عند خوله الي مبتسمه : المتسابقين الي فازوا
اشجان : من بيفوز هذي المره
عايشه : اكييد ادهم خوله بتشجعي ادهم
خوله بحرج : ما اخلي اخوي بدون تشجيع
مهره : شوووفن متجهين لناحيتنا للغدير
خوله : غيروا السباق وش جايبهم
مزنه : بدواء السباق وش نسوي نروح او نضلي
خوله : مابنروح ليه يغيروا السباق
،
عند المتسابقين الي بدواء يجروا وكل شوي واحد يسبق
لين وصلوا للغدير ووقفواء يناظروا بعض
كنعان : صدق انكم مهبل ما اخذنا الجرب حقت المي
قسور : ما كانك واحد من المهابيل وجيت بدونها
ساهر : والحل الحين
ناظر ادهم للحريم وبابتسامه جذابه : كل واحد يدبر نفسه وياخذ من الحريم
ساهر نط بسرعه لاشجان : اشجان هاتي جربت المي نسينا ناخذهم
اعطته اشجان بسرعه وراح يمليها
وعايشه اخذت واحده وجرت لادهم ومزنه اقرب واحده منهم رمت بحقتها لكنعان
ومهره اعطت حقها لقسور
ناظرت خوله انه مابقى جرب غير حقها فكتها من خصرها ورمتها لزيد
خوله : خذها اخر وحده
التقطها زيد وابتسم ولانها كانت ممليه مي جرئ بسرعه يسبقهم
وساهر بعده وادهم بعدهم وكنعان وقسور يجروا مع بعض
،
عند كنان الي يضحك من قلب مع سامر
وهتان الي يتفلسف : ماعندهم ذرت عقل يروحوا بدون جرب المي
وبدون حياء يطلبوا من الحريم
مازن : ههههههههههه احلف ماتحسدهم
ابتسم هتان وبانت غمازاته
ووصل زيد اول. واحد ورفع يداته بانتصار : وش جايزتي
ادهم الي وصل بعده : والله منت بهين يازيد
ساهر الثالث : زيد انت مامليت جربتك اخذتها وركضت
ابتسم زيد : كانت ممليه ولاتنسى اني اخذتها اخر واحد
قسور : في هذي صدقت
كنعان : ههههههههه مدري اخذت انا جربت من
ادهم : الحمدلله عايشه كانت سريعه وجابت قربتها بسرعه
قسور : والله مهره تاخرت وماجبت لي الجربه الابعدكم
زيد بابتسامه مايله وعيونه تناظر ادهم : من حظي خوله رمت جربتها وكانت ممليه مي
،
،
الكل رجع بيته وفي خيمة ابو كنعان ناموا خوله وعايشه وفاطمه واشجان في الشق الي كبرينه
وابو كنعان نام قرب باب الخيمه
ام ادهم وابو ادهم ناموا في خيمتهم
والشباب كنعان وعنان وكنان وهتان وادهم وايهم وزيد وسامر وساهر في خيمة كنعان واخوانه
الي خلف خيمة ابو كنعان
،
في الصباح كانت خوله صاحيه من بدري تجهز الفطور للجميع
وتشتغل بكل نشاط وبدت تدندن كلمات بصوتها الناعم :
( مــانــي بـمـعـطـيـگ قـلـ💓ـبـي ثـم تـجـفـانـي
و لانـي بـمـعـطـيـگ روحــي وانــتــ قـاهـرهـا
الـقـلـبــ قـلـبـي انــا مـاهـو لــ/ احـد ثـانــي
و الـروح روحـــي وانــا مـاودي اخـسـرهــا)
ضحكه خفيفه من خلفها اربكت خوله والتفت تناظر بصدمه
ادهم يناظر عيونها : صوتك عذاااب يابنت عمتي
نزلت خوله راسها محرجه وخدودها حمرواء
ادهم بابتسامه وماشال عيونه عنها : غمازتك الي في خدك اليمين يوم تتبسمي بخجل تذبح ياخوله
خوله هنا تجمدت يتذكر كل شي فيها حافظها من هي صغيره رغم السنوات الكثيره
الي مرت مانساها ولانسى شي فيها
خوله تحاول تغير الموضوع وباحراااج : اا ال القهووه تبي قهوه
ضحك بخفه وزادت جاذبيته : اي شي من يدينك ابيه حتى لو سم
خوله وبصعوبه تنطق الكلمات : اا يعني اام
رفعت راسه باحراج وميلته : نسيت وش يقولوا يعني مدري والله
