من فوق التلال العاليه البعيده من الغدير كان الرجال الي سالته خوله من اي قبيله هو
: يازعيم انا متوكد ان هذي هي البنيه الي بارزتنا بذاك اليوم
الزعيم : حرمه تبارز هههههه شي حلو لزوم اعرف بنت منهو ووش اسمها زين
: تامر طال عمرك
الزعيم : ماتشوف القبيله ذي زينه وخيرها كثير
: ايييه يازعيم حتى حلالهم كثير
الزعيم : ودي تدخل ذي القبيله وتعرف كل شي فيها زين
: تامر طال عمرك
،
،
على العصر كان الشيخ واقف وقدامه الحريم وعن يمينه زيد وكنعان وقسور ومحمود
وعن يساره ابو سامر وابو كنعان وابو قسور
خوله برفعت خشم : تامر ياشيخ الي تقوله نمشي عليه
الشيخ بابتسامه فخر بخوله : ياليت كل الحريم مثلك ياخوله
راح الشيخ والكبار الي معه
كنعان : خوله الحريم الي دربتيهم الاساسيات قسميهم بين قسور وزيد
والي ماتعلمن بيني وبين محمود
خوله : انزين ياخوي
اتقسموا الحريم واخذ زيد وقسور الحريم الي معاهم للتلال يدربوهن
محمود : ياكنعان وشلون بندربهم
كنعان : الحين خوله بتدربهم لين يتعلمن الاساسيات ونقسمهن وندربهن احنا
محمود : زييين واختك تعرف المبارز زين
كنعان بابتسامه : ايييه
اتقدمت خوله منهم بهدواء : كنعان ودي تبارزني قدامهن لاجل يتعلمن
كنعان بابتسامه : اقوول انا ادري بكل حركاتك من زود مانتدرب مير تبارزي مع محمود
ناظرت خوله كنعان باستفهام وتبسم كنعان
ناظر محمود كنعان بحرج : ماله داعي ابارزها انا دامك موجود
كنعان بهدواء : انت ماتعرف شلون خوله تبارز لاجل لين تباغتك بحركه وماتقدر تصدها يتعلمن الحريم
ناظره محمود وعقد حواجبه : ماقدر اصدها وش القصد ياكنعان
ابتسمت خوله بعد مافهمت مقصد كنعان : زين بنتظر قدام الحريم
ناظر كنعان محمود : روح بارزه لاجل تفهم وش قصدي وترى بحذرك خوله مكاره بالمبارز
ميل شفته محمود بابتسامه بسيطه وراح لخوله
وقفت خوله من على الصخره بهدواء : مستعد تبارز
محمود : اييه
خرجت خوله سيفها من الغمد وعطته مزنه
اما محمود خرج سيفه من الغمد وحطه فوق حجره
خوله بثقه : اهجم انت وركزن ياحريم بحركات يداتي ورجليني
ابتسم محمود باعجاب بثقتها وتقدم منها بسرعه وصوب ناحيتها عدت ضربات
كانت خوله تصد كل ضربه ومحمود يقوي ضرباته ويسرعهم
وقفت السيوف بينهم على شكل اكس وركلته خوله مير انه انحنى ورفع سيفه يصد ضربتها
،
كنعان مبتسم على مبارزتهم محمود يبارزها بقوه خايف من تحذيره
وخوله تدور فرصه لاجل تستغلها
تقدم زيد منه وعقد حواجبه : كنعان وش له يتبارزوا
ناظره كنعان متفاجاء : وش جابك
زيد : قسور بيدربهم اليوم وانا جيت عندك ماقلت ليه يبارزها
ضحك كنعان بخفه : لاجل تتعلم الحريم من خوله
زيد : وشله ماتبارزها انت
كنعان بهدواء : انا اعرف خوله وكل حركاتها وبقدر اتصدى لها دايم ومابتتعلم الحريم شي
جلس زيد جنب كنعان بهدواء خارجي اما من داخله ماعاجبه الوضع
،
اما عند خوله شافت محمود بداء يتنفس بسرعه وابتسمت
تقدمت منه مسرعه ووجهت له عدت ضربات كان يصدها بسرعه وخايف من رجلينها تخدعه بسرعتها
توقفت السيوف مره ثانيه على شكل اكس لكن خوله حركت سيفها لاجل تحرك سيفه للجهه الثانيه وتدور
حوله لين صارت وراه وحطت سيفها برقبته بسرعه
خوله : مشيت حركت سيفك مع سيفي خايف من رجليني وما انتبهت اني بدور واغدرك
محمود بضحكه جذابه : والله منتي بهينه
ابتعدت خوله عنه وبهدواء : انتبه مره ثانيه لو كنت بالحرب كان مت
اتقدمت من الحريم : سمعوا زين اذا ركز العدو على حركه معينه منكن اغدرنه بحركه ثانيه
