هزت خوله راسها وراحت ناظرت ذيب الي مبين انه معصب ابتسمت
وراحت له : صبحك الله خير ياذيب
ناظر ذيب لمتعب بحده : وين بنلاقي الخير بذيك الوجيه
ضحكت خوله بخفه : وكاد ان به شي كايد معكر مزاجك
ناظر لها ذيب وابتسم : ايييه ذا الوح ركل رجلي وفكرت انه غزو
ناظرت خوله لوين اشر ذيب : ايييه تقصد متعب
ذيب : اييييه ليت انك تركتيه ينجرح كان زمانه يون
ضحكت خوله هذي المره بصوت الي لفت انظارهم
ذيب : ايه اضحكي مير زين زيد او متعب الاثنين يستاهلون
خوله : هههههههه حرام عليك مير انت ماتطيقهم
ذيب : ايه ايه وذي الوجيه تنطاق حشى تقول غربان
ماقدرت خوله توقف ضحك والفضول اشتغل عند الجميع
ابتسم ذيب ثم ضحك بخفه : والله انتي الوحيده الي تسعدين الواحد
ولا كان من زمان واحد منا مصيوب والثاني ميت والثالث رابح
قرب كنعان مبتسم بعد ما رسله زيد : وش تسوون
ذيب : ابد ينقال افرغ الضبح الي فيني
خوله ببتسامه : قوم بارز لاجل تخرج غضبك كذا احسن
ذيب : ايييه وانا ومن اتبارز
سمعوا صوت صهيل احصنه تقرب منهم
خوله : هذول هم جايين لاجل تبارزهم
وقف الجميع واخذوا سيوفهم مترقبين
ذيب : ترى كنت امزح ماودي اتبارز مع حد
ضحكت خوله : اقول سل سيفك واحترس
قربت عشره خيول منهم وبهم رجال متلثمين
جاسم : من انتم ووش تبون
تكلم الاول : انا هزاع وانتوا من
متعب : انا متعب من قبيله الشيخ ابو متعب
وذاك زيد وذاك جاسم والي هناك ذيب وكنعان
هزاع : حياكم عيال مشايخ كلكم لاجل كذا هجموا عليكم
جاسم : وشلون عرفت
هزاع : انا حاطت في كل مكان حول قبيلتنا رجال لاجل اعرف الاخبار
زيد : واحنا كنا متوجهين لقبيلتكم
هزاع : حياكم الله ضيوفن عزيزين لمو اغراضكم نرحل قبل يزيد القطاع
متعب : الحين
ردت خوله سيفها للغمد وناظرت ذيب : تدري انهم سمعوك هههه
نجلا اخذت تلم الاغراض وخوله قربت تساعدها
هزاع : وش له ماخذين معاكم حريم
ذيب : لاتخاف ذول ند فرسان
ابتسم هزاع : زين مير ترى الحرمه تبقى حرمه
ابتسم زيد : ادري مير احنا معاهن ومايخذهن احد الا على جثتنا
هز هزاع راسه باعجاب
بداء رحلتهم متجهين نحو الشرق لقبيلة الشيخ ابو هزاع
في الطريق كانو الرجال متحركين بالامام وخوله ونجلا بالاخير
نجلا : اقول ياخوله
خوله : قولي
نجلا : وكاد ان رجال ذي القبيله كثير لاجل يتوزعون حول القبيله
ابتسمت خوله : ترى يانجلا قبيله الشيخ ابو هزاع اكبر قبيله بذي الصحراء
نجلا : خوله ليه اخترتوا ذي القبايل بالتحديد
خوله بابتسامه : قبيله الشيخ ابو جاسم حلالهم كثير
قبيلة الشيخ متعب
السيوف الي تسوونها مافيه مثلها قبيلة الشيخ هزاع اكبر قبيله
قبيله الشيخ ابو فياض مهارتهم بالمبارز افضل مهاره
نجلا باستغراب : ووو وذيب
ضحكت خوله : ذيب صادفناه بالطريق وغير كذا قبيلة الشيخ ابو ذيب
مكارين وعندهم خطط دفاعيه وهجوميه فريده بنحتاجهم
نجلا ابتسمت : وانتوا
