اتقدمت خوله بعنف وبضربات سريعه وكان زيد مركز معاها ويصد كل ضربه
لين صارت السيوف بينهم على شكل X ضحكت خوله بخفه وابتعدت
مادرت انه سرح بعيونها اتقدمت مسرعه ووجهت سيفها بضربه من يسار زيد الي تصدى لها
دارت بسرعه وردت الضربه يمين وكان نفس الشي صادها
قسور : ايييه يازيد خلك منتبه تراها في المبارز مكاره
زيد بغرور : ماجابتها امها الي بتهزمني بالمبارز
ضحك قسور على غرور زيد
خوله واقفه ومتئهبه تفكر بخطه واتخذت واحده في ثوانـ¹ـ²ـ³ـي قليله
لاحظ زيد انها واقفه بمعنى مارح تهجم اتقدم منها بحذر
وتفاجاء بقدومها مسرعه وجهت له هجمات لين ثبتت سيوفهم مره ثانيه
بس اتخذت خوله السرعه وركلته بقوه على ساقه واول ما ارتخت قبضته
من السيف لوت سيفها تطير سيفه بس تدارك الموقف وباعد سيفه وشذحت خوله يده
اتقدم قسور بسرعه منهم : خووله ليه ركلتيه في ساقه مايصير
خوله بعزه وتحس نفسها انقطع : بندخل حرب مع رجال اكيد اقوى مننا يالحريم لزوم
نلاقي طريقه بديله للقوه
ابتسم زيد : وجرح يدي وش تقولين
خوله : محد قالك تضحي بيدك علشان سيفك
زيد بغرور : ماقد جت الي تطيح سيفي ماقدروا رجال بتقدرين انتي
خوله بابتسامة ثقه : جت الي نزلتك على ركبك وجت الي جرحتك وش رايك
انحدت نظرات زيد الي ماعجبه كلامها
وقسور الي ماسك ضحكته
راحت خوله بدون ماتناظرهم والحريم معجبات به
اتقدمت منهن وقالت : هذا درسكن الاهم الذكاء قبل القوه اي شي تسوينه يقلب المعركه
لصالحكن سويينه انا الحين تعبت بكره اعلمكن الاساسيات
اخذت المي الي بخصرها فتحته بتشرب بس تفاجاة بالي اخذ المي من يدها وراح
مشت خلفه خوله : هات المي حقتي
زيد : عطشان بشرب
خوله : على الاقل تستاذن مني
شرب زيد القربه المي وبقى نصها : تبيه ولا اشربه
خوله بقهر من جرائته : اشبع فيه
راحت تغلي وتكلم نفسها : وقح كيف ياخذ حقتي المي بدون استاذان وانا ميته عطش
رجعت لخيل ابوها ومالقيته تلفتت يمين يسار الكل راح وخيلها مو موجود
زيد من خلفها فوق خيله : تبي مساعده
ناظرته خوله بحده : لا سلامتك
زيد بنظرات حاده : تردي بادب او اسكتي احسن
ماعلقت خوله ومشت تاركته خلفها
مشى بخيله بهدواء قريب منها
اما خوله تمشي وتلعن الجميع وماتنسى احد واكثر شخص زيد
وقفت بعد ماقطعت نصف الطريق ووقف زيد بخيله
تعب + عطش + مشي كانت مرهقه فعليا
زيد : تعالي اركبي الخيل وخذي المي اشربي
ناظرته خوله ماتحب تشرب بعد رجال او بالاحرى مايصير تشرب بعده
خرجت كميه هواء كبيره ترددت تاخذ او لا بس عطشانه ماتقدر تتحمل اكثر
اخذت منه المي التفت عنه بتشرب المي
زيد بسخريه : ما اعتقد ان فيك زين علشان تتخبين مني
شربت المي كله مابينت له انها انجرحت بقوه من داخلها
ناظرته : اعتقدت انك رجال لزوم اتغطى منك مادريت انك منا
نزل من فوق خيله بحده ومسكها من معصمها وبحده : من انتي علشان تتجرئي تقولي كذا
حاولت تفك نفسها بس ماقدرت : فكني مايجوز تلمسني فكني
شد اكثر وبحده من بين اسنانه : والله وقسم بالله لو تعيديها لكسر يدك وراسك
ماعاد قدرت تتكلم لانها لو تفتح فمها بتبكي وهذا الي ماتبيه يشوف زيد دموعها
شد زيد قبضته اكثر وخرج صوت ناعم من خوله : ااه
ونزلت دموعها ماقدرت تتحمل اكثر وجلست اول ماترك يدها غطت وجهها بيدها
ندم زيد انه رفع ايده عليها بس استفزته وماقدر يتحكم بنفسه
نزل جلس قريب منها صوت شهقات خفيفه تطلع منها عض شفته السفلى
زيد : خوله انتي استفزيتيني
رفعت راسها ودموعها تنزل ورموشها مبلله وبرقعها لصق في وجهها : وانت وانت ماجرحتني
زي ما المتك الكلمه المتني كلمتك
قامت وراحت تمشي وتمسح دموعها ماتحرك يفكر بكلامها فعلا هو الي بداء بجرحها