ضحك ادهم بقوه من زود خجلها نست وش يقولون
اخذت خوله الدله والفنجان وصبت القهوه لادهم واخذت صحن فيه تمر
اتقدمت منه بخجل وباين انها تعرج اشوي بس تميل ومدتهم له
تبسم ادهم واخذهم منها وتعمد يلامس اطراف اصابعها
اول ما اخذهم منها راحت بسرعه معطيته ظهرها
ادهم بهدواء : خوله ممكن تجلسي بكلمك
احرجت خوله زووود بس مستحيل تجلس معه لانه مايصير وعيب
خوله بخجل طاغي : مايصير اجلس فيك تتكلم دام اني اسمعك
توسعت ابتسامت ادهم : انزين اظن عمي كلمك ليه جينا وش رايك
تمنت خوله الارض تنشق وتبلعها هذا مجنووون
خوله بهدواء ونعومه : ماسمعت رايك من شان اعطيك رايي
زم ادهم شفايفه وتبسم : اعتقد تعرفي رايي من صوتي
خوله وباقي اشوي وتقطع يدينها من الخجل : واذا مانفعت الاعشاب وبقيت عرجى وش قولك
توسعت ابتسامت ادهم : ما اغيره
خوله وبنفس الخجل والنعومه : انا مبارزه بالسيف والخيل وش قولك
ادهم بنفس الابتسامه : زاد اعجابي فيك
ابتسمت خوله بفرح يغمرها وسعاده ماتنوصف ونزلت راسها بقوه للارض
ادهم بابتسامه جانبيه : ماسمعتيني رايك
ناظرت خوله ليمينها وبنعومه يخالطه سعاده : مادريت ان صمت الانثى موافقه
وجرت بسرعه تتخبى من عيونه وراحت للشق عند البنات
ضحك ادهم من قلبه على خجلها وفرحته ماتنوصف
،
،
انقهر وحس شي بداخله ينحرق المه راسه والغضب اعماه
انسحر بنعومت صوتها بالابيات الي دندنتها بس انقهر من كلامها
مع ادهم وانقهر زود ان الخطبه تمت وخوله وافقت
راح زيد للمرعى بخيله المتوتر من غضب زيد نزل زيد من فوق الخيل
ويكلم نفسه : قليل الحياء يتغزل فيها من وراء اهلها وفوق ذا كله ماتروح
لاا بقيت تقهويه وتجاوب عليه ...
رمى حجره لبعيييد : خبل خبل كيف يخطب بنت مابها انوثه بنت تزاحم رجاجيل على المبارز
وفوق ذا عرجى خبل ....
جلس فوق صخره وتنهد بقوه : عندها غمازه مانساها من كانت صغيره يحفظ تفاصيل وجهها
هذي ماهي بذاكره كيف يتذكر شي مر عليه سنين .
سمع صوت يناديه والتف شاف كنعان من بعيد يجري بخيله ناحيته
وصل كنعان له بغضب : وين رحت وما صحيتني تعبت وانا ادورك
زيد بحده والغضب ماعرف وين يوديه : ماني صغير تدورني ليه تعبت حالك
كنعان بصدمه : زييد ياخوي وش فيك منت على بعضك ذي اليومين
وقف زيد وناظر كنعان بحده : كنعان وش تبي اذا ماعجبتك الله معك
كنعان رفع حواجبه وناظر زيد : عاجبني عاجبني مير قبل مو الحين
التف كنعان بخيله وراح ووقف فجاه : لاتحسبني يازيد ماحس فيك ادري ضيقتك مازالت فيك
والم راسك ماراح احاول اعرف الاسباب بس انت ماتساعدني
راح كنعان بخيله وما انتظر رد زيد الي قعد وغمض عيونه
بهدواء : اخاف تدري ياكنعان ان اسباب ضيقتي اختك والم راسي ولد خالك
،
،
عند خوله الي تحاول تكون طبيعيه وتنسى الموقف الي صار الصبح
ناظرت كنعان رايح صوب الغدير وباين ان خاطره متكدر
ماهان عليها شوفته بذاء الحال وراحت لاشجان
خوله بقلق : شجن الله يخليك كل شي جاهز بس قابلي خالتي وبناتها
اشجان : وين رايحه
خوله : بروح لكنعان شفته رايح صوب الغدير وباين ان فيه شي مكدره
اشجان : انزين روحي بس حاولي ترجعي بسرعه
اخذت خوله خيل ابوها وانطلقت خلف كنعان وعيون ادهم تراقبها وابتسامته
