ابو كنعان واقف مع ابو سامر وابو قسور والشيخ وبعض الكبار : ههههههه والله احس ماحد بيتفق مع الثاني
الشيخ : مالهم الا التفرقه
ابو قسور : بس زيد وقسور مكانهم مايناسبهم هم من الله مايطيقون الحريم
ابو سامر : علشان نطمئن انهم مايحتكوا في الحريم
ابو كنعان : عز الله لو كان هتان ولدي بدل واحد منهم ماترك حرمه في حالها
ابو سامر : عاااد ساهر مثله
الشيخ : عندي فضول ليه حطيتوا سامر مع هتان وساهر مع كنان
ضحكوا ابو سامر وابو كنعان
ابو سامر : سامر شديد ودايم متاهب
ابو كنعان : هتان مستهتر ماخذ الدنيا فله
الشيخ بضحكه : وساهر مثل هتان وسامر مثل كنان ههههههههههه
ابو قسور : يااخوفي ينشغلون بانفسهم وبهواشهم وينسوا المراقبه ههههههههه
ابو مازن : عز الله راحت القبيله وطي ههههههههههههه
،
،
نرجع لزيد وقسور الي اتفقوا يقسم الحريم لقسمين قسم تحت اشراف زيد وقسم تحت اشراف قسور
وقف زيد وقسور مقاربين لبعض قدام الحريم
زيد بصوت عالي : اسمعوا زين ياحريم مانبي دلع الحين تنقسموا نصين نص يوقف قدامي وهو الي بشرف
عليه ونص يوقف قدام قسور وهو الي بيشرف عليه قسور
البعض راحوا يتوزعوا وعند خوله وصديقاتها
مزنه : بنات كل واحده تعترف مع من بتروح
اشجان الي امرها محتوم : اكيد انا مع ولد عمي
مهره بنت عم قسور : وانا مع ولد عمي
وسن : انا مع اشجان
مزنه : وانا مع اشجان
اشجان بفرح : وخوله معي اكيد لاتاخذون رايها
خوله الي تفكيرها وداها لكلمت زيد ( تراها حرمه ماتقوى )
ضربت مزنه كتف خوله الي شهقت بصوت عالي
زيد بنظره حاده لهم : وش تنتظرون بسرعه تقسموا
راحت مزنه ووسن لطابور زيد ومهره لطابور قسور
اشجان تسحب خوله من يدها لطابور زيد : يلا تعالي وش فيك
سحبت خوله يدها من يد اشجان : ومن قال بروح معك انا مع قسور
اشجان طارت عيونها : ليييه زيد يقرب لك اكثر
ابتسمت خوله بسخريه : ايييه وانتي الصادقه عيال عم احنا وما ادري
مشت متجاهله اشجان لقسم قسور تحت انظار زيد الحاده
اتصافح زيد وقسور ومشى عكس بعض وبداوا التدريب
،
،
عند قسم قسور الي وصل وماعارف كيف يبداء يتعامل مع الحريم
اتقدمت منه مهره : قسور كيف بنبداء التدريب
ناظرها قسور : انتي مهره
مهره : ايييه
حسى قسور ان الفرج جاه : هههه اسمعي زين قولي للحريم تمسك السيف زين
مهره قاطعته : عادي تكلم انت ماعرف انقل الكلام زين
قسور بضجر : الي اعرفه ان هذا شغلكم ياحريم
ضحكت مهره الي تعرف ولد عمها مايطيق الحريم ومايحب يحتك فيهم
قسور بعد دقيقتين : احم احم اسمعوني زين امسكوا السيف باليمين وثبتوه باليسار
قدموا رجلكم اليمين اذا بتهاجموا ورجعوها ورا اذا بتدافعوا
كل الحريم نفذوا الكلام وبدوا يحاولوا ماعادا خوله الي جابت سيف جدها وماسكته
تتامل النقوش المنحوته فيه
ناظرها قسور ومايدري من ذي الي ماتسمع الكلام حس انها بتتعبه كثييير
تقدم منها ووقف قدامها ووجهه للاتجاه الثاني : انتي ياحرمه ليه ماتتدربين مثل البقيه
ناظرته بهدواء : انا ند عشره فرسان وش له اتدرب
اتقدمت مهره منهم : قسور هذي خوله اخت كنعان
قسور : بس لزوما تدربين
خوله بنفس الهدواء : كيف قال الشيخ تتاكدوا من مبارزتنا
قسور مستغرب من هدواها : نتبارز معكن
رفعت خوله سيفها واعطت الغمد لمهره : اجل بارزني
اتفاجاء قسور بطلبها بس لاحظ مسكتها للسيف بيدها اليمين فقط
اخذ سيفه ورمى الغمد : تهجمي او اهجم
خوله بمكر : اهجم انت
اتقدم منها ورفع سيفه لفوق بحيث ينزله عليها لكنه تفاجاء لما رفعت سيفها وصدت ضربته والتفت حوله
وحطت السيف في رقبته من الخلف : القاعده الاول لاتستهين بخصمك
ابتعدت عنه : الحين دوري اهجم استعد
قسور الي الصدمه ماثره فيه بس انتبه وهذي المره لازم ينتبه منها : مستعد
اتقدمت منه ببطى وكان قسور يراقب حركتها واول ماركز على حركت ارجيلها الي تروح وتجي
انطلقت بشراسه توجه له ضربها بالسيف وكان يتصداء لها بسرعه متفاجاء من قوة ضربها بالسيف
وحركت يدها وسرعتها
لاحظت خوله انه مركز على تحركاتها التفت ووجهت السيف من يمينه ولما صداء ضربتها دارت ووجهت السيف
بسرعه من يساره ابتسمت بمكر : القاعده الثانيه لكل فعل ردت فعل
قسور بصدمه : مبين من حركاتك انك تبارزين من صغرك
خوله بهدواء : من عمري ست سنوات
قسور بتفكير عميق : اجل ليه ماتدربيهم
خوله : ماشفتهم اختاروني مدربه
قسور بابتسامة اعجاب : دربيهم معي نكمل بسرعه
خوله : وش يقول الشيخ لو دراء
قسور : مايقول شي وش قلتي
خوله بتفكير : انزين خذ راحتك ما اعتقد بتقدر على الحريم بدربهم الاساسيات
قسور : واثق فيك
اخذ قسور غمده من الارض وراح متجه للخيل ويفكر بخوله هاديه جدا او يمكن تستحي منه
لكن في مبارزتها ذكيه جدا ومكاره مهارتها في السيف مثل مهارت الطباخ في ملعقته
ماينكر انه اعجب بقوتها وكلامها المتحدي واستنتاجها للقواعد الي هي اهم شي
وقف قريب من الخيل ولف يناظر الحريم وبالاخص خوله الي كانت تعلمهم عن قرب
وتشدد عليهم تذكر ثقتها بنفسها هذا اكثر شي اربكه
،
،
عند زيد الي كان يدربهم بجمود وتفكيره يروح بعيد
اتقدم من اشجان : اشجان وش فيك امسكي السيف زين
ابتسمت اشجان : والله بالي عند خوله مدري وش فيها
زيد بدون اي اهتمام : اول ركزي بتدريبك وبعدها روحي لها
هزت اشجان راسها بالموافقه
زيد تعب من الحريم ومن تدريبهم وشتم حظه ميت مره
