عند الشيخ ابو متعب والكل حوله مجتمعين يودعهم
الشيخ : لا اوصيكم ياعيالي على نجلا وخوله ترى الله الله بهن
متعب : ولا يهمك يابوي احطهن بعيوني ومايصيبهن جرح الا
على رقبتي
الشيخ : زين وودي منك مثل مارحتوا ترجعون مابي حد منكم
يصير له شي وان قابلتوا حد في طريقكم لاتقلون له عيال من انتوا
ذيب : تامر ياشيخ ندري ان القطاع الغزاه لو دروا فينا ماتركونا
الشيخ : زين وودي منكم تصيرون اخوان وتتعاوننون حتى وان
اختلفتم تضلون يد واحده
زيد : تامر ياشيخ كلن منا يتحمل الثاني لين تنتهي الرحله
جاسم : ياشيخ على كذا ماودك ايانا نروح ههههههه
ضحك الشيخ : انتظروا لحظــہہ خوله نجلا ماوصيكن
عليهم تهتمين بهم وتحمن انفسكن زين
نجلا : لاتوصي يابوي
خوله : ترى ياعمي انا متحملتهم من اسبوعين بقى اسبوع واجري عند الله
ضحك الشيخ من قلبه
كنعان مبتسم : خوووله وش قصدك
دورت خوله عيونها : ترى ياخوي ماقصد شي مير كل واحد يفهم بقدر نيته
ضحكوا كلهم وبعد عدت وصايا من الشيخ تحركوا متجهين نحو الشرق
لقبيلة الشيخ ابو هزاع جاهلين عن الي منتظرهم
،
،
بوسط الطريق قربت الشمس تغيب والخيول تعبت من السير
جاسم : لزوم ندور مكان نبيت فيه لين تشرق الشمس
كنعان يناظر حوله : مير مافيه مكان نبات فيه
ابتسم زيد : وين الي قال بيرشدنا على الطريق
عدل ذيب وقفته وناظر زيد بطرف عينه : وش قصدك
هز زيد اكتوفه : مدري انت ادرى
خوله وتبي تفصل بينهم : ماهو بوقت نتجادل لزوم ندور مكان ننحمي به
ذيب قرب من خوله : اذا مشينا مغيرين اتجاهنا شوي بنلاقي جبل اسود
متعب عقد حواجبه : مير ذا الجبل دايم يمرون فيه قطاع الطرق
ذيب بطفش منهم : هذا الي عندي.
نجلا بتفكير : ماهو بالازم نمر منه اتركونا نلتف حوله لزوم نلاقي اجواف
ابتسمت خوله وقربت من خيلها تسحبه خلفها : هذي هي العقول
ناظروها كلهم بصدمه ونجلا تضحك بخفه وتلحقها
وبسبب انهم يمشون ويجروى خيولهم اظلمت حولهم وكان لازم يشعلوا شي لاجل يشوفون الطريق
اشعلت خوله وذيب ومتعب وزيد وواصلوا المشي
لين وصلوا للجبل الاسود
خوله : اعتقد لزوم نتفرق وندور على مكان نقعد فيه
متعب : مير لزوم نصير مجموعتين مو اكثر
زيد : انا وكنعان وخوله
متعب : انا ونجلا وجاسم
ذيب : انا بقعد قرب الخيول والزاد
اتحركوا منقسمين حول الجبل
خوله تتلفت يمين ويسار وحاطه يدها على السيف
كنعان من يمينها وزيد من يسارها
زيد : لاتخافي ياخوله احنا حولك
خوله : لزوم نكون مستعدين
كنعان : ايه مير ماهو لذي الدرجه
هزت خوله راسه وردت تناظر حولهم
،
عند متعب وجاسم ونجلا جاسم يمشي قدام ومن وراه نجلا وخلفها متعب
جاسم : اقول يامتعب
متعب : قول
جاسم : ليه حبيت تجي معانا
متعب : كذا
