بعد مالغداء خوله صحتى وتحس انها صارت بخير وخديجه تتجهز بخجل والبنات حولها
خوله ابتسم : خديجه ماله داعي تحطي كحله ترى انتي حلوه بدونها
خديجه قامت قعدت قرب خوله : ياجعلني منحررم منك ياقلبي
خوله : ولا انحرم منك
غدير : لاحووول لازم لازم تفترقون
عايشه : وانتي الصادقه مايصير كذا
خديجه : حسسد
عليا : خوله تعالي ياقلبي للمطبخ بحطلك الاكل
وقفت خوله مبتسمه : ادري بتعبك معي مير معليه
عليا : بالعكس والله تعبك راحه
طلعت خوله وعليا وخديجه ناظرت لليلى
ليلى : عسى خير ليه تناظريني كذا
خديجه : جسمك مقارب لجسم خوله
ليلى ابتسم : تبي اعطيها فستان
خديجه : ايييه
ليلى : الحين انقي لها احلا فستان
وقفت ليلى وراحت لخلف الشق تدور لخوله فستان يناسبها
غدير : من جد ياخديجه بيروحو على الغروب
خديجه : اي
عايشه : تعودت على خوله ومزح الرجال ليه مايقعدو
خديجه : لاوالله ماعندهم اهل مشتاقين لهم
غدير : ندرري مير حبيييت خووله
عايشه : وانا حبيتها حيل
خديجه : اجل ليه لما تتكلم خوله تتطنزون
ابتسم غدير ببلاهه : احب اغايضها
عايشه : اي نغار تمدح فيك واحنا لا
ضحكة خديجه من قلب على البنتين المهبولات
،
في خيمة جاسم الي واقف بكل شموخ وزيد يرتب غترته ويجهزه زين وذيب وكنعان قاعدين يناظروهم
ذيب وللحين زعلان : جعلك تشوفها وتتعثر وتضحك عليك ليوم الممات
ابتسم جاسم : حسسسد
كنعان : من زينك نحسدك
جاسم : هذا كله لاني بملك وانتو لا حشى وش ذي الغيره
ذيب : ترى من زين الملكه ومن زين الحريم الحين بتشوف حالها وتزعل منك على ابسط شي
منعان ابتسم : وعاااد خذلك ليه ناظرت ذيك ليه تكلمت ليه ماناظرتني ليه ماجيت
ذيب ضحك بخفه : ولما يروح لها تقول ليه كل شوي تجي تحرجني كذا وليه تبقى تناظرني اتوتر
كنعان : ويااااامخس دلع الحريييم
فتح جاسم عيونه بصدمه : وش
ضحك زيد : لاتصدقهم يبون يخربون جوووك
تنهد جاسم وناظرهم : انا مدري وشلون طاحو بدربي ذولا وش ذا الحظ الي معي
ذيب : احمد ربك ولا خلاص بتملك وتنسى العشره
كنعان : اييي تلاقيه طاير للسماء ومايشوف احد حوله
جاسم : الحين انتو وش له قاعدين فوق راسي وراء ماتروحو المجلس ترى امتلى بالرجاجيل
ذيب : ليه بتطردني ثاني مره ولا انا قاعد على راسك وش فيك من الصبح تطردني
كنعان : ترى باقي كم ساعه وكلن يرد لديرته تحملنا شوي
ضحك جاسم وزيد وذيب رفع حاجبه
دخل خالد يقطع سواليفهم : اقووول ترى منت الحرمه ياخوي خلص وادخل الرجاجيل ينتظرون والمملك حظر
جاسم : من متى ترفع صوتك عليا
خالد : وانت للحين تتجهز حشى حتى خديجه كملت تتجهز
جاسم عقد حواجبه وناظر اخوه بحده : شفتها
خالدابتسم : ايه تو تجيت من عندها
اخذ جاسم المخده الي بقربه ورماها على خالد : ياقليل الحيا تشوف حرمتي قبلي
خالد بضحك : اي ليكون نسيت انها اختي بعد
جاسم بغيره : لابارك الله بك يالخايس عكرت مزاجي انقلع من قدامي
طلع خالد يضحك على جاسم الي فار دمه
