كنعان عقد حواجبه : احس بتحركات حولنا
ذيب : خلكم متاهبين
هزاع بقلق : من رايي ننطلق بسرعه ولين وصلنا القبيله بنكون بامان
زيد : وانا اتفق معك ياهزاع
متعب : اجل استعدوا ننطلق مع بعض والحريم يكونن بالوسط زين
هند ونجلا : زين
تحركن بالخيول وخوله معاهن بصمتها ترتب الكل وكان كنعان وزيد وذيب خلف والحريم وسط وجاسم ومتعب وهزاع امام وعند اشارة هزاع انلطقوا بمحاولة ضبط السرعه لاجل مايخلفو الترتيب
،
عند فياض الي قاعد يرتشف القهوه بهدواء
سالم : فياض يافياض
فياض : خير
سالم بفزع : اشوفهم انطلق مسرعين
وقف فياض وحط قهوته : فيه شي تغير بهم
سالم يفكر : اييي ترى اختلف ترتيبهم
فياض : وشلون
سالم : كان ترتيبهم عشوائي مير الحين ثلاثه قدام وثلاثه وراء والحريم وسط
فياض عقد حواجبه وزم شفايفه : اسمع زين ابي عشره فرسان
سالم : خير يافياض بنقاتلهم
فياض : لا ياسالم دام صار كذا ترتيبهم وكاد حسو بشي حولهم وودي الحق لهم قبل يصير شي لهم
ابتسم سالم : زين الحين اجيبلك الفرسان يافياض
انطلق سالم وفياض راح لخيله اخذ سيفه ونط للخيل اتجه لطرف القبيله اخذ شاله ولفه حول وجهه زين ومابين غير عيونه
سالم : يافياض احنا جاهزين
ابتسم فياض : زين وراي
،
التف ذيب وابتسم : خلفنا ضيوف زيدو سرعت الخيل
التف كنعان وزيد وناظر للي وراهم كان عددهم كبير شوي
هزاع بخوف على الحريم : اسمعن ياحريم اذا وقفنا انتن بتنطلقين لقبيلة الشيخ ابو فياض
هند : مقدر اتركك ياخوي وماندري اذا قبيلة الشيخ بتوقف معانا او لا
هزاع بصرامه : هند لو تبقين هنا انسي اني اخوك
متعب بعصبيه : قربوا منا انطلقن يالحريم
شدت خوله على خيلها وانطلقت بسرعه وخلفها نجلا ومن بعد هند
ذيب : ترى ان صار شي لي واحد منكم عاش ابيكم تسلموا على عمي ابو ذيب
جاسم : ذيييب خل فالك زين
زيد : قربوا حيل
،
عند الحريم نجلا ركزت اشوي ومن بعدها فتحت عيونها على الاخير : وشلون صارو قدامنا
خرجت خوله سيفها وزادت من سرعة الخيل
،
عند فياض المنطلق بسرعة : سالم ابيك لما نوصل تاخذ الحريم للديره
ابتسم سالم : تقصد هذول الحريم
فياض بغرابه : وين الرجال ليكون صابهم شي
سالم : باذن الله خير
ناظر فياض ان واحده منهن منطلقه نحوهم وسيفها بيدها عقد حواجبه : سالم وكاد بيهجمو الحريم علينا
سالم : وشو ليه وشلون يبارزن
فياض : انتبهو مير لاتاذوهن زين
الفرسان : زين
انطلق فياض يسبق الجميع بخيله الاصيل
،
ارتفعت خوله اشوي من فوق خيلها رافعه سيفها ومستعده ولما قربت من اول رجال تواجهت سيوفهم قبل نظراتهم التفت خوله بخيلها وردت للفارس الملثم بخيله الاسود
التف فياض وناظر لها بحده : ماودنا ناذيكن
خوله وفريها وفرسه مشكلين دايره بخيولهم : ومن انت
فياض بفخر : انا فياض
خوله هدت خيلها وبهدواء : ولد الشيخ
فياض : اي وانتن
خوله بهدواء رجعت سيفها لغمده : ان كنت فياض ولد الشيخ وتنتخي نخيتك اخوي والبقيه وكاد يقاتلون الغزو
فياض بنخوه : وانا منتخي لك من اي طريق
خوله : من هذا الطريق ارجاك لاتتاخر عليهم الغزوا كثيرين ويبونا باي طريقه
اشر فياض لواحد من الفرسان : انت خذهم للشيخ وتفديهم بروحك
التف فياض وناطر لسالم : سالم اضغطو على الخيل لاجل نلحق عليهم
انطلق فياض ومن بعده سالم مع البقيه
ناظرتهم خوله وبعيونها دمعه حايره تبي تروح معاهم مير وشلون وكنعان مايكلمها وشلون بتزيد الطين بله
الفارس : تفضلن ياخواتي نرد بسرعه اخاف لنواجه من الغزوا وانتن حريم
