عند الحريم في الشق خديجه تتبسم بخجل والبقيه حولها يضحكن عليها
خديجه بخجل : كفااايه بسكم عاااد
عليا ترفع حواجبها : اييييه ياحظك رجع على طووول بيملك عليك وين تلاقي مثله
عايشه : ترى لاتتدلعي بزياده خلك قويه ماهو يقول لك كم كلمه وتنحرجي كذا ردي الكلمه بالكلمه
غدير : هذي طريقة فسخ العقد اذا بتصدقينها
خديجه وطيرت الحياء بعيد : ليييه مجنونه انا اصدقها
ضحكت ليلى : وين راح الحياء ياجماعه خوله شوفيه يمكن طار لوراك
ضحكة خوله بخفه : لا ماهو وراي وكاد طار لخارج الشق
غدير ابتسمت : شفتن شلون من الحين اقووول ماينفع جاسم وخديجه مع بعض
خديجه : غديررر اتركي عنك الهبل ماهو وقته
غدير : وش من هبل شوفي شلون طيرتي الحياء من كلمه اجل لو صارخ جاسم وش بتسوي
عايشه : بتنط تهاوشه
ضحكو البنات وخديجه حزت بخاطرها
خوله ابتسمت تحاول تغير الجو : احم احم
الا قلبها تكفون لاتزعلونه وامان الله
على عيون مايليق الحزن فيها
خديجه تبسمت وقامت تضمها من قلب
اما غدير فهت اشوي ومن ثم ابتسمت : جامليها ارفعي معنوياتها
خوله : ابد ما اجاملها وخديجه بكل حالاتها حلوه
رفعت خديجه حواجبها تغايظ البنات : لاتحسدوون
رفعت عليا يدينها باستسلام : دام خوله فيه انا استسلم
ليلى : وانا استسلم مالي حيله دام خوله معك
عايشه ناظرت غدير وابتسمت : وش يقولون ياغدير
غدير الي ابتسمت بلعانه :
وش نسوي دام القوي مع الشين صار حلف
عايشه تكمل :
تنكسر العيون والرقاب كننا شفنا جني ملحف
ضحكة خوله من قلب : حشى منتم طبيعيات
خديجه عقدة حواجبها :
الله يبعد عني كل عين وبنيه حاسده
والله يزيد حلاي والحاسده تنحاس
ضحكت غدير بخفه : كفووو كفووو
عايشه ابتسمت : الحين نقول مبروك
خوله : وش القصه
عليا : ترى خديجه حساسه تزعل بسرعه
ليلى : وجاسم اوقات يرمي الكلمه ومايهتم صابت او خابت
ضحكت خوله : ودام خديجه ردت عليكم يعني بتقدر تستمر مع جاسم
غدير : وذا الي حصل
عايشه : ودي بجاسم يتنرفز
غدير : سهله اساسا انا منتظره بكره بكل شوق
عايشه : مسويه خطه
غدير حدت عيونه وابتسمت : ثنتين
عليا : بكره بذات جاسم مابيتقبل مزاح
ليلى : اقول لاتخاطرون والله انه يعلقكن على العمود
غدير : عادي المهم يتنرفز
عايشه : وتشين اخلاقه
غدير : ويروح لخديجه باخلاق شينه
عايشه : وتزعل خديجه من اخلاقه الشينه
غدير : ويطلقها بسبب زعلها لان اخلاقه شينه
ضحكت خوله وماقدرت توقف
اما خديجه فتحت فمها وعيونها بصدمه : حشى وش انتو
،
نام الجميع وعلى وجيههم اثار ابتسامات وفي صباح اليوم الثاني صحى جاسم بنشاط وقلب الشق على زيد وكنعان وذيب وخالد
خالد : ياااخوووي ترى تعباان بنااام
جاسم مبتسم : تو تو التعب بعدييين قوووم ساعدني ترى بملك اليوم
ذيب قعد بمزاج حاااد : حشى اول من بيملك ولا وش قصتك
جاسم ابتسم ابتسامه هبلا : قصتي قصه طويله زينه وشينه وقصيره
رماه ذيب بالمخده لاجل مايكمل : قم فااااارق رايق الاخو
ضحك كنعان بخفه وتقلب بمكانه : والله مدري اضحك عليكم ولا على نفسي وشله ماتتهاوشون برا بنااام
جاسم ناظره ورفع حواجبه : وشو وش قلت برا تررررى ذي خيمتي بيتي حقتي قم قم عساك تنقلب واضحك عليك
ضحك زيد : كانك تطردنا ياجاسم
جاسم : ايييه ابي ارتب الشق وانظفه