الحريم : انزين
خوله : تدربن زين بالسيوف الحين لاجل تحملنه بيد وحده لين ارتاح انا اشوي
الحريم : زين
،
عند كنعان وزيد تقدم محمود منهم مبتسم
كنعان يضحك : ها يامحمود وش صار
ضحك محمود باعجاب : ترى اختك ثعلب مكار
كنعان : نبهتك مير ماتسمع
محمود مبتسم : ماتوقعت حرمه شجاعه وقويه وذكيه
كنعان بفخر : هذي خوله اخت كنعان
محمود : وانا اشهد
زيد وحواجبه معقوده : كنعان ترى بكره بسافر لقبيلة الشيخ ابو جاسم
كنعان بهدواء : انا بخاويك ومحمود ذيب يعتمد عليه يدرب الحريم
محمود بدقة صدر : توكل وانا لها
زيد وباين انه متضايق : ترى بنقعد من خمس ليالي لسبع
ابتسم كنعان وحط يده بكتف زيد : لو نقعد شهر برافقك
،
،
عند الغدير على غروب الشمس كانت خوله جمب الغدير تحرك يدينها وسط المي
ناظرها زيد من بعيد : كنعان مو ذي خوله اختك
كنعان : ايييه تعال نسقي الخيل ونشرب اشوي
ابتسم زيد : وراك
اتقدم كنعان لخوله بحصانه : خوله وش له قاعده وحدك هنا
ابتسمت خوله وبدون ماترفع راسها : كنعان ليه بتطول بالسفر
ضحك كنعان بخفه : وهذا الي شاغل بالك
خوله بهدواء : ياخوي مقوى على فرقاك
ابتسم زيد لجانب : خمس ليالي مو كثير ترى انتي بتتزوجي لقبيله بعيده
وقفت خوله وضمت كنعان : راح اشتاق لك ياخوي
ضمها كنعان وابتسم : ودك تجين معانا
تبسمت خوله بهدواء : وابوي واخواني اتركهم لمن
كنعان : خوله ودي تكوني حذره تدرين اخواني في الحراسه وابوي منشغل مع الشيخ
ابتسمت خوله ودموعها تلمع : احس ياخوي اني فقدتكم ماعاد اشوفكم مثل قبل وننجمع
زيد برفعة حاجب : ترى هتان وعنان وكنان مابيردوا من الحراسه لمدة شهر وعمي بينشغل
مع ابوي عند من بتبقي
دق كنعان راسه بضحكه : ايييه نسييت تعالي ياخوله ترى اخواني مابيردوا
خوله بهدواء : وابوي ياكنعان مقدر اتركه
كنعان : ابوي بينشغل ياخوله ومابتقدري تلاقينه
ابتسمت خوله بحب : يكفي اني اجهز اكله واهتم به
زيد بابتسامه : ورى ماتجي تجهزي لنا اكل احنا وتهتمي فينا
كنعان : تعالي نروح لخيمة الشيخ
هزت خوله راسها وسبقت كنعان لخيله
،
،
في خيمة الشيخ الكل راح ومابقى غير الشيخ وابو سامر وابو كنعان
الشيخ وباله مشغول : الله يعديها على خير
ابو كنعان : اذا وافقت قبيلة ابو جاسم عزمنى على القبايل الباقيه
ابو سامر : واذا وافقت كل القبايل صرنا حلف قوي مايقدر لنا اي غزو
الشيخ بامل : ربنا كريم
دخل زيد بابتسامه مشرقه وكنعان وراه
الشيخ : حياكم الله ياعيالي
زيد وكنعان : احياك ربي السلام عليكم جميع
الكل : وعليكم السلام
تقدم زيد وجلس
كنعان : خوله منتظره عند الباب لاجل تسمحوا لها بالدخول
الشيخ : حياااها ربي قلها تقرب ماعليها شر
ناداها كنعان ودخلت خوله وقربت منهم تسلم عليهم
ابو كنعان : قهوينا يابنيتي
خوله : تامر يابوي
اخذت خوله الدله والفناجين وقربت من الكبار تقهويهم
كنعان جالس جمب زيد : خوله وانا ودي بقهوه
هزت خوله راسه ومتوتره من زيد لزوم تقهويه قربت وصبت الفنجال لكنعان
وتقدمت بهدواء ظاهري فقط تقهوي زيد مدت يدها لاجل ياخذ الفنجال
ابتسم زيد ويدري بها متوتره مد يده وتعمد يلامس اطراف اصابعها
زيد بابتسامه : سلمتي
خوله تحاول تخفي كل شعور يغزيها : يسلمك ربي من كل شر
راحت وجلست بالطرف الثاني من المجلس وكانت قدام زيد
كنعان : يبه ودي استاذنك
ابو كنعان بابتسامه : خير وشو ياكنعان
كنعان : يبه هتان وعنان وكنان مابيردوا من الحراسه الا بعد شهر
ابو كنعان : اييه
كنعان : وانت مشغول مع عمي الشيخ وعمي ابو سامر
