قرب سالم من فياض قرب قبر مزنه : فياض ياخوي سامحني
فياض والنار تعتصر صدره : ابد ما اسامحك ابد
سالم بندم ماينفعه : والله اني اموت بداخلي والله يا انه الموت ارحم من الي اعيشه
فياض وعيونه بقبر مزنه : اتعذب تستحق اكثر ياسالم
بكاء سالم : مزززنه سامحيني يامزززنه
وقف فياض بسرعه وقرب من سالم واخذه بياقته ولكمه بقوه : وشلووون تتجراء تطلب منها المسامحه وشلووون
سالم ابد ماحاول يدافع عن حاله : اضربني يافياض لكن اتركني اطلبها تسامحني
لكمه فياض بقوه وطاح سالم على الارض رفسه فياض برجله والتف سالم حول نفسه من الالم
ابتسم فياض بسخريه : رجال طول بعرض التويت من الالم وبنيه مثل الورده طعنتها بشكك وتركتها تذبل وتتحمل الالم لين ماتت وابد مارف لك جفن انت وش بضبط
قبل يرفسه فياض مره ثانيه قرب نواف ومسك يد فياض وابتسم باااالم يعتصره : لاتتعب حالك يافياض خله يعذبه ضميره كل يوم لكن بقول لك شي ياسالم ماودي اشوفك او امي تشوف قاتل بنتها وتتعذب وتتعب اكثر
ناظره سالم بصدمه : ليه يانواف
نواف : تراني بايعك ياسالم وماودي تبقى لي اخ يا اما تروح من القبيله لاجل ننسى اوجاعنا يا اما تبقى وتنسى اني اخوك او ان لك ام
فياض : وانسى شي اسمه فاطمه لان حتى فاطمه ماتبي شخص مثلك مثل ماشكيت باختتتك اكيد بتشك فيها وممكن تشك ببنتك بعد واحتمل كبير تقتلهم مثل مزنه
نواف : بعمري مابسامحك الله يجعلك طول عمرك متعذب ياسالم
وقف سالم وناظر لهم : اجل بلغو امي سلامي
راح سالم للخيل وانطلق به متعدي حدود القبيله ومايدري عن وجهته او مستقبله شي
،
على غروب الشمس كانو الرجال قاعدين قدام باب مجلس الشيخ يتاملون الغروب
ذيب ناظر للسماء وابتسم : شكل الغروب ينسي الهموم
كنعان : ابد كنه مسكن للالم ينسيك لحظات لكن الالم يرجع اقوى
ذيب : ورا ماتذلف وتتركني مع لحظات الغروب الجذابه
ضحك كنعان : ليكون تشبه الغروب ببنيه
ضحك ذيب من قلب : ايييه والله اني مشتاق لها حيل
متعب بغرابه : منهي ياذيب
ابتسم ذيب : غروب
جاسم : تمزح انت
ذيب : ابد ذا اسم خطيبتي
هزاع : بذمتك ذا اسم ولا تهيئات
ذيب بجديه عقد حواجبه : ايه من جد اشفيكم انتو
ضحك فياض رغم الي فيه : ذيب لاتجنني وشلون غروب اسم بنت
تنهد ذيب : عاد من ردات حظها وش اسوي لها
كنعان يضحك : باين انك جاد بكلامك
ذيب اخذ فنت رمل بيده رماها لفوق كنعان : كل رمل اجل شايفني امزح ماتشوفني هيمان ومدري وش
ضحك جاسم : تو ادري انك تعرف بغرام المحبين
ذيب تنهد : اااااااه
غمض عيونك واحلم انك معايا
وإن الزمن ما يوم فرق حبيبين
بعطيك أنا عمري و روحي هدايا
واهديني إحساسك ونبض الشرايين
أوعدني ما تعشق حبيبي سوايا
وأوعدك ما أعشق سواك انت يازين
أعيش أحبك و أعشقك للنهايه
و أحيا بوصلك يا غرام المحبين
صفقو الشباب بحراره وضحك
نواف : ابد ماتوقعت ان به احد يحب اكثر مني
فياض : ومتى ناوي تعرس يالاخو
ابتسم نواف من قلب : والله لو عليا لعرس بكره مير اختك بتعيي وتعرف دلع الحريم
