في خيمة الشيخ دخل ادهم والفرح مرسوم على وجهه اتقدم من كنعان وجلس قدامه
وكان على يمين كنعان زيد الي فرحان برجعت ادهم لديرته
ادهم بسعاده : كنعان بشورك
كنعان باستغراب : ادهم بالاول هذي الجربه المي حقتنا وش جابها ليدك
ناظر ادهم للجربه المي حقة خوله : هههههههه بالاول اسمع
كنعان : قوول وش عندك
ادهم : والله يكنعان تدري اني اعتبرك اخ وودي تساندني
كنعان بدق صدر : وانا لك عوون مير في ويش
ادهم : تدري اننا بنرد بكره للديره وودي اليوم نعقد قبل نرد
كنعان : تعقد وش من يعقد
ادهم : كنعااان ركز ودي اعقد على خوله اختك وش بك ياخوي
كنعان فهاء اشوي وبعدين عقد حواجبه : انت انهبلت او انجنيت وش تعقد يامهبول
انصدم ادهم من رد كنعان : كنعاان وش بك وش الي ماعجبك
كنعان والي ركز ان زيد تضايق من هذا الموضوع : ادهم الملكه مو وقتها وبدري عليها
ادهم بعناد : وش بدري احنا بنعقد مابنعرس الا اذا ماتبوني
كنعان وبداء يضيق من ضيقة زيد الواضحه : ادهم وش الي مانبيك مير بدري ياخوي
ادهم : ليه بدري اليوم او بعد سنه بنعقد ونتزوج وش فرقت
هز كنعان راسه بعدم رضاء : ما اعتقد ابوي او اخواني يوافقوا احنا بصعوبه تقبلنا انها انخطبت
ادهم وعقد حواجبه : كنعااان ياخووي فيه شي
زم كنعان شفايفه ومايبي يناظر زيد ويفهمه ادهم لان ادهم ذكي ويفهمها بسرعه : ادهم
ادهم بقلق : كنعان قبل تقول اي شي خوله لي ومستحيل اي حد يفرقنا وان كنت انت
ياكنعان بتفرقنا تاكد انك عدو لي
كنعان : ابوي قدامك رواح له بس تاكد انا ماني موافق انك تعقد بذي السرعه
وقف ادهم وقرب من ابوه يهمس في اذنه
تحرك زيد بيقوم يطلع قبل يسمع اي شي بس مسكه كنعان واشر له يجلس
ابو ادهم بابتسامة فخر : والله ياجماعه عندي لكم خبر
الشيخ : خير يابو ادهم وشهو
ابو ادهم : اسمع ياخوي ابو كنعان دام الخطبه بين ادهم وخوله تمت
والكل موافق وراضي ليه مانخلي الفرحه فرحتين
ابو كنعان بابتسامه : وشلون يابو ادهم
ابو ادهم : ادهم وده يتملك على خوله قبل نرد لديرتنا علشان يطمائن انها حلاله
ادهم واقف جنب ابوه مبتسم بفخر وكنعان مركز في محلامح زيد
وساهر الي وقف عند باب مجلس الشيخ وماعاد قدر يخطي خطوه لداخل
ابو كنعان وفكر بكل النواحي : والله ياولدي يادهم مدري وش اقولك
بس اعتقد انك متسرع ياولدي
ادهم بابتسامة واثقه وجذابه : ابد ماتسرعت ياعمي مير ودي ينربط اسمي بسمها
ابو كنعان وماجازت له السالفه : اذ اخوانها موافقين وهي موافقه تمينا
كنان بهدواء : ادهم التسرع مو حلو
عنان : اعتقد انك تسرعت
هتان اكتفى بهز راسه بلا
وكنعان الي ادهم يعرف رايه مسبقاً
ادهم بقهر : بس ياعمي القول قولها
ابتسم ابو كنعان ويدري وش قول خوله : ما اعتقد انك بترضى واحد من عيالي يروح لها
لكن يروح زيد يسالها
هز ادهم راسه بقهر من موقفهم معه
وانصدم زيد ووقف وتحرك لخارج المجلس وقف عند ساهر يشوف صدمت ساهر بالخبر
وابتسم من قلب انه اهون من ساهر وراح
وقف عند خيمة ابو كنعان : كنعااان ياكنعااان
طلت عليه اشجان باستغراب : زيد كنعان في خيمة عمي الشيخ
زيد ورافع حاجب : ادري مير ودي تنادي خوله بسرعه
شكل زيد انه صار شي بس مستحيل تساله
ماهي الا دقيقتين وطلت خوله وبصوت هادي وناعم : علامك يازيد وش صار
ميل فمه بابتسامه استهزاء : يقول عمي ابوك موافقه تملكين اليوم والحين على ادهم
ابتسمت بخجل وقبل تنطق قاطعها زيد بقهر من ابتسامتها : ويكون بعلمك ابوك واخوانك
ماهم بموافقين مير ادهم يعاندهم
عقدت حواجبها وتكلم نفسه بصوت يسمعه زيد بدون تركيز منها : ليه ماهم موافقين وليه يعاندهم
فكرت ان ادهم يعاند ابوها واخوانها قهرتها وبصوت للحين حاولت يكون هادي : ليه ماجوا اخواني
يسالوني
زيد يبي يزيد الطين بله : لان ادهم ماوافق علشان مايغيروا رايك
خوله بقهر : لو يموت ماوافقت بدون رضاء ابوي واخواني
زيد بابتسامه وعاجبه الي صاير لخوله : وش اقول لهم
ناظرته خوله من فوق لتحت : مدري ليه احسك شمتان