زيد : جاااسم تراه اخوها اشفيك معصب
جاسم : اي مير كل شي الحين تغير
زيد : شلون
جاسم : الحين خالد اخو زوجها ماعاد ينفع يقابلها
ضحك ذيب وكنعان بقوه على تفكير جاسم
اما زيد يحاول يكتم ضحكته : جاسم انت تتكلم من جدك
حد جاسم عيونه عليهم : لا من ابوي احد يكلم رجال هبل حشى منتم صاحيين
طلع جاسم معصب وماهي الا ثواني وانجر زيد يضحك وذيب وكنعان يضحكون معاه
،
وقفت خوله والبنات يناظرونها باعجاااب
غدير : وش ذا الززين
عايشه : عندك اخو يشبهك
عليا : وجع ماتستحي انتي
غدير : لا ماتستحي ترى عادي الناس تشتري الرجاجيل الصالحين
عليا : مير هي ماتدور الرجال الصالح تبي المزيون
عايشه : بذمتك وش ودي برجال صالح مير شين كل ماناظرته دعيت عليه
عليا : والله ماعندي مانع زين ولا شين اهم شي الاخلاق
ليلى : وانا بعد مثلك
غدير : مااالت عليكم
خديجه تبسمت : خوووله يازيينك
تبسمت خوله : ماكان له داعي لكل ذا
عليا : لا ابد لااازم والله والله لو يشوفك احد ليخطفك ويهج
ناظرتها خديجه تبسمت : ايييه يهج وليه مايهج
خوله وسعت عيونها : خديييجه
ضحكو البنات وماهم فاهمين وش تقصد خديجه
،
دخل جاسم مجلس الرجاجيل وسلم وقعد قرب ابوه
الشيخ يهمس له : تو بدري
ابتسم جاسم : من عمرك يبه
دخل زيد وذيب وكنعان وسلمو وقعدو
المملك : اتركونا نعجل ونادو البنيه لاجل نملك
فز خالد واقف ويبتسم بوجه جاسم : الحين اناديها
جاسم : لا والله ماتناديها
ناظره الشيخ بصدمه : جااسم وش فيك اخوها وبيناديها لاجل يقعد قربها
جاسم : لا انا حلفت مايناديها ولا يقعد قربها
الشيخ عقد حواجبه : جااسم اترك عنك الطيييش ترى ماهو وقته
جاسم : انا بروح اناديها
ضحك ذيب بشماته وجاسم زاد بالعناد اما الشيخ بداء يعصب وبنفس الوقت محرج من الرجال الي مجتمعين
زيد ابتسم : من رائيي ياعمي الشيخ نوقف خارج المجلس والحريم يجيبن البنيه ونعدي الموضوع على خير
ناظر الشيخ جاسم الي باين مستحيل يترك خالد يروح : تم
وقف الشيخ ووقف الجميع معه وطلعو لبراء المجلس ووقفو صف طويل يتوسطه الشيخ وعلي يمينه كبار القبيله وعلى يساره جاسم وزيد وذيب وكنعان وخالد وباقي الشباب
قرب جاسم من ولد صغير وامره يروح يقول للحريم يجيبون خديجه
،
عند الحريم الي يتكلمن ومنتظرات خالد ياخذ خديجه
خديجه : والله حرااام اروح لحالي بين الرجاجيل
غدير : بتروحي مع خالد ليه خايفه
خديجه : وليه ماتجين معاي
غدير : والله لو يسمح لي جاسم كان ماتركتك تروحي بدوني
عايشه : اعتقد ذي اجمل لحظه بتشوفين الرجاجيل كلهم
خديجه : انا وين وانتو وين
عليا : انتو متى بتعقلون
غدير : لما ينفعك عقلك بعقل
ليلى : لو نرد عليك مابنوقف لين بكره
عايشه : اساسا ماتقدرون تردون فلا تجيبون اعذار
خديجه : خوله ادري مابتتركين
ابتسمت خوله : تمزحييين
خديجه : لا ابد
خوله : والله كنعان بيذبحني بدون قبله حتى
خديجه : ماااااودي اروووح وحدي
دخل الطفل فرحان : يقول الشيخ لكن يالحريم تجيبين البنيه لاجل تملك
