في مجلس الشيخ مكان ما الكل نايم فتح ذيب عيونه
وهمس : التلال وكاد دخلو من التلال
فز ذيب بهدواء اخذ شاله وسيفه وخرج بهدواء منطلق
للتلال وصل لهناك وابتسم وكان ضنه صحيح كانت هناك اشجار كبيره تغطي المكان مير يقدر الغزوا يخترقهم بسهوله هز ذيب راسه بمكر يفكر بخطه للغزوا
ويرسمها بعقله
سمع صوت جري الخيل يقرب منه التف وابتسم
خوله من فوق الخيل : ذيب وش تسوي هنيه
ذيب مبتسب : اعتقد ان الي جابنا واحد
خوله : ووش عرفت دامك مبتسم
ذيب هز راسه : وش عرفتي انتي وليه جيتي هنيه
خوله : ابد شكيت ان الغزوا استغلوا ذا المكان مير جيت اتوكد منه
هز ذيب راسه وضحك : والله منتي بهينه ياخوله ايه صادقه الغزوا دخلوا من هنيه
اشر لها لاشجار كبيره
خوله حركت عيونها بالمكان : وشلون نسى هزاع ذا المكان بكبره
ذيب ضحك : من كبر القبيله مالحق عليها
خوله مبتسمه : ماتكون ذيب من قبيلة الذياب لو انك مالقيت ذي الفجوه
ضحك ذيب : اول مره اشوفك تمدحيني
خوله : في ذي محد بقادر ينكركم ياقبيلة الشيخ ابو ذيب
ذيب : اييييه وكاد بحقة الاسم الي لصقتوه فينا لزوم نكون اذكياء مثل الذياب
خوله : ايييه يازينكم زيناه مير ان لسانكم حد
ضحك ذيب : ووش شفتي من لساني
خوله : ابد انا ماشفت شي مير الكل يقول
ذيب : وتصدقين الي تشوفين او الي تسمعين
ابتسمت خوله : الي اشوفه
ذيب : ووش شفتي مني
خوله بهدواء : ماشفت شي
ذيب : اجل وش له تشهدين عليا
خوله بحرج : مير اشوفك مع زيد ومتعب
ذيب : ايييه كل واحد منهم فيه شي ودي يغيره مير شفتيني اقول شي لكنعان وهزاع وجاسم
هزت خوله راسه بلا : ابد ماشفتك تقول لهم شي مير وش تبي تغير في زيد ومتعب
ضحك ذيب : ودي اغير في متعب حدة لسانه ومزاجه
خوله : ووو وزيد
ضحك ذيب من قلبه : هذي بتعرفيها مع الايام
خوله : ذيب كلمني كنعان عن الخاتم والحكايه مير ودي اسالك
ذيب : قولي ياخوله
خوله : كم صار لك بالصحراء تدورهم
ذيب : سنتين
خوله : مارديت لقبيلتك
ذيب : وشلون ارد واقابل الرجاجيل وعليا ثار مانتهى
خوله : وابو اقصد وعمك ماودك تزوره
ضحك ذيب بهدواء : ايييه عمي يشهد عليا الله انه بمثابة ابوي ومالي غنى عنه مير وشلون اترك القاتل يعيش
خوله : ذيب ياخوي وكاد عمك وده تقر عينه بشوفتك وشله اذا رحت يومين او اسبوع تتطمن عنه ماتدري متى يجيك الفراق الحقيقي
ذيب : اذا الله اخذ امانته وتوفى عمي ماودي ارجع القبيله ابد
خوله : وعاجبتك ذي العيشه من قبيله لقبيله بين العقارب والثعابين
ذيب : وش يصير ياخوله لو مات عمي ومالقيت قاتل ابوي وثأرت له
وشلون ارجع واصير شيخ وشلون اواجه المشايخ وقبيلتي بذاتها وشلون
احط وجهي بوجه الرجاجيل اااه ياخوله ذي الدنيا ظاالمه ياخوله ظالمه
خوله وتحارب دمعتها على ذيب : تنام مظلوم ياذيب ولاتنام ظالم
رد ياذيب لعمك وقبيلتك صدقني بتلاقي القاتل وبتثأر لابوك مير يحتاج
لك طول بال لاتضايق نفسك وتضيق خاطرك كل شي بينحل
ذيب ابتسم : بفكر ياخوله بالكلام ذا مير يصير خير لذاك الوقت
خوله رفعت اصبعها تمسح الدمعه الي نزلت : وترى كلنا معك ياذيب بحزنك وفرحك
ذيب ناظر زيد قرب منهم ومبين انه معصب : داام انك ياخوله معي باذن الله يصير خير
زيد بعصبيه : خير وش الي معك
خوله : زيد مافيه شي مير كنا نتكلم
زيد : وانتي وشله ماتقعدين عندالحريم وش جابك هنا
خوله منصدمه : زيد وش صار
زيد : روحي للحريم الحين
ناظرت خوله لوجه ذيب المبتسم باستفزاز ووجه زيد المعصب : مابتحرك الا معك زيد لد نروح سوى
ذيب : اتركيه عنك ياخوله ترى بنتحرك بعد الغروب لاجل مايكشفنا الغزوا
هزت خوله راسها بالموافقه وتحرك ذيب راجع
خوله بصوت هادي لاجل تهدي اعصاب زيد : زيد ليه معصب
ناظرها زيد وغمض عيونه بقوه : وش مقعدك معه عند التلال بلحالكم
خوله بنفس الهدواء : كنت ادور الفجوه الي دخلوا منها الغزوا ولقيت ذيب هنيه
زيد : خوله ردي للحريم