ضحك زيد من قلبه وانقهرت خوله زود : انت هبيل
اسمع زين توصلهم الي بقوله
،
،
دخل زيد بشموخ طاغي وناظروه الي في مجلس الشيخ كلهم
ابو كنعان بابتسامه وفاهم ملامح زيد : هاه ياولدي وش قالت
ابتسم لادهم بشماته : تقول
( النصيب الي انكتب لي بلاقيه ... والزواج ماهو بالغصايب نجيبه )
ابتسم ابو كنعان من قلب على بنته : ادهم المره الجايه ليا جيت تملك على خوله
بس ماهو الحين
ابو ادهم بابتسامه : ماصار شي وش قلت يا ادهم
قبل يتكلم ادهم تكلم كنعان : واذا كنت يا ادهم مستعجل الله يوفقك
ادهم يخفي قهره ويكابر برفعت خشمه : ماني متنازل عن خوله وبنتظرها
تغير الموضوع ومرت مواضيع كثيره لين اجى الليل وكلا راح لفرشه
،
عند كنعان يفكر بخوف ويتكلم بداخل : ياخوفي يازيد ان ضنوني صحيحه
ياخوفي انك ماشكيت ضيقتك لي خايف افهمك غلط ليه يازيد ماتكلمت ليه
تحطني بموقف مثل هذا مع ادهم اااااه
التف على جنبه اليمين : والغزو الي ماوقف على القبايل متى بيجي يومنا
ماودي افقد احد ماودي احد يصير له شي يااااارب ساعدنا
،
عند ادهم الي متمدد على ظهره ويكلم داخله : وش قصدتي ياخوله ليكون
نزلت من عينك لاني عاندت اهلك مير ان حبك طغى فيني وودي اضمك الحين
قبل بكره سحر عيونك صوب قلبي خجلك وسترك زاد فوق حبك عشقا مستميت
ياليت تقدري ضروفي ياليت ماتفهميني غلط
،
عند زيد الي مانام وجلس عند النار الي تشتعل وداخله يقول : من يقول اني حبيتها
مخطي ماكان شعوري مثل ساهر الي حسيت الدم جمد بعروقه
ابتسم بخفه وتنهد لما تذكر نظراتها له وهي تقول شمتان : احب اااييييه احب اقهرها
علشان كذا ماودي تخرج من قبيلتنا اااه ياخوله ليتك ما اخطيتي وضميتيني بدل كنان
وليتك ما انلدغتي وحطيت راسك بصدري وليتني ماشفت لعيونك الي ليا شفتها حسيت
اني اغرق فيه دواء ينفع يعالجني ماودي اقهرها واتعود عليها ماودي اناظر عيونها ماودي
اميزها بين الحريم ليا شفتها تتبسم شفاتي غصب عني ماحبها مير مدري وش هو شعوري
،
عند ساهر الي ماقدر يتمدد جلس وتخللت يده شعره ابتسم بدون شعور لما تذكر انها تميزه
بشعره الي اطول حتى اشجان ماتلاحظ اااه ياخوله ليتني ماعرفت قصتك وليتني ماركزت عليك
وين بيوديك نصيبك ياخوله وعند من بيستقر
،
اما خوله الي راسها المها من كثر مافكرت كيف يعاند ادهم ابوها واخوانها كيف يتجراء
يعتقد اني احبه وبتخلى عن اهلي من شانه في احلامه حتى لو حصل وحبيته ادوس
على قلبي ولا يفكر احد يتعداء على ابوي واخواني
،
،
في الصباح كان البعض فرحان والبعض متضايق
عند زيد وساهر الابتسامه شاقه حلوقهم
اما كنعان متضايق لاجل ادهم وفرحان لشوفت زيد فرحان
عند خوله الي تودع خالتها وبناتها : والله ياخاله بنفقدك
ام ادهم : وانا بفقدك يابنيتي مير لزوم نرد لديرتنا
ضمتها خوله وتحس انها بتفقد حسهم وترجع وحيده
ابتعدت بهدواء وودعتهم اتقدم ادهم منها
ناظرها بشغف وهمس : ادري بتفهمي موقفي اني غلطان لكن
حبيس صدري واضلاعي وده يضمك اليوم قبل بكره اعذريني استودعتك الله
خوله بنفس همسه : ماكنت تسرعت وبضل انتظرك في حفظ الرحمن
ابتسم ادهم وراح مع اهله وكنان وابو كنعان وهتان راحوا يوصلونهم
زيد الي فضوله المه وش همس لها ووش همست له وليه تبسم اكيد راضته بكلامها
كنعان تنهد ويبي يقطع الشك من اليقين : زيد
ناظره زيد وحواجبه معقوده : اامر ياخوي
كنعان : تعال نروح للمرعى ودي اكلمك
هز زيد راسه بالموافقه وتحركوا باتجاه المرعى
،
اما خوله دخلت الخيمه وراحت وراء الشق وتغطت
دخلت اشجان وتقربت منها بهدواء تنهدت بصمت : خوله
ماردت خوله واشجان تهز فيها : خوله ادري انك مو نايمه خوله
فتحت خوله الغطاء وضمت اشجان تنزل باقي دموعها عليها
اشجان بالم لحال صديقتها : خوله وش الي مضايقك من امس ادري انك متضايقه
خوله بالم : اااه ياشجن مدري وش صار لي رسمت ادهم في خيالي شي
وامس كرهته وماعدت اطيقه
اشجان ودموعها تنزل بهدواء : وش سوى امس
خوله ودموعها ماوقفت : امس قال وده يتملكني وابوي رفض ...... تخيلي عاند ابوي واخواني
