في خيمة ابو كنعان عند خوله واشجان
اشجان بفرحه كبيره : الله لاااايحرمني منك ياقلبي والله خفت عليك
ضحكت خوله بخفه : ولا يحرمني منك وليه الخوف مافيني شي
اشجان : بس لما جابك زيد كان شكلك يخووف وجهك اسود والعرق مليانك
عقدت خوله حواجبه : زيد الي جابني
اشجان : ايييه انا شفته وكلمته انك مختفيه وهو راح يدورك ولما جابك
كنت معه فوق الخيل وراسك في صدره
غمزت اشجان بعينها لخوله وضحكت بخفه
ماعجبها كلام اشجان اخر شي تتذكره لما منعت العقرب توصل لزيد
تنهدت بقوه ماتدري ليش
اشجان : اووه وين راح عقلك
خوله : احس رجلي تالمني
اشجان بخوف : اروح انادي احد ياخذك للطبيب
ابتسمت خوله بهدواء : لا الحين يجي كنعان
اشجان باحراج : اقوول خوله
ابتسمت خوله : خير وش فيك
اشجان : اخوك مايستحي ليه يناظرني
ضحكت خوله برقه : يشوفك يتذكر ذاك اليوم ،يعني ليه يشوفك اكيد معجب
قبل تنطق اشجان سمعوا صوت كنعان ينادي
خوله بصوت رقيق : سم ياخوي
كنعان من خارج الخيمه : باخذك للطبيب خلي اشجان تتغطى
اشجان : ادخل ماعليك شر
دخل كنعان وخرجت اشجان شافت ولد عمها : زيد بتروح معاهم
زيد : ايه برافقهم
اشجان : وانا بعد برافقهم
زيد : تسوي خير
خرج كنعان وخوله بين يداته حطها فوق الخيل : خوله اخليك وراء ولا قدام
خوله بهدواء : وراء
نط كنعان قدامها وضمته من الخلف وحطت راسها على ظهره
ناظرها زيد ورفع حاجب وماعلق
خوله : اشجان
اشجان بابتسامه : لاتخافي بكون معك هذا هو ساهر
اشرت اشجان لساهر وتقدم منهم : ساهر ودي اروح مع خوله تاخذني
ابتسم ساهر وعينه على خوله : اكيييد تعالي
مد يده ورفع اشجان وتمسكت بدورها بساهر
ابتسم كنعان : ههههه على كذا بنزفك ياخوله مانوديك عند الطبيب
احرجت خوله ودفنت راسها في ظهر كنعان
ساهر : تستاااهل خوله واكثر بعد
ماعجبه زيد الكلام وانطلق بفرسه وانطلقوا بعده وفي مشارف القبيله قريب من الرعيان
نزل كنعان من فوق خيله وحمل خوله واشجان نزلت معاهم
زيد بصوت مرتفع : يابو خالد
طل الطبيب عليه : هلا بعيالي هلا اقلطوا ادخل انت والبنات
دخل كنعان حامل اخته واشجان معاهم
الطبيب ابو خالد : اشوفك بخير يابنيتي كيف رجلك كيف تحسيها
خوله باحراج رغم كبر سنه : الحمدلله بس تالمني لما احركها
الطبيب ابو خالد : اييه يابنيتي طبيعي تالمك ماقدرنا نلحق السم ونخرجه كله
لكن باذن الله هذي العشبه تساعدك وتخرج السم
غير لها العشبه ولف رجلها
،
عند زيد وساهر الي الابتسامه مافارقته
زيد برفعة حاجب : وش فيك الابتسامه شاقه حلقك
ضحك ساهر : والله ياولد العم عجبتني البنت واقتنعت فيها وباذن الله اقنع ابوي وعمي
ماغير زيد رفعة حاجبه : وش عاجبك في ذي مافيها دلع ولاجمال ولاسنع
ساهر بتفكير ويحك راسه : اذا على الدلع والسنع تتعلم واذا على الجمال ماعليه عادي عندي
خوله الي كانت قريب وسمعوا الكلام هي واشجان ووصت اشجان ماتبين انهم سمعوا