ذيب : يالاخو تر بتملك مابتعرس رح بس اذلف
جاسم : لاااا يعني انتو ماتجون بالطيب
خالد تلحف زين : ايه عليك بهم ياخوي
مد يده زيد وكان قريب من خالد وطاحت على راس خالد
وابتسم زيد : يعني وانت مو مننا
قعد خالد وكان خايف عباله انه جاسم : تدري انك ثقيل دم يالحبيب
ضحك زيد : ماني حبيبك جاسم شف اخوك بيسرقني منك
قرب جاسم باتجاه خالد : انا بتفاهم معاه الحين
نط خالد وانحاش لبرى وضحك زيد من قلبه : حقه معه
ابتسم ذيب ورد يمتد ويتلحف زين
ناظره جاسم بصدمه واخذ نفس ومن ثم قفز لفوقه يعلن عليه الحرب والبقيه يضحكون على صراخ ذيب الي يستنجد
،
عند الحريم افطرين واتفقن يقسمن المهام
خديجه : انا بروح مع خوله لبنت الطبيب لاجل نتفاقد جرحها
عليا وليلى : واحنا بنطبخ
عايشه : انا وغدير بننظف
غدير : انتي هيه ليه تتكلمين باسمي
عايشه : بكل بساطه لانك بتنظفين معي رضيتي او لا
تنهدت غدير : توني صغيره على ذي الاعمال
خوله : دام توك صغيره من وين تجيبين افكارك الاجراميه
تبسمت غدير ببلاهه : من عايشه
شهقت عايشه بصدمه : وووجع تكذبين علي وانا موجوده
غدير : اي وليه انتي صديقه وقريبه وبيننا دم علشان تغطين علي بذي المواقف
ارمشت عايشه عيونها بصدمه : زين
ضحكت خوله : مابه امل منكن تعالي خديجه نروح
قامت خديجه وراحن بتجاه الرعيان لان الطبيب يعيش هناك
،
بعد عراك طويل بين ذيب وجاسم وقف ذيب واخذ بطانيته وتغطاء بها : بهج اعوذ بالله منك تتضايق يوم اني ارتاح
طلع ذيب والبطانيه تغطيه ومايهمه الا انه يحط راسه وينام
زيد : تتوقع وين بينام
جاسم ابتسم : ابصم بالعشر انه اما المجلس او المطبخ
ضحك زيد : المجلس اهون من المطبخ
كنعان : الحقوه لاتتركوه ينام
ناظره جاسم ورفع حواجبه : كانك تبي نفارق لاجل تنام
ابتسم كنعان : لا بس دام اني اخر واحد قمت بنظف الشق
ابتسم جاسم بلعانه : اجل روح وراه يازيد وانا بعلم كنعان وشلون ينظف الشق
ضحك زيد وطلع تحت صدمت كنعان الي تورط وفشلت خطته
،
خوله : قلتلك خلينا ناخذ خيول رفضتي
خديجه : ودي نمشي وش لنا بالخيول
خوله : ترى الشمس صدعت راسي
خديجه : تدري انك صرتي كسوله ودلوع
خوله : تبي تشوفي الدلع
خديجه ابتسمت : اي
خوله توازن صوتها وتنعمه : اااه وش ذا تعبت متى نوصل وكاد الشمس تاثر على راسي
ضحكت خديجه من قلب : والله لو اني رجال كان فتنتيني
ضحكت خوله بدلع ورقه : وووتووك شفتي شي يابعد قلبي وعمري
سمعو صوت ضحكة من وراهن وجمدين بخوف
صاحب الضحكه : عز الله ان علومي ضاعت من بعد دلعك
خوله فتحت عيونها بصدمه والتفت : ززيد
ابتسم زيد وبشجون : يالبى الصوت
زادت دقات قلب خوله وجمدت اطرافها
خديجه وتبي تفصل الموقف : وينه جاسم عنك ياخوي يازيد
ميل زيد فمه ببسمه : انتي خديجه
خديجه : اي
زيد : مبرووك عليك جاسم وعقبال تباركين لي
خديجه : الله يبارك بعمرك وان خطبت باركت لك والحين عن اذنك بنروح
زيد : وين رايحات
خديجه : لعند بنت الطبيب نتفقد راس خوله والجرح
زيد : تبون ارافقكم
خديجه : ابد ماله داعي ادل الدرب
ابتسم زيد : اجل بامان الله
تمسكت خديجه بيد خوله ومشتها معاها : وش بك تصنمتي
خوله : اخاف من دقت قلبي له
خديجه بقلق : ليكون حبيتيه
خوله : حبيت غيرته علي
خديجه : خوله مير انتي مخطوبه
خوله بتشتت : وذي المشكله