وارسل زيد يسالني واثق انه بياخذ موافقتي وهو معاند اهلي وسندي وظهري
اشجان تمسكت بيدات خوله وضغطت عليهم : هذا كان امس بس وش مضايقك اليوم وش موجعك
تركت خوله يدات اشجان وحطت يدها على صدرها : هذا يالمني هذا ذابحني بالحيل
مدري وش صاير مير اتالم بقوه اتالم ياشجن اتالم
وردت خوله تبكي اقوى من اول خااافت اشجان من حال صديقتها وقفت ماعرفت وش تسوي
خرجت من خيمة ابو كنعان ودمعها تنزل بقوه تمسحهم بيداتها تحاول تشوف اي احد من اخوان
خوله لمحت كنعان وزيد والشيخ يكلمهم جرت بسرعه لهم
،
قبل يوصل كنعان وزيد للمرعى وقفهم صوت فارس : زيد كنعان الشيخ وده فيكم
كنعان : اللحين نجي
غيروا مسارهم وردوا خيلهم من حيث ماجوا وقفوا عند الشيخ
وزيد مو مركز : سم يبه
الشيخ : اسمعوا زين بنرجع مثل قبل حراسه وتدريبات زيـ
قاطعتهم اشجان وهي تلهث ودموعها مغرقه اللثمه : كنعان ياكنعاان
كنعان خاف من شكلها : قولي وش صار خوله فيها شي
اشجان تحاول تجمع نفس وخايفه على خوله : خوله ياكنعان مدري وش صار لها الحق عليها ياكنعان
جرى كنعان والخوف مسيطر عليه وزيد وراه واشجان رجعت تجري خلفهم بتعب
دخل كنعان الخيمه وعيونه تدور خوله تقدم للشق ودخل وانصدم من منظر خوله
زيد الي ماوقف عند الباب ودخل خلف كنعان وشاف كنعان يدخل الشق ماهي الاثانيتي
وصوت كنعان يدوي : خووووله خووله
اتقدم زيد ودخل الشق وناظر كنعان ضام خوله لصدره عيونها الذابله والدموع المغرقه رموشها
دخلت اشجان وبصوت مرتجف من الخوف : كنعاااان ودها الطبيب
ناظرها كنعان : وش كانت تشكي منه اختي
اشجان : مدري مدري مير تقول صدرها يالمها وضلت تبكي
الكل متصنم اشجان تبكي وكنعان ضام خوله ودموعه تنزل بكل هدواء
زيد يناظر الاثنين وبصعوبه نطق : تحكوا سوو شي
اخذ زيد المي وسحب خوله من يدات كنعان ورشها بخفيف على وجهها اعطاها كف بالخفيف
على خده ويناديها : خوله خوله فتحي
ورد يرشها بالمي ناظر لاشجان : روحي هاتي بصل بسرعه
جرت اشجان تجيب بصل وزيد يهز خوله ويرشها رجعت اشجان وبيدها بصل مقطوع لنصفين
واصبعها تنزف دم اخذ زيد نصف البصل وحطه عند انف خوله وحركه خفيف
بدات خوله تفتح عيونها بخفه متضايقه من ريحت البصل
اول مافتحت واستقر نظرها : زي زيد
ابتسم زيد ورفع حاجب وكنعان سحبها لحضنه وضمها بقوه : وش يالمك ياخوله
ياجعلني بدالك
ابتسمت خوله بهدواء ورفعت يداتها ومسحت دموع كنعان : دموعك غاليه ياخوي ومابي اشوفها
ضمها كنعان مره ثانيه
اشجان الموقف اكبر منها وجلست ماعاد قدرت تتحمل انها توقف
اما زيد ماغير ابتسامته ورفعت حاجبه
ابتعدت خوله بهدواء عن حضن اخوها الدافي وتقدمت من اشجان ضمتها بقوه
واشجان بادلتها الضم وتعالت شهقات اشجان
خوله : شجن بس يكفي دموع خوفتك ياخوافه
اشجان : وقفتي قلبي مو بس خوفتيني مقدر على فرقاك ياهبيله
مسحت خوله دموعها وتبسمت لها بحنان الكون كله : ولاني ماقدر على فرقاك مارحت
زيد بسخريه : ليه بكيفك هو تروحي او تبقي
خزته خوله بكره ماهي الاثواني وركزت انها بدون شيله او برقع فتحت عيونها على وسعهم
وجرت خلف كنعان ماتغير من ملامح زيد شي ووقف وقبل يخرج : اشجان قسم ان شفتيني
مره ثانيه وجبتيلي اخبار مثل ذي ياويلك ماني بفاضي لدلع حريم
خرج ويحاول يكتم ضحكته اما اشجان ضحكت رغم دموعها الي تنزل
كنعان وهو يضحك : دايم زيد الي ينقذك ياخوله هههههههههه
ناظرت خوله كنعان وزمت شفايفها مقهوره من زيد : وليه ما انقذتني ياخوي
كنعان ومازال يضحك : مدري وش صار تصنمت المهم اني ضميتك ههههههه
اخذت خوله الجربه المي الكبيره وصارت تكب على كنعان وخرج يجري يضحك ولقى زيد
منتظره قدام الخيمه كنعان : ههههههههه قهرتها يازيد
زيد رفع حاجبه : ماقلت شي غلط
كنعان ناظره بعيونه بعمق : الي صار لخوله دلع حريم
زيد ارتبك من نظرات كنعان بس من خارجه ما اهتزت فيه شعره : اجل وش صار وش المها
عقد كنعان حواجبه : تصدق ماسالتها بس وكاد صاير شي
