عند خوله والحرمه
الحرمه : سمعي زين بروح ادور نبته نادره ان لقيتها بتكوني محظوظه لانها بتعالج جروحك بليله واحده
خوله : اوصفيها لي ياعمتي لاجل ادورها بعد
الحرمه : النبته بنفسجيه بتلاقي ورقه او ورقتين لان الي نبيه جذور النبته
خوله : زين فهمت الحين ادورها معك
الحرمه : لا يابنتي انتي دوريها بقرب المرعى لاجل الرعيان ينتبهو عليك وانا بدورها بين التلال
خوله : تامري ياعمتي
راحت الحرمه بعصاتها تدور ابتسمت خوله واتجهت للمرعى القريب منها ناظرت لمكان به اشجار حيل كثيره وفكرت انه انسب مكان تدور به قربت شوي وسمعت اصوات ميزتها لكن الكلام صدمها قربت اكثر لاجل تسمع بوضوح ووقفت متجمده من الكلام الي سمعته
،
فاطمه : الغداء جاهز خلونا نعلم فياض
فهده : ابد مابروح ماشفتي شلون ناظرنا
هند : احمدي ربك كانت نظرات ماهو تهزيئه محترمه لااا والاخ ذيب قاعد يضحك
نجلا : ترى الكلام لك واسمعي ياجاره والله حرام يسوون فينا كذا
ضحكت فاطمه : والحل يعني بتضلون كذا مادين البوز
هند : والله مادري عنك دامه عادي روحي انتي وخبريهم ان الغداء جاهز
فاطمه بابتسامه : والحل عندي
طلعت من خيمة المطبخ وراحت ماهي ثواني الا وردت
فهده : ايييه اجل الحل عندك فايزه
فاطمه : ايه
ناظرت فاطمه لفايزه وابتسمت : روحي لفياض وقولي له ان الغداء جاهز زين ياقلبي
ابتسمت فايزه : ايه تامري
وراحت منطلقه لمجلس الرجال
،
وقف زيد واخذ نفس كبير يطفي نار صدره سمع صوت اغصان شجر تحركت التف وركض بسرعه يناظر من الموجود مسك اليد الي شافها وجذبها ناحيته
،
فياض : هلا فايزه وش تبي
فايزه بنت التسع سنوات : يقولون الغداء جاهز
فياض : زين الحين اجيبه
راحت فايزه تتبسم وردت لخيمة المطبخ
ذيب : وين جاسم وزيد
متعب : وكاد قريبين
هزاع : ليكون حصل لزيد شي ورد تعب مره ثانيه
متعب : ماضنتي به شي مير وكاد يتمشو هنا وهناك
ذيب : كنعان ياخوي
كنعان : هلا
ذيب : متى بنرحل
كنعان : الي تقوله الحرمه بكره او بعده
ذيب ابتسم : والله اني من الحين احس بشتاق لكم
طل عليهم جاسم وقعد بهدواء
ذيب : اقول ياجاسم غربيه وش مضيق خلقك
جاسم : وش تبي ياذيب تراني ضبحان
ذيب : شي نادر اشوفك كذا قلت اعرف السبب
جاسم : ابد سلامتك ياخوي
ذيب : اجل وين زيد
جاسم : بالمرعى
وقف ذيب وابتسم
متعب : على وين ياذيب
ذيب : بروح ادور زيد
هزاع : اتركه عنك ياذيب لو وده يرد كان رد مع جاسم
ذيب : اييه مير ودي اتكلم معه شوي
فياض : اجل لاتتاخرون على الغداء
ابتسم ذيب : ولايهمك دقايق واحنا هنا
فياض : اقول ثواني وانتو هنا لاجل تلحقو على الغداء
زم ذيب شفايفه : اجل دقايق ماتنفع
فياض : ابد
ذيب : ترى ياخوي يافياض كل شي بذي الدنيا ينفع
تركهم ذيب مسرع ونط لفوق خيله وجرى به
فياض رفع حواجبه : من جده ذا
ضحك متعب : وانت شفت منه شي
ابتسم كنعان : مير انه يغير جونا ويقلب حالنا لاجل نتخطى بعض المشاكل