ام خديجه : ليه خالد مابياخذها
الطفل : لا ترى الرجاجيل منتظرين تجيبونها قرب المجلس
وقفن الحريم منصدمات خديجه بفرحه : ربي استجااااب دعواااتي
غدير : وين الشيله
عايشه : هناك هناك اسرعي
خديجه ناظرت خوله : وش له قاعده قومي
خوله : راسي يالمني ماودي اروح بقعد هنا
خديجه : لا لا ابد ماهو بكيفك
قربت منها عليا وعطتها شيله كبيره الي تنزل عليها وتغطيها كامل لان الفستان ضيق عليها
ليلى : وذا برقع بيناسبك
تنهد خوله وابتسمت : يعني مابه مجال اقعد
خديجه : ابد ابد قومي عاااد
قامت خوله وتغطت زين والحريم كلهن اتجهزن وطلعن
،
جاسم واقف متوتر لانها تاخرت
زيد : هدي ترى كود يتجهزن ويتغطين
جاسم : ادري مير متلهف متى نملك
زيد : الله يبارك لك بها
ابتسم جاسم وناظر لزيد : عقبااالك ياخوي
زيد ببسمه خفيفه : اذا بالي ببالي عقبالي واذا غيرها تحرم عليا
جاسم : زيييد مايصير الي تقوله
ابتسم زيد : ناظر قدامك هذي هي جت
التف جاسم يناظر وشقت البسمه وجهه : ياحيهااا
كانت خديجه واقفه بالوسط وعن يمينها امها وعن اليسار ام جاسم والحريم الكبار ومن خلفهن البنات
غدير : ماااني مصدقه
عايشه : ترى خالد عيونه علينا انتبهي لعيونك وين يروحين
عليا : تقدرن تسكتن
ليلى : لا مايقدرن لاتتعبي حالك معاهن
كانت خوله خلف خديجه بالظبط لاجل تساندها وتدفعها من وراها
الشيخ : حي الله بالحريم اقربي ياخديجه يابنتي
تركن الحريم خديجه مير انها رفضت تتقدم وحدها
ناظر خالد لجاسم : تبي حد يقرب معاها اروح لها
جاسم : قسم بالله لكسر رجيلك
التفت خديجه ومسكت يد خوله وبرجاء : قربي معي لاتتركين ارجااش ياخوله
خوله توترت بشده : خديجه ترى مايصير
الشيخ طفش من المهزله الي تصير بسبب عناد جاسم وناظر لجاسم بتوعد : قربي يابنتي مع خديجه وكاد مستحيه تقرب لحالها
نزلت خوله راسها بحرج ومسكت يد خديجه وقربن من الشيخ وباست خديجه وخوله راسه
الشيخ : ابداء يالمملك
قرب المملك وقعد قدام الشيخ : ودي تقعد ياشيخ قربي عن اليمين ويقعد احد من اهل البنيه قربي عن اليسار
قعد الشيخ واشر لخالد يقعد
كان جاسم بيتكلم مير نظرت الشيخ الجمته
المملك : اقعدي يابنتي قدام اخوك وانت ياجاسم اقعد قدام الشيخ
قعد جاسم ويناظر خديجه الي ممسكه بيد خوله
قعدت خديجه قدام خالد وخوله قاعده خلفها من جهت اليسار
رفعت خوله راسها وانصدمت بزيد الي واقف قدامها ونزلت راسها بسرعه للارض
المملك : بسم الله وعلى سنة محمد صلى الله عليه وسلم امامي الاخ جاسم وبقربه الاخت خديجه لملكة الزواج بحظور الجميع
الشيخ : على بركة الله
المملك : لازم شاهدين
ذيب : انا بشهد عليه
زيد : وانا بشهد
المملك : اقعدو وراه ياعيالي
قعد ذيب خلف جاسم بجهت اليمين وزيد قعد مابين خديجه وجاسم من الخلف
المملك : جاسم موافق تتزوج خديجه وتشاركك حياتك بالحلوه والمره
جاسم ابتسم : اي موافق
المملك : خديجه توافقين يكون جاسم زوجك على سنة الله ورسوله وامام الجميع