ابو كنعان : اييه ادخل بالموضوع ياكنعان
كنعان بابتسامه : يبه ودي اخذ خوله معي وش له تقعد وانتم مشغولين عنها
ناظرته خوله وبابتسامه بحب لاخوها : مير ياكنعان ماودي اترك ابوي ودي اهتم به
ناظرها زيد : عمي معليه شر وكل وقته هنا واشجان مهي بمقصره ليه ماتجين معنا تهتمي بنا
بلعت ريقها خوله ماتوقعته بيقول كذا قدام الكبار
ابو كنعان هز راسه بهدواء : اذا ودك ياخوله تروحي معلي شر واشجان بنتي الثانيه وماهي بمقصره
الشيخ : روحي يابنتي معاهم توسعي صدرك
كنعان بابتسامه عريضه : هاااه وش قلتي
ابو سامر : مير يابنتي ترى بيمروا على اربع قبايل اعتقد بتقعدوا شهر
زيد عقد حواجبه : اربع قبايل وش صار
الشيخ : لزوم نكون كثير ونعين ونعاون
زيد : ومنهم القبايل الباقيه
ابو سامر : قبيلة ابو جاسم وقبيلة ابو متعب وقبيلة ابو هزاع وقبيلة ابو فياض
خوله باستغراب : قبيلة ابو فياض ينقال عنها عدوانيه وماتجاور اي قبيله ولاتقبل اي ضيوف
ابو سامر : بس يابنتي هذي القبيله قويه وماينقدر عليها رجالها وحريمها اشداء
خوله بفضول : دام حتى حريمها اشداء وشلون حياتهم دايم اسمع انهم مايقبلون اي غرب
ابو كنعان بهدواء : خوله رافقي كنعان وزيد
خوله : مير السفر شهر ماهو بايام ترى مقدر اتركك يابوي
ابو كنعان : روحي يابنيتي تعرفي على القبايل وتعلمي شي من ذا السفر الطويل
خوله : بس يابوي
ابو اسامر : روحي يابنتي تراى ابوك في الحفظ والصون وبنتي بنته لاتخافي عليه
نزلت خوله راسه ووقفت : طيب عن اذنكم
وطلعت بسرعه زيد يناظر من وين ماطلعت وفرحان بروحتها معاهم
وقف كنعان واستاذن وراح وراء خوله لقاهاء فوق تله قريبه من الخيم
تقدم منها وحط على ظهرها فرو : الجو بارد اخاف تمرضين
خوله : كنعان ليه ابوي وده اروح معكم
ابتسم كنعان بحب : وده يختبر صبره بفرقاك قبل يزوجك لقبيله بعيده
ابتسمت خوله : انا احس اني مقوى على فراقكم
كنعان بهدواء : فكري ياخوله اذا بتقعدي بتكوني وحيده اخواني ماهم بموجودين وابوي منشغل
مير اذا جيتي معي بتضلي معي
هزت خوله راسها بالموافقه : انزين اجل بروح معكم
،
،
في الصباح في خيمة ابو كنعان كانت خوله تجهز لهم زاد ومي وشوية ثياب
وكنعان يساعدها وياخذهم للخيول يثبتهم لين انتهوا
تقدم كنعان وضم ابوه يودعه : بشتاق لك يابوي انتبه على نفسك
ابتسم ابو كنعان بحب : انا الي لزوم اقولك انتبه على نفسك وعلى اختك
اتقدمت خوله وباعدت كنعان وضمت ابوها : يبه بشتاق لك ياغالي
ضمها ابو كنعان اكثر ورفع راسه خايف تنزل دموعه قدامها : توكلي يابنتي شوفي الدنيا
اخذ كنعان خوله ومسك يدها : يبه لاتخاف خوله بعيوني
ابو كنعان : ربي يحميكم ويردكم لي ياعيالي
خرجوا من الخيمه وكانت اشجان والشيخ وابو سامر وزيد على وصول
جرت اشجان وضمت خوله : خوله بشتاق لك
نزلت دموع خوله : وانا اكثر
زيد : ترى بنغيب شهر ماهو بعشر سنين
ناظرته اشجان وبقهر : انت لو تحب حد بتعرف وشلون تشتاق ترى خوله توامتي
ابتسم زيد ويكلم نفسه كنت متضايق بالاول لاني حسيت بفقد خوله مير الحين عادي
ابتعدت خوله من اشجان وتقدمت للشيخ وحبت راسه وسلمت عليه وسلمت على ابو سامر
الشيخ : زيد كنعان سمعوا زين خوله تحطوها بعيونكم وتحموها حتى من الريح تراها غاليه على الكل
ضحك كنعان : الكل يوصينا على خوله مافيه احد يوصيها علينا
ابتسم ابو كنعان : خوله الله الله فيهم لاتنسي خلك منتبهه اهم بتاخذهم السوالف اعرفهم
ضحك زيد من قلبه : اجل كذا يعني تنتبه علينا هههههههه