طلعت خوله واشجان من الخيمه وخوله متغطيه والبرقع عليها
تقدم منها كنعان : خوله وش كان يالمك وش صار
تنهدت خوله : ااه ياخوي مدري صدري يالمني احس بيصير شي سيئ مير مدري وشلون
خاف كنعان من الم اخته : زين وين بتروحي
خوله : شجن جرحت اصبعها بنروح لخيمت عمي ابو سامر شف كيف تبهذلت تراب
كنعان : لو لا اشجان وزيد في المره الاوله وهذي المره كان الله العالم وش صار لك
ابتسمت خوله بحب لاشجان : فديتك اشجان ياليت انك توامي
بادلتها اشجان الابتسامه : والله ياليت احسن من سامر وساهر
كنعان ووده يشوف ردت فعل خوله وزيد : خوله وزيد اشكريه مرتين انقذك
خوله بقهر : ليه كانت شجن مثل مالقته بتلاقي غيره ومحد بمقصر
زيد وحاجبه مانزل ( هههه علق حاجبه ماعاد ينزل ) : الي ادري به انه من الاخلاق تقولي شكرا
خوله تقلده وترفع حاجب : ماودي اقول
كنعان : خوووله وش ذا الكلام
خوله بقهر : ماطلبت منه من شان اشكره
راحت خوله واشجان وراها
كنعان : زيد
قاطعه زيد : ولاتقول شي قلت لك دلع حريم
ضحك كنعان من قلبه : لو تسمعك ماهي بعيده ترد تبارزك
ابتسم زيد وراح باتجاه مجلس الشيخ اما كنعان رد للخيمه ينتظر ابوه واخوانه
،
في خيمة ابو سامر دخلت اشجان وناظرت ساهر متمدد تقدمت منه
خوله دخلت ماتدري وصوتها مرتفع اشوي : شفتي يا شجن كيف يقهررر
سكتت وهي تشوف اشجان بقرب ساهر الي متمدد وباين انه كان نايم
ساهر الي فتح عيونه وناظر صاحبت الصوت الغاضبه : صباحكم خير
وقف وناظر خوله الي مستحيه ومنزله راسها : وش عندك انتي وياها الي ادري به ان
مقر اجتماعكن في بيت عمي بو كنعان
اشجان مبتسمه : ههههههه لاتخاف ماغيرنها مير بغير جلابيتي ونروح للطبيب لاني جرحت
اصبعي
ساهر بابتسامه : افااا عسى ماشر وش صار وبهذلك
ضحكت اشجان : فاتك نص عمرك لو شفت كنعان كان يبكي
ساهر عقد حواجبه : خيييير وش صار
اشجان : ابد مير الهبيله اغمى عليها وانا خفت ورحت اركض لكنعان وكان عنده زيد
ساهر بقلق : خير خوله وش صار لك
خوله وميته من الخجل ويالله تنطق : ابد تعب بسيط مير شجن كبرت الموضوع
اشجان : اسمع اسمع اول ماشافني كنعان ابكي وحالي حال راح يركض للخيمه وزيد وراه
وانا وصلت اخر وحده بعدهم شفت كنعان يبكي وضام خوله وزيد يناظر بصدمه
ساهر والي يبي يعرف زيد وش موقفه : ووش صار بعد
اشجان بحماس تحكي القصه : اتقدم زيد وسحب خوله من كنعان ورشها بمي وقالي
روحي هاتي بصل وانا بذيك الساعه عورت اصبعي واول ما استنشقت خوله البصل
فتحت
ساهر : الحمدلله على سلامتك خوله كيفك الحين
خوله بهدواء وخجل : الحمدلله
ساهر : اجل انا استاذنكم
طلع ساهر وتقدمت خوله تجلس وراحت اشجان لوراء الشق تغير ثيابها
،
عند ابو كنعان الي وصل اخو زوجته المرحومه لمشارف القبيله ورد
دخل الخيمه وناظر كنعان جالس مبتسم
ابو كنعان : كنعان علامك ياولدي
كنعان وقف بابتسامه وقرب لبوه وحب كفه وجلسه قربه
كنعان : ابد مير يابوي خوله كانت تعبانه
ابو كنعان بخوف على بنته : وش فيها خييير وينها
كنعان : ماصار شي يابوي ماغير بنتك تتدلع علينا اغمى عليها وصحيناها
ابو كنعان : طيب وينهااا
كنعان : ابد راحت مع اشجان يتمشون
ابو كنعان بقلق : متاكد ياكنعان انها بخير ماصار لها شي
كنعان بابتسامه : افاا يبه لو صار لها شي بسمح لها تطلع
،
في خيمة زيد القريبه من خيمة ابوه كان قاعد في الشق ابتسم
على شكل خوله بدون برقع وشيله كانت تذبح الخفوق شعرها الطويل
وغمازتها ورموشها المبتلها بالدموع ،
تبسم اكثر لما تذكر انه حط راسها بحضنه واسمه من شفايفها كان غير
بس وش المها عقد حواجبه : معقول متضايقه لاجل ادهم راح
سمع زيد صوت كنعان يناديه وبداخله يقول : مدري ليه احسك ياكنعان تختبرني بخوله
كنعان بصوت عالي : زييييد يا زيييييييد
طلع زيد من الخيمه واقترب من كنعان وابتسم : سم ياكنعان
كنعان بابتسامه كبيره : سم الله عدوينك تدري يازيد وش اكتشفت
زيد ارتبك وهذي المره بان عليه : وش اكتشفت
