𝐓𝐄𝐑𝐄 𝐋𝐈𝐘𝐄

Yeh Jeevan Hai

Ek taraf toh durr se hi muskurati zindagi,
Ek taraf halaat khasta yeh batati zindagi.
Ek taraf yeh zindagi chalti, uchalti, daudti,
Ek taraf bas ladkhadati baith jaati zindagi.
Yuh toh yeh mayoos hone ka nhi deti samay,
Ek taraf bas aapki palke bhigati zindagi.
Uske aane aur jaane mein fakat yeh fark hai,
Durr jati maut hai toh pass aati zindagi.
Is Kahani mein toh bas yeh ek hi hai falsafa,
Haarta hai hausla toh haar jati hai zindagi.

Ab yehi toh zindagi hai, yehi toh jeevan hai, jahan thodi khushiyaan hai, aur thode ghum bhi, kahin chaav hai toh kahin dhoop bhi, aur kabhi jeet hai toh kabhi haar bhi. Sameer aur Naina bhi apne jeevan ke ek naye roop ko dekhne wale the..jahan khushiyon ke dayre bandhne wale the aur ghum belagaam hone wale the.

Naina's VO
Mere aur Sameer ke ishq ki naav mein jo anbaan ke ched se galatfehmiyon ka paani aaya tha use toh humne kisi tarah se bahar nikal diya tha. Par hum apni kashti ko phir bhi doobne se nhi bacha paye the. Vhi anbaan ka ched, vhi gusse ka bavandar, vhi galatfehmiyon ka paani ek dusri naav ko aakhirkar dooba hi gaya tha. Pata nhi zindagi sach mein itni mushkil hoti hai ya hum ise khud mushkil banate hai.

Vivek- Sameer..

Vivek coming back from office, shouting Sameer's name in anger.

Vishakha- Kya baat hai Vivek..itne gusse mein kyu lag rhe ho.

Vivek- Vishakha..Pucho apne bete se. Kya karname karke aaya hai.
Mera pura business barbaad karne par tula hua hai tumhara beta.

Sameer- Maine aapko kaha tha ki woh client shi nhi hai. Agar aapne waqt rehte meri baat..

Vivek- Oh Just Shut up Sameer. Apni galti accept karna seekho. Mujh par blame dalne ki koi jarurat nhi hai.

Sameer- Blame nhi kar rha hoon. Manta hoon meri galti thi. Lekin aap kya kar rhe the tab.
Aapko bahut pehle pata chal chuka tha ki yeh loss hone wala hai hume..par aap haath par haath rakhke baithe rhe. Aur rehte bhi kyu nhi..is nuksaan ka saara zimmedar mujhe jo therana tha, mujh par chillane ka ek bhana jo chahiye tha aapko. Aur Business hai..yeh sab toh hoga hi.

Vivek- Don't tell me about Business. Jo khud ek failure ho bas vhi aisi baatein kar sakta hai. You proved it today..Failure failure hi rehta hai Sameer.

Naina- Papa please shaant ho jaiye. Hum sab milke..

Vivek- Naina..you just stay out of this.
Apne pati ki vakalat mere saamne toh mat hi karna. Kyuki mujhe pata hai kitna nakamyab hai yeh.

Sameer- Naina ko isme involve karne ki jarurat nhi hai. Use isme mat ghasitiye. Jo kehna hai mujhe kahiye.
Jitna nuksaan hua hai..main bharpai karuga, main compensate karuga.

Vivek- Compensate..aur kaise.
Mere paiso se ya mere hi business se.
Aukaat hi kya hai tumhari mere buna..ek baar yeh Maheshwari apne naam se alag karke toh dekho..aukaat apne aap nazar aane lag jayegi.
Jis paise par itna ghamand kar rhe ho na tum..woh mera hi kamaya hua hai. Jo kapde pakar ghum rhe ho, jis chhat ke neeche reh rhe ho, jo khana kha rhe ho, jis paise par aish farma rhe ho na..woh sab mera kamaya hua hai..jise tum apni bewkoofiyon se dooba rhe ho.

Sameer- Is paise ke alava kamaya hi kya hai aapne aaj tak. Meri har jarurat ko toh poora kar diya..par kya kabhi ek pita ke farz ko poora kar paye hai..Nahi. Jin kapdo ki baat kar rhe hai..bachpan se lekar aaj tak kabhi kharidne gaye hai mere saath..Nahi. Jis khane ki baat kar rhe hai..aaj tak kabhi baithke khaya hai aapne mere saath..Nahi. Jis chhat ki baat kar rhe hai..kya kabhi isi chhat ke neeche bina lade mere saath do pal bhi baithe hai..Nahi. Meri har jarurat toh poori kari aapke is kamaye hue paise ne..par shayad ek baap ka pyaar nhi de paya aapka yeh paisa. Sab kuch kharid sakte hai na aap apne is paise se..lekin apne bete ko nhi kharid payege, uske mann mein aapke liye pyaar ko nhi kharid payege, uske dil mein aapke liye izzat ko kabhi nhi kharid payege. Failure lagta hoon na main aapko..ho sakta hai shi keh rhe ho..lekin aapke jitna ek Failed Baap toh main kabhi nhi banuga.