فاطمه الي توسعت عيونها من الصدمه : نووواف
،
دخل زيد المجلس مبتسم ولا كانه صار شي ناظر لجاسم وهزاع يتقالبون : جاسم لايزيد عليك هزاع
ابتسم جاسم : وش يزيد عليا لزوم ابطحه واماي بطنه من القهوه المسممه
ضحك هزاع : ماااودي ترى وراي قبيله واهل وناس يبوني
جاسم : بتششرب يعني بتشرررب
قعد زيد مبتسم وفياض يهز راسه : الحين وراء ماتشرب ياهزاع القهوه وتفكنا
هزاع : وش تقول ياخوي ودك اتسمم
جاسم : لا ومصر بعد
متعب : الحين اتركو عنكم ذا الهرج بنتكلم زين
هزاع : اتركني ياجاسم اسمع وش يقول
جاسم مكفت هزاع الي يضحك عليه : قول يامتعب نسمعك كذا ومرتاحين بعد
ابتسم متعب : الحين اذا لقى ذيب الخاين وهداء الوضع هنا متى بنتحرك
كنعان ابتسم : بكره اول متغيب الشمس
هزاع : يعني خوله بتقدر تتحمل السفر
كنعان : اي ان شاء الله
جاسم : وبنرد مثل ماجينا نستريح بكل قبيله
متعب : لا ماله داعي لزوم نرد بسرعه لاجل نتطمن على قبايلنا
هزاع : كذا زين لكن مانتحرك غير في الليل حتى لو نجهد الخيول
زيد : وبعد كذا بننتظر ذيب لاجل نتاكد من بحثه عن الغزاه
جاسم : اذا فعلا الغزاه بالجبال الحمر الثلاث انا بتاكد من الموضوع ماله داعي نتعب ذيب
زيد : زين بس انتظر ماهو تروح وحدك برد اتطمن على ابوي واحوال القبيله وارد لعندك ونروح مع بعض
ابتسم جاسم : بكون بانتظارك
فياض ابتسم : والله ماودي تروحون انكم صرتو اخوه اشد ضهري بكم
ابتسم هزاع : حتى وان تفرقنا لزوم نجتمع بين الحين والثاني ماهو كل واحد ينسى وينشغل بالقبيله
جاسم : بكل الاحوال بنجتمع باعراسنا ترى كلنا عزابيه
هزاع ابتسم : باذن الله انا الاول
ناظره جاسم تحته : انت بعدي لانك تحتي
ناظره هزاع : شرط يعني
ابتسم جاسم بثقه : اي
مسك هزاع يدين جاسم وسحبه اكثر لفوقه وحط رجلينه تحت جاسم وقفزه من فوقه وراح ماسكه وقاعد عليه وجاسم يضحك متفاجاء : باين مستعجل على الزواج
متعب : اراهنك ياهزاع انك حاط ببالك بنيه
ابتسم هزاع وبانت صفت اسنانه تلمع
ضحك فياض : اجل اصبر لين ننهي ذا الغزو لاجل نفرح فيك زين
هزاع : اي باذن الله قريب ينتهي كل شي واتزوج
جاسم : اقول اهجد تراك حتى ماخطبت
هزاع : الي يسمعك يقول انك خاطب
جاسم بثقه : اي خاطب
ناظروه كلهم بصدمه ماعدا زيد الي ابتسم : بالبركه يابو زيد
فياض ابتسم : تدري انه خاطب
زيد : شبه خاطب
متعب رماه بالمخده : وماتقول لنا يالخاين
تركه هزاع وابتسم : لو تموت ماسبقتني لروح لعند البنيه واطرح جيهاني عندها
ابتسم جاسم : والله لو تسوي المستحيل وانا اقول لها نعرس بنعرس
فياض : الله يالثقه خف علينا اشوي
هزاع ناظر فياض وقرب له وقعد قدامه : طلبتك يافياض
ابتسم فياض بغرابه : جاك لو هي حياتي
هزاع بتردد : ودي اناسبك واخذ اختك ويشهد الله عليا اني احفظها واصونها
فياض ناظره لثواني ماهو مستوعب : هااه اييه
هزاع بقلق : ووشوو اييه هااه
ضحك فياض ووقف ووقف معاه هزاع : من فرحتي والله واقول لك قدام الكل جاتك
ضمه هزاع فرحان من قلبه : يشهد الله اني اخليها بعيوني
ناظر زيد لكنعان وحس بشي بصدره تخيل حاله مع كنعان طرف كنعان عيونه لزيد ونزل راسه ورد ابتسم : هزاااع مبرووك ياخوي
