صحى زيد بنشاط وناظرهم ومالقى حد وكاد صحو قبله وقف وطلع من الشق وناظر الدنيا اظلمت ابتسم بخفه وفرح : وكاد بنبقى هنا لين بكره احسن كود نرتاح
طلع يمشي باتجاه الغدير ومع ظلام الليل الخالي من القمر ضيع بالطريق لكنه وقف يناظر الي تتمايل امامه ذي ذي اعرفها ذي خوله وش فيها قرب زيد بهدواء يتحقق من كونها خوله او حرمه غير ولكنها هوت بتطيح ودق قلبه لها ومد يده وجذبها من خصرها طاحت الشيله من عليها وتناثر شعرها وبان ووجهها
انصدم زيد من منظر خوله والمه قلبه عليها حملها بين يدينه وراح لجهت الغدير الي يحاول يدلها بين الظلام وشعلات النار الخافته
ابتسم لما شاف الغدير وقرب منه وقعد وخوله بين يدينه وكنها كنز ثمين اخذ بيده اليمين مي ويده اليسرى تحاوط خوله وتضمها لناحيته
مسح على وجه خوله بالمي وحس بحرارتها وخاف عليها اكثر وبصوت حنون وهادي : خووله خوله فتحي
اخذ بيده مره ثانيه مي ومسح على وجهها : خوله فتحي ناظريني انا بقربك
خوله تتكلم بدون وعي : ز زيد
ابتسم زيد ومركز بعيونه عليها : سمي وامري وتدللي يالبيه
حاوطت خوله خصر زيد بيدينها وهمست : ضمني لاتتركني
همهمت شوي ومن بعده : زيد خايفه ماودي ارحل ماودي اتركك
تصنم زيد يستوعب اهو بحلم ولا ذا واقع ضمها بيديه اكثر واكثر وخايف لو انه حلم : اموت ولا اتركك ياخوله مير انتي الي لاتتركيني احبك ياخوله احبك
حط جاسم يده بكتف زيد بياس على حالهم : زييد اصحى ياخوي واتركها ترى ماتجوز لك
ضمها زيد اكثر خايف تضيع من يدينه : ماووودي اصحى اتركني ياجاسم
جاسم : زييد ترى منت بحلم مير خوله مريضه وماتدري وش تقول اتركها يازيد مايصير الي تسويه
زيد ناظره برجاء : ان كان حلم او واقع اتركني معاها اشوي شوي بس
جاسم : جنيت يازيد لو يشوفكم كنعان او حد غيره
زيد : وليه الاصدقاء الا لذا الوقت
جاسم هز راسه برفض : لا قسم بالله انجنيت الحين تتركها يازيد
تحركت خوله بانزعاج وحطت راسها بصدره وشدت يدينها تضمه اكثر
ناظره زيد وبهدواء : لو على موتي ماتركتها
اخذ زيد غترته وغطاء وجه خوله مع شعرها لاجل مايناظرها جاسم
تنهد جاسم ومسح على وجهه : زيد بسالك حصل شي بينك وبين خوله قبل نرجع لقبيلتي
زيد عقد حواجبه بغرابه
جاسم : تراها نامت على كتف خديجه وهي تبكي
زيد بصدمه : وشوو ليييه
جاسم : تقول خديجه انها تكلمت معاها عني وانها فرحانه انها صحت على حالها وادركت انها تحبني وماتعتبرني اخ واني ابادلها الحب ومابيننا اي حواجز وبعدها انهارت خوله وبكت وماتحملت
غمض زيد عيونه وحط يده على راسها يضمها اكثر ومن ثم ابتسم بحزن : شفت شلون تحبني مير الفرق بيني وبينك انتم مابينكم اي حواجز لكن انا وخوله بيننا ادهم وابوها الي ورطنا فيه وكان بيننا تاخر وخوف
جاسم بمواساه : مير يازيد ذا الي كتبه الله لكم لاتعمق اكثر بحبها
استنشق زيد عطر خوله وابتسم بخفه متجاهل كلام جاسم : في ذمتك ماهو قهر،
عاقل و يلعب بِي عطر.؟!