كنعان : تخيل احنا نتكلم وخوله تراقب مثل الحراس هههههههه
خوله برفعة حاجب : اقول الدرب طويل بالكود نبداء بالسفر وش له قاعدين تضحكوا
بعد الوداع كانت خوله فوق خيل ابوها ومعاها سيف جدها وكنعان وزيد كلن بخيله
،
،
بعد ماباعدوا من قبيلتهم وماعادوا يشوفوها غمضت خوله عيونها بقوه من الحين
اشتاقت لبوها واخوانها واشجان وصديقاتها اشتاقت للقبيله كلها
كنعان : خوله وش له تبكين ترى انتي صرتي حرمه ماعاد انتي بطفله شهر شهرين
و نزوجك لادهم امسحي دموعك ياختي
ابتسمت خوله ومسحت دموعها : ترى هونت ماعاد ودي اتزوج ادهم او غيره ودي اضل معكم
زيد بسخريه : ايييه اتضلي عندهم زينه
ناظرته خوله بقهر : اجل اتزوج برجال يعلني مثلك
زيد بعصبيه : مثلي ليه وش فيني ترى الف بنت تتمناني تصدقي اني ماودي اتزوج
اخاف نصيبي واحده تشبهك
طلعت عيون خوله من القهر : ليييه وش فيني من زينك انت عاد تتمناك الف بنت
زيد بقهر : اجل عاجبك حالك يوم تبارزين الرجال
كنعان يدري لو يطولوا بالكلام مابتعدي على خير : اقووول صجيتوا راسي ورى ماتسكتون
بلعت خوله قهرها وجرت بالخيل بقوه ودموعها تنزل
غمض زيد عيونه بقوه من الكلام الي قاله وانطلق بخيله وراها
وكنعان يجري خلفهم
زيد بعصبيه ورافع صوته : هدي الخيل وقفي ياهبيله
حاولت خوله تهدي الخيل لكن الخيل خرج من سيطرتها
كنعان بصوت رافع : خوووله وقفي الخييل
خوله بخوف : ماقدرررت الحقني ياخوي
جن زيد وخاف يصير في الخيل شي حاول يزيد السرعه ويكون بمستوى خيلها
مير خيلها منطلق بجنون ناظرت لامامها وكان رجال يجري بخيله متجه نحوها
خافت تتصادم الخيول وصرخت بخوف : بععععد
وقف كنعان بخيله بخوف وش بيكون مصير خوله والرجال الي فوق خيله
اما زيد ماوقف حاول يقرب منهم لاجل يقدر يقفز من على خيله وينقذ خوله
كانت خوله تناظر الرجال يجري بخيله امامها والخوف مصيطر عليها لين سمعتها
لما قرب يقول : اتركي اللجام يابنيه
بدون شعور فكته وغمضت عيونها اما كنعان ماقدر حتى يرمش
تخالفت الخيول بمقدار بسييط وبسرعه كبيره كانت خوله قاعده قدام الرجال الي منطلق بخيله
رفعت راسها تناظر منو المجنون الي انقذها كان متلثم ومامبينه الا عيونه الوساع
اما الرجال هداء سرعت خيله والتف به راجع لكنعان
زيد من الصدمه الي صارت وكيف انقذ الملثم خوله بدل مايصتدم فيها
رد زيد بخيله لكنعان وتقدم منهم الملثم نط من فوق خيله ومد يده لخوله ينزلها
ابتسمت خوله ونطت من على الخيل : توقعتك مجنون تجري لفوق خيلي لاجل تصطدم به
الملثم : وش له تركبين الخيل اذا ماتعرفين تسيطرين عليه
خوله باحرااج : اول مره يصير معي كذا مير تسلم لو لاك كان الله العالم وش حالي الحين
ضحك الملثم : ايييه الله يسلمك ويبقيك
نزل كنعان من خيله وقرب منه وضمه : تسسسلم ياخوي والله ان معروفك دين برقبتي
الملثم مبتسم : يسسلمك ربي ترى ماسويت شي الا الواجب
زيد من فوق خيله : الا ماقلت لنا منو انت وان اي قبيله
حد عيونه على زيد ومن ثم ابتسم : انا من قبيله الشيخ ابو ذيب
كنعان : الا ماقلتلي وش اسمك ياخوي
ابتسم : اسمي ذيب
كنعان : انت ذيب ولد الشيخ
ذيب : ايييه مير انتم من اي قبيله
كنعان : احنا من قبيله الشيخ ابو زيد وهذا زيد ولد الشيخ
ذيب : حياااكم ربي وانت تقرب له
ضحك كنعان : لاا احنا من القبيله مير انا وزيد اصدقاء
ذيب باعد الشال عن وجهه وهز راسه ورفعه وهو مبتسم وشعره حولينه : وذي زوجتك ياكنعان
ضحك كنعان : لاا ذي اختي
