،
،
دخل زيد مجلس الرجال وابتسم : وانا اقوول ليه خوات جاسم طلعين من المجلس
قرب منه زيد وقعد قربه وقرب من اذنه وابتسم بنذاله وباعلا صوت : الغزاااااااه فزو فزوووو
فز ذيب من اول حرف واقف يجري ومايشوف قدامه زين تعثر مرتين وطاح وفز قايم واخذ عصاء لانه مالقى السيف وتلفت يمين ويسار جاسم الي واقف قرب الخيمه يضحك من قلب وكنعان الي ابتسم اشوي لانه معصب اما زيد الي ماقدر يقوم من الضحك
اخذ يب نفس وناظرهم : ضحكتو عجبكم الي صار
جاسم يضحك : واااالله كاااان شي مايتفوت
كنعان : عقبال اشوفك بمثل ذا الموقف واردا ياجاسم
مسح ذيب بيدينه على وجهه وقعد في الارض وزيد وجاسم يضحكو
ماهي الا دقيقه وفز ذيب يجري لزيد
اما زيد ركض لجاسم وركضوا سوى بدون مايوقفو ضحكهم وذيب متحلف فيهم وكنعان يدعي ان ذيب يمسكهم
،
عايشه : غدير نااظري مو ذاك الجني اقصد الادمي الي تركناه في المجلس
ناظرت غدير وضحكة : عز الله لو مسكهم مارحمهم
وقفت عليا قربهن : نظفتن المجلس
عايشه ابتسمت : لا قال ذاك الي يجري خلف جاسم انه بينظفه يوم يصحى
عليا توسعت عيونها : انتن صاحيات ولا مهبولات والله ان مانظفتن المجلس الحين لقول لجاسم
تركتهن عليا بعصبيه من برودهن المستفز وردت للمطبخ
،
طلعت خديجه وخوله من خيمة الطبيب وودعتهن بنت الطبيب بتوصيات على جرح خوله
خديجه : شفت شلون الجرح مالتام زين لانك مهمله
تبسمت خوله وتحس بصداع : زيين بهتم لاتنسي اني تعبت امس
خديجه : حتى ولو ترى الجرح براسك يعني خطير
خوله وتحس بالم مع صداع : زييين بس ترى راسي يالمني
خديجه بقلق : تعالي نرد اجل
خوله : لا ماله داعي احتاج شوي شوي هدوء
حطت خديجه يدينها بفمها وابتسمت خوله عليها بحب
سمعن اصوات ورفعت خوله راسها وابتسمت
خديجه : جاااسم وزيد
لما ظهر الثالث ضحكت خوله : وذا ذيب وكاد سوو به شي ولا قليل ما يعصب ذيب
خديجه بخوف : بيده عصاء ياااويل حااالي عليك ياجاسم لو يمسكك
،
بمكان بعيد واقف ومبتسم وبعيونه يبين الشر : كل شي جاهز
: اي يازعيم
الزعيم بخبث : ماودي اي خطاء مفهوووم
؛ تامر يازعيم كل شي جاهز مثل ماتبيه
ابتسم الزعيم لشوفة ابوه يقرب : اجل انقلع تاكد من الرجال
وقف وراح الرجال يجري
الزعيم : ياحيه ياحي ابووي
ابو الزعيم : هاه بشر
الزعيم : مثل ماخططت تاكدت من كل شي وجهزت له
ابو الزعيم : ايييه ووش شعورك
الزعيم : يا اني فرحااان بالحيييل واعد الايام لجيتها
ابو الزعيم : اييي ودي احمل احفادي واربيهم بعد
الزعيم بخبث : قريييب يابوي قريييب
،
عند زيد وجاسم الي يدورون المفر من ذيب ويدرون انه مابيعديها على خير ابتسم زيد وعيونه تلمع : جاااسم بسرعه ننحمي بهن
ناظر جاسم وابتسم : يازززززين الحمى
ضحك زيد : اي والله انه يشلع القلب
جاسم ناظره : زيييد اقول اهجد
زيد : اجل لك حلال ولي حرام
جاسم : ايييه لين تلقى حل
زيد : محلوله باذن الله
جاسم : ووش الحل
زيد : ابيع قلبي لها واعيش بدونه
جاسم عقد حواجبه : ليت وذيب يعطيكم كم ضربه بالعصاء لين يصحيك
ضحك زيد وقرب من خوله والتف لوراها : الفزعه ياخوله
وقف جاسم خلف خديجه : بتحميني او نهرب مع بعض
ضحك زيد من قلبه : عز الله اني تخيلتك متحملها وتجري
ضحكة خوله على خياله وابتسمت : وش مسووين له
زيد : بالاول طالب فزعتك ياخوله
خوله برفعة راس : مايوصلك اذى
جاسم : اقول خديجه ترى قرب وش قلتي
خديجه ناظرت لخوله وردت تناظر لجاسم : احميك بروحي
ابتسم جاسم وعيونه تشع بلهفه لخديجه اما زيد ناظر خوله ويقلدها : مايوصلك اذى
ضحكو كلهم والصداع زاد على خوله بس ماحبت تبين
وصل ذيب وكل واحد مختبي خلف واحده اخذ ذيب هواء يعبي الرئتين وناظرهم بحقد : من الحين ما انصحك ياخوله تتدخلين
خوله تبسمت : وش مسوين لك