هزاع : ترى بعرسي ابيكم كلكم حاظرين من الحين اقول لكم انتو صرتو بحسبة اخواني ومالي غنى عنكم
فياض بابتسامه : والله يسعدني اكون اخو لكم مير هذا دايم حالكم
جاسم : اي حال
فياض : عصبيين بالغالب
ضحك كنعان : وانت شفت شي تو كانو يتهاوشون
جاسم : كان ذيب وزيد ابد مايتفقو كل شوي واحنا ماسكينهم ومن رحنا قبيله متعب ماعاد كنا ندري نمسك زيد عن ذيب او نمسك متعب
ابتسم فياض : لييه كل ذا هواش
متعب مبتسم : كنت اشب من اول كلمه تنقال لي ومن تعرفت على ذيب ماهديت من اول كلمه يقولها اشب فوقه مير الحين تعودت عليه وهديت اشوي
هزاع : ترى اخر هواش كان بقبيلة يافياض زيد ماسكه جاسم ومتعب ماسكه كنعان وذيب قاعد يتقهوى بكل هدواء
ضحك فياض : اجل فاتني الكثييير
،
ماشالت خوله عيونها من زيد وقف زيد واستوعبت خوله كل الي يصير والتفت تجري ودها تبتعد لكن غصن شبك بيدها حاولت تسحبها وتسمع صوت جري ناحيتها حست بشي مسك يدها وسحبها ناحيته لكنها صطدمت بشي
،
هند : احس بقلق وينها خوله طولت
نجلا : ياخوفي صار لها شي
فاطمه : اقول لاتخافون ترى العمه بقربها
هند بعصبيه : ووش تقدر ذي الحرمه تسوي ياخوفي تكون من الغزاه
فاطمه : وش تقولين ترى من عرفت حالي وهي بقبيلتنا وتراها عجوز ماتاذي
نجلا : اجل ليه ماتركت حد منا يروح معاها
فهده : وكاد تبي تقول لها شي
تنهدت نجلا : وش ذا الحال لا الرجال اخذو غداهم ولا احنا الي تغدينا
فهده : اقول هذا الغداء قدامك كلي وش الي يمنعك
ناظرتها نجلا : ودي اتطمن على خوله بالاول
فهده ابتسمت : اجل لاتتحرطمي فوقنا حطي يدك بخدك وانتظري حالك من حالنا
،
مسك زيد اليد الي شافها وسحبها اصطدمت بصدره ولف يده الثانيه حولها اما خوله مع صدمتها حطت يدها بصدره مرت دقيقه وكلا يناظر الثاني باختلاف احاسيسهم انتبهت خوله على حالها لما حست يد زيد تشدها له من خصرها دفته وباعدت عنه ودقات قلبها تنسمع
زيد وبوجهه ابتسامه جذااابه : وش تسوين هنا
خوله بتوتر وخوف : ا ادور ععشبه
زيد : كم صار لك هنا
خوله وترجع لوراء خطوه : ا انا انا ماسمعت شي
ابتسم زيد اكثر وقرب منها خطوه : وش سمعتي
خوله ردت لوراء خطوه : ماسمعت شي لما كنتو تتكلمو وقسم ماسمعت
زيد : اجل انا ومن كنت اتكلم انا قاعد وحدي
خوله بغرابه : وجـ
ضحك زيد وقرب منها وكل ماقرب زيد خطوه ترجع خوله خطوه لوراء لين هوت رجلها وكانت بتطيح مير يد زيد كانت اسرع ولف يده حول خصرها وسحبها ناحيته
زيد بقلق : بسم الله عليك تعورتي
ناظرته خوله وتحس بشي داخلها غريب
زيد : تدري ياخوله اني ارتحت انك سمعتي
هزت خوله راسها بلا بهدواء
زيد : خوله قولي ماتبيه خوله لاتروحي له
خوله جامده تحس انها انشلت وماتقدر تحرك
زيد ببتسامه جذابه : خوله اعتذر على كل الي فات اعتذر على كل كلمه زعلتك فيها
تقشعر جسم خوله كله وابتعدت عنه بقوه