تنوجد بشوفتها
،
،
نزل كنعان من فوق خيله وتقدم من الغدير جلس بقربه يحرك الميه بعشوائيه
تنهد صاحبه متضايق واخلاقه قافله رافض يقول وش مضيقه وماعرف كنعان
يتصرف حس بيد ناعمه على كتفه التف وشاف خوله تناظر عيونه بقلق
ابتسم بحنان الكون لها : ماله داعي القلق الي في عيونك مافيني شي
جلست جنبه ولفته لها وعيونها بعيونه : احساس الاخت مايكذب وش الي مكدرك ياخوي
ابتسم كنعان وتمسك بكفوفها : يابخت ادهم فيك ياخوله
ضحكت خوله بخفه : لاتغير الموضوع
تنهد كنعان ومسح بكفوفه وجهه : تهاوشت انا وزيد قبل اشوي
عقدت خوله حواجبها : تهاوشتوا وش الي صار ماتعرفون تتهاوشوا ابد
كنعان : صحيت الصبح ومالقيته دورته ورحت للشيخ ومالقيته ورحت للمرعى
كان قاعد هناك كلمته بشويت غضب وفاجاني بكلامه
ابتسمت خوله بهدواء : اكيد فيه شي مكدر خاطره وحب يقعد بلحاله
وانت كلمته بغضب لانك خفت عليها وزيد خرج الغضب الي بداخله فوقك لانه يدري
انك بتتحمله معقول ياخوي اصدقاء من صغركم والحين تعتبروا اخوان والكل يحسدكم
وماتقدر تتحمل ضيقته
كنعان ناظر خوله بامتنان كبير : والله ان كلامك طيب خاطري ياخوله مير
ان زيد رافض يقول وش مضيقه ومكدره يمكن يكون عندي الحل
ابتسمت خوله : ويمكن انه متضايق لانك تقعد مع ادهم اكثر منه وماله غنى عنك ويخاف تتغير معه
ضم كنعان خوله من قلب وهو يقول : الله لايحرمني منك ياخوله وش يصير فيني بدونك
،
،
عند زيد الي قام ونط فوق خيله وراح لخيمة ابو كنعان يسال عن كنعان
وقالت له اشجان انه راح للغدير
ولما وصل للغدير ناظر خوله تقرب من كنعان وتمسك كتفه
ابتسم من قلبه على الكلام الي قالت خوله رغم انه جرحها
مير مدحته عند كنعان وعاتبت كنعان انه زعل من زيد
زيد يكلم نفسه ( وش صار لك يازيد ضيقتك كلها اختفت
وابتسامتك زادت علشان شفتها او علشان كلامها من شاني )
تنهد من قلبه وماعرف وش يسوي غير انه يجري بخيله ويقرب منهم
زيد : كنعان
باعد كنعان خوله من حضنه والتف لزيد بابتسامه : اامر يازيد
ابتسم زيد بخجل من تصرفه بس ماحب يبين : افطرتوا ولا عادكم
ضحك كنعان الي يعرف زيد اكثر من نفسه : كلهم افطروا الا انا وانت
زيد : اجل خلنا نروح نفطر
كنعان يناظر خوله : تعالي
سحبت خوله يدها من يد كنعان : برد بخيل ابوي
كنعان بحب يبي يحرج خوله : ماودك تحطين راسك بصدري
فتحت عيونها الوساع بقوه وناظرته بحرج لفت تناظر زيد شافته مبتسم
وبعيونه شي ماعرفت وشو ضربت صدر كنعان بكفها بقوه وجرت بميلان
للخيل وراحت فيه بعيد عن عيونهم
ضحك كنعان بقوه : ههههههههههههه احب احرجها اعذرني زيد
ضحك زيد بخفه : مو قدامي حرام عليك داست على رجلها بقوه
كنعان : لو انك مو موجود ماتنحرج اعرفها بس خبيله منو قال لها تجري ههههههههه
ضحك زيد ويدري ليه انحرجت تذكر يوم كان راسها بصدره ابتسم من قلبببب
،
،
عند ادهم الي كان يتكلم مع امه
ادهم : بكره بنرد لديرتنا
ام ادهم ابتسمت بحب : ليه ماودك نرد
ناظر ادهم امه بحب : اااه يمه تدري للحين ماشفتها بدون البرقع
ضحكت امه : هذي التنهيده وماشفتها اجل لو شفتها اشلون
ضحك ادهم من قلبه : اتذكرها لما كانت صغيره مانسيت ملامحها