طلوا واشجان تساندها لين خيل كنعان
ساهر : وين كنعان مايحملها
اشجان بهدواء : بياخذ الاعشاب لان خوله رفضت تجي كليوم ويكشف عليها
تمسكت خوله في الخيل وحاولت تنط بس وقعت نزلت اشجان بقلق تساعدها
ونط ساهر قرب منهن : خوله انتي بخير
هزت راسها بخجل منه وزيد عقد حواجبه بعدم رضى
خرج كنعان من خيمة الطبيب وتقدم منهم وكانت اشجان تبعد الترب العالق في خوله
كنعان : خوله وش صار
ساهر : ليه ماحملتها ياكنعان وقعت اختك شوف اذا تالمت
اتقدم كنعان وشال خوله وحطها فوق الخيل
وقفز لفوق الخيل وكانت خوله هذي المره قدامه
كنعان : خوله فيك شي
هزت راسها بمعنى لا وضمته وحطت راسها في صدره
ضمها كنعان بيد ومسك اللجام وتحرك بخيله وتحرك زيد وساهر معاه
كان زيد كل شوي يناظر خوله ويتذكر يوم كان راسها بصدره غمض عيونه وعقد حواجبه
وانطلق بالفرس وهو يقول : كنعان بروح لقسور تاخرت عليه
ما اهتمت خوله وتتمنى تتعثر فيه الخيل وتنكسر رجله
ساهر : اشجان اوصلك لخيمتنا او لخيمة عمي ابو كنعان
اشجان : بقعد مع خوله
خوله : ودي اروح للتله الي قرب الغدير
كنعان : بس رجلك ياخوله مابتقدري تتحركي كثير
خوله : ماعلي شر وانا مابتحرك بنقعد انا واشجان شوي بس شوي
تنهد كنعان ويعرف ان اخته متضايقه من صوتها : طيب اشوي واجيك
هزت راسها بالموافقه بهدواء
،
،
عند قسور يحاول قدر المستطاع يعلم الحريم الاساسيات الي ماقدرت خوله تعلمهم
بسبب اللدغه ، كره حاله وتذكر خوله كيف تعلمهم ......
مهره : قسور ياقسور
تو انتبه لها قسور وفز : هاه وش صار
ضحكت مهره : لا ماصار شي بس اشوفك متلعوز بدون خوله
اتنهد قسور : ايييه والله ، الا متى تتعافى
مهره : اليوم بتروح للطبيب وباذن الله تتعافى
قسور : وانتي صديقتها وماتعرفي من المبارز شي
مهره : خوله تعرف المبارز من وهي صغيره وغير كذا خوله لما تكون معانا تكون غير
عقد قسور حواجبه : كيف تكون غير
مهره : يعني عندكم قويه مو مباليه لشي ، بس عندنا حرمه حساسه دلوع
ابتسم قسور لا اراديا
وهذا الي زاد الطين بله عند زيد الي سمع الكلام كله
زيد عاقد حواجبه فوق الخيل : قسوور ليه مابدات تعلم الحريم
ناظره قسور وابتسامته مرسومه : ماقدرت عليهم احول فيهم من الصباح والحين دورك
هز راسه زيد بالرفض : ماغير وجع الراس من الحريم وراسي حيل يوجعني
قسور : علامك فيه شي مضايقك
ناظره زيد ثوانـ¹ـ²ـ³ـي معدوده : مادري والله مادري وش مضايقني
ابتسم قسور : روح ارتاح والحريم نستاذن من الشيخ ناجل تدريبهم لين تتعافى خوله
هز راسه زيد بالموافقه : شورك ، عن اذنك
راح زيد للتل وتمدد من شان محد يعرف بوجوده
،
،
عند خوله الي حطها كنعان وراح هو وساهر ناظرت للسماء وتنهدت
اشجان بابتسامه : وش فيك ياخوله ادري متضايقه لاتخبي عني
ضحكت خوله : الله لايحرمني منك شجن مالي غيرك رفيقه
اشجان : اشك انك تختصري اسمي مو تدلعيه ههههههه