رفع جاسم حواجبه : براحتك
ناظرت نجلا ولمحت شي : لقيت شي ناظروا
تقدم جاسم بحذر وناظر كان كهف في الجبل وكبير
ابتسم جاسم وتقدموا نجلا ومتعب
نجلا : لقيناه قبلهم
ابتسم متعب بخفها : انا ونجلا بنقعد وانت تروح تجيبهم
هز جاسم راسه وراح بعد مااشعلو شي في الكهف
نجلا : متعب ياخوي ليه تكلمه كذا
ابتسم متعب : ماودي نختلط بهم زود
نجلا : مير ياخوي مبين انهم اجواد وطيبين
متعب : ايه مير مابنقعد معاهم غير اسبوع
هزت نجلا راسها وتعرف متعب عنيد
اشوي سمعوا صوت حركه قربهم سحب متعب نجلا
لخلفه وسحب سيفه بيده الثانيه : خرجت نجلا سيفها
كح كح خوله بصوت منزعج : التراب هنا كثير
رفعت خوله راسها وابتسمت : نجلا
تقدمت منها نجلا وضمتها : خوفتينا
زيد : ليه ماقلتوا لنا انكم لقيتوا كهف
متعب : ارسلت جاسم لذيب وانتوا وكاد تدورون حول الجبل وتلاقونا
كنعان : مدري احس بخطر جاسم وذيب وحدهم
متعب ببرود : مايصير لهم شي
كنعان : انا بروح وراهم لاجل اتاكد واساعدهم
خوله قربت منه : وانا بروح معك
حس زيد بخوف على خوله : لا انتي تبقي هنا وانا اروح
ابتسم متعب بخفه : مايصير فيهم شي ليه هذي الشكوك
ناظره زيد بهدواء : لين تعتبرنا جزاء من ذي الرحله بتعرف ليه الشكوك
متعب : ايييه كانك خايف على ذيب
زيد : حتى وان ماخفت عليه ذيب الحين جزاء من ذي الرحله
ناظرت خوله لزيد وابتسمت : حاذر يازيد انت وكنعان وتردون لي بالسلامه
ابتسم زيد من قلبه كنعان : لا تخافي
اخذ زيد شعله وراح مع كنعان يدورون جاسم وذيب
تنهدت خوله من قلب وقعدت قرب النار
نجلا حطت كفها على كف خوله : لاتخافي بيردون
ابتسمت لها خوله : لزوم يردون
متعب : خايفه على كنعان او على الجميع
خوله بهدواء تناظر للنار : كلنا واحد بذي الرحله
ابتسم متعب بهدواء وحرك النار لاجل تزيد لهبتها
سمعوا حركه عند باب الكهف وقفت خوله بسعاده
ودخلوا سبعه اشخاص متلثمين وقف متعب ونجلا بصدمه
الرجال الاول : بدون مبارزه وشد ومد احنا نبي خوله
ناظرته خوله : وش تبي فيني
الرجال الاول : الزعيم يبيك
اتقدم متعب ورد خوله لوراه : على جثتي زين
دخل رجال يضحك وكان الثامن : تذكرتيني ياحلوه
ضيقت خوله عيونها وابتسمت باستهزاء : ايييه
ضحك بقوه : والحين تعالي بهدواء
خوله : وليه اجي حطيتك المره الي فاتت تحت سيفي
تضايق بقوه وقال : سمعي زين بتجين وغصب بعد
ناظر للرجال : هاتوها
اتقدموا وخرجت خوله خنجر : متعب هاك
التقط متعب الخنجر وخرجت خوله الخنجر الثاني
ونجلا بالمثل خرجت سيفها والخنجر
واجه متعب ثلاثه وخوله ونجلا اخذوا البقيه وحطين ظهر بظهر
نجلا تدافع وتدور مع خوله لاجل خوله تهجم
واستمر الحال لخمس دقايق
،
كنعان : مدري ليه حاس بش مو زين بالي عند خوله