ابتسم كنعان وتقدم اكثر من زيد وضمه : ماقدر استغني عنك
دفه زيد وضحك : اقوول لاتكثر حكي تعال نتبارز في المرعى
،
بعد ما لفت بنت الطبيب اصبع اشجان بشوية اعشاب راحين
خوله واشجان يتمشون ومتجهات للمرعى
اشجان : وش تحسين فيه الحين ياخوله
تنهدت خوله وتبسمت بهدواء : احس صدري ثقيل
اشجان : تدري اني خايفه من احساسك هذا
ضحكت خوله بخفه : وانا احس بخوف مير مابيدي حيله
اشجان : ان شاء الله مايصير شي
خوله بخوف من احساسها : ان شاء الله
لفت انتباه خوله صوت سيوف مبارزه تقدمت مع اشجان يشوفن
ولما شافت كنعان وزيد يتبارزوا تبسمت : ودي ارجع ادرب الحريم
اشجان : اييه ترى الكل رجع للحراسه والتدريبات وانتي من بكره بتبداين
خوله : باذن الله تعالي نقرب منهم
اتقدمت خوله واشجان منهم وانتبهوا لهن
كنعان بابتسامه نذاله بعد ماحس بارتباك زيد لما راح له للخيمه : حي الله خوله واشجان
اشجان : الله يحييك كنا مارات من هنا وسمعنا صوت سيوفكم
كنعان يضحك : اشتقتي للمبارز ياخوله
ابتسمت خوله بهدواء : ايييه ودك تبارزني
كنعان بنذاله : والله ياخيتي اني تعبت بس زيد ماتعب تبارزي معه
ابتسم زيد بدون شعور وركز كنعان على ابتسامته : وش قلت يازيد
زيد بابتسامه : ماضنتي تقوى وقبل قليل داخت
خوله : اذا تعبان لاتجيب اعذار
ضحك زيد بخف : تعالي بشوف اذا ضعفتي بالمبارز
اخذت خوله سيف كنعان وتقدمت : مستعد
هز زيد راسه بالموافقه : اهجمي
اتقدمت منه بهدواء لين قربت منه وهجمت بضربه من فوقه بس صدها ناظر
لعيونها يشوفها تلمع كره له عقد حواجبه : اشوف بعيونك الكره لي
ارتفعت بسيفه ووجهت له ضربه وصده وصارت سيوفه اكس
خوله بحده : وش متوقع تشوف بعيوني
دفها زيد وبارزها لين ثبتوا بالسيوف المتضاده : اشوف فيها الخوف مثل كل مره
دفته خوله وردوا يتبارزوا لين ثبتت سيوفهم : ماهو بخوف شويت قلق
ابتعد زيد عنها : وشلون بتدربي الحريم ومهارتك صارت مثلهم
جرت خوله ناحيته ووجهت له عدت ضربات تحاول تجرحه باي طريقه
كان زيد فاهم وش هي غايتها ويتصداء لين ثبتت سيوفهم
خوله بتنفس سريع وارهاق : ماتغيرت ماهرتي وقوتي وبيجي اليوم الي اجرحك يازيد
ابتسم زيد واربك خوله بابتسامته العميقه : انتي جرحتيني جرح مايبرى وش تبي اكثر
ابتعدت خوله منه بسرعه وناظرت عيونه شافته يانظرها بعمق ارتبكت وتوجهت لكنعان
خوله بارتباك : تعبت هاك سيفك
كنعان وملاحظ كل شي بينهم حتى نظراتهم : تحسي بشي
ناظرته خوله : ودي باخواني
كنعان : الحين بالحراسه
خوله : بس الالم رد وودي فيهم
نزل كنعان راسه ورد رفعه : زين تعالي معي
زيد : وانا برافقكم
خوله : اشجان تعالي ناخذ خيل ابوي واخذك معي
اشجان : ماله داعي برد اجهز العشاء وتعبت من الجري اليوم
خوله : طيب لين ارد بمر عليك
اشجان : انزين
تحركوا كنعان وخوله معه فوق الخيل وزيد بخيل
وصل لكنان نزلت خوله وراحت تضم كنان : وش حالك ياخوي
ابتسم كنان بغرابه وناظر كنعان : يسرش حالي خوله وش صار
ماتكلمت خوله وضلت ضامته
كنعان : حبت خوله تتطمن عليكم والحين تعالي ياخوله نمر على البقيه
ابتعدت من حضن اخوها وناظرته بحنان : خلك منتبه ومركز
ابتسم كنان على خوفها : اييه لاتخافي مايصير شي
هزت راسه وجرت لكنعان : بسرعه كنعان بنمر عليهم
تحرك كنعان وزيد وراه ويتذكر يوم حضنته من وراه تعتقد انه كنان تبسم بهدواء
وصل لعند عنان ونزلت بسرعه وضمته
ابتسم عنان بفرح : حي الله خوووله وشلون عرفتي اني مشتاق لك
خوله ضمته : حسيت وجيتك
ضحك عنان وضمها ودار فيها وحطها : وش الي مخوفك ومقلقك
رفعت خوله راسه والابتسامه مليان وجهها : خايفه عليكم وقلت اطمن عليكم
عنان : مافيه شي ردي للخيمه وارتاحي
خوله : باقي هتان ودي اشوفه
ضحك كنعان : تعالي بوديك لاتحاول تقنعاها ياعنان ترد تعرفها عنيده
ضمها عنان مره ثانيه : الله يعين ادهم
ابتعدت من عنان وراحت لكنعان الي مركز ان زيد عقد حواجبه وتضايق اشوي
خوله : كنعان باقي هتان ودني له