متعب : الله يتمم لك على خير ياهزاع
جاسم مبتسم : مبروووك وان شاء الله تعرس بعدي
متعب ابتسم : اجل طلبتك ياهزاع
هزاع ابتسم : سم ياخوي
متعب : طلبتك اختك لي حليله
ناظره هزاع بصدمه واختفت ابتسامته تدريجيا
متعب بصدمه : وش فيك ياهزاع
ناظر هزاع حوله وخاف على هند اكثر : والله يامتعب بقـ
سمعو صوت هند تصرخ ودخلت المجلس بينهم
هند : هزااع ياخوي الحقو الحقو
فز هزاع ومسكها يهديها : وش وش الي صار
هند وترجف يدينها بخوف : ال الرجال ممسك ف فهده
سحب فياض سيفه وحتدت اعصابه : والله اني قاتلك يانواف وينهم
هند : اي اي نواف تقول فاطممه نواااف
جاسم : هدي ياخيه لاتخافي وين هن
هند : اي اي عند الغدير
نطو لفوق الخيول الا هزاع الي ضم اخته ومتعب الي يناظر هزاع بهدواء
هزاع : لاتخافي محد بيقرب لك اقطع يدينه ورجوله هدي اشوي هداء تنفس هند شوي : انا بروح لخوله
هز هزاع راسه وراحت تجري ودموعها بدت تنزل بخوف
متعب : هزاع وش الي كنت بتقوله
التف هزاع مستغرب توقع انه راح معاهم : والله يامتعب القصه معقده اشوي مدري وشلون اقول لك
متعب رفع حاجب : يعني هند محجوزه او ماتبيني
هزاع زم شفايفه : يشرفني تكون زوج اختي بس المشكله بهند
متعب عقد حواجبه : وشلون يعني قول لي ياهزاع
تنهد هزاع وحط يدينه على وجهه ونزلهم : ترى حصل شي بس مادري وش صار
متعب الي تعقدت كل افكاره : هزاع قول ياخوي اتعبتني
اخذ هزاع نفس عميق : لما كنا صغار وكانت هند بعمر اربع سنين لقيناها بين التلال البعيد بعد مادورتها من الصباح لين لقيتها قبل تغيب الشمس بس الي صدمني كانت ههد بها دم ومجروحه باكثر من مكان ولقيت قربها قميص رجال مادري وش صار او او
تنهد هزاع وناظر للبعيد : او وش حصل لهند كل الي قدرت اسويه اني اخذتها للغدير خوف من الافكار الي وردت لعقلي غطستها بالمي لين اختفى لون الدم واخذتها لبوي مسرع وكانت هند مغمى عليها وماصحت رغم المي
متعب الي منصدم : ووش صار
هزاع بهدواء عكس النار الي تشب بصدره : لما لقاها ابوي سالني وش الي صار وقلت له ان الذياب هجمت على هند وبكذا سكرنا السالفه
متعب : يعني محد يدري بالي صار لها حتى ابوك ياهزاع
ابتسم هزاع بحزن : اي لجل كذا اي حد يتقدم لهند ارفضه بدون اي تفكير لكن خفت ارفضك بدون ما اقول لك السبب وتشيل بخاطرك مني
متعب حرك عيونه بعشوائيه يستوعب الي انقال معقول الي حصل لها : وهند تعرف
هز هزاع راسه : لا ماتدري وماودي تدري اخاف ياثر عليها الموضوع
متعب : وماتقول ليه ترفض الي يتقدمون لها
ابتسم هزاع : لو طلبت منها تبقى عندي بدون زواج ماتقول لا هند طيبه بالحيل
متعب : وتتوقع خوفها هذا من الرجال الي مسك فهده مبرر للي صار
هزاع نزل نظره للارض : وهذا الي خايف منه واحوال ارفضه من تفكيري ودي اصدق ان الذياب الي هجمت عليها
ابتسم متعب بهدواء : اجل علمها اني ابيها
ناظر له هزاع بصدمه : وش تقول
متعب بشهامه : ابيها زوجه لي
هزاع ابتسم : توقعتك ترفض
متعب : شي صار من زمان وش له متذكره الي صار صار
ضمه هزاع بفرح بيتزوج اهو واخته ماهو مصدق
بعده عنه متعب اشوي : خلنا نلحق عليهم
،
فاطمه بصدمه : نواااف
ابتسم نواف والي ماسك فهده ومكتفها : وش تتوقعين اني بترك فهده لغيري