خاف زيد من ذا الاحساس وهو الي باله عند خوله
ذيب : خلونا نسرع
اسرعوا بحركتهم لين قربوا من الكهف سمعوا صوت السيوف
تركوا كل شي وجروا للكهف بسيوفهم
خوله اذت اثنين بمساعدت نجلا وكان الثامن يناظر
متعب وقرب منه من وراء ظهره لاجل يغدره
جرت خوله بسرعه ووقفت بين السيف وظهر متعب
مير ان فيه يد تدخلت ومسكت السيف رغم حدته
فتحت خوله عيونها بجمود وانصدمت : زيييييد
اخذت الخنجر وجرحت الثامن جرح كبير واول ماطاح اخذت يد زيد والدموع تملا عيونها
ابتسم زيد بخفه : ماهو بموجع
خوله بصوت باكي : اسكت اسكت
طاحوا كل القطاع واخذت خوله اعشاب ومي وقعدت قدام زيد
كنعان : باين ان الجرح كبير
ناظر زيد لخوله الي دموعها تنزل : يهون الجرح
كنعان بغضب : خوله انتي هبلا المفروض تصدي بالسيف ماهو بجسمك
غمض زيد عيونه بشوية غضب : ماهو بوقته ياكنعان
ابتعد كنعان عنهم متضايق لاجل زيد
خوله تحاول تكتم شهقاتها الي تطلع بعضها ويدها الي تهتز وماقدرت تسوي شي زين
زيد مسك كفها وابتسم : ماله داعي كل هذا
ناظرته خوله وعيونها مغرقتنهن الدموع
زيد : المي اهون من دموعك
قرب جاسم محرج : اتركيه ياخيه عنك وانا بكمل
قربت خوله من جاسم الاعشاب والمي وشيلتها الي يلف بها الجرح
وقفت وراحت لابعد مكان عنهم مدت الفرو وتمددت وتغطت وتركت المجال لدموعها تفيض
قربت نجلا من خوله ومدت فروها قربها وامتدت قربها
متعب كان ممتد وحاط يده على عيونه ويتذكر ظهر خوله الي لصق بظهره
ماهو بمتوقع انها ممكن تضحي لاجله
ذيب كان يجهز العشاء وباله بعيد الرجال الي قتلوهم ثيابهم مقاربه لثياب الي يدور عليه
قعد كنعان قربه : وش فيك ياذيب سارح
ابتسم ذيب وهز شعره : والله مدري وش اقولك
تنهد كنعان وابتسم : قول يمكن اقدر افيدك بشي
ذيب : انا اترحل من سنه ادور على رجال معين
رفع كنعان حواجبه : لاجل كذا مشيت معانا
هز ذيب راسه بالموافقه : ايه مير هذول لبسهم مقارب لذاك الرجال
كنعان عقد حواجبه : تقصد ان الرجال الي تدوره قاطع طريق
ناظر ذيب للبعيد : ذا الرجال قتل ابوي
كنعان بصدمه : وشلووون وابوك الشيخ حي
ابتسم ذيب بحزن : هذا عمي ورباني ودايم يعتبرني ولده
كنعان : طيب تعتقد ان الرجال ذا حي للحين
ذيب : ايييه الحقيرين مايموتون بسرعه وان كان مات اعتقد ان له عيال
كنعان : وشلون بتعرف الموضوع كذا تعقد
ذيب : لاتخاف بلاقيهم اتذكر ذا الرجال وكان الحادث صار امس ماهو قبل اثنعشر سنه
كنعان : وشو صار فضفض
ابتسم ذيب بالم : كان عمري ثمان سنين وقتها اخذني ابوي للصيد
وهجم علينا ذا الرجال ومعه ثلاثه رجال كان ابوي خايف عليا وامرني اجري وحاول يلهيهم مير
اخذ ذيب نفس : مير اني اختبيت خلف صخره وناظرتهم يقتلون ابوي
غمض ذيب عيونه بالم