خوله بابتسامه بلهاء : اممم اتعب لما اقول اسمك كامل هههههه
باعدت خوله برقعها وتنفست بعمق وابتسمت
اشجان : ااه ياحلو ضحكتك وغمازتك
ميلت فمها خوله : انتي بس الي تشوفيني حلوه
اشجان : خوله لاتسمحي لاي حد يشكك في جمالك او دلعك وانوثتك
ضحكت خوله برقه : والله ياشجن مابي جمال مير من زود حبك لي
اشجان : ااه ياخوله بجد خطبك ولد خالك
ناظرتها خوله وتبسمت باحراج : اييه مير شلون دريتي
ضحكت اشجان : عمي الشيخ قال
خوله بتردد : مدري ليه احس بخوف شجن ماودي افارقكم
اشجان تمسكت بيدات خوله وشدت عليهم : طيب ارفضي وتزوجي من القبيله
نزلت خوله راسها : لزوم اتزوج ولد خالي علشان ماتنقطع علاقتنا فيهم
اشجان بتفكير : طيب ليه مايتزوج واحد من اخوانك من بنات خالك
خوله بتنهيد : كنعان مايبي يتزوج وكنان عينه على واحده تعثرت قدامها ههههههه
توسعت عيون اشجان : خوووله
ضحكت خوله من قلب برقه : ههههههههه طيب طيب وعنان وهتان ماهم حقت زواجه مهبلين
نزلت اشجان راسها : طيب يعني بكره يجونكم خطاب
هزت خوله راسها بالرفض : لا يعني مو خطبه رسميه يعني بيقعدوا يومين اذا هو وافق وانا وافقت
تتم الخطبه
اشجان عاقده حواجبها : لااا وليه مايوافق وين يلاقي مثل زينك
ضحكت خوله : بيت خالي مايعرفوني اخواني يروحوا كل فتره يسلموا على خالاتي واخوالي مير انا ماروح
تنهدت اشجان من قلب
،ب
كان هتان عند الغدير يشوف الحريم مثل عادته وبدون مقدمات نط ساهر فوقه
وفز هتان ماسك البندقيه والشال مغطي عيونه
ساهر بخوووف : هتااان لاتطخ لاتطخ انا ساهر ياهتان
نزل هتان البندقيه ورفع الشال من عيونه : ليت اني طخيتك ونفتك منك
ابتسم ساهر وعينه للبندقيه : والله انك مخبول كان قتلتني
ضحك هتان من قلب : وش له تخوفني
جلس ساهر وبابتسامه : امازحك يارجال
جلس هتان جنبه : عيونك تشع وانت تطالع الغدير
نزل ساهر عيونه للارض وبتردد : ودي استقر
ضحك هتان : لاااتقول بتتزوج
ناظره ساهر ورفع حاجبه : ليه
تمدد هتان من الضحك : هههههه والله مايلوق لك تتزوج هههههه ومنو بترضى فيك يامخبول هههههه
ساهر بصدمه : من جدك انت ليه وش فيني
هتان بضحك : مافيك شي ماغير عيونك تورور لكل بنيه
ساهر : ليه وانت ماتناظر الحريم
هتان : ايييه اناظر مير ماودي اتزوج من حريم القبيله
ساهر عقد حواجبه : ليه يعني ماتشوف الحريم ينظرنك اكيد يتمنوك
ابتسم هتان من قلب : ماودي بوجع القليب ماودي من حريم القبيله
ساهر : ليكون حاط عينك على بنيه
ضحك هتان وبانوا غمازاته : ايييه وبكره بتكون في قريتنا
ساهر بفضوول : منهي وشلون عرفتها وشلون تعرف انها بكره بتجي
هتان : اااه فضولك بيقتلك اسمع بكره راح يجون بيت خالي والبنيه بنت خالي
ساهر زم شفايفه : ليه يجو يعني ماقد جو من قبل
ناظره هتان والسعاده تشع من عيونه : يجو يخطبوا خوله لولد خالي رجاال الكل يتمناه
انصدم ساهر وماتكلم وماعرف وش شعوره
هتان بغرابه : وش فيك منت بفرحان