فهده بحقد الكون : باحلامك تلمس شعره مني
ضحك نواف باستفزاز وحط يده الثانيه حول خصرها وضمها : هذا انا ضامك ماهو بس بلامسك
تقرفت فهده منه وحاولت تقاوم
فاطمه : وقسم يانواف ليقتلك فياض اليوم قبل بكره
نواف : هذا اذا لقاني تراجع خطوات لوراء ويسحب فهده معاه
هند تحركت تجري بخوف وتتخيل اشياء خوفتها اكثر
ناظر نواف للي جرت وخاف توصل العلم بسرعه ضرب فهده بقوه على راسها لين غابت عن الوعي وحملها وراح منطلق يجري
نجلا تحس حالها متجمده ماتقدر تسوي شي اوتتحرك
اما فاطمه صارخت باعلى صوتها وتجري خلف نواف وعيونها متعلقه باختها
وصل فياض وناظر مالقى احد ناظر لنجلا بصدمه يحس بجسمه شب : ووووين خواتي
نجلا ناظرته ببلاهه وتدور بعيونها على متعب : هااه
زيد بصراخ يوعيها : نجلاااا وين البقيه
نجلا نزلت دموعها بخوف : الرجال اخذ فهده وجرى وفاطمه راحت تجري وراه
انطلق فياض من الجهه الي اشرت عليها نجلا وانطلقو زيد وجاسم اما كنعان نزل من فوق خيله وقرب من نجلا وفتح الجربه المي ومدها لنجلا الي ترجف : خذي لاتخافي مابيصير شي
ناظرته نجلا بعيون دامعه وبخوف تنطق : ضـ ضـربها براسها ا اغمى عليها
ابتسم كنعان : مابيقدر يخرجها من القبيله ولابيقدر ياذيها لانه يحبها على ما اضن
نجلا شهقت بخوف : وو وين ممتعب
كنعان : جايي وراي خذي اشربي
مدت يدينها وكانت اصابعها ترتجف اخذت المي بيدينها الثنتين
اما كنعان حس برعشت يدينها بقلبه ارتعش قلبه وحاول يضبط حاله : الحين يجي متعب لاتخافي
هزت هند راسها بزين والتفت عنه تشرب مي
وصل متعب وهزاع ونط متعب من على خيله وقرب لنجلا الي ارتمت بحضنه تضمه بخوف
متعب : لاتخافي انا معك
كنعان : دامك وصلت انا بلحق البقيه
هزاع : وانا معك
،
دخلت هند الشق الي فيه خوله تبكي وتشاهق
رفعت خوله راسها تناظر هند مستغربه وكان تو الحرمه حطت العلاج على جروحها ولفتهم باحكام
هند : خوووله لحقي علينا ياخووله
خوله ومو فاهمه شي : وش صار ياهند
هند : الرجال اخذ فهده ياخوله
خوله فهت اشوي : ومنو ذا الرجال
هند ببكاء : مدري سمعت فاطمه تقول نواف
الحرمه بصدمه : وشلوون نوااف ماغيره
خوله ناظرت الحرمه : وش القصه
الحرمه خافت على فهده : هذا يابنتي رجال ماهو صاحي كان يهوى فهده لكن حصلت هواشات وارفضه فياض ياخوفي عليك يافهده
لمت خوله شعرها بحركه سريعه واخذت الشيله واللثمه
هند : وش بتسوي
خوله : بروح لها
الحرمه : مايصير يابنتي وكاد الرجال راحو وراه
هند : اااي كلمتهم وراحو
خوله : يعني بقدر الحق بهم
اخذت خوله سيفها : باي اتجاه
هند بدموع : كنا عند الغدير وراح الرجال باتجاه المرعى
خرجت خوله من شق ونطت لفوق خيلها وتحركت به بسرعه تسابق الريح
،
وقف فياض بخيله ونط من فوقه بسرعه وضم اخته الي طاحت على الارض تبكي وتنادي اختها : فاطمه فاطمه
ناظرت فاطمه لفياض وبخوف : لحق يافياض على فهده لحق عليها بسرعه ياخوي
فياض : سمعي زين روحي بسرعه لعند سالم وعطيه خبر
نزل جاسم من خيله : خذي خيلي ياخيه لاجل تسرعين
نطت فاطمه تخبي خوفها لانه ماهو وقته وانطلقت بسرعه تسابق انفاسها
زيد : جاسم نط نلحق على البنيه
