حست بشي بصدرها يدق طبول معقول تحبني يازيد بذا الكثر وليه توك تتكلم عن مشاعرك وتعبر عنها ليه تاخرت يازيد
غمضت خوله عيونها بالم كانت ماره بالصدفه من قربهم وسمعت كلام زيد وقعدت تسمع اكثر لكنها تندمت وش الحيره الي فيها ووش قاعده تفكر خلاص انتهى كل شي ادهم من نصيبها وزيد تاخر كثير فتحت عيونها بامل لو ترفض ادهم لكنها حست بخيبة ابوها وشلوون وش الحال هزت راسها تبعد كل الافكار من بالها ووقفت رايحه
،
في صباح اليوم الثاني صحى الكل بنشاط والابتسامه شاقه حلوقهم من الفرحه كل واحد بيرد لديرته واهله
ناظرهم فياض وابتسم : وش ذا النشاط ووش ذي الابتسامه الزينه
زيد ابتسم من قلب : مشششتاق لبوي وديرتي واهلي
جاسم : وانا بعد مشتاااق لهم بالحيل
فياض : كم صار لكم منهم
زيد : انا وكنعان شهر
جاسم : وانا مع زيد بثلاث ايام رحلت
ذيب : ايييه وش تعرفون عن الشوق ترا لي من قبيلة سنتين
فياض : وش له كل ذا العمر يروح وانت بعيد عن اهلك
ذيب : اهلي ماتو وعمي رباني لين كبرت وبعدها تركتهم ورحت ادور قاتل ابوي
فياض : اي شي تحتاجه تاكد اني معك باي وقت
ابتسم ذيب : وااثق فيييك
متعب : لتكون مشتاق ترجع للديره يوم انك تذكرت غروب ههههههه
ناظره ذيب بنص عين : تراها ازين منك ومن خطيبتك
ضحك هزاع : يكفي اسمها لا عاد تحاول
وقف ذيب بطفش : ابد مامنكم فايده وش له اقعد
ضحك هزاع : بالله ياذيب لاتنسى تسمي بنتك ضحى تراااه زييين
رد ذيب واخذ المخده ورماها على هزاع : ناقص انت تتمسخر عدل اسمك بالاول
طلع ذيب والكل يضحك
هزاع : تخيلو ياخذ بخاطره ويزعل من جد
فياض : وش نسوي عاد
متعب : احد يحب غروب هههههههه
جاسم : اخاف تغربل ذيب معاها هههههههههه
زيد : وش يعرفكم دامه حبها بتكون بعيونه اميره حتى لو كانت شينه
هزاع : اييه اهم شي يحبها لكن بذمتك اسم بنيه غروب
ردو ضحكوا بصوت اعلى
،
عند الحريم الي يجهزن الخيول ويجهزن اغراضهن اخذت خوله المرهم الي حضرته لها الحرمه وراحت لخلف الحاجز الي بطرف الخيمه تدهن به جروحها وتربط عليهم
هند : خووله ودك اساعدك
خوله عاقده حواجبها من الم المرهم : لا تسلمين شوي وانتهي
نجلا : بطلي عناد خلينا نساعدك
خوله وتلف على اخر جرح : ما احب احد يكشفني بصراحه
فاطمه : ليه واحنا غريبات عنك ترى حنا نعتبرك مننا وفينا واخت
خوله ابتسم : ادري مير كملت بغير ثيابي واطلع
فهده قاعده وسرحانه تنهدت فاطمه عن حالها وحال اختها
هند : فهده فهده
فزت فهده تناظر : هااه وشوو
هند : ابد سلااامتك وش عندك سرحانه
ابتسمت فهده : ابد مافيه شي
نجلا : ترى الكتمان ماهو زين
ابتسمت فهده ووقفت وطلعت
فاطمه بحزن : فهده عنيييده وش اسوي معاها
هند : قبل تفكري وش تسوي معاها فكري وش تسوي بنفسك
فاطمه : انا
هند : اييه ادري انك حزززينه على سالم
