𝐓𝐄𝐑𝐄 𝐋𝐈𝐘𝐄

Ek khoobsurat Yaad

Saari zameen hai,
Saara samaa hai,
Sara aasmaan hai,
Ishq koi manzil nhi,
Yeh toh ek khoobsurat
karwaan hai.

Ishq ka ek aisa hi karwaan tha jiski apni hi kuch yaadein thi..kuch kadwi, kuch meethi. Jisne mohabbat ki saragam mein ek naya sur jod diya tha, Sameer Naina ki ek khoobaurat yaad ka hissa banke.

Naina's VO
Hum sab ki zindagiyon mein bahut si yaadein banti hai. Khaskar bachpan ke dino, mohabbat ke dino mein. Humare sath bhi aisi hi kuch yaadein bani; humari sabse khoobsurat yaad 'School Magazine'.
Woh school ki ek magazine sirf kuch kagaaz ke panne nhi the, balki woh toh ek aisi kitaab thi jisme mere aur Sameer ke rishte ke bahut se pehlu chupe hue the; humare unakhe pyaar ka dard, humari mohabbat ke unsuljhe jazbaat, humare ishq ke hazaaro rang.
Kise pata tha ki ek ordinary si School Magazine mujhe aur Sameer ko ek dusre se jode rakhegi, kise pata tha ki woh magazine humari taqaat banegi us daur mein jab main aur Sameer judaai ki chaukhat par khade honge, kise pata tha ki woh kuch panne humare haseen palo ki sabse khoobsurat yaad ban jayege.
Kitne saal se main aur Sameer ek dusre ko jante the, ek dusre ke dost the, ek dusre se pyaar karte the par phir bhi itne saloon mein bhi humare pas aisi koi bhi cheez nhi thi jo hume ek dusre ka ehsaas dila sake par tab hume ek sahara mila ek aam si, ordinary si School Magazine ka.

In School
Munna- Aur bhai kiske liye love letter likhe ja rhe hai.

Sameer- Kya munna tu bhi.

Pandit- Arey chenu yeh toh nayi dulhan se bhi zyada sharma rha hai.

Then Sameer stares at both of them.

Sameer- Abhi teacher ne bataya tha na ki School Magazine ke liye koi article ya poem likh ke deni hai.
Toh bas usi ke liye ek kavita likh rha hu.

Munna- Humara bhai kab se lekhak ban gaya.

Pandit- Lekhak nhi re Kavi.
Chal bhai tu likh hum zara canteen ka ek round maar ke aate hai.

Sameer(to himself)- Dekha Naina mere doston ko bhi vishwas nhi ho rha ki main kuch likh sakta hoon par dekho main aaj likh rha hoon sirf tumhare liye taki hum dono ka naam ek magazine mein saath likha ja sake. Jab se mujhe pata chala ki tum is magazine ke liye kuch likh rhi ho tabhi se maine decide kar liya tha ki wedding card ka toh pata nhi par kum se kum is School Magazine mein humara naam ek saath jarur aayega.

After some days.
Mam- Toh Students aap logon ne itni mehnat se magazine ke liye jo kuch bhi likha tha unhe review karne ke baad magazine print hoke aa chuki hai.
Naina yeh saari copies sab bacho mein baat dena.

Naina- Yes Mam.

Preeti- Dekh na Naina teri photo nhi publish hui is mein.
Aur dusre kitne bachoon ki hui hai.

Naina- Preeti tu janti toh hai ki in mein sirf unhi ki photo print hoti hai jinhone padhaai ke alava kisi aur co-curricular activities mein part liya ho. Aur tujhe toh pata hai na maine padhai ke alawa aaj tak kisi aur chiz mein participate hi nhi kiya.

While reading the magazine, Naina's gaze fall onto one picture.

Naina(to herself)- Kya ho gaya jo meri photo nhi print hui, kum se kum tumahri toh print hui hai Sameer.
Kitne ache lag rhe ho mann toh karta hai ki 24 ghante bas ise hi dekhti rahu.
Tumhari is tasveer ko dekhte waqt toh aisa lagta hai jaise mano tum mere samne hi ho, is tasveer ko chukar aisa lag rha hai jaise main tumhe mehsoos kar pa rhi hoon.

Otherside
Pandit- Kya dhund rha hai bhai is magazine mein

Munna- Waise hume pata hai ki tu kya dhund rha hai.

Pandit- Arey ek tasveer ke liye kyu thak rha hai bhai hume bol deta.

Sameer- Tumhe kaise pata ki main tasveer..

Mundit- Kya yaar pehli baar teri photo chapi hai toh tu is magazine mein vhi hi dekhege na.

Sameer- Nhi, main toh bas Naina....

Mundit- Naina??

Sameer- Na..Nai..Naina ko maine ek aur poem di thi ki Mam ko dede vhi dekh rha hu ki print hui hai ya nahi.
(to himself)- Haash bach gaya.

Sameer's VO
Kitni lucky thi na Naina ki uske pas sirf school ki magazine hi nhi thi balki apni mohabbat ki tasveer bhi thi.
Waise lucky toh meri woh tasveer bhi thi kyuki Naina ka first real confession, uska first hug, uski first kiss sab kuch us tasveer ko mila tha, mujhe nhi.
Aur main bechara sirf Naina ke naam ke akshar ko chukar hi usko mehsoos kar leta tha.
Khaskar us waqt jab mujhe uski bahut jarurat thi, jab woh mere sath nhi thi, jab humare beech thi toh sirf duriyaan. Tab yeh magazine hi toh thi jo meri himmat bandhti thi, yeh magazine hi thi jo mujhe Naina se jode hue thi, mujhe thame hue thi.

Naina's VO
Sameer bhi ek number ka jalkukda tha, varna kon apni hi tasveer se jalta tha.
Waise yeh tha toh sach ki maine Sameer ki tasveer ko hi apni life ka sabse pehla hug diya tha; tab jab mujhe har kisi se darr lagta tha par us tasveer ko chuke aisa lagta tha jaise Sameer khud hi mujhe apni bahoon mein rakh ke sabse bacha rha ho.
Yeh bhi sach tha ki us tasveer ko hi maine apni life ki first kiss bhi di thi; jab main bahut khush hoti thi, sab acha lagta tha toh saara pyaar us tasveer par luta deti thi.
Aur itna hi nhi uski woh tasveer ne mujhe har mod par dekha hai jab jab main chup chup ke royi hu, jab jab mujhe koi aisi baat share karni hoti thi jo main kisi ko nhi keh pati thi, jab jab mujhe koi aham faisla lena hota tha. Tab tab main us Magazine ki aur dekhti thi. Aur fortunately har baar woh Magazine mujhe sambhalti thi.

Shabad toh bas jariya hote hai, darasal manzil toh ek kahani hoti hai. Aisi kahani jise likhne walo ke naam un dino ek saath ek kitaab ka hissa the. Aur aane wale waqt mein unki yaadon ka hissa. Kise pata tha woh do naam phir se ek din aise hi apni hi kitaab ki kahani ka hissa banege..ek Lekhika aur ek Kavi ke roop mein.

।।तेरे लिए।।