قرب منه جاسم ونط لوراه : ودي اشوف سرعت خيلك الي تشمخ بها
ابتسم زيد وانطلق يلحق على فياض الي تحرك بعد ماراحت فاطمه
،
عننند ذييب الي سال كم سال وعرف بهم ان نواف في القبيله راح لخلف المرعى يدور شي كان براسه ناظر وعمق تركيزه سمع صوت صهيل خيل وراح لعند الرعيان
ذيب بفضول : ياولد لمن ذا الخيل
الراعي الاول : ومن انت لاجل نخبرك
ذيب برفعة حاجب : انا ذيب وصديق فياض ووالله لو ماتتكلم انت وياه اني ذابحكم ومايقول فياض غير فداي
الراعي الثاني بخوف : ههذا خيل نواف
ذيب بحده : وليه حطه هنا
الراعي الاول : يقول بيروح يجيب شي ويرد بسرعه
شك ذيب بذا الموضوع ومن ثم ابتسم : ادخلو خيمكم وماتطلعون حتى لو يناديكم نواف فاهمين
هزو روسهم بخوف وراحو لداخل خيمهم بدون كلام
ابتسم ذيب : اييه جل بتروح تجيب شي والله عند فضول اشوفك واشوف ذا الشي
تحرك ذيب والتف لوراء خيمة الرعيان وخرج سيفه وتلثم بغترته زين
،
خوله منطلقه بخيلها تسابق الرياح للمرعى لان ماله داعي تروح للغدير ومابتستفيد شي ناظرت من بعيد وحاولت تركز كان به رجال حامل حرمه ويجري لخيل وكانه مجهز حاله للهرب لكن على وين
ضغطت اكثر على خيلها وفعلا سابقت الريح
،
قاعد وكان هموم الدنيا كلها فوق راسه من علم ان نواف بالقبيله حاول يبعد الفكره الي تراوده عن نواف والغزاه ماهو مصدق معقول نواف يسويها وش بيسوي فياض فيه لو شك بس انه نواف السبب بدخول الرجال الي حاول يقتل الشيخ تنهد بحسره وخوف نواف قاعد له بالبلعوم لا هو الي راح واختفى ولا هو الي قعد بالقبيله واخفاء الظنون عنه رفع راسه يناظر الخيل المقبل له من بعيد وباين ان الي فوقه حرمه ركز اكثر واكثر كلما قرب الخيل منه عقد حواجبه وانقبض قلبه هذي فاطمه متاكد من الي اشوفها قرب الخيل ودار حول سالم لاجل يهدي سرعته
فاطمه بصوت متهجد من البكاء : الحق ياسالم نواف خذاء فهده وراح
سالم والي كان متوقع حدوث الكارثه مير ماهي بذي الطريقه جرى لخيله وناظر لفاطمه : من وين راح
فاطمه وتشد على خيلها لاجل يتحرك : باتجاه المرعى
انطلق وفاطمه منطلقه قربه ودموعها تعميها مير يدها تمسح عيونها بسرعه لاجل تناظر
سالم : فاطمه
فاطمه : اامر
سالم : انا ابيك ومال علاقتنا اي خص بالمشاكل الي بتصير
فاطمه : اوعدك ما اتركك
،
عند ذيب الي انصدم توقع ان نواف بيسرق شي بيسوي شي بيقتل حد لكن ابد ماتوقع انه بيخطف بنيه وكتد ذي اخت فياض الي كان نواف يبيها لكن على وين مابيتركه ياخذ البنيه لو على جثته استعد زين لاجل ينطلق ويهجم عليه لكن بالوقت المناسب لاجل سلامت البنيه ماهي الا ثانيتين وافتجع من الي تدخلت بسرعه فايقه لوسط المكان
خوله بصوت قوي : على وين
نواف ناظرها شوي ومن ثم ابتسم : اعتقد تو جروحك مابرت وش الي جابك
خوله بحده : جابني ملك الموت لاجل اقطع رقبتك
نواف بعصبيه : وقسم بالله ان قربتي لاقتلها
استغل ذيب الفرصه وناظر خوله الي نزلت من خيلها وخرجت سيفها وبيدها اليسار الخنجر وناظر لنواف الي ماسك فهده بيد وبيده الثانيه الخنجر الي على صدر فهده وكان ملقي ظهره لذيب نزل ذيب من خيله مبتسم بمكر واشر لخوله لاجل تلهيه ويقرب من وراه