حطت ام ادهم يدها على كتف ادهم ومسحت عليه بحنيه : وودك تعرف اذا تغيرت او لا
اخذ ادهم كف امه وباسه : ايييه بس مدري خوله حريصه جدا وهذا الشي عاجبني
مير مدري شلون اشوفها
ام ادهم : اقتنع ياولدي بالي شفته ولاتطمع كثير
ادهم بابتسامه : والله يمه اني شاريها ولاني ببايعها وصاينها ولاني بخاينها
ابتسمت ام ادهم وتمنت لهم كل خير بداخلها
،
في العصر في خيمة الشيخ كانوا مجتمعين هناك
الشيخ : صدق الي سمعته يابو ادهم
ابو ادهم : عساك سمعت خير
الشيخ : بترد بكره لديرتك
ابو ادهم : والله كان ودنا نطول مير مانقدر
الشيخ : افااا وليه ماتقدر عساه خير
ابو ادهم : القبيله القريب من قبيلتنا انغزت ولزوم ارد
ابو سامر : يااالله انك تسترنا
ابو كنعان : اتذكر يابو ادهم انها كانت قبيله ضعيفه
ابو ادهم : ايييه مير كل ماهجوا على قبيله واخذوا حلالها وجهازها يقوون
الشيخ بقلق : ياخوفي يقوون ويهجوم على قبايلنا
الجميع : الله يستر
عند الشباب الي يستمعوا حديث الكبار بانصات
وزيد الي فرحااان من قلبب لان ادهم بيرجع ديرته
وادهم الي تفكيره عند خوله ومتضايق يبي يقعد معاها اكثر
وكنعان الي يهم الغزوا يمر على قبيلتهم ووش بيكون حالهم
ساهر : من جونا الضيوف اهملنا تدريباتنا والحراسه
زيد : ايييه وانت الصادق
ايهم : الي يسمعكم يقول ان احنا ضيوفكم واحنا ماغير مع عيال عمي
ساهر : ناكر معروف ومنو الي راح معك للغدير من شان تشرب في انصاف الليل
ناظره ايهم بعيون متوسعه : شفتك صاحي وماحبيت ازعج احد واصحيه فقلت نروح سوى
لاني مادل الطريق زين
هتان : ساهر ليه كنت صاحي لذاك الوقت
ساهر بارتباك : ماجاني نوم لاااني كنت انام كثير الفتره الي راحت
كنعان : اقووول ياساهر العشاق ماينامون لااتكون واحدا منهم
ناظره ساهر وبصدمه : لاتغير الموضوع الاساسي اي حب واي كلام فارغ
تبي تغطي على ولد عمك مدري خالك انه يخاف الليل
ضحكوا الشباب كلهم على ارتباك ساهر من ذي المواضيع
ايهم : انا ولد خاله وهو ولد عمي ووالاهم ليه ترتبك من طاري ذي المواضيع
ناظره ساهر : اخاف منه مثل ما في ناس تخاف الليل
ايهم : قلت لك ما ادل الطريق وش له اخاف
وقف ساهر : انزين خلاص اوجعت راسي ياخواف
ضحك ثم خرج من الخيمه بابتسامه ساحره واول ما اختفى من عيونهم
اختفت الابتسامه وبان الضيق راح للغدير وغسل وجهه لعل وعسى يغتسل الضيق
ويختفي مل من هالشعور ويبي له حل
.......: ساهر .... وش فيك .. مبين انك متضايق عسى ماشر
،
،
بعد خروج ساهر من الخيمه حس سامر بضيقة اخوه وتوامه
استاذن منهم وطلع يدور ساهر متاكد انه ضاايق
،
،
في خيمة ابو كنعان
خوله : اقول ياخاله
ام ادهم : سمي يابنيتي
خوله باحراج : سم الله عدوينك مير صدق الي يقوله ابوي
ام ادهم : وش يقول
خوله : يقول بتردوا لقبيلتكم بكره
ام ادهم بابتسامه حنونه : اييه يابنتي ليه ماودك نرجع
احرجت خوله : الود ودي تقعدون
ام ادهم : كلنا ولا بس انا
خوله احرجت بقوه وتلعثمت : ا انا ا انا بروح اجيب مي عن اذنكم
راحت خوله وخدودها حمروا من الاحراج
ماشافت خيل ابوها وراحت تمشي وتدندن
: لاتـگـرهـ الـنـاس لـو / يـخـطـون فـي حـقـك
الـزلـهـ اللـي . . تـجـي لـگ صـد و نـسـاهـا !