ذيب دخل يده بين شعره ويحركه : لتكون زوجت ذى
ناظره زيد بقهر : وليه تسال
ضحك كنعان من قلب : لااا ماهي بزوجته اختي واجت معي
ذيب تقدم من كنعان : اجل اهي ماهي بمخطوبه
خرجت عيون زيد من مكانها : انت ماتستحي
اما كنعان يضحك من قلبه لين هداء اشوي : اييه مخطوبه لولد خالي
زم ذيب شفايفه : خساره
نط زيد من فوق خيله والغضب معميه تقدم من ذيب وشده من الثوب : انت وش تقول ماتستحي
ابتسم ذيب : ترى ماقلت شي حرام او مايجوز بس سالت ان كانت مخطوبه
زيد وعيونه انحدت : ووش له تسال ان كانت مخطوبه
ضحك ذيب : لاجل اخطبها
تقدم ذيب لزيد وبصوت هامس وابتسامه مكاره : ليكون تبيها
دفه زيد بقوه وطاح ذيب للارض وقفت خوله من جنب الشجره المشوكه الي كانت
منتظرتهم تحتها وتقدمت منه : زييد وش صار
كنعان ماسك زيد : وش قال لك ياخوي ليه دفيته
غمض زيد عيونه بغضب يهدي نفسه ناظر لخوله : قولوا له يختفي من قدامي لاجل ما اقتله
هزت راسها خوله بالنفي بغضب وتقدمت تاخذ شال ذيب من الارض وتبعد عنه التراب
وتقدم كنعان لذيب وقومه : ذيب وش قلت لزيد
ضحك ذيب بمكر : ماقلت غير الصدق
وقفت خوله قريب منهم ومدت الشال لذيب : نظفته من التراب واعتذر على تصرف زيد تراه يعصب بسرعه
زيد وتصرف خوله قهره : خووله ان مابعدتي منه الحين
قاطعته خوله بهدواء : لاتكمل
تقدمت خوله لزيد : ترى الرجال انقذ حياتي وش قال لحتى تسوي فيه كذا
زيد من بين اسنانه : ترى عينه عليك باعدي منه
خوله بهدواء : انزين مير ماهو بالعصبيه والرجال بنستفيد منه ماله داعي نتركه يروح
زفر زيد الهواء : باعدي عنه
ناظرت خوله خيلها يجري ناحيتهم : انزين الخيل رد لزوم نتحرك لاجل مانبات في العراء
تقدمت خوله لخيلها الي وقف لما وصل ضمته خوله بهدواء : ادري خوفتك معي
حركت يدها برقه فوق رقبت الخيل : كنعان ياخوي لزوم نتحرك الحين
تقدم كنعان وذيب : انزين ياخيه وذيب ترى بيرافقنا يقول انه يعرف الطرق زين
نطت خوله لفوق الخيل وتقدمت منهم : حد يبي مي
ابتسم ذيب : ودي بمي
اخذت خوله قربه مي ورمتها له : شربه هنيه
التقط ذيب جربه المي : ذا سيفك تعرفي تبارزين
ابتسمت خوله بهدواء : هذا سيف جدي بس دوم معي لاجل يخافوني العداء
ذيب : وش له ماتحاولين تبارزي
خوله : وش له ابارز وحولي رجال
ذيب : يجي يوم ماحولك احد
خوله : لذاك اليوم يصير خير
تحركوا بخيولهم متجهين باتجاه الغرب لقبيلة الشيخ ابو جاسم
والكل صامت لين قربوا من قبيلة الشيخ ابو جاسم وكان الغدير في وسط القبيله
كنعان : مشكله غديرهم في وسط القبيله والخيل اكيد عطشان الخوف مايسمحوا لنا
ابتسم زيد بثقه : الحقوني
تحركوا لين وصلوا لاطراف القبيله وتقدموا منهم الرجال
الرجال الاول : من انتم ومن اي قبيله
زيد : انا زيد من قبيلة الشيخ ابو زيد
الرجال الثاني : انت زيد ولد الشيخ
زيد : اييه ودنا بالشيخ وجاسم
ناظروا الرجال بعضهم وقبل ينطقوا
جاهم رجال فوق خيله : وش له مخلين ضيفنا وما اقربتوه لمجلس الشيخ
رفع راسه للضيوف : زيد وين الغيبه حياااااك ربي ياغالي
تقدم زيد منه : احياااك ربي تعرف وشو الوضع ياجاسم كل القبايل في حاله من الغزو
نط جاسم من خيله وقرب لزيد الي نزل وضموا بعض نزل كنعان وذيب وسلموا على جاسم
جاسم : حيااكم حياااكم تعال لمجلس الشيخ نقهويكم
زيد بابتسامه : الله يحييك ياخوي شخبار عمي الشيخ شحاله
جاسم : ابوي بخير ودايم يسال عنك مير انك قطعتنا
ضحك زيد : كل شي بينقال ونسهر للصبح مير خلنا نقعد وودي بعمي الشيخ