خوله الي انتبهت للاشاره ونطقت بصوت قوي : صدقني بقتلك مثل خويك واقطع راسك واخليك عبره لغيرك
نواف الي يحس برعب من ذي الحرمه والي للحين جثت صديقه الي انرمت بدون راس لسى بين عيونه : والله ان قربتي لقتلها والي يصير يصير
خوله : وليه ماتتركها وتروح ووتنفذ بجلدك
نوااف الي دخلت ذي الفكره عقله لكن ماوده يترك فهده بعد ماصارت بين يديه : مابترك فهده لو على جثتي
قطع ذيب نصف المسافه وبقت النص وماوده يتسرع ويحس نواف بالي وراه
رفعت خوله عيونها وناظرت شخص يزحف خلف ذيب وباين انه من الغزاه وبخوف تكلمت : لو انك ناظرت وش تركت وراك كان ما اخذت فهده وودك تروح
التف ذيب ويحس انه المقصود واتفاجاء بالرجالي الي جرى ناحيته اول ما التف له ذيب
قبل يلتف نواف يناظر وراه وقف فياض خيله قدب خوله وبتهديد صارم : اترك اختي قبل اشرب من دمك
نوااف بحقد دفين : والله يافياض لخليك توطي راسك وماتناظر غير القاع
اما ذيب الي يناظر الرجال وحرك سيفه بشكل موازي متاهب يصد اي هجمه بلمح النظر مر خيل بين الرجال وذيب وماناظر الرجال الا وراسه طايح على الارض ناظر ذيب لصاحب الخيل وكان زيد مبتسم
رد ذيب واتجه نحو نواف بسرعه وخفه وده ينهي الامر
فياض : نوااف تراك ميت ميت اترك اختي
نواف : وشلون بتقتلني واختك بين يديني
فياض : وتتوقع اني بترك سالم وامك بحالهم
ضحك نواف : والله سالم انت حر به وامي لاتنسى انها ربتك وماهي خالتك وبس ووقفت مقام امك بعد
خوله : وشلون تحبها وانت تاذيها
نواف : ووشلون ودك اتركها وانا احبها
وصل كنعان وهزاع وجاسم الي موقف خلف المرعى مستعد لاي شي يحصل
وزيد الي يناظر خوله ومركز معاها اما ذيب قرب وهداء سرعته ويقرب بحذر
خوله : واذا تحبها ترضى تذلها
نواف : بالعكس انا بعزها وبعيشها الحياه الي ودها ايها
خوله : واذا هي ودها قرب ابوها واخوها واذا هي ماتبيك وشلون تجبرها على حالك
نواف : مع الايام بتحبني
خوله : واذا حبتك تتوقع بتسامحك بسهوله بتنسى اهلها وقبيلتها
نواف : ماهو ضروري تنساهم مير ماتفكر حتى ولو تفكير ترد لهم
خوله : ترى حتى وان حبتك مابتنسى اهلها وانت جابرها على حالك بتتركك بيوم بعد ماتتاكد من ثقتك بها وتهرب وتتركك
نواف بعصبيه وشاد اعصابه من كلام خوله : اهي تحبني مير ذا الحقير الي فرقنا
خوله وتحاول تسيطر على الموضوع : ووش الي خلا فياض يفرقك عن اخته
نواف بهيجان : اساليه هذا هو بقربك اساليه
ناظرت خوله لفياض ونزل فياض راسه ومن ثم رفعه بهدواء : نواف حتى فهده بعد الي سويته اقسمت انها ماتبيك ولو ادري انها تبيك مامنعتها ولافرقتكم
نواف : كذاااب تكذب انت اسمعي اجل مني فياااض كان يبي يتزوج اختي ولما انا رفضت جن جنونه وقال بياخذها غصب عن الجميع
كنعان : انت انجنيت ماعندك اخت
نواف بصواخ : كااان عندي اخت لكن فياااض قتلها فياض لما قالت اختي انها ماتبيه قتللللها
انصدم الجميع وناظروا لفياض بصدمه
فياض ويحس النار بقلبه شابه : انا ماقتلتها انت ماتفهم وشلون اقتلها وقلبي من عرفت الدنيا وشفتها قدامي يدق باسمها
نواف : انت كذاااب
رفع ذيب سيفه ومتردد مابين يقتل نواف او يجرحه بقوه بحيث يقدر ياخذ البنيه منه بامان وقبل يتحرك
سالم بصراخ ويجري مسرع : لااااتقتتتتله
