هزاع نزل راسه ومن ثم ناظرهن : ماتوقعت ذي المبارزه من حريم
خوله رفعت حاجبها : ليه وش فيها الحرمه
متعب : الحرمه فيها كثير
خوله بحده بعيونها وصوتها : الحرمه ممكن تكون بعشره فرسان والحرمه تساوي
الي مايقدروا عشره رجاجيل يسوونه
متعب : وش الي مانقدر نساويه ليه انتي وش مفكره انك
كنعان وماعجبه كلام متعب : ترى حرمه عن حرمه تفرق وخوله لو احطها بين الذياب بكون مطمن وواثق منها
زيد : وترى محد طلب رايك عن خوله ومانبي مداخلاتك وافكارك المعقده وترى
خوله مستعد امشي معاها مغمض
تركتهم خوله ونطت لفوق خيلها وردت بدون ماتنتظر حد
كنعان بغضب : اسمع يامتعب ترى اخس ماعندي حد يضايق خوله ومن الحين احذرك خلك بعيد عنها
نط كنعان لفوق خيله وانطلق خلفها
زيد يناظر متعب : قبل لاتتكلم عن خوله ناظر اختك هذا هي تبارز وخارجه معانا بذي الرحله
متعب انغاض من هجومهم عليه : ايه بفضل خوله بارزت
ذيب : لو انك ماجيت ولا جبتها كان احسن
هزاع : خلاااص يعني لزوم كل شوي تتشاجرون وش ذي الحاله وش ذا الكلام
غمض هزاع عيونه بغضب هذولا دوم يتشاجرون والغزوا شلون اخترق حراستهم
هند : هزاع ياخوي بروح ادور على خوله
هز هزاع راسه بزين
نجلا ناظرت لاخوها بعتب : وانا بدور عليها معك انتظري
زيد : بروح الغدير اغسل الدم الي عليا
ذيب : زين بروح معك
هز زيد راسه ومشوا مع بعض ونجلا وهند راحين
جاسم بهدواء : ترى يامتعب انت الي غلطت والكل ضدك حتى اختك
من صوتها يبين انها عتبانه عليك وش صار لك يامتعب
متعب يدور سبب لانه مايدري ليه قال كذا : كله بسببها لو انها قعدت بالقبيله كان ماجونا القطاع
جاسم ناظره باستخفاف : لو ماجيت كان ماقلقت كذا واحنا ماجبرناك تجي
تركهم جاسم وراح يمشي بخيله
هزاع يكلم الرجاجيل : خذو ذي الجثث وارموها بحفره ولا للذياب
التف هزاع يناظر متعب : مابزيد كلمه فوق الي قالوها مير مالك حق تتكلم عنها كذا
نط هزاع لفوق خيله : تعال نرجع للمجلس وكاد بيرجعون لهناك
هز متعب راسه ونط لفوق خيله ومشى خلف متعب
،
وقفت اشجان تنادي سامر قرب مجلس الرجاجيل
ابتسم كنان لصوتها وتمنى لو يشوفها
طلع سامر وكنان يدور عذر لجل يطلع
ابو كنعان : هتان ياولدي لد هات لي الصندوق الفضي
كنان وقف بسرعه مبتسم : انا بروح يابوي ودي بشي من هناك واجيب الصندوق معي
ابو كنعان : زين مير بسرعه لاتتاخر
ابتسم كنان وراح منطلق اول ماطلع من المجلس ناظر ومالقى اشجان حزن وكمل طريقه للخيمه ولما رد
ابتسم من قلبه : وش تسوين عند خيمة الرجاجيل
نزلت اشجان عيونها للارض بخجل : بعطي سامر المي الي طلبه
كنان : وسامر ماعنده رجلين لاجل يروح ياخذ لنفسه
اشجان : مافيها شي لو جبت لخوي
كنان عقد حواجبه يخوفها : وشلون مافيها شي تروحي وتجين قرب خيمة الرجاجيل
اشجان رفعت راسها : وكان الي هنا غريبين تراهم كلهم اعرفهم ويعرفوني احنا عيال القبيله
كنان ناظرها منصدم وبعصبيه : اقووول روحي ان شفتك تجي قرب مجلس الرجاجيل ياويلك
خافت من عصبية كنان وجرت هاربه منه
،
في مجلس الرجاجيل في ديرة الشيخ ابو هزاع في الليل
حالهم محد يكلم الثاني وغارقين بهمهم
دخل رجال من القبيله : هزاع ياهزاع
فز هزاع واقف : خير وش صار
الرجال : الي غزوا واخترقوا رجالنا دخلوا على انهم رعاه والباقي دخلو خلسه في الظلام
هزاع عقد حواجبه : وشلون دخل هذا العدد كله خلسه وشلون ماحسيتوا فيهم
الرجال : والله مادري وشلون سووى فينا
هزاع : اسمع زين ودي تتكثف الراسه وتكون ليل ونهار
الرجال : تامر طال عمرك
طلع الرجال وهزاع قعد يفكر
زيد : وكاد ياهزاع انهم دخلو بسببنا احنا من بكره الصباح بنتحرك
هز هزاع راسه : لو لاكم كان ماعرفت وشهو وضع حراستي الي شديت فيها ظهري
كان حصلنا الي حصل وازود مير زين الي عرفت بذولا
ذيب : سالمين باذن الله ياهزاع مير عيد تحصين القبيله زين واذا ودك بشي ترى حنا نعون وننعان
هز هزاع راسه : سلمتو على الاكيد صرنا اخوان ومالي غنى عنكم
جاسم : هزاع مالحظتوا من وين دخلو
هزاع : لاوالله مير بندور في ذا الامر
كنعان : حطوا الحين روسكم وناموا والصباح رباح
الكل وافق وحطوا روسهم وناموا
،
عند خوله الي صحت بدري والشمس ما اشرقت زين
طلعت من الخيمه بهدواء تفكر في الغزوا حقت امس وكاد به فجوه في الحراسه والي قدروا منها يختلسوا ويدخلون
نطت لفوق الخيل وانطلقت للتلال تتفقد الحراسه هناك
تبسمت على الحراس الي حال نايم وحال صاحي
وكاد هزاع شدد على الحراسه
ناظرت للتلال العاليه كانوا ثلاثه تلال مرتفعه اثنين قريبين من بعض
ومتلاسقين وواحد قربهم مير شكله ماهو متلاصق معاهم نزلت خوله من فوق التلال منطلقه لهناك لاجل تتوكد