ابتسم جاسم : حياكم اقربوا
نطوا لفوق خيولهم وتبعوا جاسم لمجلس الشيخ نط جاسم من خيله وناظر زيد : خل الحرمه تدخل
الشق عند الحريم
التف زيد لخوله : روحي للحريم احنا هنيه
هزت راسها خوله بهدواء ونطت من فوق خيلها وتقدمت من الشق
جاسم من خلفها : يممه ترى عندنا ضيوف وذي الحرمه معاهم
دخلت خوله الشق وكان قدامها حرمه كبيره في السن
ام جاسم بوجه بشوش : حيااك يابنتي اقربي وانا امك
تقدمت خوله وحبتها فوق راسها ومسكت يدها : احياك ربي يالغاليه تسلمين
اقربتها ام جاسم للمكان وقعدتها : تعالوا يابناتي سلموا على ضيفتنا
اقربن منها خمس بنات وسلمن عليها
ام جاسم : ابعدي البرقع يابنتي ماعليك شر وقليلنا وش اسمك
رفعت خوله يدها وبعادت البرقع وناظرت بعيون الجميع اعجاب بشكلها
خوله بابتسامه هاديه : اسمي خوله ياخاله
ام جاسم باعجاب : بسم الله عليك يابنيتي انتي زوجة ولد الشيخ
احرجت خوله وحاولت تكون هاديه : لا ياخاله انا اخت كنعان صاحب ولد الشيخ زيد
ام جاسم : اعذريني يابنيتي مير ليه جيتي معاهم وكاد الطريق بيتعبك يابنيتي
تبسمت خوله لها بحنان : ودي اعرف القبايل واهتم باخوي و ولد الشيخ
ام جاسم : مير يابنتي قطاعين الطرق كثروا وشلون لو هاجموكم بيخافوا عليك
خوله : لا تخافي ياخالتي اعرف احمي نفسي
اقربت من خوله بنيه تقهويها وتقول لخوله : اتفضلي ياخيه وكاد انك بعمري
ابتسمت لها خوله : زاد فضلك اعتقد اننا بنفس العمر
قعدت البنيه قرب خوله : انا اسمي ليلى وهذي اختي غدير وهذولا الثنتين بنات عمي هذي
عايشه واختها ذي عليا وذي بنت عمتي اسمها خديجه
ابتسمت خوله لهن جميع : عاشت الاسامي
البنات : تعيشي
عايشه : اقول ياخوله
خوله : سمي
عايشه : سم الله عدوينك ودي اعرف انتي قلتي انك جيتي مع اخوك وولد الشيخ مير من الثالث
ابتسمت خوله : الثالث ذيب ولد الشيخ ابو ذيب لقيناه في الطريق وخاوانا
خديجه : وش الي خلاكم تزورو قبيلتنا ياخوله
خوله بهدواء : لاجل نسوي للغزو حدود
ام جاسم بابتسامه : عندكم حل لاجل الغزو ياخوله
خوله : اييه ياخالتي اذا تعاونا واجتمعنا عدت قبايل بنعين ونعون لبعضنا
ام جاسم بتفكير : يعني يابنتي بتروحوا لاكثر من قبيله
خوله : اييه اذا وافقت القبايل صرنا حلف يخافنا كل الغزاه
ام جاسم : باذن الله يابنيتي يعدي كل شي على خير
،
،
في مجلس الشيخ ابو جاسم
زيد بهدواء : يعمي ترى اذا تعاونا صرنا حلف قوي
الشيخ ابو جاسم : اييه ياولدي مير قبيلة الشيخ ابو فياض ماهي بموافقه
عقد زيد حواجبه : اذا ماوافقت محنا بحاجتها القبايل كثيره
الشيخ ابو جاسم بابتسامه : اجل احنا موافقين واحنا معاكم
ابتسم زيد والقبيله الاوله وافقت : تسلم ياعمي الشيخ وماخاب فيك الظن
جاسم : خالد ياخوي قم قل للحريم يجهزن العشاء لضيوفنا
فز خالد وراح للشق وقرب منه : غديير ياغدير
فزت غدير وخرجت من الشق : سم ياخوي
خالد : سم الله عدوينك سمعي جهزن عشاء للضيوف
غدير : زين زين الحين نجهزه
دخلت غدير للشق : يابنات يقول ابوي نجهز العشاء للضيوف
خديجه : عليا اقعدي عند خوله مايصير نتركها كلنا واحنا نجهز العشاء
خوله بابتسامه لطيفه : ومن قال اني بقعد ترى بجهز العشاء معكن
عليا : لااا مايصير وش يقولوا عنا الناس
خوله : اجل بشوف مابسوي شي
تبسمن البنات واخذنها معاهن وقعدن يطبخن
خديجه : تدري ياخوله انتي اول حرمه احبها من اول مشوفها
تبسمت خوله : يقولون القلوب عند بعضها
عليا : الا ياخوله منتي بمخطوبه
خوله بخجل : انا مخطوبه لولد خالي
