليوم هاوشتها
زيد عض شفايفه : ليييه هاوشتها
ناظره كنعان باستفسار وقبل ينطق كانت خديجه تصرخ من بعيد
خديجه : جااااسم جااااااسم الحقني ياجااااسم
نط جاسم فوق خيله وجراء لها ونطوا كلهم فوق خيولهم منطلقين ورى جاسم
اول ماقرب جاسم لخديجه نط من فوق خيله والخوف متملكه : وووش صار وش فيك ياخديجه
خديجه ويالله تنطق : خ خخوله
نط زيد وقرب منهم وقلب يدق بقوه : خوله وش فيها خوله
خديجه : خوله ال القطاعين خوله ب بالمرعى
نط زيد لفوق خيله وانطلق باتجاه المرعى قبل تكمل خديجه كلامها
وراح وراه ذيب وكنعان نط جاسم ومد يده لخديجه ونطت له فوق الخيل
خوفها على خوله الي رمت بنفسها لاجل تنقذها بنظرها مستعده تسوي اي شي
قرب زيد من المرعى وشاف ثلاثه يبارزون خوله وجن جنونه واسرع بالخيل وذيب يزيد بسرعته
وصلو الاثنين ونطو من فوق خيولهم يبارزوا وصل كنعان وجاسم وراه ونزلوا يبارزوا
والقطاعين انسحبوا وهربوا
خديجه تضم خوله : خوله تاذيتي
ابتسمت لها خوله : ابد ماغير جروح بسيطه
نزل كنعان لخوله وضمها : اعذريني ياخوله اعذريني ياختي ادري اني اقسى عليك اوقات
غمضت خوله عيونها بتعب : ماصار شي ياخوي
ذيب بقلق : وين تاذيتي ياخوله
ضم زيد قبضت يده وجاسم ملاحظ عليه
جاسم : وش صار تقدرون تقولوا لنا وش صار
هزت خديجه راسها بضعف ودموعها ماوقفت بمعنى ماتقدر
خوله بهدواء : كنا نتخير الخرفان لاجل نذبح خروف للضيفه وذولا اقبلوا
زيد : وشلون اخذتي سيف منهم
خوله تناظر بعيون زيد تحس انها قست عليه الصباح : طلبت منهم يتركوا خديجه تروح ويعطوني سيف
اذا كانوا فعلا رجال واستفزيتهم بشويت كلام لين تركوا خديجه وعطوني سيف واجهت واحد وغلبته واخذت
سيفه وبعدها واجهوني الثلاثه الباقيين
زيد وماقدر يشيل عيونه من عيونها : انجرحتي تتالمي
خوله : جرحوني بيدي اليمنى جرحيني
ضمها كنعان وحملها لفوق خيله : لزوم يشوفك الطبيب
خوله بهدواء : ماودي يكشفني طبيب
خديجه بعد ماهدت شوي : ترى امي تعرف تداوي الجروح خلونا ناخذها لهناك
ابتسمت خوله : كنعان رد مع واحد منهم وخديجه تصعد معي على الخيل جيت بدون خيلي
قبل يتكلم زيد تقدم كنعان من ذيب ونط لجمبه
انقهر زيد وناظر خوله ابتسمت له بعيونها تهديه وهز راسه لها
سحبت خوله خديجه لفوق الخيل وخلتها تتمسك بها وتحركوا بعد ما اخذ جاسم
خروف وحطه معه فوق خيله
،
،
ام خديجه : لزوم اشوف يدك اليوم وبكره اذا شفت الجرحين التاموا تسافرون
خوله : تسلم يدك ياخاله تعبتك معي
ام خديجه بامتنان : ترى يابنتي لو ماكنتي موجوده كان مدري وش صار لبنتي
ابتسمت خديجه بحب : والله مدري شلون اشكرك ياخوله
خوله بابتسامه صغيره : كنت متوكده اني بقدر ابارزهم لين تنادي خديجه اي حد
ام جاسم : الحين عرفت ليه سمحوا لك تسافرين
ابتسمت خوله : قلتلك اعرف ادافع عن نفسي
ام جاسم : مير يابنتي ماتوقعتك قويه وتبارزين خمسه
ضحكة خوله : انا اخذت سيف واحد وبارزت واحد وبقى ثلاثه الي بارزتهم وجرحوني
وترى ياخاله ماهم اقوياء
ليلى باعجاب : حتى لو ماكانوا اقوياء انتي شجاعه وقفتي قدام خمسه قطاع طرق
ابتسمت خوله : انا اعرف ابارز من كنت صغيره
غدير : وانا ودي ابارز مثل خوله
ام جاسم : ودك جاسم يذبحك
عايشه : لو كانت خديجه وواحده مننا وش كان بيصير فينا