ابتسم ساهر مجامله : اييه مير فرحان واختك بتروح عنك
ميل هتان شفته لليمين وانحفرت غمازته : فرحان لها تدري انه بيعاملها احسن منا
ساهر : شلون بيعاملها احسن منكم
هتان ناظر للسماء : احنا نحب خوله ونفديها ومايهون علينا تنزل دمعتها اوتتضايق
لكن خوله بنت دلوع واحنا شباب مزحنا قوي عليها نعرف انها تتالم مننا وبعض اوقات نجرحها
بكلامنا بدون مانحس اااه
خلها تتزوج احسن لها
ساهر : ليه ماتزوجوها من القبيله
هتان : مانريد تنقطع علاقتنا باهل امي وبالزواج بتتوثق العلاقه
تنهد ساهر من قلب وتمدد يناظر السماء بهدواء
،
عند زيد الي كان ممدد في التله القريبه من خوله واشجان وسمع نص حديثهم
من عند اشجان لما قالت ياحلو ضحكتك وغمازتك تبسم لما عرف ان عندها غمازه
فعلا مايقدر ينكر جمالها لماشال البرقع من عليها تفاجاء بجمالها ماهو زي ماتوقع
انها شينه زيد يكلم نفسه : من متى وانا تجذبني حرمه من متى اسوي لحرمه خاطر
عندي ليه افقد تركيزي لما اشوف عيونها ليه ضحكتها تربكني واحراجها يهزني من
متى تصير لي هل الاشياء مو انا الي انجذب لحرمه مو انا الي تغير مزاجي حرمه .
سكت لما سمعهن يتكلمن عن خال خوله وولد خالها الي بيخطبها انعقدت حواجبه
معقول خوله بتتزوج بتكون بس لرجال وحلال رجال وتروح مع رجال
هد وجلس هز راسه رافض هذي الفكره : مابيها حليله لي مير ماودي تكون لغيري
وش الحال هذا وش صار لي
هز راسها وقام وراح لخيله مايدري وش يحس فيه
،
،
في صباح اليوم الثاني خيمة ابو كنعان صاحيين من بدري يجهزوا لبيت خالهم
وخوله بدات تقوم وتمشي ببطى وماتقدر تشيل شي ثقيل علشان رجلها الي كل يوم
تتحسن خوله : كناان روح جيب مي وانت ياهتان سو المراكي زين ومد الفرشه
عنان طل براسه على اوامرها : ايييه لزوم كل شي يكون زين علشان الخطيب
هتان : ههههههههه وماحتى تعرفي اسمه عاد لو عرفتي اسمه
كنان يحرك حواجبه : شف بس الخيانه باعتنى على الخطيب الي ماتعرف حتى اسمه
عنان : عاااد لو تتزوج ما اعتقد بتعترف فينا هههههههه
خوله تناظرهم ومبتسمه من قلب وتردد داخلها الله لايحرمني منكم
كنعان : افااا ياخوله جد ماتعرفي اسم ولد الخال
استحت خوله ونزلت راسها
كنعان : ابشرك اسمه ادهم
استحت خوله زود وحمرت خدودها
هتان : ااااه فديييت الخدود الحمر
ضحكوا على خوله اكثر ضمها ابو كنعان وبابتسامه : اقوول انت وياه ضفوا وجيهكم
وكملوا شغلكم ازين من الهرج ذا
ضحكوا وكلا خرج يتمم عمله
ابو كنعان تمسك بيدات خوله وناظرها : خوله تدري اني اعز اهل امك المرحومه ومن حبي
لهم ودي تتزوجي منهم والحمدلله هذا هم تقدموا لك
ابتسمت خوله ونزلت راسها باحراج ومد ابو كنعان يده ورفع راسها : مير ان كان ماودك فيه
ومارتحتي له مازوجك له لو على قطع رقبتي اهم شي تكوني سعيده وماشوف دموعك في يوم
نزلت دموع خوله بهدواء وضمها ابو كنعان وهو يردد : لاتنزل دموعك ياخوله دموعك غاااليه عليا