ربت كنعان على ظهر ذيب
اخذ ذيب نفس عميق : سمعته يقول
تذكروني يامشايخ انا فزاع وباخذ ارواحكم مع قبايلكم على واحد واحد
كنعان عقد حواجبه : ذيب ذي الكلمتين ماتذكرك بحد
ذيب : بمن
كنعان وكنه لقى الحل : ماتذكرك بالغزوا الي يغزون القبايل وحده وحده ويقتلون المشايخ
ذيب عقد حواجبه : تعتقد انه خلفهم
كنعان : وليه لا
ذيب بتفكير : ووش يبون من خوله
تنهد كنعان : مره حصل انه ججاء للقبيله ذاك ومعه ثمانيه رجال
يتفقدون قوتنا وامننا وحصل مبارز بينن وكانت خوله معانا
ذيب : ايييه وكاد قال لزعيمه عن الحرمه الي تبارز والزعيم يبيها
كنعان : وكاد
،
عند جاسم الي اخذ المي ينظف كف زيد
جاسم : ايييه طلعت عاشق متهور
ضحك زيد بخفه : اقول اترك عنك الهرج وقلي وش صار على الرجل
جاسم عقد حواجبه : اعتقد ان واحد فيهم حي مير انه منصاب بفخذه
زيد : لزوم اعرف منهو زعيمهم ووش يبي من خوله
ابتسم جاسم ثم ضحك : والله انكم مزايين
زيد رفع حاجبه : وشلون
جاسم حط العشبه وبداء يلف كف زيد : يعني انت مجروح وهي تبكي
كانكم مكملين بعض الجرح عندك والالم عندها
ابتسم زيد : ياليت لو اقدر اروح لها وكلمها
جاسم تبدلت نظرته لضيق واستغرب زيد منه
زيد : وش فيك
جاسم : زيد لزوم تبتعد عنها اخاف تتعلق بها زود
طال نظر زيد بعمق ومن ثم ناظر لجهة
خوله : ماهو بيدي غصب عني
تنهد جاسم : الله يكون بعونك
،
كلن حاله ضايق ومنسده نفسه من الاكل ناموا غارقين بتفكيرهم
،
في الصباح صحت خوله ونجلا وجهزن الفطور
نجلا : علومش ياخوله
ابتسمت خوله : الحمدلله
نجلا : خوفتيني عليك امس
خوله : ابد مير خفت على زيد
نجلا مبتسمه : وذا الخوف كله وش سببه
ناظرتها خوله وانصدمت اشوي : ابد مابه سبب
نجلا : متوكده
ابتسمت خوله بحياء : ايه لاجل انه انقذني
نجلا : هذا انتي كنتي بتنقذين اخوي
ناظرتها خوله : ايه انقذته مير لاني كنت السبب
عقدت نجلا حواجبها : وش يبون منك ياخوله
خوله : ذاك الاهبل هزمت مره بقبيلتنا وكاد يبي ينتقم
نجلا : الخوف لو يكون وراه قطاع طرق كبار
خوله : لاتخافي باذن الله مايصير شي
،
صح زيد بالم من كفه ناظر حوله الكل نايم عدى خوله ونجلا
وقف وطلع يدورهم ابتسم لما شافهن يضحكن
زيد بصوت عالي اشوي : وش تسون
ابتسمت خوله وقربت منه : وشلون كفك ووش مصحيك
زيد ناظر لعيونها : كفي يالمني اشوي وصحيت ادورك
خوله : اقعد هنيه بجيب العشبه
راحت خوله وعيون زيد مافارقتها لين ردت له
خوله مستحيه : هات كفك بنظفه وغير العشبه
مد زيد كفه واخذته خوله برقه فكت الاول وقعدت تنظفه بحذر
زيد : ترى الجرح بي ليه خايفه كذا
خوله : مير انك انجرحت بسببي
زيد : وش له تحطين نفسك بين السيف ومتعب