خوله : ز ززيد انت ووش تقول
قبل يتكلم زيد سمعوا صوت حوافر الخيل
ذيب : زيييد يازيييد
ناظر زيد لخوله وتنهد : ليته طاح من خيله قبل يوصل
طل ذيب وناظر لهم ورفع حاجبه : اقوول وش تسوون هنا
زيد : وش جابك انت
ابتسم ذيب وعيونه متوزعه على خوله وزيد : ادور عليك
زيد : ابد مايحتاج ادري بطريقي
ضحك ذيب : خوله وش تسوي وين ذيك الحرمه
خوله بتوتر : ا ادور على عشبه
ذيب : وشلون هي يمكن اساعدك
خوله : هاه اي لونها بنفسجي وماتلاقي منها غير ورقتين
ذيب : اييي ادري بها زين ونستخدم جذورها
خوله : اي
ضحك ذيب ومشى من بين خوله وزيد : ذي ماهي هنـ
خوله توسعت عيونها : ذيييب
قرب زيد وناظر كانت حفره كبيره لتحت الارض
خوله : ذييب وينه ماتشوفه
وقف زيد وناظرها وقرب منها لين ماصار يفصل بينهم الا قليل : وليه خايفه عليه
خوله بصدمه من زيد : ذيب طاح واختفى وشلون ما خاف
زيد : لو انه انا الي طحت
خوله بتسرع : كنت بقفز وراك ادورك
حطت يديها بفمها بسررعه وناظرت له
ابتسم زيد ثم ضحك : زين اجل مير خليك بعيده عنه
باعد زيد عنها وقرب للحفره : ذيييبب ياخوووي
ذيب بصوت بعيد شوي : زييين توووك تساال عننني
ضحك زيد : دااامك بخييير وووش تسوووي عننندك
ذيب : بسررررعه ناااادي فياااض والبقيييه
زيد : ااانت بخييير
ذيب : اااي روووح
وقف زيد وناظر لخوله : خلك هنا لكن اذا طلع ذيب روحي زين
خوله بتوتر : انا بروح اناديهم وانت خلك هنا لصار شي لذيب تساعده
ابتسم زيد : زين روحي مير انتبهي على حالك
راحت خوله واخذت خيل ذيب ونطت فوقه وانطلقت لمجلس الرجاجيل
،
فياض بطفش : حشى راح يجيبه ومارد والحين نبي من يجيب الاثنين
جاسم : ياخوفي ردوا يتهاوشون
كنعان : متى يارب ترحمني وارد للديره ويرتاح بالي من الكل
فياض : اقول بروح اجيب الغداء وهم بكيفهم
وقف فياض وسمعوا صوت الخيل يصهل وخوله تنادي
خوله : كنعان ياكنعان
فز الكل وراحو يجرو لها
كنعان : خييير ياخووله
خوله : ذيب طاح بحفره كبيره ويبيكم بسرعه
متعب : وشلون ذيب صار له شي
خوله : يقول بخير مير وده تناظروا الي لقاه
فياض : باي مكان
خوله : عند المرعى الحقوني
حركت خوله خيلها وانطلقت والبقيه نطو للخيول ولحقوا بها
،
عند ذيب : زيييد انت هناا
ابتسم زيد : ايييه قاااعد احررسك
ذيب : وكااد اانك ااعترفت لهااا
زيد : ذيب قسم بالله ان ماباعدت عنها لدفنك هنا حي
ذيب : ليييه يازيد تحبها
زيد عقد حواجبه بعصبيه : اييه احبهااا وش تبي انت منها
ضحك ذيب : ما ابي منها شي مير مان ودي اياك تعترف بمشاعرك قبل يسبقك غيرك
زيد بصدمه : ماودك ايها
ذيب : لااا ابد خوله اختي وترى انا خاطب بنت من قبيلتي
رمى زيد بيده حفنت تراب لفوق ذيب : والله انك اهببببل
ضحك ذيب : من الاهبل فينا انت الي كاتم مشاعرك ولا انا الي مابقلبي بلساني
ناظر زيد للسماء وابتسم : وينك من قبل ياذيب ليه تاخرت