غمض عيونه وهز راسه وقام نط فوق الخيل يجري وراها
خافت خوله يلحقها وتخبت وراء صخره كبيره جلست وضمت ركبها لصدرها وتركت دموعها تنزل
،
،
اشجان تناظر كل مكان وتمشي تدور خوله الكل رجع الا هي وين ممكن تكون
ناظرت زيد ماشي بخيله واتقدمت له : زيد زيد
ناظرها زيد بقلق : خير وش فيك
اشجان تقدمت من خيله : شفت خوله
انصدم زيد من سالها لحقها ومالقيها واعتقد انها لقت خيل ورجعت : شلون يعني سالتي عنها
اشجان بدموع : ايييه سالت الكل ماعادى اخوانها وعمي ياااويل حااالي وينك ياخوله
زيد بتفكير : خلاص انا بروح ادورها
هزت اشجان راسها : ايييه الله يقويك لايدري عمي يصير فيه شي
زيد يحرك خيله يمشي : لاتخافي ولاتخوفيهم
رجع من طريق ماجاء ويفكر وين ممكن تكون راحت حمد ربه الف مره ماهب ريح تمحي الاثر
وقف لما شد على يدها ونزل يتبع اثرها لين وصل لصخره كبيره وشاف اثرها لوراء الصخره
التف وشافها متمدده وضامه نفسها وتهذي باشياء مو مفهمومه
اتقدم منها بسرعه وهزها : خوله خوله تسمعيني
فتحت عيونها بصعوبها وناظرته ونطقت بخفوت : زيد
ابتسم ورفع راسها فوق رجله : اييه زيد فتحي عيونك فيك شي
غمضت وفتحت وبصعوبه نطقت : اكـ ـر هـ ـك
ماعجبه كلامها واعتقدها تهذي : خوله فيك شي تقدرين تقومين نرجع للقبيله
تنفست بصعوبه وحاولت تتكلم : فيه شي عضني برجلي
اول ماشاف تنفسها سريع مد يده وبدون تردد شال البرقع وانصدم من الي شافه
بس تدارك نفسه ورجع يهزها : خوله خليك مفتحه لاتغمضي اي رجل وين العضه
ردت تفتح عيونها : في رجلي اليمين بساقي قريب من الركبه
حط راسها وتقدم عند رجلها مد يده يشوف العضه بس مسكت يده وبصوت خافت : لا تكشفني
انجن زيد مادر وش يسوي : انتي هبيله اكيد عضك عقرب ولا حيه بشوف قبل تموتين
فتحت بتتكلم بس شافت عقرب سوداء متجهه لرجل زيد من وراه وقبل تلدغه مدت يدها بكل قوتها
وانلدغت في يدها وصرخت تنبهه : اااااه العقرب
التف بسرعه وناظر العقرب تهرب خرج سيفه وقتلها قبل تهرب ورد لخوله
شافها تتالم ودموعها تنزل والعرق ماوقف شالها بسرعه على الخيل وكانت جالسه قدامه وراسها وكتفها
الايمن في صدر زيد تناظر له يتكلم ويشوفها بس ماعاد كانت تدري وش يقول
وزيد يحس بداخله نار : خوله لاتغمضي ناظري فيني لاتغمضي لاتروحي من بين يداتي
اول ماوصل مشارف القبيله صرخ باعلى صوته لما شافها بدت تغمض : ساااااعدونا
جرى الكل له واول ماميزها كنعان اتقدم بسرعه واخذها وهو يصرخ : وش فيها
زيد يتكلم بسرعه : مدري بسرعه ودها عند الطبيب
طار فيها كنعان واتقدم اخوانها وابو كنعان : زيد ياولدي وش فيها وش في بنيتي
زيد متوتر بنفسه وهم زادوا وتروه : مدري مدري قالت اشجان انها مالقتها بعد التدريب
وكانت خايفه عليها وراحت ادورها قبل يوصلكم العلم وتخافون لقيتها خلف الصخره الكبيره
ممدده ، وشرح زيد لهم القصه طبعا باخفاء بعض اشياء
،
الكل كان منتظر عند باب خيمة ابو كنعان منتظرين الطبيب يبشر عن حالها وكان عند خوله
الطبيب وكنان
،
الشيخ بحزن على حال خوله : بتخرج سالمه ان شاء الله يابو كنعان
ابو سامر : خوله قدها وقدود مايصير فيها شي باذن الله
والكل يهدي ابو كنعان
وعند الشباب هتان عنده ساهر وعنان عنده فارس وكنعان عند زيد
كنعان : خايف يازيد افقدها احس انها روحي كيف بعيش بدون روحي
زيد يهديه ويحس بالم داخله : لاتقول كذا وانا اخوك باذن الله تكون بخير
كنعان : ليت فيني ولا فيها ليت فيني ولا فيها
اتنهد زيد وغمض عيونه وحط يده في ظهر كنعان : اذكر ربك مايصير فيها شي
تذكر زيد دموعها والمها لو انه ماجرحه بالكلام لو انه ما المها لو لو لو