خوله : هم يبوني من البدايه لو تركني متعب لهم كان اخذوني
مير انه ضحى بنفسه لاجل ماياخذوني
زيد : هذا واجبه او وش جابه معانا
خوله : مير مايصير اتركه ينجرح بسببي
زيد : خوله اخر مره تسوين كذا زين
ناظرت خوله لعيونه : ليه
زيد : ذي المره كنت موجود اخاف المره الثانيه ماكون موجود
خوله بحزن : ياليتك ماكنت موجود وماجرحت كفك
مسك زيد كفها وهمس لها : مستعد اموت لاجل ماتتالمين او تبكين
تصنمت خوله تناظر عيونه وبصمت
مرت الدقيقه كنها سنه ونجلا خافت حد يشوفهم وتركت الخيل يصهل
سحبت خوله يدها من بين يديه ووقفت بخجل وراحت
،
صحى متعب ناظر حوله ووقف بيطلع ناظر لذيب وابتسم
مر من قربه وركل رجله يقال انه ماشي بطريقه
فز ذيب وناظر لمتعب بحده : انت صاحي
ابتسم متعب : ماشفت توني صاحي
ذيب : اجل فتح عيونك زين مره ثانيه
صحو كنعان وجاسم وناظروا الي بيسوون مشاكل الحين
كنعان : يالله صباااح خير
جاسم : حشى مضارب من الصباح
متعب : اي صباح الشمس بوسط السماء
ذيب : يقال انك صاحي من فجرها
متعب : المهم اني صحيت قبلكم
جاسم : زييين خلاص اتركوها سيره
ذيب : انا ولا ذا الاهبل
متعب : اقول انتبه لكلامك
ذيب : لين تنتبه لرجلينك وين تمشي
وقف كنعان وجاسم وسحب حاسم متعب لخارج الكهف
وكنعان ناظر لذيب : ذيب ياذيب لزوم نتحمل بعض
ذيب : تقول لي انا ذا الكلام شف الهبل الي ركلني وانا نايم
تنهد كنعان من قلب : والله ياذيب مادريت من وين تلقاها من زيد او متعب
وقف ذيب : يهبون الاثنين هم الي يدورون المشاكل
حط كنعان يده على كتف ذيب : اترك عنك المشاكل ياذيب محنا بناقصين
طلع كنعان وراح لزيد يطمن على جرحه
نجلا : خوله خذي القهوه وعطيها لهم
اخذتها خوله وراحت لكنعان وزيد : تفضلوا
كنعان : زاد فضلك ياخوله
زيد : من يد مانعدمها
ابتعدت خوله عنهم محرجه وراحت لجاسم ومتعب
خوله : تفضلو
جاسم : تسلمين ياخيه
متعب : سلمتي
هزت خوله راسها وراحت ناظرت ذيب الي مبين انه معصب ابتسمت
وراحت له : صبحك الله خير ياذيب
ناظر ذيب لمتعب بحده : وين بنلاقي الخير بذيك الوجيه
ضحكت خوله بخفه : وكاد ان به شي كايد معكر مزاجك
ناظر لها ذيب وابتسم : ايييه ذا الوح ركل رجلي وفكرت انه غزو
ناظرت خوله لوين اشر ذيب : ايييه تقصد متعب
ذيب : اييييه ليت انك تركتيه ينجرح كان زمانه يون
ضحكت خوله هذي المره بصوت الي لفت انظارهم
ذيب : ايه اضحكي مير زين زيد او متعب الاثنين يستاهلون
خوله : هههههههه حرام عليك مير انت ماتطيقهم
ذيب : ايه ايه وذي الوجيه تنطاق حشى تقول غربان
ماقدرت خوله توقف ضحك والفضول اشتغل عند الجميع
ابتسم ذيب ثم ضحك بخفه : والله انتي الوحيده الي تسعدين الواحد
ولا كان من زمان واحد منا مصيوب والثاني ميت والثالث رابح