ابتسم كنعان بعد ما تاكد من نص شكوكه : الحين نروح
تحرك زيد ووراه كنعان مبتسم : اقول يازيد
زيد بهدواء : سم ياكنعان
كنعان : سم الله عدوينك الا ماقلت لي وش رايك بادهم خطيب خوله
تنرفز زيد من داخله وغمض عيونه يكلم نفسه هذا الي ناقص تسالني عنه
كنعان : وش قلت يازيد
زيد بشويه غضب : انت ادرى انا مابلعته لاتتوقع امدحه
ابتسم كنعان وتاكد من زيد باقي خوله بس وشلون
خوله بهدواء : اذواق الناس مختلفه ماهو شرط يعجبه
ابتسم كنعان وجت من الله
زيد بغيض : وعاجبك تصرفه في عناده
خوله بنفس الهدواء : محد كامل اذا هو عنيد ترى انت عصبي
وقف زيد بالخيل وناظرها بحده : تقارنينه فيني
خوله : ليه وش فيك زود عنه
حس زيد بقهر وقبل يتكلم نطق كنعان : شرايكم تتبارزوا
زيد : ليه كملوا الرجال حتى ابارز حرمه
خوله بقهر : الحرمه ممكن تكون بعشره رجال
وقبل يتكلموا سمعوا صوت صريخ قريب
جروا بالخيول بسرعه وكان هتان وسامر يتصدوا لخمسه واربعه مقبلين بالخيول من بعيد
جرى زيد بخيله وخرج سيفه وتقدم يبارزهم
التف كنعان ونط من فوق خيله : خوله خليك فوق الخيل وارجعي اطلبي الدعم مبين انهم كثير
وجراء بسيفه لبينهم وكان عددهم اربعه والعدو تسعه فرق كبير بينهم
ماتقدر خوله ترجع وتتركه والالم الي بصدرها ينغزها نزلت من فوق الخيل وجمعت احجار
والي تقدر ترميها عليهم وردت لفوق الخيل وجرت فيه لقريب منهم ورجمت بالحجار الي تقدر
انتبهوا له اثنين فوق الخيول وجرواء وراها وانطلقت بخيلها
كانت تتمنى يجروا وراها اكثر علشان يتساوى العدد بينهم
جرت بالحصان وتدور فكره سريعه تساعدهم التفت حول اشجار النخيل وردت للي يتبارزوا
لين اقربت منهم نطت لفوق واحد منهم مقفي واخذت سيفه
وصراخ زيد قهرها : انتي غببيييه ليه رجعتي
كان زيد يبارز اثنين وكنعان اثنين وسامر وهتان حطين ظهورهم لبعض ويبارزوا الباقي
لكن خوله اخذت سيف واحد منهم وقربوا الكل منها كنعان : خوله حسابك بعدين
الحين لاتتفرقوا خلونا كذا نحمي ظهور بعض
هتان : ليه ياخوله ليه
خوله : راسي قبل راسكم
كانت خوله تدخل تنحمي بين ظهورهم وتخرج تباغت العدواء جرحت اثنين واللي اخذت سيفه انسحبوا
وبقى سته اتقدمت خوله لواحد منهم مكار حاول يجرحهم عدت مرات وهذا الشي قهرها
اتبارزت معه لين ثبتت سيوفهم ركلته بقوه واختلت قبضته للسيف وطيرت سيفه وحطت السيف برقبته
خوله بشموخ : من انت من اي قبيله
ابتسم بمكر لخلوله : والله فاجئتيني حرمه وتبارز
ضغطت على السيف والمته : بتقول او
هز راسه بالموافقه : احنا مالنا قبيله احنا اي قبيله نهواها ناخذها بمالها وعتادها
ضحك باستفزاز : وحريمها
اتقدم زيد وركله بقوه لين طاح بالم : خوله لاتختبري صبري روحي للخيل وردي للقبيله قبل اقتله
الحقير هذا
خوله : مابتحرك الا معاكم
سحبها زيد من يدها ودق صدرها بصدره وصد الضربه الي جايه من وراها
رفعت راسه بهدواء ويدها بصدره اول مره تركز بملامحه نزل زيد راسه بعد
ما جرح العدو وتلاقت عيونهم ثوانـ¹ـ²ـ³ـي معدوده بس حسوها ساعات انتبهت للي خلف زيد
ودفته لخلفها وواجهت الي حاول ياذي زيد بكل قوه حط زيد ظهره بظهرها
وبصوت قلق : خوله لاتبتعدي خليك قربي
خوله وتنفسها سريع ومحرجه بنفس الوقت : انزين
كنعان يبارز ومركز مع زيد وخوله وهذ الشي فرحه انصابوا من العدو ثمانيه وهجوا
كنعان بفرحه : اكيد خافوا
سامر : ايييه الحمدلله الي جيتوا بالوقت المناسب ولا كان رحنا فيها
هتان : الا وش جابكم
اما عند زيد وخوله التف زيد وناظرها بقلق : تعورتي انجرحتي
نزلت عيونها للارض بهدواء : لا ماصار فيني شي
زفر زيد بقوه : ليه رجعتي ليه مارحتي للقبيله
خوله : خفت اروح واتركم للعدو
زيد بشويت عصبيه : هذا احنا ماصار فينا شي لو صار لك شي
خوله رفعت عيونها له : واذا صار فيني شي يكفي ان اشوفكم بخير ولا اضل قلقانه عليكم
زيد مركز على عيونها : قلقانه علينا كلنا
فهمت خوله مقصده وتعلقت بعيونه بدون ماتقول كلمه حست بشي يجذبها بعيونه تدور على
شي بعيونه بس ماتعرف وشو