ضحكت غدير : ياازين الغمازه يوم تتبسمي
ليلى : يابخت ولد خالك فيك ياخوله
خوله تحاول تخفي الاحراج : اقوول بس عاد لاتمدحوني زود
ليلى : مانقول غير الصدق
تقدم جاسم مايدري ان خوله معهن تبسم وقال : اقووول العشاء جهز ولا السوالف اخذتكن
ناظر لخوله الي نزلت البرقع على وجهها والتفت للناحيه الثانيه
جاسم ناظرهن وهن مبتسمات له : اعذريني مادريت انك هنا السموحه
راح وقف بعيد منهن مانتبه لها الا لما تغطت مير ماتوقعت ياخذن الضيفه معهن ليجهزن العشاء
تقدمت منه غدير وليلى ومعاهن العشاء
ليلى : ياخوي وش تفكر به
جاسم يفكر : اممم افكر انكن قليلات سنعه وش له ماخذات الضيفه معكن
ضحكت غدير على التهزيئه : والله ان احنا سنعات مير خوله اصرت تجي معنا
جاسم : وترضن تروح الضيفه معكن للمطبخ ترى توها وصلت من قليل يعني تعبانه من السفر
غمزت له عليا : وليه قلقان عليها ياخوي
تنرفز جاسم من تفكير عليا : اقووول وش هل الحركات وبعدين ترى انا ماشفتها
غدير مبتسمه بقوه : اجل لو شفتها ياخوي ضاعت علومك
دزتها عليا : هههههه لاتفكر ياخوي ترى ادري ماشفتها بس حبينا نضحك معاك
جاسم ناظر غدير : ليه غدير حلوه البنيه
عليا : ههههههه لاتاخذ كلام غدير ترى بس قلنا بنشوف اذا شفتها او لا
جاسم : انتي منو كلمك هاه غدير شنو
تبسمت غدير : ايييه حلوه بالحيل
غمز جاسم عليا : اجل ليه ماقلتي لي كان ناظرت لوجهها المزيون
توسعت عيون عليا عليه : جاااسم وشووو
ضحك جاسم بصوت عالي : اضحك معك شفيك هاتي العشاء وكاد انه برد
اخذ منهن الصحون ورد لمجلس الشيخ وحطهن
خالد : اقعد ياخوي بروح اجيب دلال القهوه انا
جاسم : زيين مير ناد البنات من بعيد لاتقرب
خالد : ليه ياخوي ترى مايتغطن البنات مني
جاسم : ايييه مير الضيفه معهن
زيد عقد حواجبه : جاسم وشلون عرفت
ناظره جاسم منصدم من ملامح زيد ثم ضحك : راحت لهناك مير ماشفتها وش فيك ياخوي
ابتسم ذيب : اييه ريحت الاكل تفتح نفسك ياكنعان وانا حدي جوعان
ابتسم كنعان : ايه مير ماودي لقمه هنيه لكم
حط زيد يده على كتف كنعان : وش فيك ياخوي
ضحك كنعان : ابد مير فيني نوم
دخل خالد المجلس بدلال القهوه : كنعان يقولن البنات ان اختك ودها بك
وقف كنعان : وينها فيه
خالد : يقولن منتظرتك عند الغدير
هز ذيب راسه : كنعان عطشان ياخوي ودي اجي اشرب
ناظر زيد ذيب بحده : لين رجع كنعان رحت تغرق
جاسم بابتسامه يخفف حدة زيد : المي هناك ياذيب
ناظر ذيب لطرف الخيمه والدباب المي هناك : خلاص ماعاد ودي بمي بشرب قهوه
راح كنعان يضحك على زيد وذيب الي يغيضه
وصل للغدير الي كان وسط القبيله وخوله واقفه تناظر انعكاس القمر على الغدير
قرب كنعان منها : خوله
التفت خوله وضمته : اشتقت لك ياخوي
ابتسم كنعان : وانا ياخوله بعد اشتقت لك مير ليه ناديتيني
باعدت عنه خوله وردت تناظر الغدير : البنات معتبريني اختهن مير حسيت بالوحده ياخوي
تبسم كنعان : وش له تحسين بالوحده وانا عندك والبنات حولك
ضمت خوله يداتها حولها : مدري ياخوي اشتقت لبوي واخواني وشجن اشتقتلها حيل
ناظرها كنعان : هذول بس الي اشتقتي لهم ياخوله
التفت خوله لكنعان : واشتقت لقبيلتنا وكل شي فيها احسها غير احس كل شي فيها مختلف
كنعان : ماشتقتي لحد ثاني
عقدت خوله حواجبها مستغربه : اممم نسيت احد ياخوي
زيد من يقرب منهم : اييه نسيتي
فزت خوله خايفه مادرت به لما جاهم : ياربي متى جيت
ناظر لها زيد كانت خصله من شعرها من الامام طالعه : اقوول ورى ماتدخلين شعرك ترى