ذيب : ابد ماتاخرت خذ خوله وقول للكل انك تحبها
زيد ابتسم بخاطر مكسور : ماعاد اقدر اخذها او اقول للكل اني احبها ولد خالها خذاها وماعاد بيدي شي
ذيب : لاتتركها تنافس مع ولد خالها بالمبارز والي يفوز ياخذها كذا بالعاده اذا يبي اثنين البنت يصير نزال
تنهد زيد : مير لو نسوي كذا خوله بترفضنا الاثنين
ذيب : وليه ترفض
زيد : خوله تبي الي ابوها يبيه وعمي يبي ادهم لاجل العلاقه ماتنقطع بينهم
اخذ ذيب نفس كبير :
ﺎلله يعين ﺎلي من ﺎلهم مغبون
طبعه كتوم وداخله ﺎلف علهہ.ة
ابتسم زيد : الله يعين
سمعوا صوت حوافر الخيول
زيد : الحين انت تقدر تطلع لعندي
ذيب : اييي مدري اعتقد
زيد : ياااليل وشلون يعني
ضحك ذيب : اي اقدر مير لزوم مساعده
طلت عليهم خوله والبقيه خلفها
زيد : وهذا هم هنا ياذيب
قرب فياض بصدمه : وشلون من متى ذي الحفره هنا
ذيب : فياااض تسمعني
فياض وتو ماستوعب : اييه انت بخير ياذيب
ذيب : اييه مير ذي ماهي حفره ذا نفق
فياض توسعت عيونه بصدمه اكبر : وشلوووون
متعب : لوين يودي ياذيب
ذيب : بـ ذا الاتجاه
ناظر متعب للاتجاه الي ياشر عليه ذيب : ذا الاتجاه يمشي من تحت مرعى الحيوانات
هزاع : وكاااد ذا النفق الي دخل منه الرجال الي قتلته خوله
متعب : ذيييب كم يكفي شخص ذا النفق
ذيب : اييي يكفي واحد منبطح على يدينه
جاسم : انا نفسي طويل اطلع ياذيب وانا بنزل وازحف به
فياض وتو استوعب كل الي يصير : لا محد بيدخل من ذا النفق
زيد : فياض لزوم نتاكد من وين جايي ذا النفق
فياض : اي مير مابدخل احد واخاطر بحياة انسان
كنعان : اجل شلون
فياض : بدخل كلب من حق الرعاه
هزاع : زييين اجل لكن لزوم نربطه بخيط لاجل اذا وقف او انسدت الطريق نسحبه
متعب : زيين كذا
ذيب : تفكرون شلون تسحبون الكلب وانا اكلمكم من تحت محد فكر يسحبني
ضحك زيد ورمى غترته : خذ امسك
مسك ذيب طرف الغتره وطلع مليان تراب
فياض : شحالك ياذيب
ابتسم ذيب : سلم حالك بخير لاتخاف المهم عرفنا من وين دخل الغازي
اخذ زيد الغتره وسحب يد ذيب : وذا الجرح لمن ياذيب
ضحك ذيب : ترى زين سلمت من الكسر
هزاع : ليه ياذيب كم عمق الحفره
ذيب رفع يده لما كمل زيد يلفها بالغتره : طولي زايد طول يديني زايد طول الغتره
زيد ابتسم : لاتنسى زايد طول يديني
جاسم : اجل معناته مابيقدر يطلع من الحفره بدون محد يساعده
ذيب : اي ذا شي اكيد لاني اعرف زين اتسلق اي شي مير ذا مابه شي امسكه كل ما مسكت شي طلع تراب وطاح لبين ارجولي
جاسم : فياض وكاد احد يساعد من القبيله
فياض : وش ذا الكلام وشلون بعرف من
متعب : ترى حنا معك ومابنتركك لين نخرج الخاين من قبيلتك
ابتسم فياض : سلمتوا ربي يبقيكم لي اخوه وسند
ناظر زيد لخوله وعقد حواجبه
خوله فهمت ذي النظره زين وراحت منطلقه تمشي
ولحق بها كنعان
وفياض والبقيه راحو لمجلس الرجال يتغدون ويفكرون بحل
،
حبيت اوضح شي واحد انا الكاتبه سماء من اليمن