خديجه هزت راسها بخجل
المملك : لازم الكل يسمع موافقتك
خديجه شوي وتقطع يدينها من الخجل ناظرت لخالد
ابتسم خالد : اذا ماودك عادي
رفع جاسم راسه وناظر خالد بحده
ابتسمت خديجه : موافقه
المملك : والد جاسم موافق على زواجت ولدك
الشيخ : ايي
المملك : خالد موافق على زواجة اختك
خالد ابتسم مير خاف من نظرات جاسم : اي موافق
المملك اخذ ورقه وعطها جاسم يوقع عليها ومن ثم اخذتها خديجه تبصم عليها
المملك : ذيب تشهد على ان هذي الزواجه تمت بموافقة الجميع
ذيب : اي اشهد
اخذ الورقه ووقع كشاهد اول
المملك : زيد تشهد على ان هذي الزواجه تمت بموافقة الجميع
زيد : اي اشهد
اخذ زيد الورقه ووقع
المملك : وانتي يا اختي دامك قاعده يعني شاهده خذي الورقه ووقعي
خوله بصدمه ناظرت لكنعان الي ابتسم واشر لها توقع
التفت خوله وناظرت زيد يمد الورقه لها اخذت الورقه ويدها ترجف وبصمت على انها شاهده ثالثه
وزيد مبتسم ويتمنى لو انهم وقعو على ورقة ملكتهم
المملك : نقراء الفاتحه لتفتح لهم ابواب السعاده
رفع الجميع كفوفهم يقرواء الفاتحه
الشيخ مسح يدينه على وجهه : صدق الله العظيم بالبركه باذن الله مبروك لكم
خالد : مبرروك وتتهنوا
وقفت خديجه ووقفت خوله وانسحبن بهدواء وراحو الحريم لشقهم
جاسم ضم زيد : ماودك تبارك لي
ابتسم زيد وضم جاسم : عشت مع الدور تصدق
جاسم باعد عنه : وشلون
زيد ببسمه يائسه : وقعت على ورقتك ووقعت بعدي على الورقه كانه عقدي انا وياها
جاسم ابتسم بخفه : لو انها من نصيبك بتاخذها الحين او بعدين
ابتسم زيد وقرب ذيب وكنعان وخالد يباركون والكل فرحان
،
عند خديجه الي فرحااانه والبنات الي يباركن ويضحكن حولها اما خوله تحس يدها للحين ترتجف وقفت وقربت من خديجه : مبروك ياقلبي
خديجه : يبارك بعمررك
خوله : ترى بروح لشق البنات بشرب شوي من العشبه
خديجه : راسك يالمك
خوله : لاتخافي شوي واجيك واطفش بك بعد
هزت خديجه راسها بزين وتحس بالم خوله تنهدت بخفه ابد ماهو راسك الي يالمك ياخوله تراه قلبك
،
زيد انسحب من بين الرجال بهدواء لاجل محد يلاحظ عليه حس بكتمه وده يستنشق هواء
وقف قرب خيمة البنات والي خوله تنام فيها وابتسم
: ليته حقيقه ياخوله ليتنا وقعنا ورقة ملكتنا
سمع دعس ورد لخلف الخيمه ويناظر بصمت
وابتسم لما ناظرها تدخل الخيمه وحدها وكاد بها شي ولا ماتفترق عن الحريم
،
دخلت خوله الشق وباعدت البرقع والشيله وتاملت حالها لابسه فستان ازرق غامق ماسك على جسمها ومبين جمال جسمها ورشاقتها ناظرت لاكتافها الي مايغطيها شي موديل الفستان من فوق صدره يمشي لين يديها وينزل مع يدينها مير اكتافها بدون ( ياليت فهمتو تصميمه لاني ماعرفت اشرح ) اما شعرها نازل لين اخر ظهرها وماخذه شيله زرقاء مثل لون الفستان صغيره وورافعتها من فوق راسها لخلف راسها ومخرجه على وجهها كم خصله
مكحله عيونها ومكتفيه بكذا تنهدت بخفه مير حست بجسمها تصنم من الشخص الي ضمها من خلفها