منتي في الخيمه
رفعت خوله يدها تتلمس الخصله وتوسعت عيونها : ترى مدري لاتناظرني كذا
حط كنعان يدينه في كتوفها : خوله والحين ردي لعند الحريم
ناظرته خوله بعيون خايفه : مابيعطونا خيمه ياخوي
ابتسم زيد على الخوف الي بعيونها : ودك اخليهم يقيمون خيمه لك ولكنعان
اتقدمت خوله منه بعيون متوسعه فرحانه : تقدر تقول لهم
ابتسم زيد وارتبك من نظراتها : ايييه تامرين
كنعان من خلف خوله : لا يازيد ماودنا نكلف عليهم ومن بكره الصباح بنروح ماله داعي
عقدت خوله حواجبها : مير ياخوي
قاطعها كنعان : خووله روحي للحريم
انقهرت خوله من كنعان ولمعت عيونها بدموع متجمعه وراحت
زيد بعصبيه مايبي يبينها : كنعان ليه قسيت عليها
ابتسم كنعان : مو تقول دلع حريم
زفر زيد : مير مبين انها خايفه
تنهد كنعان من قلب : ادري انها خايفه بس لزوم تعتاد مارح نضل معاها للابد قريب تتزوج ادهم وتروح
عقد زيد حواجبه : اذا ماودها تباعد عنكم ليه تجبروها تتزوج ادهم
ابتسم كنعان : ابوي ماوده تنقطع علاقتنا بهم
زيد : اجل ليه ماتتزوج انت او واحد من اخوانك منهم
ضحك كنعان : تدري انا ماودي اتزوج وكنان يقول يبي يخطب بنت مير مدري منهي
زيد : وعنان وهتان
كنعان : وشلون يتزوجوا وهم مهابيل
زيد : لاتحكم قبل لاتسال
ابتسم كنعان : وتتوقع ادهم يرضى انها تتركه
غمض زيد عيونه يكبت الغضب : اذا ماتبيه غصب عنه
ضحك كنعان : ومنو بيخطب خوله والي بقبيلتنا يقولون عنها تزاحم الرجاجيل
زيد بتفكير : محد يقولها الا انا
تنهد زيد ونزل للغدير واخذ بيديه مي وطفش وجهه
قرب منه كنعان : زيد وش فيك ياخوي
ابتسم زيد ويحس بداخله الم : وش اقول لك ياكنعان ياخوي مافيني شي مير صدعت
كنعان الي يتالم من مشاعر صديقه ومنقهر انه ماكلمه : تعال نرجع لهم وكاد ذيب كمل الاكل
ضحك زيد بخفه وراحوا لخيمه
،
،
اشجان جالسه عند باب الخيمه تناظر السماء والنجوم والقمر المكتمل
البعض ناموا مير ماجاها النوم مشتاقه لخوله وش انها مسويه الحين
عقت البرقع وتنفست بعمق الحال الي فيه القبيله موجع الشباب كلهم في
الحراسه والحريم تدريب وشغل والكبار اجتماعات ومناقشات متى بينتهي
ذا الغزو الله يستر مايطول ومايقرب لقبيلتنا
،
ابتسم كنان من بعيد وقلبه يدق بقوه ويناظر اشجان الي غزت قلبه من دون شوره
قرب منها بهدواء يتالم وجهها النحيل وعيونها الناعسه وانفها القايم وشفايفها الصغار
كنان بتنهيده : صدق الي قال الجو جميل وشاعري ههههه ودي اقول لك بيت شعر شجن
فزت شجن لما سمعت صوته وتصنمت لما عرفت من صاحب الصوت مير ماتحركت لما عرفته
تعلقت عيونهم ببعض وكانت الثواني ساعات
كنان بابتسامه جذابه : لو تعرفين وش انك مسويه بقلبي كان رحمتيني
نزلت اشجان عيونها وبارتباك : و وش جابك ليه تركت الحراسه
كنان : اشتقتلك وماقدرت الا اني ارجع اشوفك
اشجان بحرج : صدق انك مهبول
التفت اشجان بتروح للخيمه
كنان : شجن ودي اكلمك وقفي
وقفت اشجان مير مالتفت له : و وش تبي
تنهد كنان : ودي اخطبك شجن
( بـ غـيـآآبگ ، ُهـنـالـگِـگِ قـطـعـهـ في أيـسـر آلـصـدر . تـؤلممـنـي .~ )
،
،
دخلت خوله عند البنات ترسم في وجهها ابتسامه مزيفه تخفي قهرها
خديجه بابتسامه مريحه : خووله ترى احنا بننام في خيمتنا انا وامي
عليا : اييه وانتي بتنامي عندنا
خوله : اعذروني بزعجكن معي
غدير مسكت يد خوله : ترى احنا كذا كل يوم ماهو اليوم بس
عايشه : اييه ترى عمتي ام خديجه دووم تنام عند عمتي ام جاسم
تبسمت خوله : زين الي تشوفنه