كنعان قرب منهم وحمد ربه ان البقيه مو مركزين على زيد وخوله
وبصوت عالي : خوله تاذيتي صار لك شي
فزت خوله على صوت كنعان الي قاطعها وبارتباك واضح : لا لا ماصار فيني شي
بروح للخيل وانتظرك
ابتسم زيد على ارتباكها : كنعان لزوم نرجع بسرعه ونعلم ابوي وباقي القبيله
ابتسم كنعان : ايييه مير لزوم اشكرك انقذت خوله وانتبهت لها
ناظره زيد وخايف من ملامح كنعان : ماسويت شي خوله مثل اختي
بسرعه خلنا نتحرك ونعلمهم
مشى زيد ويفكر وش يقصد كنعان ملامحه تخوف وكانه يعتقد اني احب اخته
هز راسه بالرفض ونط فوق الخيل وانطلقوا بسرعه لخيمة الشيخ
،
عند الشيخ كان ماشي من عند الرعيان يتفقدهم ويتفقد الحلال
وكانوا معه ابو كنعان وابو سامر وابو قسور
ابو كنعان : الحلال انزاد هذي السنه خير وبركه
ابو سامر : ايييه مير المطر تاخر بنزوله الارض قربت تجف
ابو قسور : الله يكون بالعون
ابو كنعان بقلق : احس بشي صاير ياخوفي على خوله
الشيخ : وش مقلقك ووش فيها خوله
ابو كنعان تنهد من قلب : مدري يقول كنعان انها داخت بس لما رديت مالقيتها
ابو سامر : لاتخاف خوله ماينخاف عليها تلاقيها قرب الغدير
ابو كنعان : الله يستر
وقبل ينطق حرف زياده شافوا كنعان وزيد مقبلين بخيولهم
الشيخ : وش فيهم يجروا به بسرعه وكاد به شي
وقفت الخيول ونزل كنعان ونزل خوله معه ونط زيد من فوق خيله
زيد : السلام عليكم جميع
الكل : وعليكم السلام
الشيخ : خير وش فيه
كنعان بابتسامه يطمنهم : ابد مير خوله قالت ودها تشوف اخواني
ووديتها لعند كل واحد منهم
زيد وحواجبه معقوده : ولما وصلنا لعند هتان وسامر سمعنا اصواتهم جرينا لهم
والعدو يهاجمهم
ابو كنعان بخوف : كم عددهم هتان وساهر تاذو
زيد : مابهم شي الله ستر ووصلنا بالوقت المناسب اما عددهم كانوا خمسه وقربوا بعدهم اربعه
ابو سامر بقلق : اربعه مقابل تسعه حد صار فيه شي
كنعان بابتسامه : قصدك ياعمي خمسه مقابل تسعه خوله كانت معانا
تقدم ابو كنعان وضمها بخوف : صارلك شي يابنتي تاذيتي خفتي
تبسمت خوله بهدواء : ماصار لي شي لاتخاف
ابو سامر : خوله عن عشره فرسان انا اشهد ان مامثلك بنيه
تقدمت خوله من ابو سامر وحبته فوق راسه : تسلم لي ياعمي
كنعان ويراقب زيد : لاتخاف يبه زيد كان يحميها
ابو كنعان بابتسامه : تسلم يولدي هذا الشبل من ذاك الاسد
زيد بابتسامه : ماسويت شي خوله اختي وواجبي ادافع عنها
ناظرته خوله بهدواء لما لفت لها كسرت نظرها وردت لكنعان : والحين ياخوي ردني لخيمتنا
كنعان بابتسامه : ماطلبتي شي تعالي
زيد : عن اذنكم بنرد
الشيخ : بكره الصباح ودي بالقبيله كلها تجتمع
الكل : تامر طال عمرك
نطت خوله لفوق الخيل وبعدها كنعان وكانت خوله قدامه
خوله بابتسامه هاديه : ارتاح صدري ياخوي
حطت راسها بصدر كنعان ونطقت بحنيه : الله لايحرمني منكم
ضمها كنعان بيد ومبتسم لحنان اخته عليهم وخوفها : ولايحرمنا منك
كان زيد مراقب حركات خوله وكلامها ويكلم نفسه ( ليه ناظرتي لي ياخوله
يوم قلت انك اخت ااااه ماعدت افهم شي الي ادري به ان عيونك اسرتني )
،
في صباح يوم جديد القبيله كلها تجمعت بمجلس الشيخ يناقشون موضوع العدو
الشيخ بصرامه : الكل يستعد دام الاطفال تعلموا المبارز الي يعلموهم مع الي كانوا
يتدربوا يحرسوا القبيله الله ستر على سامر وهتان بوصول كنعان وزيد وخوله
لكن ماهي بكل مره بنسلم هذي المره بنحط خمسه رجاال بكل جهه
الكل : تم طال عمرك
ابو قسور : باقي الحريم صار لهم مده مايتدربون
ابو سامر : اييه لزوم ينزاد لهن التدريب
الشيخ : الحريم بيتقسموا لاربع مجموعات عند زيد وقسور وكنعان ومحمود
وخوله بتكون قريبه من الاربعه الي يحتاجها ماهي بمقصره مفهوم
الكل : اييه طال عمرك
ابو كنعان : ياشيخ والحلال لزوم نحط له حراسه
الشيخ : ايييه ذكرتني وبنحط عند الحلال خمسه رجال
ابو قسور : ياشيخ وشلون بيكون ترتيبهم للحراسه
الشيخ : هتان وصقر وراشد وخالد وفهد في الشرق
وساهر ومازن وعدي وسطام قيس ،......