ناظرت خوله لزيد حاله ماطمنها : زيد وش مضيق خلقك
ناظر زيد للجهه المقابله : ردي ياخوله للحريم
خوله قربت خيلها من خيله اشوي : ابد ماني براده وذا حالك يازيد
ناظرها زيد وحواجبه معقوده : لو كان يهمك حالي كان ماقعدتي قرب ذيب
كم مره طلبت منك تبتعدي عنه ياخوله وش الي ماتفهميه من حالي
وش لك ياخوله من حالي ترى انا غريب عنك حتى انا مايصير تقعدي معي
ليه ماتفهمي يوم اقول لك ردي للحريم خلك مع الحريم
غمض عيونه بقهر وبداخله يقول
( ماعدت اقوى ياخوله اغار عليك وودي اضمك اخاف عليك مني وماودي
تقربي من حد ماعدت ادري وشلون اسوي واداري مشاعري )
ناظرته خوله والكلمات تجرحها نزلت دموعها بهدواء ماهو علشان مشاعرها
منقهر من زيد متضايق وودها يشكي لها مير وش الي يمنعه
التف زيد يناظر ليه ماتحركت وانصدم من دموعها الي تنزل : خوله روحي للحريم
خوله بصوت انثوي باكي : وش له يازيد تجرحني وش له ماتقول وش مضيق
حالك تراني مارحت خايفه عليك وش له دوم تجرحني تراني ماعدت اقوى
ماعاد قدرت خوله تكمل وحركت فرسها تجري بها
حط زيد يدينه على وجهه : والله انا الي ماعدت اقوى ياخوله انا الي قربت انجن ياخوله
رفع راسه للسماء وغمض : ليت لساني انقص قبل لايجرحك وينزل دموعك ليت عيوني غمضن واروح وطي دموعك
،
صحى كنعان وناظر حوله مالقى غير متعب الي باقي ماصحى وقف وطلع
جاسم : صبحك الله خير
ابتسم كنعان : صبحك الله عافيه وش تسوي
رفع جاسم يده : اطعم خيلي من يدي ترى احب خيلي كثير
كنعان : ايييه اجل انتبه لها من القطاع لاتنسرق
جاسم : باذن الله مانفترق
كنعان : وين البقيه
جاسم : ذيب صحيت ومالقيته وهزاع راح يتفقد الحراسه
اما زيد مالقى ذيب وراح يدور عليه يقول متضايق
كنعان : متضايق ووش له بذيب
جاسم : مدري ماتكلم معي كثير
كنعان : ياصباح الرضى الله يستر ماعاد فيني حيل للمشاكل ودي ارد لقبيلتي
جاسم : اييييه والله مدري وشلون ذيب متحمل البعد عن قبيلته سنتين وانا من اسبوع ضايق حالي
كنعان : والله اسبوعين صار لي مير احسهم شهرين اشتقت لبوي واخواني وجمعتنا
جاسم : الله يردنا سالمين وينهي ذا الغزوا على خير
كنعان : باذن الله
،
ردت خوله للحريم تخفي دموعها الي مسحتهم بابتسامه
هند : خووله وين كنتي من الصباح وانا ادورك
خوله : كنت ادور على الفجوه الي قدر الغزو يدخل منها
هند : لقيتيها
خوله : لقاها ذيب بين التلال الثلاثه
هند : ماشاءالله عليه كيف قدر يلاقيها بذي السرعه رغم انه مايعرف قبيلتنا
ابتسمت خوله : ترى ماهو هين
هزت هند راسها : ايييه وانا اشهد الحين تعالي ناكل
،
ابتسم جاسم : ذيب ترى زيد سال عنك مالقيته
ضحك ذيب : تلقاه بعد شوي يطل جهز له مي تبرد اعصابه
جاسم : لاحووول يعني تشاجرتو
اخذ ذيب فنجال قهوه : لا ماتشاجرنا مير انه يشاجر حاله بحاله
جاسم : ليه ياذيب ليه دوم تتشاجر مع زيد ومتعب
ضحك ذيب : بالله عاجبك حالهم
جاسم : ياااليل وش فيه حالهم
ذيب : ترى متعب لسانه مثل السيف لزوم يلينه اشوي ماهو اي شي يقوله بحده كذا لو مسك المشيخ من بعد ابوه صارت حروب في قبيلته المشيخ لزوم يكون شده ولين وهو مايعرف اللين ابد
اخذ جاسم يفكر كلام ذيب صحيح : طيب وزيد
ضحك ذيب : صديقك وماتعرفه
جاسم : والله اعتقد اني ما افهم شي جمبك
ضحك ذيب وشرب فنجال القهوه : زيد مشكلته بداخله
جاسم : وشلون يعني
ذيب : مشكلته مايتكلم عن اي شي داخله او يحس به
جاسم والي لمح مقصد ذيب : خوله
ضحك ذيب : ايه هذي نص المشكله
جاسم : كنت اقول انك معجب بخوله
ذيب : بقول لك سر تراني خاطب من قبيلتنا بنت صديق ابوي
ضحك جاسم من قلبه لما فهم : والله انك كفو ياذيب
ذيب بابتسامه : وش معتقدني بعشق بنت يهواها احد غيري ولا ادور مشاكل لفوق راسي
التف ذيب وناظر للبعيد : ترى ياجاسم الي فوق راسي كثير وماني بناقص شي
جاسم بتفكير : ذيب عندي فكره لكن احسها متهوره اشوي