ذيب بعصبيه : ذا الاهبل طردني من خيمته لاجل ينظفها كانه بيعرس اليوم ماهو يملك وماتركني انام
خديجه بحرج : جااااسم وش له تطرد الضيف
جاسم ابتسم بحب من وراها : افكر اخذك بعد العقد واسويها مفاجئه لكنه خربها
خديجه بصدمه : لااا ومنو قال اني بوافق
جاسم ميل راسه وابتسم بشقاوه : خلاص بكل الاحول بتصيري حرمتي وش له تقعدي بخيمه وانا بخيمه
احراج على عصبيه وصدمه من خديجه : ماني موافقه دام كذا
مشت خديجه بعصبيه وجاسم يلاحقها يترجاها خايف تصدق وتعند
خوله ابتسمت : هذا الاول اخذ جزاه وش تبي بعد
ذيب رفع حاجبه الايسر : باقي ذا الثاني مقرب من اذني ويصرخ باعلى صوت الغزاه فزو فزو
التفت خوله وناظرت زيد الي انفجر يضحك
ذيب :بعصبيه : شوفي ياخوله بعد يضحك ابعدي عنه والله ثم والله اني ضاربه
خوله تاشر لزيد يسكت بس ماوقف : تخيلي ياخوله قام مايدري عن يمينه وشماله تعثر مرتين وطاح واخذ عصاء يواجه بها الغزو
جرى ذيب والتف زيد حول خوله وماقدر ذيب يمسكه وخوله بينهم مثل العمود
ذيب : والله يازيد اني ضاربك وانا حلفت
زيد : خوووله ترى انا بحماااك
خوله التفت لزيد والم راسها بداء يشوش على نظرها بالخفيف : بذمتي يازيد انك تستحق ذا الضرب
رفع زيد حواجبه : ترى انا صرخت مارميت على احد مي وشيبتهم بيوم مثلك
تبسمت خوله بخفوت : ايه ذيب امسحها ذي المره بوجهي واتركه
ذيب : محشوومه ياخوله لكن لو تضربينه انتي بوافق
زيد : وانا موافق تضربني خوله ولا انت
اخذت خوله العصاء وتحاول تركز رفعت العصاء بتضربه مير العصاء طاحت من يدها هزت راسها بهدواء وابتسمت : معليه الحين اضربه
ذيب : خوله انتي بخير
خوله ببتسامه : اي بخير
تنهد ذيب وناظر زيد واشر له ينتبه على خوله
ذيب : خلاص اجل انا بروح للغدير ميت من العطش
خوله : زين وانا بضربه وما وبرحمه
ابتسم ذيب يدري انها مهي بخير ومع كذا ماتبي تخيب ضنونه تركهم ومشى يدري ان زيد بيحطها بعيونه ان لزم الامر او لا
قرب زيد منها ويركز على عيونها : خوله فيك شي
خوله وتحاول تثبت وتركز : لا مافيني شي بخير انا
اخذ زيد العصاء ورفعها : خذي امسكي
رفعت خوله يدها وشافت العصاء ثنتين احتارت ومدت يدها بتردد ومسكت الفرااغ
ناظر لها زيد ويدها ترجف : انتي رحتي للطبيب
خوله ضمت يدينها توقف رجفتها : اي تو طلعت من هناك
زيد : وش قال لك
خوله : بنت الطبيب الي كشفت عليا ونظفت الجرح
زيد عقد حواجبه : تو مالتام
خوله ابتسمت تتطمنه : لا نسيت مالم شعري واشد عليه ولاجل كذا دخل الشعر للجرح وزاد الطين بله
تنهد زيد لحال خوله : زين وليه حالك كذا
خوله : تقول العشبه الي حطتها قويه لاجل تنظف الجرح مير لازم ارتاح وابعد عن الازعاج
قبض زيد يده بقوه لو انه ماجرى ناحيتها وسبب لها ذا الازعاج كان ممكن تكون بخير
اخذت خوله نفس وابتسمت وبتردد : لاا لاتخاف عليا بكون بخير لو ارتحت اشوي
ناظرها زيد متامل بشكلها شوي اخذ نفس وناظر للبعيد ورد ناظر لها : تشوفين زين
خوله : اي
زيد : خوله ودي تقولي الصدق
خوله نزلت راسها : اشوف مير مهو واضح
زيد ابتسم : بتمسكي يدي او امسك يدك
خوله : زيييد
زيد : يالبيييه
خوله : معليك بشوف طريقي وارد
زيد : على اساس اني بتركك
التف زيد يناظر خيله المقبل وابتسم : باين ان ذيب رسل خيلي
صمتت خوله خايفه ان زيد يطلب منها تصعد على الخيل معه
مسك زيد خيله وحرك يده على ظهره وابتسم : اشفيك متصنمه
خوله : لا مافيني شي
ميل زيد فمه ببسمه صغيره ودقات قلبه توتره مد يده ومسكها من خصرها ورفعها لفوق الخيل وابتسم على خوله الي تصنمت وشدت اعصابها
زيد : اقعدي كذا لان الخيل ماعليه سرج
خوله الي قاعده على الخيله ورجلينها الثنتين باتجاه واحد : زيـ زيين
ترك زيد خصرها وحط يده على رقبت الخيل يمشيه بهدواء برغم ضجت مشاعرهم