ابتسمت فاطمه : ابد وليه احزن تراه مايستاهل
نجلا : مير انك كنتي تحبيه
فاطمه : طيش كنت اعتقد اني احبه لانه خطيبي ماهو لشي بقلبي
هند : وكاد يافاطمه
فاطمه قاطعتها : ابد حتى لو انه ما راح ماكنت بتقبله ابد بعد ماعرفت بالحقيقه
نجلا : الله يقوي قلبك
طلعت خوله وكانت متزينه بثوب اسود يميزه اكمامه الي بفتحه كبيره ومخصر شوي من الصدر وينزل مع توسعه من تحت واسع وكان منقوش باحمر وشيلتها حمراء اما النقاب اسود وعيونها مكحله
ناظروها البنات وتوسعت عيونهم
فاطمه : ووووش ذا الزيييين
نجلا : يااالبى الاسود
هند : والله لو يشوفك خطيبك ليطير فيك للسماء
لوهله طراء ببال خوله زيد لكنها نفظت افكارها
خوله : بروح ادور على فهده ودي اكلمها
فاطمه : تلاقيها قرب الغدير ياليت لو تستمع منك
تركتهن خوله وراحت بهدواء
،
نواف : تبون شي ناقصكم شي
كنعان : سلمت يالغالي
فياض : تاكدو من الزاد والمي
ذيب : اييي وكاد الحريم ماقصرن
زيد : باقي على الغروب خلونا نستريح
دخلو مجلس الشيخ وقعدو
فياض : والله بفقدكم
جاسم : ترى سو لكل واحد خيمه وبنقعد عندك مع حريمنا ههههه
فياض ابتسم : ياااليت والله وان ماوسعتكم القبيله احطكم فوق راسي
ذيب : ايييه مير احنا ثقال مابتتحملنا فوق راسك
فياض : تراها كلمه ماهو حقيقه وش له مصدق
ذيب : لااا الرجال يكون قد كلامه لزوم تحملنا فوق راسك وعاد الله يعينك على هزاع تراه اسمن واحد
ناظره هزاع باستنكار : اناااا
ضحك زيد : ليكون منت شايف حالك ياهزاع
هزاع : حشى ترى ماني سمين مير انتم ضعيفين بالحيييل
متعب : الله يعينك يافياض عز الله هزاع لوحده بيكسر راسك
ضحك ذيب وزيد اما هزاع رفع حواجبه باعتراض
فياض : هههههه اشفيكم انتو تراها كلمه انقالت دلال الترحيب ماهو بصدق
ذيب : والله مالومك اكيد خايف على راسك
هزاع : ووجع ترى ماني سمين جسمي على احسنه انتو الي عندكم سوء تغذيه
ناظره فياض وابتسم بوهقه : والله ياهزاع اني اسحب كلامي
نواف : ترى لاتصدقه ياهزاع فياض كان اول اسمن منك كان كانه عملاق طول بعرض مير مع ضعفه مايبين طوله
متعب : وانت جاسم وش تحسب
ضحك جاسم : احسب من اطول واحد فينا
ذيب : ووين وصلت
جاسم : فياض اطول واحد من بعده هزاع وذيب وزيد بنفس الطول ومن بعد انا ومتعب وكنعان ونواف بنفس الطول
متعب : لااا تراني مع هزاع والبقيه بالطول
جاسم : ايييه لاتحسب شوشتك بالحسبه
ضحكو على متعب الي يحسب شعره من ضمن الطول
،
في الغدير قاعده بصمت تبكي وتناظر للفراغ وش الي قلب المواجع وش الي صار
خوله من خلفها :
شكيت همي لحالي
وطبطبت على حالي
لمن اشكي الهم ياقلبي
ومن يتحمل همك ياقلبي
التفت فهده ووقفت تناظر خوله بعيونها الباكيه :
كم بشكي من الهم ياقلبي
وكم ببكي من هم احزاني
وكيف اشرح واعبر ياقلبي
وكيف بلقى مجيب لاحزاني