و لا تـذگـر إنـگ عـطـيـت الـنـاس مـن حـقـك
سـوّ الـجـمـيـلهـ لــ ( وجـهـ الـرب ) تـلـقـاهـا
تنهدت خوله من قلب وناظرت للي جالس قرب الغدير تقدمت
منه اكثر وابتسمت لما عرفته
خوله بصوت هادي : ساهر .... وش فيك .. مبين انك متضايق عسى ماشر
رفع ساهر راسه وابتسم لاتجاه واحد : خوله بسالك كيف تفرقين
ابتسمت خوله بقوه : شعرك اطول من شعر سامر وغير كذا خاتمك مميز
ابتسم ساهر ويحس ضيقته راحت ناظر لخاتمه : عاجبك خاتمي
نزلت خوله للغدير تعبي الجربه مي : اييه بالحيل مير ودي اسالك
ساهر وعيونه مافارقتها : قولي
وقفت خوله لما امتلت الجربه : من وين حصلت عليه
ساهر بتذكر : اممم اتذكر لما رحت للمقناص وجريت وراء الارانب وشفته مرمي في الارض
تنهدت خوله بحزن وراح تفكيرها لبعيد
ساهر : خوله ليه وش كنتي تتوقعين وليه حزنتي فيه شي
ناظرته خوله بامل : اعتقدت انك اخذته من حد او اعطاك حد الخاتم
ساهر عقد حواجبه : ليه تدوري صاحب الخاتم
خوله : فيه شي له عندي لزوم ارده
ساهر : وش هو ياخوله تعرفي صاحب الخاتم
التفت خوله من شان ترد : اييييه اعرف وجهه مير معرف اسمه
مشت خوله بدون ماتترك لساهر مجال يتكلم
ابتعدت عنه خطوات بسيطه وتقدم لها ادهم بخيله
ادهم : خوله
رفعت راسها له وابتسمت بخجل : اامر
ادهم بابتسامه جذابه : مايامر عليك ظالم او عدو
خوله منزله راسها بحرج : ويااك يارب
ادهم : ليه جيتي وحدك وين خواتي
خوله بحرج : فاطمه نايمه وعايشه راحت مع اشجان يتمشو للمراعي وخالتي
عندها وحده من حريم الديره
نزل من فوق الخيل وبابتسامه : طيب هاتي عنك الجربه المي وصعدي فوق الخيل
خوله بحرج : ماله داعي اتعبك وانا متعوده اجيب مي من الغدير
ادهم : افاا خوله ترديني
استحت خوله وماردت اعطته الجربه ونطت فوق الخيل مسك ادهم اللجام ومشى بهدواء
يسحب الخيل يمشي معه
ادهم بهدواء : بنرد بكره لديرتنا
خوله بحرررج ماتدري وش تقول : اا ايه كلمتني خالتي
ناظر ادهم لعيونها : بس ماودي ارد للديره
خوله وتتمنى ان الارض تنشق وتبلعها : يحظ ارض شالتك
ابتسم ادهم من قلب وناظر للخيمه الي قربوا منها : خوله
خوله وخدودها طماطم : سم
ادهم بتنهيده : سم الله عدوينك ودي نعقد اليوم وش رايك
نزلت خوله راسها وماقدرت ترد
ادهم : خوله اذا ماتريدي عادي واذا مستحيه راح يجي يوم
ونعقد الحين او بعدين
نطت خوله من فوق الخيل ونطقت بصعوبه : الي يقوله ابوي واخواني
وجرت تدخل الخيمه بسرعه ونست تاخذ الجربه المي
عند ادهم الي ضحك كالعاده على خجلها منه وراح بسعاده للخيمه ناسي ان
الجربه بيده
،
،
بعد ماخرج سامر من خيمة الشيخ راح يتمشى بخيله يدور ساهر
ناظره من بعيد عند الغدير قرب منه ووقف قبل احد يلمحه وتراجع
او ماناظر خوله تقرب من الغدير ابتسم من قلب لما شاف ضيقة اخوه
راحت لما كلمته خوله تنهد من قلب وش بيصير حال ساهر لو تزوجت
خوله وراحت وش بيصير في توائمه ودنيته وروحه صعب انه يحس بضيقته
ومايقدر يسوي شي لما باعدت خوله تقدم من ساهر
سامر بمرح : اشووف الابتسامه منشقه في وجهك ياخوي
ساهر بابتسامه وتنهيده من اعماق قلبه : احبها ياخوي مير مدري وش اسوي
سامر : ايييه ماقلتلي ليه كلمتك وش قالت
حس ساهر بالضيق رجع له والهم لما ناظر ادهم يقترب من خوله بخيله
التف سامر لما ناظر ان معالم اخوه تغيرت تنهد وحاول يسحب ساهر معه
الا ان ساهر تجمد يناظر يحس بصخره كبيره فوق صدره نزل ادهم وصعدت خوله بدله
( الـحـظ الـسـيء هـو انـنـي دآئـمـاً آتـعـلـق بـمـآ لـيـس لــ💔ــي )