خوله : قبيلة الشيخ ابو زيد بتعرفين وش عندهم مع الايام
نجلا بخيبه : وليه ماتقولين لي الحين
ابتسمت خوله : خليها للايام لاجل ماتملي
قرب منهن ذيب : اقول ياخوله
خوله : قول
ذيب مبتسم : مبين ان ذا هزاع واعي مثل كنعان
خوله مبتسمه : ايييه مير ان كنعان افضل
ضحك ذيب : يقولون ماتمدح العروس غير امها
ضحكت خوله : اجل تبي اذم اخوي
ذيب : ماهو بتذميه مير ماسمعتك تمدحين غير كنعان
خوله : اجل منهو امدح غير اخوي
ذيب : ايييه انا
ضحكت نجلا : انت الي ماتتفق مع حد
ناظرها ذيب : اقووول ترى انتي تشبهين اخوك كثير
ضحكت نجلا : ايييه يازيني لو اني اشبهه
ناظرها ذيب ورفع حاجبه : قامت اكبادي
هز شعره بضجر ورد لجمب كنعان
خوله : وش سوا بكم والله انه طيب
نجلا : ايه طيب مير انه مكار وليه بس يكلمك انتي
ضحكت خوله : لاجل يغيض زيد
ضحكت نجلا : زين اجل ومتعب وش ذنبه
خوله : في ذي انا مع ذيب
ضحكت نجلا بقوه : ايييه وش بك انتي على اخوي
جوله : انتي اخبر وش سوا بي
هزاع بصوت مرتفع : هذي هي القبيله وصلنا
الكل رفع نظره وكانت القبيله فعلا كبيره
متعب : اقول مليت من ذي الرحله خلونا نسرع بالخيل
الكل وافق وشدوا على الخيول وانطلقوا
واول ماوصلو لمشارف القبيله استقبلوهم بترحيب
مشو لين وصلوا لمجلس الشيخ ونزلوا من الخيول
هزاع : الحريم تدخل الشق عند حريمنا
خوله بهمس لنجلا : ما كانه مابلعنا
ضحكت نجلا : ايييه
دخلن الشق وجاسم مبتسم ماعرفين انه سمعهن
الشيخ ابو هزاع : ورحبو ورحبو حياكم الله اقربوا
دخلوا الرجاجيل وسلموا عليه
الشيخ : ااقلطوا ياعيالي اقلطوا
قعدوا كلهم في جهت اليمين ورجال القبيله من اليسار
الشيخ : صبوا لهم القهوه واقربوا التمر
زيد : سلمت ياشيخ ماتقصر
الشيخ : يسلمك ربي والحين من اي قبايل انتوا
زيد : انا زيد من قبيلة الشيخ ابو زيد
الشيخ مبتسم : حياك حياك ياولدي
متعب : انا متعب من قبيلة الشيخ ابو متعب
الشيخ : ورحب ورحب حياك
ذيب : انا ذيب من قبيلة الشيخ ابو ذيب
الشيخ ناظره بتامل : حياك ياولدي
حس ذيب بشي وفضل انه يسكت الحين لين يلقاه وحده
جاسم : انا جاسم من قبيلة الشيخ ابو جاسم
الشيخ : حياك حياك ورحب
كنعان : انا كنعان صديق زيد ومن نفس القبيله
الشيخ هز راسه : حياك ورحب ياولدي
زيد : والله ياشيخ جيناك كلنا طالبين منك طلب
الشيخ : على خير باذن الله ياعيالي بالاوله خلونا نتغدا ويصير خير
،
عند الحريم
نجلا وخوله مرتاحات بالقعده كثير الحريم متواضعات
نجلا : اقول ياخاله ماهي بزينه اننا قاعدت والبنيات يشتغلن
مرت الشيخ ام هزاع : افااا يابنيتي والله ماتقومن انكن ضيفات
خوله : افا ياخاله احنا معتبرات نفسنا من القبيله وانتي خالتنا
ضحكت ام هزاع : والله انكن بحسبت بناتي مير اقصد انكن لزوم ترتاحن
نجلا : تسلمين يالغاليه
وقفت ام هزاع بعد ماسمعت هزاع يناديها
نجلا : خوله خوله
خوله : هلااا