بعد نص ساعه خرج الطبيب وكنان من الخيمه والكل التف عليه
ابو كنعان : بشر كيفها بنتي وش حالها
هز راسه الطبيب : ادع ربك اللدغه الي بيدهاجرحتها وخرجت السم بس الي في رجلها
ماقدرت اخرجه كله باين ان اللدغه صار لها مده فيها
ناظر زيد : لو اول مالقيتها حاولت تخرج السم كان حالتها احسن
كنعان : والحين وش يعني وش فيها
الطبيب : مافيها شي ياولدي حطيت لها اعشاب لزوم كل يوم اغير لها الاعشاب والباقي على الله
راح الطبيب وكلا نزل راسه استاذن ابو كنعان من الجميع ودخل الخيمه عند بنته
وعياله دخلوا بعده وكلا راح بعد حاله
،
،
بعد يوم من الاحداث خوله تفتح عيونها وبصعوبه تقوم تاكل وتساعدها اشجان تغير ثيابها
واخوانها وابوها ملازمينها محد تركها
،
في الصباح في خيمت الشيخ
الشيخ : هااه يابنتي طمني كيفها خوله
اشجان تنهدت من قلب على حال رفيقة عمرها : وش اقول لك ياعمي تصحى تصحى اشوي وترد تنام
ناظر ابو سامر زيد : ليه ياولدي ماخرجت السم من رجلها اول مالقيتها
زيد عاقد حواجبه متضايق من يوم حادثة خوله : ماسمحتلي ياعمي
الشيخ بعتب : ودي افهم كيف ماسمحت لك وهي في حاله صعبه
ناظرهم ساهر : كيف يخرج السم واللدغه قريب من ركبتها اكيد ماتسمحله
انغاض زيد منه وماحب يتكلم معه : عن اذنكم بروح اشوف حال كنعان
اشجان : لحظــہہ بخاويك لهناك ابقى انا عند خوله وعمي وعياله يطلعوا يغيروا جو
الشيخ : ربي يوفقك يابنتي تسوي خير فيهم
،
اول ماوصلوا زيد واشجان عند خيمة ابو كنعان سمعوا ضحك طالع
اشجان بفضول : وش صار اكيد خوله تعافة
ناظرها زيد ورفع حاجب : نشوف
رفع صوته ينادي : كنعاان كنعاان
طل هتان والضحكة شاقه وجهه : زيد حياااك خير وش صار
مانزل زيد حاجبه : الخير بوجهك ماصار شي بس جينا نطمن عليكم
هتان بضحك : والله احس صار لي سنه ماضحكت
ناظر اشجان وتوه استوعب : اووه اشجان حياك لحظه الحين بنطلع
دخل اشويات وطلعوا كلهم ابو كنعان : السلااام عليكم
زيد واشجان : وعليكم السلام
ابو كنعان : ادخلي يابنيتي خوله منتظرتك
هزت راسها ودخلت بسرعه تتخبى من نظرات كنان
زيد يحاول يسحب اي خبر منهم عن خوله : اشوفكم تضحكوا خير ان شاء الله
ابو كنعان بفرحه : دام خوله تضحك اكيد نضحك
زيد : جعله دوووم
كنعان : عن اذنكم بروح مع زيد للمراعي
ابو كنعان : لاتنسى خوله ياكنعان
عنان : انا اوديها عادي خذ راحتك كنعان
هتان : لا لا انا بوديها
كنان : انتم الاثنين ماتتفقوا مع خوله انا اوديها
ضحك كنعان : اقوول اذلفوا بس لاتتهربوا من الحراسه انا بوديها
راح كنعان وزيد معه وصلوا قريب من المراعي ونزل كنعان يمشي مع خيله
زيد بفضول ماعرف كيف يهديه : اشوفك مرتاح ياكنعان
ابتسم كنعان : اييه خوله اليوم قامت تضحك معانا وتمزح وتحرك رجلها الحمدلله
لو صار لها شي ماكنت بسامح نفسي
زيد بهدواء : الحمدلله انها بخير وانت ليه تلوم نفسك
اتقدم منه كنعان وضمه بسعاده : لولا الله ثم انت كان انا واخواني وابي مشغولين ما سالنا عنها ولا
دورناها كان الله يستر وش حالها لو تاخرنا اكثر عليها لو لا انك رحت تدورها وجبتها بسرعه
كان الله العالم بحالها
حس زيد بتانيب الضمير اهو الي وصلها لهذي الحاله : كل شي مكتوب ومقدر ولولا اشجان كان
مادريت ولادورت
كنعان : ما انسى معروفكم لين اموت
زيد : وش رايك نروح نلف بالخيول حول القبيله
كنعان : لاا نتمشى هنا اشوي وبرد اخذ خوله للطبيب
زيد : ليه
كنعان : لازم يغير لها الاعشاب كل يوم يقول ان الاعشاب هذي تسحب السم
زيد : خييير باذن الله اجل خلنا نرجع بالكود نوصل ناخذها
هز راسه كنعان وتحركوا راجعين
،
