جاسم بتفكير : ذيب عندي فكره لكن احسها متهوره اشوي
ذيب ناظره بتركيز : وش هي
جاسم : اسمع دام ان الغزو بيجينا باي وقت ليه ما .....
،
،
في الليل وبعد ماتكلم ذيب مع هزاع عن خطه محكمه عن الفجوه ونفذوا كل شي وتساعدو
هزاع : والله اني ممنون لكم وبذات انت ياذيب
ابتسم ذيب : ماسويت شي وهذا قليل بين الاخوان
هزاع : وانا اشهد انكم ونعم الاخوان
جاسم : والله يسعدني انكم لي اصدقاء واخوان وقليل الرجال الي مثلكم
كنعان : لكن ياذيب ودي اسالك وشلون خطرت ذي الفكره على بالك
ضحك ذيب : مثل ماشفت المره الاوله دخلو من هناك وماهو بواحد او اثنين دخلت مجموعه
وافضل فكره لردعهم دامهم بين جبلين حفره عميقه الي يندفنون فيها للابد والحاجز الي صنعناه من الخشب وحطيناه خلف الاشجار بيمنع اذا فيه حد قدر يتعدى الحفره وحاول يمر بين الاشجار بيتفاجاء به ومابيقدر بسهوله يخترقه وغير كذا بينحط اثنين حراس قربه
هزاع : والله انك ذيب فعلا
ذيب مبتسم : سلمت ياهزاع
هزاع : زيد متعب سلمتوا نبهتوني على ترتيب الحراسه زين
متعب : ماسوينا شي ياهزاع تشاركنا الافكار فقط
زيد : لاتنسى ياهزاع انك صرت منا وفينا واي شي ممكن يضرك بيضرنا
هزاع : والله يسعدني اكون منكم
ناظر هزاع لجاسم وكنعان : ولو لاكم كان الزاد والمي قل على قبيلتي وقتها كنت بنحط بموقف صعب
جاسم : وليه تنحط بموقف صعب وقبايلنا قرب بعض
كنعان : والله مالومك اكبر قبيله قبيلتكم وشلون بتاخذ كل شي على اكتافك وحدك لزوم نتعاون
ذيب يبي يغير الجو : ايييه ياخوفي بعد ذا الغزو تنسو ذا الكلام
متعب : لزوم يعني تدور المشاكل لفوق راسك
ابتسم ذيب : وشلون ادور المتاعب وانت بنفسك عندي
متعب : ذيب ترى ماهو كل مره اتساهل معك
ذيب : والله انك شيخ مامثلك اثنين ودي اشوف قبيلتك لما تكون انت الشيخ ههههه هذا اذا بقت قبيله
وقف متعب وقف كنعان بلاحول او قوه يأئس منهم
متعب : اتركني ياكنعان بشوف طول لسانه لوين يوديه
ضحك ذيب : هد اعصابك ياكل المتاعب محنا ناقصين
متعب بعصبيه : والله ان مسكتك ماتركتك
ذيب : ترى خلاص حفظتها والحين بتقول اتركني ياكنعان
متعب قرب ينجن من ذيب وكنعان ممسكه بكل قوته
كنعان : ذيب ياذيب ارحمني تراني وسط بينكم
زيد ببرود : اتركهم عنك ياكنعان تعال اقعد هنا
ذيب : ايييه اعتقدت انك نمت وشو له مفتح عيونك غمضهم نام ترى مامنك فايده بكل الاحوال ونوم الظالم عباده
زيد بهدواء : ترى مابرد عليك الرد عليك خساره
ذيب ضحك : هههههه ايه لاترد عليا لاجل تخسر لانك لزووم تخسر شي تغليه او تهواه
ناظر زيد والبرود اتحول لعصبيه : ذيب ترى مابسكت لك كل مره
ذيب : ووش بتسوي بتضربني جرب شوف اذا بترتاح من داخلك
زيد : وش تقصد
ضحك ذيب : حاول تفهم بالاول نفسك لاجل بالتالي تفهمني
وقف زيد والشرر يطل من عيونه ومسكه جاسم بسرعه
ذيب : اقول اشربو مي تهدي اعصابكم شوي
ابتسم هزاع على حالهم برغم الكلام الحد الي بينهم الا انهم في وقت الشدايد متماسكين
،
،
في الصباح كانو يتجهزوا للسفر وهزاع وهند اخته قرروا انهم ينضمو لهم
كنعان يناظر مبتسم : ماشاء الله صرنا كثير
زيد : اييه شفت شلون ياكنعان
ذيب : وينها خوله ماتفقدت الزاد والمي
ناظره زيد بحده والتزم الصمت
هزاع : تقول هند انها تعبانه اشوي
جاسم : مشكله اجل خلونا ناجل لبكره
هزاع : معليها شر هند ونجلا معاها وبيتفقدن الحين كل شي
حس زيد انه سبب الي صار وناظر للبعيد
كنعان : زين ياهزاع ودي اشوف حالها واتفقدها
هزاع : زين تعال معي
متعب : باقي لنا قبيله واحده وشله مايقعدن الحريم لين نرجع
ذيب : والله يامتعب اذا قعدت معاهن يقعدن واذا جيت معانا ترى مابنفرقهن
