ردت فهده وتنادي فياض والي طلب منها تدخل لمجلس الشيخ الي ماكان به غير فياض ونواف
فياض ابتسم : حي الله فهده توو نور المجلس
نواف مبتسم من قلبه : عز الله انه نور
فهده بخجل منزله راسها : فياض ابيك
فياض : قولي يافهده مابه حد غريب
اعتصرت فهده يدينها بخجل : فياااض
ضحك نواف ووقف : اقعدددي انتي وانا بطلع دامك ماتبيني
نزلت راسها فهده للارض وطلع نواف
فياض : هاه يافهده وش تبي اامري
فهده رفعت راسها وابتسمت : موافقه على ولد خالتك
دخل نواف الي كان يتنصت عليها من قرب الباب وراح ضمها
وقف فياض وبصدمه وقفز نواف لفوقه بفرحه يضمه
اما فهده تجمدت اطرافها لما ضمها وحاولت تكون جريئه ويالله نطقت : لكن عندي شروط
نواف والابتسامه شاقه حلقه : تامري وتدللي
فهده وللحين ماتحركت : ودي قبل اعرس نقيم جنازه لعدنان لانه انظلم ومحد عرف بموته
ضم نواف شفايفه بحزن : لزوم يصير له
فياض تنهد : كنت افكر اسويها ولاتقلقي بنقيم له جنازه
فهده ناظرت لنواف : عرسي مع عرس اخوي بيكون
فتح نواف فمه بصدمه : هاه وشو وش قلتي
فياض ضحك : فهده وش ذا الكلام
فهده : عرسي وعرسك بنفس اليوم
نواف ناظر فياض بيأس : فياض ياتعرس ياتقنع اختك
ضحك فياض : ههههههههه وش اعرس ماودي اعرس
نواف : اجل اقنع اختك ترى ماودي اضلي عزابي حالي حالك
فياض : اجل اسمع خلكم انتم هنا وانا بطلع وياتقنعك ياتقنعها
طلع فياض تاركهم ويتبسم بهدوء
ناظر نواف فهده ورمش بعيونه : فهده ارجاش غير ذا الطلب تدرين انه مستحيل
فهده : وليه مستحيل تقدر تقنع فياض يتزوج
نواف : فهده تدري بحب فياض لمزنه وشلون اقنعه يتزوج وحده غيرها
ناظرته فهده ورفعت حاجب : اجل وشلون فكرت ان فياض قتل مزنه
قعد نواف ونزل راسه : وش تبي يافهده من الاخير
فهده : وشلون فكرت ان فياض بيقتل مزنه ووشلون قدرت تدخل رجال يقتل ابوي ليه يانواف
نواف رفع راسه بالم وناظر لعيونها : شفت فياض ماسك سيفه والدنيا كلها دم وش تبي اسوي
فهده : تدري بحب فياض من كان صغير لمزنه وشلون فكرت
نواف : تدرين بحب فياض لمزنه وماتدرين بحب نواف لفهده
رفعت فهده راسها والتقت عيونهم وبعد دقيقه
نواف وعيونه متعلقه بعيونها كنه طفل : حبيتك يافهده من واحنا صغار قبل فياض ومزنه وحبهم الي تشوفينه عظيم ، وتميت احبك واتعلق فيك اكثر واكثر بالله عليك يافهده زعلت مره بحياتي او شفتك زعلانه وماراضيتك
هزت فهده راسها بالنفي وتناظر لعيونه بلهفت مشتاق فاقد من سنين
نواف : حطيت حياتي على حد الموت لاجل اخذك معي وانا ادري ان فياض بيقتلني مع جماعته وخاطرت وتمسكت بك
فهده بدموع نزلت على خدها تحرق خدودها : سلكت الطريق الخطاء يانواف
نواف : لاجلك اسلك اي طريق واي درب سهل كان او صعب مستعد اسوي اي شي مير ذا الطلب لا يافهده
نزلت فهده راسها وتركت عيونها تفيض بالدموع
وقف نواف وقرب منها رفع راسها بيديه وابعد اللثمه عن وجهها وناظرها وابتسم : عز الله اني اشتقت لوجهك بالحيل
ابتسمت بحياء من بين دموعها
فز قلب نواف على دمعه طاحت من رموشها الطويله لفوق خدها وبسرعه قبل دمعتها وابتسم
انصدمت فهده من الي سواه : نوااف مجنون
ضحك نواف : من زمااان مجنونك بس ليتك تروفي
طلعت فهده من مجلس الرجال تجري للشق مستحيه
،
بعد ساعات من انطلاق زيد والبقيه وبعد اجهاد الخيول والتعب الي بالجميع قربو من قبيلة هزاع وزادو الضغط على الخيول ناظرت خوله لاتجاه اليمين وكان زيد يناظرها وابتسم حست خوله بارتباك وزادت ضغط على خيلها ماقدر خيلها يتحمل كل ذا الضغط زايد التوتر والارتباك تشنجت ارجوله وتعثر وطاااح بخوله
وقف الجميع منصدم من المنظر الخيل طايح وخوله نصفها تحته
نط زيد وكنعان وانطلقو كنعان مسك راس خوله يبي يطمن عليها لكن تفاجئ بالصخره المتوسطه الي تحت راسها والدم الي تلونت يده فيه
قرب زيد وناظر لكنعان المنصدم وشاف الي ماكان يبي يشوفه متعب وذيب وهزاع ساعدو الخيل يبعد من فوق خوله ونجلا وهند قربين بخوف
سحب زيد خوله من يدين كنعان ورفع راسها وسحب غترته من على راسه وربط راس خوله يمنع نزول الدم من راسها فتحت خوله عيونها بين الواعي واللاواعي وهمست بخفوت : لا تـ تركـ ـني زيـ ـد
ابتسم زيد وبعيونه الخوف ومسك كفها وهمس : لاتتركيني انتي