نجلا : ماتشوفين اشلون اخلاقهم زينه
خوله : ايييه شفت يازينهم زيناه
نجلا : وانتي الصادقه فوق الاخلاق يازينهم وه بس
ضحكت خوله بقوه : اقووول اسكتي لاتفضحينا
نجلا : زين زين مير ودي بمتعب مدري احس بشي غريب
ضحكت خوله : ترى عادي بتتعودين بالبدايه كنت مثلك
نجلا : والله انك ذيبه
ضحكت خوله بقوه : اخت ذيب صح
ضحكت نجلا وماعاد قدرت توقف
دخلت ام هزاع وخوله تضرب نجلا لاجل تسكت
ام هزاع مبتسمه : خير وش صار
خوله بحرج : هاه وش وش صار ماصار شي مير انها مهبوله اشوي
ضحكت ام هزاع على خوله ونجلا ماقدرت تمسك نفسها
هزاع ضحكهن الي واصل لعنده وماعجبه : يمه بروح
طلعت ام هزاع بعد ماستاذنت منهن
خوله : اقوووول ياهبيله وش الي يضحكك كذا
نجلا يلا تتكلم : اتخيل انك اخت ذيب ههههههه وقسم اتخيل زيد ومتعب
وانتم معلقينهم وتعذبونهم ههههههه
خوله فتحت فمها : الحين كل ذا الضحك لاجل كذا والله انك هبله
نجلا : ههههههههههاي تشبهون بعض اوقات ههههههههه
خوله : قسم انك هبلا من وين نتشابه مير ان اخوك مابلعنا
نجلا : اعطيه ماء لاجل يبلعكم ههههههه
وقفت خوله : اقعدي اضحكي لين بكره
خرجت خوله ونجلا تضحك تبسمت خوله وتناظر الاماكن
الواسعه ابتسمت على الاطفال الي يتبارزون تقربت منهم
خوله : وش رايكم تبارزوني
خالد : وشلون نبارز حرمه
خوله : انا اعرف للمبارز تعالوا انتم الثلاثه وبارزوني
اخذت خوله سيف خشبي ووقفت قدامهم
محمد : وشلون نبارزك الثلاثه
ابتسمت خوله : جربوني
نجلا من خلفها : حاذروا منها ياولاد
ام هزاع الي قربت : تعرفين تبارزي ياخوله
خوله : اييه
عنان : خلونا نهجم
هجموا عليها الثلاثه وماقدروا يغلبوها كانت تتصداء
لضربهم بمهاره وانذهلت ام هزاع من مهارتها
محمد : وشلون تعلمتي المبارزه
ابتسمت خوله : من وانا صغيره كنت ابارز
عنان : مير انتي قويه
خوله : وانت اذا تدربت كل يوم بتكون اقوى مني
خالد : لاجل كذا اخذوك معاهم
خوله : اييه
ام هزاع : تعالي يابنيتي اخوك يبغاك عند الغدير وانتي يانجلا روحي
هزت خوله راسها بالموافقه وراحت هي ونجلا
اول ماقربن من متعب وكنعان راحت نجلا تركض وضمت متعب
كنعان : يعني هي اشتاقت لاخوها وانتي مشتقتي لي
ضحكت خوله بخفه : ايييه اشتقت لك مير توني بارزت الصغار
تقدمت منها وحضنته وحطت راسها على صدره
كنعان : وليه بارزتيهم
خوله : حبيت مبارزتهم
متعب : ماهو بزين تظهرين قوتك في كل مكان
خوله حست ان كلامه له مقصد : تراهم بزران
نجلا : ايه بزران مير واجهتي ثلاثه
ناظرت خوله لنجلا بتوعاد : حتى وان بينت قوتي وش يصير
متعب : انتي ادرى
اخذ متعب بيد نجلا وراح يدور حول الغدير يتفقد احوالها
اما خوله فحست بقهر كبير : سمعت هو وش قال
ابتسم كنعان على غضبها : ايه مير هو يقول كذا لمصلحتك
خوله بقهر : وش له هو من مصلحتي والله مالوم ذيب فيه
ضحك كنعان : ايييه ناقصنا ذيب ثاني بذي الرحله
