𝐓𝐄𝐑𝐄 𝐋𝐈𝐘𝐄

Dil Hai Ki Maanta Nahi

Aansoo aa jaate hai
aankhon mein,
Magar hothon par
hassi lani padti hai,
Yeh mohabbat bhi
kya cheez hai,
Ek se karte hai,
Aur hazaro se
chupani padti hai!

Dheere Dheere hi shi Sameer Naina ek dusre ki zindagi ka ek bahut khubsurat sa hissa ban chuke the. Aur yeh School hi thi woh bagiya jahan inke pyaar ko panapte dekha, khilte dekha, aur kabhi kaanton se chubte hue bhi dekha.

In Classroom
Preeti- Naina tune notice padha School me jald hi Annual Function hone wala hai. Kitna maza aayega na yaar. Poora mahina padhai se chutti aur bas maze hi maze.

Naina- Kya Preeti tujhe maze sujh rahe hai aur mujhe yeh sochke tension ho rhi hai ki annual function ke baad humare annual exams bhi aa rhe hai.

Preeti slaps her forehead.

Preeti- Phir se tere andar Einstein aur Newton ki aatma aa gyi kya. Tujhe exam ke alawa kuch aur soojhta nhi kya Naina Devi.

Naina- Preeti ki bachi tujhe toh main chodungi nhi.

Preeti- Uske liye tujhe mujhe pakadna padhega aur uske liye tujhe bhagna padega. Jo tere bas ka nhi hai.

They stops their quarreling as the teacher enters the class.

Teacher- Toh students aap logon ne Annual Function ka notice toh padh hi liya hoga.
Toh humari class us function mein Gujarati Dance - Dandiya perform karegi, jisme kuch bache jodi bnake dance karege aur kuch akele.
Aur iski selection aaj Recess ke baad niche hall mein hogi.
So All the Best.

Sameer (to himself)- Kaash kuch aisa ho jaye ki main aur Naina ek sath Dance kar paye.

Naina (to herself)- Pta nhi ab main Sameer ke sath Dance kar bhi payugi ya nhi. Waise bhi woh kitna acha dance karta hai aur main Dance mein ekdum fisaddi. Kaise humari jodi ban payegi is dance performance ke liye.

After Recess In Hall
First the boys gave their dance trial one by one and as expected Sameer does the best. Naina gets nervous after seeing this.

Naina (to herself)- Kya jarurat thi ise itna ache dance karne ki, ab agar mujhe iske sath dance karna hai toh mujhe bhi iske jaisa dance karna padega.

Sunaina- Hey Naina tum yahan kya kar rhi ho tumhe toh upar Mam bula rhe the. Koi jaruri kaam hai unhe tumse.

Naina- Abhi is waqt? Par abhi toh yahan selection chal rhi hai.

Sunaina- Par mam ne toh mujhe abhi tumhe bulwane ko kaha tha.
Agar tumhe nhi jana toh main Mam ko mana kar aati hoon

Naina- Rehne do, ja rhi hoon main.

Sunaina (to herself)- Ab mazaa aayega bahut shaunk hai na ise meri jagah lene ka. Ab dekhti hu ki kaise yeh behanji is Dance performance ke main part mein aa payegi. Ise toh background mein hi dalege.

Dance Teacher- Toh Girls ab aapki baari hai Selection ki. So Are you ready?

All girls- Yes Sir.

Sameer (to himself)- Yeh Naina kahin dikahi kyu nhi de rhi. Pata nhi kahan chali gayi. Ab agar yeh yahan nhi hogi toh iska mere sath Selection kaise hoga.

Otherside
Naina (to herself)- Kahan phasa diya us Sunaina ne. Kab se Mam ko dhund rhi hu mil hi nhi rhe. Aur udhar Selection ka bhi time ho gaya hai.

After some time she reached to hall and gets shocked when all students are rehearsing for their Dance; Sameer and Sunaina are dancing as Couple.