هند : زين انطلق واحنا خلفك
قربت نجلا من خوله : خوله لزوم نتحرك ونروح للشيخ
هزت خوله راسها وانطلقت مع الفارس ونجلا وهند خلفها
،
عند زيد والبقيه الي حاصروهم الغزاه
ذيب مبتسم : ان مت فيشهد الله اني عزيتكم وانكم بنظري اخوان ماجابهم الله
ضحك متعب : فال الله ولا فالك ترى اذا انت مستغني عن حالك ماني مستغني عنك ياخوي
ناظره ذيب والبسمه شاقه حلقه : اجل كلا يحمي ظهر اخوه زين
جاسم مبتسم : مدري ليه نبتسم ونضحك وذول كلهم حولنا وش الحال
زيد مبتسم لحال : الحال الله العالم به مير كلا ينتبه على حاله زين ماودي اخسر احد
كنعان عقد حواجبه : وش ذا ماودهم يهجموا
هزاع : وكاد يدروا من احنا وكاد يبونا رهاين
زيد بصوت مرتفع : وش تبو منا
تكلم واحد مبتسم : ودنا فيكم رهاين لاجل كذا امشوا بدون مقاومه وبكل حال مابتقدروا تهربوا منا
ضحك هزاع : عز الله انكم مهابيل تخسو تاخذونا رهاين
ضحك الرجال بصوت عالي : رضيتو او لا بناخذكم مير وين الحريم
متعب بهدواء : تخسى تلمس طرف وحده منهن
الرجال : مابنلمسهن مير بيصيرين حليلات الزعيم
ذيب : تخسى انت وزعيمك الحيوان لو انه رجال كان جاء بنفسه ماهو مرسل بزران
الرجال عقد حواجبه : اجل حنا بزران زين بنشوف
اشر للي خلفه يهجمو لكن قبل يتحركوا سمعو صوت حوافر خيول متجهه لهم
،
وصلت خوله وهندونجلا للقبيله وكان الشيخ بنفسه منتظرهم
الشيخ ابو فياض : ياهلا ومرحبا ببناتي حياكن ربي
هند : يحييك ربي ياشيخ
الشيخ ابو فياض : خير يابناتي وين البقيه ووين فياض
نجلا : الغزاه كانو خلفنا وتركونا نهرب اما فياض فلحق عليهم لاجل ينقذهم
الشيخ ابو فياض عقد حواجبه : وش يبو منكم
هند : ياعمي الشيخ احنا كلنا عيال قبايل وعيال مشايخ
فهم الشيخ وناظر للفارس : اسمع زين تاخذ عشرين فارس وتلحق على فياض وضيوفنا
الفارس : تامر ياشيخ
انطلق الفارس بسرعه والكل خايف
ناظر الشيخ لخوله وقرب منها : لاتخافي يابنتي امسحي دموعك باذن الله مايصير فيهم شي
ناظرته خوله وهزت راسها بزين بدون ماتتكلم اخذهن الشيخ لمجلسه واستضافهن ونادى على بناته وحرمته
حرمة الشيخ ام فياض : حي الله بناتي حياكن خذن راحتكن
ابتسمت هند : يحييك ربي ياعمتي
الشيخ : هذول بناتي فاطمه وفهده وفايزه والعيال ماعندي غير فياض يحفظه ربي
نجلا : يخليهم لك ربي ولايحرمك منهم
الشيخ : من اي قبايل انتو يابناتي
نجلا : انا معي اخي من قبيلة الشيخ ابو متعب واحنا عياله انا نجلا واخوي متعب
الشيخ : ياهلا فوق راسي يابنتي
نجلا ببتسامه خجل : راسك عالي ياشيخ سلمت
هند : وانا من قبيلة الشيخ ابو هزاع وانا بنت الشيخ واخوي هزاع معي
الشيخ : ياهلا ياهلا على راسي
هند : يسلم راسك من كل شر ويحفظك ربي
الشيخ مبتسم وعيونه لخوله : وانتي يابنتي
رفعت خوله راسها : انا واخوي من قبيلة الشيخ ابو زيد ومعانا ولد الشيخ زيد ومع مرورنا في القبايل حضر معانا من قبيلة الشيخ ابو جاسم جاسم ولده ومن قبيلة الشيخ ابو ذيب ذيب ولده
الشيخ ابتسم : حياااكم فوق راسي يابنتي
خوله : يسلم راسك وراسك عالي
الشيخ : لجل كذا الغزوا يدوركم لكن باذن الله مايصيب حد شي انتم ضيوفي وضيوفي مصيونين
نجلا : بصراحه ياشيخ مستغربه
ابتسم الشيخ : من وشو يابنتي
نجلا مبتسم : دايم نسمع ان قبيلة الشيخ ابو فياض مايستقبل احد حتى لو ضيوف
ضحك الشيخ : ايه يابنتي وهذا الصحيح لكن بذا الغزوا مانقدر نترك حد بدون امان وشلون نرميكم خارج القبيله والغزوا ممكن يقتلكم باي وقت
