تنهدت خوله بهدواء تحس بالام الجروح المتوزعه بجسمها تتمنى لو ان كل ذا ينتهي ودها ترجع للقبيله وتعيش مثل قبل حياه هاديه مع وجه ابوها البشوش وجمعة اخوانها الي مايخلى منها الضحك ابتسمت ونزلت دمعه وحيده بقدر احساسها بالوحده دخلت حرمه مبين من وجهها انا كبيره حيل بالعمر
رفعت خوله يده ومسحت دمعتها الوحيده
الحرمه : ترى عادي الحرمه تبكي لاتستحين
ابتسمت خوله : حياك ياعمتي
الحرمه : وشلونك الحين عسى احسن
خوله : الحمدلله احسن بكثير
الحرمه : لو انك حرمه عاديه مثل البقيه كان ممكن تموتي بذي الجروح
خوله بهدواء : مير اني استثنائيه ماني مثل البقيه
الحرمه : وش السر وراك
خوله ابتسمت باحاسيس مختلفه بين الحزن والسعاده نزلت دمعه مره ثانيه : لاني تعلمت المبارز بعمر اصغر من اعمار الرجال لاني تدربت في الصحراء لان الي حولي كانو كلهم رجال فاخذت من طباعهم كثير بالقوه والتحمل والصبر والثقه
ابتسمت الحرمه وبيدينها الاعشاب تخلطهم بالمي الحار اخذت نفس : هذا كله من الرجل ووش تعلمتي من الحريم
خوله بهدواء : ماكان معي احد من الحريم امي توفيت وانا صغير وماكنت التقي بصديقتي الا اوقات قليله
ضحكة الحرمه بخفه : ووش تعرفي عن صفات الحرمه
خوله : السنع والطبخ والهدواء والدلع والرقه والجمال
الحرمه : حاولي تقعدي لاجل احط ذي الاعشاب على جروح ظهرك
خوله : وش فايدتها
ابتسمت الحرمه : تمحي اثرهم
خوله : بس كذا
الحرمه بهدواء تساعد خوله على القعده : اهم شي عند الحريم مايكون اي جرح بجسمهم وشلون مستهينه بذي العشبه
حست خوله بحرارتها على الجروح وتالمت : المها اقوى من الجرح
الحرمه : لزوم يكون اقوى لاجل يمحي الاثر لو انك انتبهتي لحالك كان ماتالمتي
خوله : لو اني مادفعت عن الشيخ والحريم كان بدل الجرح ذي مات الشيخ ومتن الحريم وصرت اما ميته او مخطوفه
الحرمه : ترى يابنتي لو انك حرمه دلوع كان عندك الموت اهون من الجروح
خوله : الجروح ممكن تروح لكن الروح لاراحت مابترد
ضحكة الحرمه : اجل تحملي الالام دامك تبي روحك
ضحكة خوله بخفه : زين مير ساعمتي طفشت من القعده ودي اطلع
الحرمه ابتسمت : يقولون لجل عين
خوله بفرحه : تكرررم مدينه مير عين منهي ذي
ضحكة الحرمه : ذي العين توصيني عليك دوووم ولاجلها بسمح لك تطلعين شوي معي وترجعين
خوله : زززين فديتك ياعمتي
الحرمه : لكن لزوم بالاول اربط الجروح من فوق العشبه لاجل ماتتالمي او تنزف الجروح
هزت خوله راسها بالموافقه والفرحه غامرتها
،
عند هند ونجلا وفاطمه وفهده
نجلا : الله يسامحك يامتعب وش اقول بس كل ما اتذكر الموقف انحرج
هند بطفش : نجلا ترى من ساعه وانت بنفس الكلام
فهده : نجلا ماصار شي وكاد الكل نسى الي صار
تنهدت نجلا بوجه عابس : لو كانت وحده ثاني مكاني كنتو عرفتو شعوري
وقفت هند المشي وناظرت بصدمه ماهي الا ثواني وصرخت هند : خوووووله
ناظرن للجهه الي تناظر لها هند وتوسعت ابتسامتهن
فاطمه بفرحه: وكاااد ذي خوله وشلووون والجروح