خديجه : وكل مشكله لها حل
خوله بضعف : عجزت القي حل ماودي اتعمق مع زيد بالمشاعر لاني احس اخون ادهم كذا وماودي ادهم لان ماودي اخون مشاعري مع شخص غير زيد
خديجه : بيصير الحل وبتنحل كل ذي التعقيدات
خوله بحزن : متى متى
خديجه : بالوقت الي يختاره الله
هزت خوله راسها بهدواء تعكس العاصفه الي بصدرها من مشاعر
،
في مجلس الشيخ غدير وعايشه يرتبن وينظفن وكل شوي تتذمر غدير : ليه ماينضفون الرجال مجلسهم
عايشه : روحي اسالي جاسم
غدير : بايعه روحي انا
عايشه : اجل نظفي بسرعه
التفت عايشه وخافت من الي شافته وبتلعثم : غغديير
التفت غدير وناظرت وبهدوا : انت هيه ياجني ترى حنا بنهار وقتك غلط قم انقلع ترى حدي حدي طفشااانه
ناظرتها عايشه بصدمه : غدييير
غدير : نعم يعني عمرك شفتي جني يطلع بالنهار هذا شكله ملخبط
عقد حواجبه وزفر الهواء بغضب : حشى انتي بنيه ولا رجال على الاقل خافي كنت جني ولا شي ثاني وبعدين وش مطفشك من صباح الله
غدير فتحت عيونها بصدمه : انت جني ولا انسي وبعدين طفشانه كذا لله وش لك انت
عقد حواجبه : وجع وش ذي الاخلاق عز الله انك اخت جاسم وهذا وجهي
ضحكة عايشه بخفه : اذا انت جني عن صح وصحيح
غدير عقدت حواجبها : الحين عندي سال انت لو تبعد البطانيه بنقدر نشوفك او بتختفي
ضحك بالم على حاله : الحين وراء ماتنقلعي وتتركيني انام
عايشه : يعني انت نصف جني
رفع يدينه وباعد البطانيه ورماها للارض بغضب من البنتين : ياااليتني جني واهج وش ذا الحاال جاسم من ناحيه وخواته من ناحيه
صمتو لمده ثواني وتكلمت غدير بهدواء : انا اخته وذي بنت عمي
ضحك ذيب بحزززن ماهو مصدق الي يصير له
عايشه : باين ان حاله عصيب
غدير : الحين نتركك تنام هنا وتنظف المجلس يوم تصحى
ذيب : تماااام اطلعو
تبسمت غدير بانتصار وطلعت وعايشه وراها
اما ذيب انطلق يتمدد وتلحف زين وغمض عيونه اخيرا
،
نظف كنعان شق جاسم ورتبه زييين
كنعان بغضب : باقي شي اامر
ابتسم جاسم ويهز فنجان القهوه : اي مد السجاد زين من هناك
ناظره كنعان لثواني وجاسم يشرب القهوه باستفزاز ومبتسم راح كنعان لطرف الشق مكان السجاد ورفعه ورماه للوسط : مالت عليك وعلى الي ينام عندك وعليا الي مارحت مع ذيب
طلع كنعان من الخيمه معصب حده وجاسم يضحك بقوه وماسك بطنه
،
وقفت خديجه تتامل بعيونها على المكان : خوله تذكري ذا المكان
خوله ابتسمت : اييه يوم تبارزت مع القطاع
خديجه : ههههههه كنت مع جاسم بخيله
خوله : ترى شفتك ياهبله وش له تروحي معه
خديجه : كنت خااايفه علييك
خوله : ههههههه او كانت فرصه
خديجه : اقوول امشي ذيك هي الخيمه
مشت خوله مبتسمه على احراج خديجه
وصلن لبنت الشيخ الي استقبلتهن ببتسامه عريضه
بنت الطبيب : حياااكن تفضلاً
خديجه : زاد فضلك علومك
بنت الطبيب : بخير جعلك بخير اعلومكن
خديجه : الحمدلله مير خوله انجرح راسها وجبتها لجل تشوفين راسها
ابتسمت بنت الطبيب : اجل افتحي راسك اشوفك
باعدت خوله الشيله ونزل شعرها خلفها
تبسمت بنت الطبيب وقربت منها : ماشاء الله عليك
نزلت خوله راسها باحراج وابتسمت
خديجه : اييي ياحظها بس زين وقوه وسنع وش تبي بعد
بنت الطبيب فتحت على الجرح نظفته زين ولفته مره ثانيه : ياسعدك ياخوله دام كذا
خوله : محد كامل غير الله