هند : الله يحفضكم ياشيخ وهذا زين العقل محد يترك احد بوقت الصعاب
الشيخ مبتسم : صدقتي يابنتي
سمع الشيخ صوت خارج الخيمه وبعده صوت صرخات
،
فياض بشموخ : اتركوهم قبل تموتون
ضحك الرجال بخبث : ترى حنا اكثر منكم وحياااك بعد قرب منهم بيفرح فيكم الزعيم حييييل
فياض : اي بيفرح لما يدري ان عنده رجال اغبياء
حرك فياض خيله بثقه واسرع جهتهم تحت اندهاش زيد والبقيه ولما بداء فياض يقاتل وهجموا الي خلفه من الفرسان تحرك زيد وهزاع وذيب وجاسم وكنعان ومتعب يقاتلوا مبتسمين وكلا حاط ظهره بظهر الثاني
رغم كثرت الغزاه الا ان الشجاعه دايم تغلب وشجاعة الفرسان كانت غالبه ماهي الا خمس دقايق ووصل عشرين فارس وبكذا انسحب الي بقى من الغزاه وماكانو الا من 15 الى 20 رجال
قرب منهم فياض : حد تاذى منكم
هزاع : الحمدلله لو لا الله ثم انت كان مدري وش يصير
فياض : الحمدلله حياكم تعالو معي
متعب : ماعرفتنا عنك وباين انك تعرفنا
فياض ابتسم وباعد الشال عنه : انا فياض واعتقد والي اعرفه عنكم انكم ضيوف قاصدينا
جاسم ابتسم : حياك الله يافياض وصدقت احنا قاصدينكم
زيد : لقيت الحريم
فياض ابتسم : اي لقيتهم بالطريق وارسلت معاهن فارس لاتخافون
متعب : اشهد انك رجال سلمت ياغالي
فياض : يسلمك ربي حياكم للقبيله
اما كنعان حز في خاطره حال خوله لو انه ماهو بمزعلها كان ردت لهم مع فياض وماهي بتاركته في مثل ذا الموقف
،
عند الشيخ وقف الشيخ وحرمته وبناته ووقفن هند ونجلا اما خوله قاعده بهدواء
دخل فارس وباين انه خايف : ياشيخ ياشيخ
الشيخ بحذر : وش صار
الفارس ياخذ انفاسه : الغزاه الغزاه مادري شلون دخلو
الشيخ : دخلو هم بالقبيله
ماتكلم الفارس لان السيف انغرز بصدره وطاح
ابتسم الرجال الملثم : وش رايك ياشيخ بذي المفاجئه
الشيخ ويحس بخوف لان الي حوله كلهم حريم : وش تبي
الرجال ضحك : بسيطه ابي روحك
هند بشموخ : تخسى
نجلا : منت بواصل له
ضحك الرجال : ليه وانتن بتقدرن تمنعيني
خرج السيف الثاني وصار معه سيفين والكل خاف منه
وقفت خوله بهدواء يعكس كل الغضب والحزن الي بداخلها : جرب تقرب خطوه من الشيخ
ناظر لها الشيخ باين واثقه من حالها وعيونها مضلمه مثل ظلام الغيم قبل الرعود والمطر
ناظر لها الرجال وميل فمه : وش بتقدرين تسوين
رفعت خوله سيفها بيدها اليمين وتمسكت بالخناجر بيدها اليسار لاجل يكون الخناجر مثل السيف الي قبضته بالوسط
عقد الرجال حواجبه وكلم حاله وكاد ذي الحرمه الي يدورها الزعيم هين والله لحطها تحت رجولي دامها رافعه خشمها
قرب منها ورفع السيفين ونزلهم عليها بقوه
رفعت خوله يدها اليسار الي متمسكه بالخناجر وصدت ضربته بقوه وحركت يدها اليمين وجرحته ببطنه لكنه كان جرح خارجي
ابتعد الرجال عنها وناظر لبطنه وحس بدمه يغلي هجم على خوله بعنف وكانت خوله تصد كل ضربه وتحاول تهجم عليه باي فرصه وتجرحه تحت صدمت الشيخ
،
عند فياض والي معه لما قرب من القبيله ناظر لها وحد عيونه حس بشي ماهو طبيعي
فياض بصوت مرتفع : القبيله انطلقوا
انطلق فياض والفرسان وابطالنا خلفهم
وصل فياض وكانت القبيله قد تصدت للهجوم
فياض بحذر : وش صار
الفارس مبتسم : هجموا علينا ذا الانذال وهزمناهم
فياض : وابوي وش حاله ووش حال الامن عنده
الفارس : لاتخاف يافياض ماسمحنا لحد يدخل من هنا
تركهم فياض وانطلق لمجلس ابوه ودقات قلبه تسابق الثواني