ركضت هند وخلفها نجلا وفهده واخر وحده فاطمه الي فرحانه وبنفس الوقت خايفه على جروح خوله
،
بمجلس الشيخ بعد ماسمعو الصرخه الكل وقف وناظرو لبعض
هزاع بتردد : ذا وكاد صوت اختي
كنعان بقلق : واسم خوله اختي
فياض : خلونا نروح اخاف تنتكس حالة خوله لانه ماكن مفروض تصحى اليوم
كنعان بعد الهدواء تركهم وركض بسرعه ووراه زيد
تبعهم هزاع محرج من اخته
فياض رفع حاجب : وش فيه زيد يركض اعتقد ماهو محرم لها
ابتسم جاسم بمجامله : تراهم متربيين مع بعض من هم صغار يعني يخاف عليها بدافع المخوه
هز فياض اكتوفه بعدم الامبالاه
وراح يشوف الي صار
متعب ابتسم : الحمدلله صرخت هند ذي المره
ذيب : اقول تحركو نطمن على خوله
: عند خوله الي طلت من الخيمه وناظرت للسماء ابتسمت بفرحه لما حست بريح خفيفه تسري عليها
الحرمه : وش تبي الحين
استنشقت خوله الهواء بفرح : ودي اروح للمرعى او للغدير
الحرمه ابتسمت : الغدير قريب من المرعى والاثنين بعاد
سمعت خوله اسمها وناظرت لمصدر الصوت ضحكت بسعاده : ههههههه مهبولات
الحرمه : وكاد يحبنك حيل
خوله ببتسامه : ياسعدي والله يوم ان به حد يحبني
وصلت هند وشوي وتقفز لفوق خوله مير ان الحرمه رفعت عصاها : ترى جروحها لسى مابرت
هند من الفرحه قفزت : والله ماني مصدقه عيوني الحمدلله على سلامتك ياخوله
فهده مبتسمه : زين شفناك بخير ياخوله خوفتينا عليك
فاطمه : خووله وشلوون تطلعي والجروح تو مابرت
نجلا : ايه وفاطمه الصادقه مايصير ياخوله اخاف يصير شي
وصل كنعان وناظر خوله بصدمه ناظرته خوله وابتسمت
كنعان بصدمه : خ خوله وشلون وشلون طلعتي
زيد بقلق : وجروحك ياخوله اخاف تنزف ولا يصير لك شي
قرب منهم هزاع وابتسم : خوله وش تسوين ياخيتي هنا المفروض ماتوقفين وانتي بك جروح حيل
الحرمه ابتسمت : انا الي سمحت لها تطلع والحين بعدوا بنتمشى شوي
كنعان : يعني الحين خوله بخير
الحرمه : لا ماهي بخير
فياض مبتسم : الحمدلله على سلامتك ياخوله ماتشوفي شر باذن الله
خوله بهدواء : يسلمك ربي ومايجيك شر
فياض : وودي اشكرك ياخوله على الي سويتيه برغم انه كان ممكن تخسري حياتك بانقاذ ابوي
خوله ابتسمت بهدواء ونزلت راسها بخجل : ماوقفت غير لاني واثقه من حالي
ذيب بصوت عالي : زييين شفناك بخير الحمدلله على سلامتك ياخيه
ناظره زيد بصدمه اول مره يقول ياخيتي وش يقصد ذا
خوله ومنزله راسها : يسلمك ربي ياخوي ياذيب
جاسم : الشر مايجيك ياخيه
خوله : ولا يجيك باذن الله
متعب : طهوره باذن الله
خوله : سلمت ياخوي يامتعب
الحرمه : والحين وشلون بتتركونا نمشي او ارجعها الشق
ناظرتها خوله برجى : لااا ماودي ارجع الشق ارجاش ياعمتي
قرب منها كنعان ومد يده لها : اجل تعالي باخذك لوين ماودك
رفعت الحرمه عصاتها وضربت يد كنعان : ترى البنيه بتمشي معي وانتو كل واحد يروح يسوي شي ماودي حد يكون بقربنا
نجلا : ايه احنا بناخذ بالنا منها
الحرمه ناظرت لها : قلت ماودي احد تفهمين
ابتسمت نجلا بحرج : اي فهمت
هند : لكن احنا صديقاتها وشلون مانروح معاها
الحرمه : انتي بذات قبل اشوي كنت بتقفزين عليها لزوم تبقي بعيده