خوله : حتى انت ياخوي تضحك عليا والله ان ذا متعب يدور المتاعب مثل اسمه
ضحك كنعان وضم خوله وباعد : اقووول لاتدورين المشاكل
خوله ربعت يدينها على صدرها : بتشوف من يدور المشاكل انا او هو
كنعان : روحي روحي ساعدي الحريم صرتي كسله ماتساعدين
خوله بابتسامه : حريمهم ورجالهم كثير ويسدون
كنعان : صاير لسانك طويل ياخوله
ناظره بعيون حزينه : انا متضايقه يعني مايصير افش خلقي
كنعان : ومن مضيق خلقك
تنهدت خوله : مدري مدري احس بشي منتظرني قريب
كنعان خاف من احساسها : لااا ياخوله الا ذا الاحساس لاا
ضحكت خوله من قلبها : وش اسوي ترى ماهو بيدي
رد متعب ونجلا وناظرهم متعب : حشى وش تتكلمون
كنعان : اتطمن على اختي
متعب : كل ذا تطمان اقول اتركهن يردن
التف متعب وناظر خوله ونجلا : واقعدن بالشق عند الحريم ماهو عند البزران
نجلا : زيين
خوله ناظرت للاتجاه الثاني
تمسكت نجلا بيد خوله واخذتها معاها
متعب : تعال نرد للرجاجيل
كنعان : متعب ترى قريب خوله بتنفجر عليك تراها ماتحب الي يتامر عليها
ابتسم متعب : معليه باقي اسبوع تتحمل ذي الفتره
كنعان : ياخوفي ماتتحمل لبكره
دخلوا مجلس الشيخ وقعدوا وكان ترتيبهم
ذيب ومن ثم جاسم وبعده زيد وقربه كنعان واخر شي متعب
ذيب : ايييه لو ان معي حرمه كان خرجت اشتم هواء
زيد : تقصد تناظر حريم ماهو تشتم هواء
جاسم : ترى انا الي بينكم وماودي اتاذى
ذيب : والله كل شخص يصف الناس بما فيه
زيد : ترى انت معروف عند الكل ماهو انا بس
متعب مبتسم : من انت ومن هو ترى انتم مثل بعض
كنعان حط يده على وجهه : لاااحول
ذيب : وانا اقول ليه مسوي نفسك الرجال الشهم وجايب اختك واثرك لاجل تزوغ عيونك
رمى متعب الفنجال ووقف : احترم نفسك اذا كان ودك تبقى حي
زيد : باذن الله مايبقى منك انت وهو احد
متعب : يازينك وانت ساكت تكون افضل
ذيب : ترى انت الي تجيب لنفسك الكلام ومن ثم تعصب انت ماهو بصاحي انا متوكد
وقف كنعان ومسك متعب الي كان وده يقرب من ذيب
زيد مبتسم : اتركه عنك ياكنعان خلهم يولو
ذيب ضحك : اقول يازيد وراك كاره متعب لذي الدرجه
زيد : ايييه مابلعه بقدرك
ذيب : احسن اجل اختنق فينا وفضل لي الجو
زيد بذي الكلمه طلعت شياطينه لانه يدري ان قصده خوله
وقف زيد وتمسك به جاسم : زيد ماحنا ببزارين وش بيقول عنا الشيخ
وقف ذيب وناظر لزيد ومتعب وابتسم : حالكم يرحم وهم ماسكينكم
متعب حاول يدف كنعان مير مقدر : والله ان مسكتك مارحمتك
ضحك ذيب بقوه : انت امسكني بالاول ومن ثم قرر اذا بترحمني او لا
زيد : وقسم بالله ياذيب ان انعاد كلامك لورجيك النجوم بعز الظهر
ذيب : يكفي اني اشوف القمر ماعاد اريد النجوم
زيد انجن وحاول يفلت من جاسم ومتعب معصب ع الاخر
دخل الشيخ وناظرهم باستغراب : وش صاير
ضحك ذيب : ابد ياشيخ ناخذ ونعطي بالكلام
قعد ذيب مع الشيخ : اقوول اقعدوا ليه واقفين