ام جاسم : ايييه الله ستر
،
،
في مجلس الشيخ ابو جاسم كانوا قاعدين يتقهوون
زيد يفكر بخوله وراسه صدع من جديد
وكنعان منقهر من زيد ومن تصرفه مع خوله
اما جاسم يتذكر خديجه ويفكر لو ماكانت خوله معاها وش كان بيصير
فز ذيب وبصوت عالي قطع افكارهم الثلاثه : خووووله تباااارز
ناظروه بصدمه لخمس ثوانـ¹ـ²ـ³ـي
جاسم ضحك بصوت عالي وكنعان ضحك من وراه
زيد بقهر : وانت وش تبي بارزت او مابارزت
ابتسم ذيب : والله يكنعان ان اختك مكاره وانا سالتها وش له السيف معاها وماتكلمت
جاسم وكنعان ماوقفوا ضحك وزيد عيونه بتطلع من مكانها
وقف زيد وطلع من المجلس وذيب ابتسم
،
،
خرجت خوله مع خديجه وعليا وليلى للغدير وام جاسم وام خديجه وام عليا طبخن الخروف
في الغدير زيد تمركز تفكير خوله وماقدرت تخرجه من عقلها حتى لما بارزت ضلت تتمنى
زيد يوصل الاول وينقذها تحسست دقات قلبها وابتسمت
عليا بصوت عالي : خوووووله
فزت خوله وحطت يدها على صدرها : بسم الله وش صار ياعليا
ضحكت خديجه : ماصار شي مير وش شاغلن بالك
ابتسمت خوله بهدواء : شاغلن بالي ابوي
عليا : مو قلتي ان صديقتك منتبهه له وش له شاغله بالك
تبسمت خوله وهزت راسها بالايجاب
ليلى تناظر لبعيد : خووله مو ذاك ولد الشيخ زيد
التفت خوله تناظر زيد يسقي خيله وتبسمت : ايه ذاك زيد
عليا : يناظر لك ياخوله وكاد يبي شي
ناظرتها خوله وعقدت حواجبها : وانا وش لي منه
ضحكت عليا : وشلون يعني انتي قلتي ان راسه يالمه وكاد يبي اعشاب لاجل الالم
فهت خوله شوي ومن ثم ابتسمت : اييه نسيت ضنيت اني في قبيلتنا يروح لشجن
خديجه : اجل روحي واذا تبي شي حنا هنا
ابتسمت خوله وهزت راسها وراحت تمشي لناحيت زيد
،
بعد ماخرج زيد من مجلس الشيخ نط لفوق خيله وراح به للغدير نزل يسقي خيله
حس بطيف خوله حوله التف يناظر وثبتت عيونه عليها وابتسم لاحساسه
وروحه الي تدور روحها قبل حسه
ناظرها تقرب منه وعض شفاته يداري بسمته قبل تفضحه
نزل راسه وحرك يده على ظهر الخيل لين اقبلت ناحيته رفع راسه يدور عيونها الي اشتاق لهم حيل
خوله منزله راسها : السلام عليكم
زيد مبتسم ابتسامه صغيره : وعليكم السلام
خوله بحرج مبين انه مايبي شي : ا اخبارك
ضحك زيد بخفه : بصحه وعافيه وشلون جروحك
خوله وشوي تهرب من الحرج : جعلك دوم بصحه وعافيه وجروحي باذن الله تطيب
زيد ووده تلتقي عيونه بعيونها : مره ثانيه لاتبعيد خلك دوم بقربنا وطيفك لايغيب عنا
رفعت خوله راسها وناظرته التقت عيونهم تدور بعيونها مقصد كلامه
زيد بصوت هامس :
الله أگـبـر گـيـف يـجـرحـن الـعـيـون گـيـف مـايـبـرى صـويـب الـعين أبـد
أحـسـب إن الـرمـش لا سلهـم حنون وأثـر رمـش الـعـيـن مـايـاوي لأحـد
يــوم رووح لـي نـظـر عـيـنـه بـهـوون فـز لـه قـلـبـي و صـفـق و أرتـعـد
لـفـنـي مـثـل الـسـحـايـب والمـزوون في عـيـونـي بـرق وبـقـلـبـي رعـد
نـقـض جـروحـي وجـدد بـي طـعـون قـلـت يـكـفـي قـالـت عـيـونـه بـعـد
وإنـعـطـف هـاك الـشعـر فوق المتـون وإنـثـنـى عـوده وقـفـى وإبـتـعـد
شـاغـلـتـني نـظـرة الـعـيـن الـفـتـوون حـيـرتـنـي بـالـتـوعـد و الـوعـد
هـي تـمـوون الـعـيـن ولا مـاتـمـووون لـيـه خـذت قـلـبي وقـفـت ياسـعـد