متعب بعصبيه وحده مسك ذيب من ياقته : وش تقصد اني حرمه
ابتسم ذيب : ترى بعض الظن اثم وانا ماقلت كذا
نزل ذيب يدين متعب من ياقته : انا قصدت تكون محرم لهن
متعب : وليه اخترتني انا
ذيب : ترى اختك وخوله الموجودات يعني ماغيرك انت وكنعان يصير تقعدون وكنعان ماوده يقعد او تقعد خوله هنا
صمت متعب ونظراته انحدت
وابتسم جاسم من قلبه لما فهم تصرفات ذيب
،
عند خوله قاعده تشرب اعشاب لاجل يخف الارهاق الي بها سمعت صوت هزاع : هند اتركي خوله وطلعي كنعان وده بها
وقفت هند وابتسمت لخوله
خوله : ماودي اضل هنيه ودي اطلع لكنعان
اخذت هند بيد خوله ووقفتها وطلعين
هزاع : طهوره باذن الله ياخيه
خوله : سلمت ياخوي من كل شر
هند : صبحك الله ياكنعان ترى حال خوله مايخوف لاتقلق مير انها تتغلا
ابتسم كنعان وعيونه لخوله : يصبحك ربي عافيه والله لو تدري خوله بغلاها لتصير مغروره
ابتسمت خوله : ياحبي لك ياكنعان ولو اني مدري بغلاي عندكم ماكان تدعلت عليك
هزاع : تعالي ياهند لاتقولين لي من بعد ليه ما ادلعك كذا
ضحكت هند ومسكت يد هزاع وراحوا
كنعان : وين ودك تمشين
خوله : خلنا نقعد هنا ماودي ابعد لاجل الحق اجهز الخيل
كنعان : زين وش صار ياخوله
خوله : وكاد صابني برد
تنهد كنعان : من مزعلك ياخوله
ابتسمت خوله : وش تبي اقلك ياخوي
كنعان : وش صار لذيب وزيد ادري انك كنتي هناك
ناظرت خوله كنعان بعيون لامعه : بالصدفه لقيت ذيب هناك وتكلمت معاه اشوي واقبل زيد معصب وماقدرت اتركهم واروح ولما راح ذيب حاولت اعرف وش الي معصب زيد
كنعان : ورد عصب فوقك
هزت خوله راسها بايجاب بحزن
كنعان : خوله ودي اسالك
خوله : وش ياخوي
كنعان : لما اقعد اتكلم معك لحالنا يصير او مايصير
خوله : اكيد يصير انت اخوي
كنعان : وذيب
نزلت خوله راسها لما فهمت مقصد كنعان : مايصير
كنعان : كلهم مايصير تكلميهم بلحالكم حتى زيد تراه غريب عنك ياخوله ناظري نجلا هذي هي معانا بالرحله لكنها ماتتكلم معانا
استيعبت خوله الي يصير واتضح ان كلام زيد كان صحيح وادركت خطئها : اعتذر ياخوي مدري وش صار لي
زم كنعان شفايفه : المهم ماتعيدينها ارجعي ياخوله زي ماكنا بالقبيله ماكنتي تكلمي حد
خوله منزله راسها : زين ياخوي
تنهد كنعان ماوده يضمها او يبتسم لها لجل ماتتهاون مره ثانيه : اجل تجهزي وجهزي خيلك اشوي وبنتحرك
وقف كنعان ووقفت خوله ناظرها بحزن من الي سوته والي صاير لها ومن ثم عطاها ظهره وراح
ماتركته عيون خوله ومن داخلها تمنت انه يضمها ويطمنها انه بقربها رمشت بعيونها ونزلت دمعه تمنت لو كانت بقرب ابوها لاجل ترتمي بحضنه
دخلت الخيمه تمسح دموعها وترجع لحياتها الماضيه
،
بعد ساعه من الاحداث كان الكل فوق خيولهم مستعدين للانطلاق
الشيخ ابو هزاع : ماناقصكم شي ياعيالي
جاسم : سلمت ياعمي الشيخ الحريم جهزن كل شي
الشيخ ابو هزاع : تراكم عيال مشايخ وكاد الغزو يتبعكم خلكم حذرين والله الله بالحريم ترى لا اوصيكم عليهن
هزاع بنخوه : ترى الحريم بين الرمش والعين مايصيبهن اذى باذن الله
الشيخ ابو هزاع : وودي اوصيكم تحركوا في الظلام وناموا في النهار تسلمو روسكم
ذيب : وذا عين العقل ياشيخ وبنمشي بوصيتك
الشيخ ابو هزاع ناظر للحريم : ها ياحريم جاهزات
هند : باذن الله جاهزين
الشيخ ابو هزاع : لا اوصيكن يابناتي تبقين قرب الرجال لجل يحموكن
خوله : لاتخاف ياشيخ نقدر نحمي حالنا
الشيخ ابو هزاع ابتسم : ترى الحرمه ترفع وتنزل الراس
خوله : باذن الله نرفع وماننزل
الشيخ ابو هزاع : استودعتكم الله
تحركت هند وعيونها معلقه بعيون ابوها
وتحرك الجميع متجهين للوجهه الاخيره
