𝐓𝐄𝐑𝐄 𝐋𝐈𝐘𝐄

Hum Tum

Har shaam dhale ek duje ke sang honge jab HUM TUM,
Kuch purani baatein..karke,
Ghar ke soone aangan ko..
Payal se chanka dena tum.

Baithege jharokhe mein haath thame hue jab HUM TUM,
Kuch bhuli bisri yaadein..leke,
Chai ki har ek chuski par..
Thoda sa muskura dena tum.

Har sehar ek dusre ki baahon mein jaagege jab HUM TUM,
Kuch kavitayein..likhke,
Kandhe par phir se rakhke sir..
Un nazmo ko gaa dena tum.

Chandni hogi raat, aur honge saath jab HUM TUM,
Kuch dabi chahatein..jatake,
Mohabbat se aur mohabbat.. Karna seekha dena tum.

Kehne ko toh hum hum hai aur tum tum, jaise kaale badal se hum aur chamcham baarish si tum. Teekhe golgappe se hum aur meethi jalebi si tum. Garmiyon ki dhoop se hum aur mausam ki baraf si tum. Do alag alag wajood par ek hona hai jarur..tum hum, hum tum. Aisa hi toh the Sameer Naina bhi, unki kahani bhi, unke kisse bhi aur unke pyaar ke hisse bhi.

Sameer- Mana ki beta 15 din baad ghar aa rha hai, lekin aur kitna sajayogi is kamre ko.

Naina- Bas..acha lagta hai, uske liye yeh sab karna.

Sameer- Use bhi..
Jab se use yeh baat pata chali thi Naina ki humara usse koi khoon ka rishta nhi hai, woh kahin na kahin humse do kadam ki durri banane laga tha, lekin tum bhi apne pyaar ki dose double karke uske chaar kadam kareeb aa jati thi.

Naina- Dil ka rishta tha..kamjor kaise padne de sakti thi.

Sameer- Tabhi toh sabse badhkar pyaar karta hai tumhe woh. Aur tum use..

Naina- Bol toh aise rhe ho jaise tum nhi karte..apne peeche dher saari Chocolates apne bete ke liye hi chupakar laye ho na. Inhe rakhne ke liye hi mujhe yahan se bhaga rhe ho na.

Sameer- Itna bada ho gaya hai Prem..par Chocolate ke liye aaj bhi baccha hai.

Naina- Baccha nhi hai woh bilkul bhi..shaadi ki umar ho rhi hai. Aur phir use vakai ek aisi ladki ki jarurat hai jo uski kamyabi par taali bhi bajaye, aur uski nadaani par use ek thappad bhi lagaye.

Sameer- Not this time Naina..Prem keh chuka hai na ki use abhi shaadi nhi karni hai, toh bas baat khatam. Aur tumhari har baat sunta hai iska matlab yeh nhi ki use jabardasti Dulha banakar Mandap par baitha dogi.

Naina- Tumhe lagta hai main jabardasti karugi usse.

Sameer- Kya bharosa..

Maina- Mumma Papa..Time break. Abhi koi #war nhi. Arey yaar do din baad shaadi hai aap dono ki phir se..25th Anniversary celebration aur aap dono yahan ladd rhe ho.

Sameer- Main kahan ladta hoon Princess, woh toh yeh Naina hi..

Naina- Haan haan tum thodi ladte ho..Ladaku No. 1.

Maina- Bassss..
No more jhagda. Understood.

Both nods their heads just like two innocent childs.

Maina- Good.
Chalo ab mere saath mujhe aap dono ko kuch dikhana hai.

Naina- Arey par kahan..

Holding their hands, Maina takes both with her, to show them the clothes for their 25th Anniversary celebration.

Naina- Yeh..yeh lehenga, yeh sherwani toh humari shaadi ka joda hai.