ترك كنعان متعب وجاسم ترك زيد وكلن منهم ماسك اعصابه قدام الشيخ
الشيخ بتعجب : كنتوا تتهاوشون
جاسم مبتسم يحاول يسويها : لا ياشيخ مير كنا كنا
كنعان : اقول ياشيخ وش رايك انت قلت بتفكر ومارديت لنا وش رايك
فهم الشيخ انهم متهاوشي وهز راسه بعدم رضى : لا ماني موافق
زيد عاقد حواجبه : ليه ياشيخ وش الي ماهو بعاجبك
جاسم : ترى ياشيخ بيكون حلفنا قوي وماعاد بيقدر الغزوا علينا
الشيخ : ايييه مابيقدر الغزوا علينا مير وشلون بنكون حلف اذا هذا حالكم
ذيب : وش حالنا ياشيخ
الشيخ : انتم المشايخ من بعدنا اذا كان من ابسط شي بتتهاوشون وشلون بتقدروا تمنعوا غزوا
كنعان بهدواء : معك حق في الي قلته ياشيخ مير ان عند كل منا ظرف
واعصابنا مشدوده اتمنى تعذرهم ياشيخ وتغير رايك
الشيخ : الشيخ ياولدي لزوم يمسك اعصابه دوم ومايتسرع ولاتحكمه مشاعره
لزوم يعرف وشلون يتصرف ومتى يتكلم ومتى يرد
زيد منزل راسه : صدقت ياشيخ
متعب : اعذرنا ياشيخ
ناظر ذيب للقهوه الي تغلي : زين الي عرفتم غلطكم
ابتسم الشيخ : وانت ماغلطت
ضحك ذيب : انا استفزيتهم لاجل تبان لك حقيقتهم
الشيخ : ايييه ذكرتني خذ ياذيب ترها كانت عندي امانه
ناظر ذيب ليد الشيخ وكان خاتم ابوه اخذه بلهفه وناظره بتمعن
الشيخ : اعذرني ياولدي مير اني كنت دوم اسال عنك واسمع انك تترحل من مكان لثاني
ذيب وعيونه على الخاتم : وين لقيته وشلون وصل لعندك
الشيخ : ترى خاتم ابوك مافيه مثله اثنين وفي مره من المرات هجموا
علينا قطاع وقدرنا نقتلهم ولقيت الخاتم بيد واحد منهم
ذيب : كان فيه ندبه بحاجبه الايسر
عقد الشيخ حواجبه : لا لا ياولدي ولا واحد منهم كان به ذي الندبه
هز ذيب راسه بتفهم ولبس الخاتم باصبعه وناظر له
كان الخاتم من الفضه والعقيق الي به مرسوم داخله شكل ذيب يعوي
جاسم وزيد ومتعب مستغربين عن خاتم ابوه وشلون وابوه الشيخ مافهموا شي وضلوا مستغربين
،
عند خوله الي تغدن وقعدت هي ونجلا والبنات
لميا : ترى القصه مشوقه حيل ياليت لو اروح معكن
ضحكت نجلا : ايه مشوقه مير لما هجموا قطاع الطرق خفت وتمنيت اني مارحت
هند : دام انك تعرفين تبارزي وش له الخوف
خوله : ترى ياهند الحرمه تبقى حرمه ان انمسكت
هند : اجل وش له تخاطرين وتروحين معاهم
خوله : ماتوقعنا ان احنا بنكون بخطر او ان فيه حد بينضم لنا
لميا : المشكله ترى كلكم عيال مشايخ والقطاع اكيد بيدوروا عليكم
نجلا : لاتخافي كلنا قدها وقدود
ضحكت خوله : واثقه ياشيخه
ضحكت نجلا : اييييه لو اني ماهو بواثقه كان مارحت معاكم
خوله : زيييين ترى المره الثانيه قعدي قرب متعب ماهو بقربي اذا لقينا قطاع
نجلا تمسكت بيد خوله : مابي بضل معك
خوله : مير انتي تعيقيني لما ابارز
نجلا : اناااا هذا وانا احمي ظهرك
ضحكت خوله ايه تمسكين بالسيف وتوقفي وراي مير ماتسوي شي
نجلا : المهم اني اضحي بحياتي لاجلش
ضحكت هند : قصدش تحمين نفسك بحياتها هههههه