هند بحرج : كانت ردت فعل
الحرمه : خلك بعيده انتي وردات فعلك ذي
فاطمه : اجل خذيني انا انتي تعرفيني زين
الحرمه : اي اعرفك مير ماودي حد معي انا وخوله
ضحكت خوله بخفه : لاتخافو بكون بخير والعمه ماهي بمقصره لو حصل شي
فياض : مير لزوم يكون معكن رجال لحد الان ماعرفنا شلون دخل الرجال اخاف يجي حد ينتقم منك
خوله : باذن الله مايصير شي
الحرمه : مابنبعد بس نمشي اشوي اشوف شلون صحتها وودي اتكلم معاها
تحركت الحرمه وراحت خوله تمشي معاها بهدواء
هند : وش ذي الحرمه الي تخوف ليه ماودها نروح معاها
ناظرها هزاع بتوعد : حسابك بعدين زين
ابتسمت هند ببلاهه : ليه وش سويت
هزاع : ابد ماساويتي شي مير ابوي سمع صوتك لعنده
ضحك ذيب : ليه مكبر صوت بحلقها ولا شنو
ضحك الكل على هند الي راحت محرجه وخلفها نجلا الي تحس الكلام لها كمان راح زيد بهدواء ولاحظه جاسم وراح وراه
فياض ناظر لخواته : روحن جهزن الغداء
تحركت فاطمه وفهده بخوف من نظرت فياض
متعب مسك كنعان من كتفه : لاتخاف تراها قويه مثلك ياكنعان
ابتسم كنعان : ادري مير خايف عليها
فياض : لاتخاف ياكنعان ترى الحرمه ذي مابه مثلها تعرف شلون تعالج الجروح الخارجيه والداخليه وبتشوف بنفسك والحين تعالو نرد للمجلس نقعد
تحرك متعب وهزاع وذيب
ناظر فياض لكنعان : كانك ودك تتكلم
كنعان ابتسم بهدواء : وش قصدك بالجروح الداخليه
فياض ابتسم : ترى اختك ياكنعان بقلبها كثير
كنعان عقد حواجبه : وشلون دريت
فياض ابتسم : ترى منظرها لما قطعت راس الرجال كانها تخرج كميه من القهر او الحزن او الالم الي تسببت بها بعض الكلمات
كنعان : وشلون
فياض : اوقات النظره او الكلمات تكون جروحهن عميقه واقوى من الجروح الي بجسمها
كنعان : وشوو
فياض : حتى اختي قالت انه بعد ماقال الرجال انها مهي حرمه بين انها عصبت وبارزته بقوه اكبر لين قطعت راسه
ضحك كنعان بخفه : وشلون كذا يافياض وشلون وكاد اني جرحتها اكثر انسان بحياتها وان الي دوم اقول لها مابها من الحريم شي وانا الي دوم اقول انها خامسة اخواني بالمرجله وشلوون
حط فياض يده بكتف كنعان : الي حصل حصل مابتقدر تغير شي من الماضي المهم الحين تنتبه على الحاضر
هز كنعان راسه وبداخله حزن عمييق مكدر خاطره
بعض الكلام احيان خنجر وسكين
أن ماطعن شق الصدر حيل وأدماه
،
اخذت خوله اكبر كمية هواء ممكنه وابتسمت
الحرمه : ابعدي اللثمه عن وجهك لاتخافي محد يجي لهنا
رفعت خوله يدينها وابعدت اللثمه عن وجهها وابتسمت بحياء : والله ياعمه اني فرحانه حيل لاني تعرفت عليك
الحرمه : ناظري ذي البركه المي
ناظرت خوله البركه الي انعكس فيها وجه خوله
الحرمه ابتسمت : وش تشوفين
حاولت خوله تتبسم : اشوف المي صافي ياعمتي
الحرمه : والقمر ماتشوفينه
ناظرتها خوله وردت تناظر البركة المي : وش تقولين ياعمتي
مدت الحرمه عصاها ورفعت وجه خوله بطرف العصاء وابتسمت : وذا ماهو قمر
نزلت خوله راسه بحرج : وش تقولين وين القمر ووين انا