بعد ماتم تحديد الجميع الكل : تم طال عمرك
عند خوله واشجان الي جهزوا الصبوح والقهوه لرجال القبيله
اشجان : خووله وش تتوقعي يقررون
خوله : اكيد الشي اللازم
اشجان : خووووله وش فيك من صباح الله اكلمك تختصري الكلام معي
هزت راسه خوله تخرج كل الافكار الي في راسها : راسي يالمني
اشجان : ودي اغمض عيوني وفتحهم وكل المشاكل ذي انتهت
ابتسمت خوله : اقول غمضي عيونك وفتحيهم ويجونا ياخذوا الصبوح للرجال
ضحكت اشجان : ايييه اكيد الحين يجون كل شي جاهز صح
خوله : ايييه كل شي جاهز
نادى ساهر اشجان من شان تتغطى خوله
اشجان : حياك اقرب
تقدم ساهر وكنان وزيد وكنعان وسامر
ساهر : كل شي جاهز ناخذهم
اشجان : ايييه خذوا هذي الصحون
تقدموا سامر وساهر وكنان اخذوا الي قدروا وراحوا وتقدم زيد وكنعان
زيد : اشجان ريحت الاكل تفتح النفس والله انك سنعة الحريم
ضحكة خوله بخفه بدون ماتعلق
اشجان بابتسامه عريضه : ترى ماهو انا الي طبخت ذول خوله الي طبختهم
ناظرها زيد بصدمه ماتوقع اكلها لذيذ : والله وتعرف تطبخ وتقابل المطبخ
كنعان : ايييه خوله سنعه من يومها
خوله : الا كنعان وش تكلمتوا فيه
كنعان : الحين ماهو بوقت الشيخ بيجمعكم يالحريم بعد اشوي
ساهر : حشى وين غطستوا
كنان : ليكون تاكلوا قبلنا والله الجوع هدني
خوله : بسم الله عليك يخسى الجوع
اخذت قطعت خبز ولفتها بشوية فول
خوله : خذ حطها بفمك ياخوي
اخذها كنان : ياجعلني منحرم منك ياخوله
سامر : اقووووول الناس منتظره نجيب الباقي ماهو نبطي مثل كنعان وزيد
اخذوا باقي الاكل ودلال القهوه وراحوا
خوله : اشجان بروح اجيب مي لجلي الصحون
اشجان : بس بذا الوقت محد بقرب الغدير ياخوله وش له تروحي
ابتسمت خوله : لاتخافي بروح ورد بسرعه باخذ خيل ابوي
اشجان : خوله ماني مطمنه تروحي الحين انتظري لين يجي كنعان
وقفت خوله واخذت دباب المي : هههههه لاتكبريها
راحت خوله ومالقت خيل ابوها وردت اخذت خيل كنعان
تحركت بالخيل تجري فيه لين وصلت للغدير نزلت تمليهم مي
تحس باشخاص يراقبونها خافت اشوي بس مابينت انها مدركه بوجود اشخاص غيرها
اخذت نفس وواصلت مابقى لها غير دبه واحده سمعت صوت حوافر الخيل الي تجري بسرعه
نحوها ارتفعت وخرجت سيفها ودارت بسرعه
زيد بغضب : شلون تجي للغدير وحدك انتي هبيله
خوله : ماني بزر انا قدها وقدود
زيد : لا انتي اكبر بزر حشى منتي بعاقله
خوله : وش جابك ليه تعلي صوتك فوقي
زيد : سمعي كلامي لاتسوي نفسك شجاعه حتى لو كنتي قويه انتي بتضلي حرمه
خوله بغضب : واذا حرمه
قاطعها زيد بغضب : تعرفين وش يعني حرمه تعرفين انك شرفنا وش يصير لو ياخذونك
يمكن تبارزي اثنين ثلاثه لكن ماهو باكثر حطي عقلك براسك ماهو القوه تعميك
ناظرته خوله بهدواء تستوعب كلامه كل الي قاله صحيح نزلت نظرها وردت تاخذ المي
زيد بهدواء عكس الي كان عليه : انتبهي مره ثانيه اذا مالقيتي اخوانك كلميني
هزت راسها بهدواء بالموافقه نط زيد واخذ منها المي ثبتوهن فوق الاحصنه ونطوا فوقهن
خوله بهدواء : شجن الي كلمتك
ناظرها زيد وابتسم : شفتك يوم اخذتي خيل كنعان والدباب
هزت راسها بهدواء تحس كلام زيد نبهها لشي انها حرمه لزوم تنتبه
