على شروق الشمس قربو زيد والبقيه من قبيلة متعب
متعب ابتسم : قربناااا
ذيب : اييه فرحااان بشوفت ديرتك
متعب ابتسم : وشلوون مافرح وانا بلاقي ديرتي واهلي وعزوتي ميررر ماودي افرقكم
ذيب : ترى انا تعودت على السفر بكون اقضي كل اسبوع بقبيله
زيد : ولو تبي بعد انصب لك خيمه انت وغروب ههههه
ذيب : اييي ياليت بكون اقعد عندك شهر
ضحك زيد : تنوور باي وقت
وعلى مشارف قبيلة متعب وبعد ماطلعت الشمس ونورت المكان قرب متعب واستقبلوه الفرسان الي باطراف القبيله
وبمجلس الشيخ الي وقف يستقبلهم عند باب المجلس وصلت نجلا ونزلت من خيلها وركضت تضم والدها الي ضمها وكانه فقدها سنه مو اسبوع وكم يوم
نجلا بدموع : فقددتك يبه فقدتك يالغالي
ابتسم ابو متعب : والله انه انا الي فقدتك يانور عيوني
راحت بنتها تركض وتضمها من رجلينها بفرحه تركت ابوها وضمت بنتها وتحركت مع هند لشق الحريم
الشيخ ابتسم وضم متعب الي يناظر وبتسم : مافقدتنا
متعب : اييييه فقدتك حيل ياتاج راسي
تركه متعب وقربو الشباب يسلمو عليه ويتفقد عن اوضاعهم
قربو لهم الاكل واكلو لين قالو بس وبعدها راحو ينامو لاجل يلحقو يصحو بغروب الشمس
،
تمددت خوله وتحس بنعاااس والم خفيف براسها اخذت عشبه وشربتها مع مي لعلها تهدي المها
نجلا ابتسمت : يالمك راسك
خوله : خفيف بس مع الرحله
نجلا : والله بي نوووم
خوله : اجل خلينا ننام كود اصحى على غروب الشمس
نجلا : وانتي صادقه
،
على غروب الشمس وبشق متعب الي نامو فيه صحى زيد ووقف يناظرهم وابتسم طلع وراح للغدير قعد قرب الغدير يغسل وجهه ويشرب مي ابتسم على شكل الغروب والسماء حمراء سحره المنظر وقعد يناظر بدون مايحس بالي حواليه بعد دقايق حس بحد حوله رفع راسه وناظر بحرمه حوله تبسمت الحرمه وقعدت قربه
فز زيد ووقف ووقفت الحرمه معه
زيد عقد حواجبه بغرابه : من انتي وش تبي
قربت منه الحرمه بدلع : وش صار ليه تبعد
زيد بعصبيه بعد ماعرف بنواياها : ابعدي عني قبل تندمين
قربت الحرمه منه اكثر : وش فيك شفتك قاعد وحدك وقلت اونسك
زيد شد قبضة يده : انتي ماعندك اهل يلمونك
ضحكة الحرمه بغنج : ماعندي الا انت
مدت الحرمه يدها بتلمس وجه زيد وقبل يتحرك زيد انمدت يد ومسكت يد الحرمه
ناظر زيد وابتسم بسعااده : خوله
خوله بحده : لو تمدين يدك مره ثانيه بقطعها لك
الحرمه دفت خوله بشراسه لكن زيد كان اسرع ولف يده حول خصر خوله يثبتها : تعورتي
ناظرت خوله زيد وشدت جسمها بتوتر من يد زيد مير باعدت من قربه بسرعه وقربت من الحرمه وعطتها كف
خوله : ترى قادره اقطعك هنا وخليك طعام للذياب
الحرمه ماسكه على خدها : ومن انتي لجل تبقي بقربه وش لك منه
وقبل تنطق خوله تكلم زيد بعد مالصق بظهر خوله : بتكون حرمتي قريب
ناظرت الحرمه لخوله بحقد وراحت تجري اما خوله تصنمت من حركة زيد الي حط صدره بظهرها ويده اليسار بخصرها
زيد يستنشق عطرها وبهدواء : غرتي عليا ياخوله
تحركت خوله تبعد لكن زيد مسك خصرها بيديه الثنتين وماترك لها مجال : بتصيري حرمتي
خوله وابد ماهي قادره تتكلم تحاول تتحرك من بين يديه ولكن زيد متمسك بخصرها حيل : خوله ارجاش قولي اي
خوله ودموعه تلمع بعيونها : ز ززيد ات اتركـ ـني
ضمها زيد اكثر لعله يقدر يخبيها بصدره : ارجاش قولي اي ياخوله
خوله بكت بقلة حيله : زيد ارجاك اتركني ماقدر اقول ايه وانا لادهم مابيدي شي يازيد ارجاك اتركني قبل لحد يشوفنا
تركها زيد وبداخله حقد لادهم ويتمنى موته اليوم قبل باكر ناظرها وابتسم بكسرة نفس : روحي ياخوله
ارمشت خوله بعيونها والرموش تبللها الدموع
زيد ابتسم : ودك تضلي
تراجعت خوله خطوه لوراء وعيونها عليه :
لا تبآلغ بآلمحبه وتصدمك آلظروف
ولآ تعمق بآلمشآعر وخلك وآقعي
ابتسم زيد : اي ظروف واي واقع
اشر زيد لصدره : مابه شي يطلعك من هنيه
نزلت خوله راسها للارض : وينك من قبل
زيد : لو قربت لك قبل بترضي وانا الي دوم اجرحك واعصبك
ناظرته خوله بصمت لدقيقه وتحركت تاركته خلفها وعيونه تراقبها
تنزل دموع ماتدري وش هي خيبه احاسيس او كتمان شي بداخلها :
يشهد الله لو قِسى قلبي عليك
ما ينوجع قلبك كثر قلبي أنا
اما زيد معلق عيونه عليها وكانها كل اماله وش ذا الواقع الي يجبرنا نرحل عن بعض وش ذي الظروف الي تفرق حبيبين