ضحك زيد من قلبه على ذي الكلمه وتذكر اياام راحت عليه : وانت الصادق الحريم نصهم دلع ماله داعي
جاسم : اجل انا وذيب خاطبين ومن بعد
متعب ابتسم بشموخ : وانا خاطب هند اخت هزاع
نزل هزاع نظره للارض ولاحظ ذا الشي فياض وابتسم من قلبه : وهزاع خاطب اختي ولا ماعاد ودك ياهزاع
رفع هزاع راسه بصدمه : وشلون وهن
قاطعه فياض : فهده لنواف وباقي لي اخت اسمها فاطمه ان كنت ناوي بجد تخطب
ضحك هزاع وبانت صفت اسنانه : والله يشرفني اصير نسبك يافياض
جاسم ابتسم : انا وذيب ومتعب وهزاع وانتو متى ان شاء الله
كنعان : والله انا ناوي مير اذا متعب وافق احسبني معاكم
ناظره متعب : انا لكن ماعاد عندي خوات
كنعان ابتسم : ونجلا
متعب لاح شبح ابتسامه بوجهه : مير انت تدري انها تطلقت وعندها بنت
كنعان : اي مير ودي بها
ضحك متعب بفرحه : جااااتك ياكنعان
ابتسم كنعان ويسمع التبريكات ومنتظر يسمع زيد يبارك له ولكنه انصدم من ناظر زيد
زيد عقد حواجبه وحس بحقد لكنعان خاطب وفرحان بنفسه وانا حرمني اخته ليه ياكنعان ليه
جاسم ابتسم : باقي فياض وزيد متى ان شاء الله
فياض تنهد من قلب وناظر للسماء : متى ماكتب الله
حط نواف يده بكتف فياض : عيش حياتك يافياض ولاتناظر لوراء
ابتسم فياض بهدواء وهز راسه
ذيب غمز لزيد : والله يازيد لو عندي اختك كنت جبرتك تتزوجها
ضحك زيد : وليه انا
ابتسم ذيب : كذا دخلت مزاجي
زيد بمزاح : والله يكفي اني مبتلش بك ياذيب ماعاد بي حيل لذيبه
ضحك الكل وزيد مبتسم بهدواء : والله اذا استقرت الدنيا وهدائت ذي الغزوات مابادرون بي غير وانا اعزمكم على عرسي
ذيب : والله لجيك وارقص بعرسك واشل بصوتي قصيد لاجل عيونك
ضحك زيد : اجل كل مافقدت مشاكلك بتزوج وحده لاجل تجي
متعب : حشى وكم ناوي تعرس
رفع نظره زيد وكانه شاف طيف خوله وابتسم لخياله وتفكيره بها : بعرس لين الاقي الي تملك القلب
كنعان ابتسم : اجل لزوم نجهز لكم خيم لانه بيعرس مدى الحياه
جاسم ناظر كنعان وفهم قصده : وليه مدى الحياه اذا ماملكت الاوله قلبه بتملكه الثانيه
ذيب ابتسم : القلب مثل العجينه يبي له نار هاديه
ضحك فياض : والله يا ان عليك حكم مدري من وين تجيبها
ضحك زيد : عاد نار مره واحد تكوي قلبي
ذيب : لاااا اقصد يبي له دفي وحنان ورقه وهدواء لاجل تملك القلب وتنضج العجين
ضحك متعب : ولين تنضج عجينك منو بياكلها
ذيب تنهد وناظر للغروب : غرووب
ضحكووو بقوووه على ذيب الي عصب عليهم
زيد : ذيب الحين انت راضي عن اسمها
ذيب : اي زين وبعدين ان بغيره لها
متعب : بذمتك ذيب ليه اسمها غروب
رمى ذيب غترته عن شعره وهزه : ذا ابوها الحيوان لان زوجته ولدتها بوقت غروب واظلمت الليالي عيهم
نواف يضحك : وانت وش ناوي تسميها
ذيب ابتسم بهيام : بسميها شروق لانها اشرقت على دنيتي
ضحك الجميع وهذي المره ماعاد وقفو وذيب طفش منهم وتندم انه تكلم معاهم واخذ غترته وراح عنهم ينقال له زعلااان ههههههه