الحرمه : اذا انتي ماشفتي نفسك زينه وشلون بيشوفوك الناس زينه
خوله : مير ياعمه ذي الحقيقه
الحرمه : لدي ناظري للبركة
ناظرت خوله مره ثانيه للبركه
الحرمه : ناظري حواجبك المرسومه عيونك الواسعه ولونهم الرمادي انفك المميز وفمك الصغير
ابتسمت خوله وتناظر ملامحها : من جد انا زينه
الحرمه ابتسمت : ناظري غمازتك الي تذبح خفوق كل رجال حتى الحريم وش تبي اكثر من كذا ترى الطمع شين
ضحكة خوله بسعاده وتتامل ملامحها الي حست انها فعلا حلوه مرت دقيقه وبعدها دقيقه وخوله تتامل حالها
الحرمه مبتسمه : خذي كحلي عيونك
اخذت خوله الكحل الي اشتاقت له حيل كحلت عيونها وناظرت للحرمه : وشلون كذا
الحرمه : بسم الله عليك ترى ياخوله اذا انتي وثقتي بجمالك بتصيري جميله حيييل واذا اعتقدتي انك شينه الكل بيشوفك شينه اهم شي انتي وش تشوفين حالك
عقدت خوله حواجبها : ليه تقولين لي ذا الكلام
الحرمه : اذكرك ان الثقه بنفسك ضروريه
خوله ناظرت للبعيد ببتسامه مريحه : تدري ياعمتي انك شفيتي جروح قديمه بداخلي جروح محد دراء بها غير شجن وماقدرت تساعدني برغم محاولاتها
الحرمه : مير لزوم ماتنتظري حد يجي يشفي جروحك اشفيهم بنفسك
خوله : وشلون ياعمتي
الحرمه : كل ما انجرحتي ناظري حالك وابتسمي ووقتها بيبراء اي جرح اول ماتبتسمي لنفسك
خوله : عمتي مدري وشلون اشكرك الي سويتيه لي كثير
الحرمه : اذا بتشكريني لاتضيعي تعبي واهتمي بحالك وبجروحك وحافظي على جمالك ودلعك وانوثتك ولاتنسي تضلي قويه ، القوه يابنتي شي حلو لكن لها اوقات
خوله مبتسمه : صدقتي ياعمتي
،
جاسم بعصبيه : زيييد انت انجنيت وش الي غيرك يازيد ماعدت اعرفك وشلون تبهذل حالك زييد ركز ولاتنسى حالك لجل حرمه انت شيخ يازيد مهو حرمه تلعب فيك
ناظره زيد بقلة حيله : وش تبي اسوي خافقي ذبحني ودي المها لصدري وادي اخذ المها واعطيها عافيتي ودي احطها بعيوني
جاسم : مير انتهى ذا الكلام صارت لغيرك يضمها غيرك وانت انتهيت قفل على قلبك وانسى انتبه لحالك ولقبيلتك وخوله صارت لغيرك وانت لزوم تلقى بنت غيرها حتى لو ماحبيتها
زيد ابتسم : اييه وبعدها اشوف اعيالها واخذهم بحضني واناظر لعيونهم واغرق بهن واذكر عيون خوله الي تذبحني
جاسم : وانت بيصير لك عيال وينسوك كل شي
زيد : والله ثم والله ان تزوجت وراحت مع ذا الادهم اني امنعها ترجع القبيله
جاسم : وشلون تمنعها واخوانها وابوها في القبيله
زيد : مقدررر مقدررر اناظر لها بين ايدين احد غيري مقدرر اتحمل اشوف ادهم يبتسم لها وتبادله الابتسامه
جاسم : لو انها تحبك كان رفضت ادهم وطوايف ادهم ماهو وافقت بكل سعاده
زيد : ادري غصب عنها ادري انه لاجل خاطر ابوها ادري انها ماتبيه ادري انها تحبني
ضحك جاسم : زيد ياخوي لاتضحك على حالك خوله ماتحبك خوله ببالها الان ادهم انت وشو بنسبه لها انت واحد جرحها حيل انت واحد تكرهه
قاطعه زيد بعصبيه : كان كل ذا زمان لكن الحين تحبني
ناظره جاسم ومن جواه يحترق على حال صديقه اخذ نفس عميق وتركه وراح
كان كل ذا الكلام تحت مسامع شخص منصدم
