𝐓𝐄𝐑𝐄 𝐋𝐈𝐘𝐄

Aamdani Atthani Kharcha Rupaiya

Hairaan hoon teri khudai par,
Tune waqt toh diya..
Lekin thoda kum diya,
Khushiyaan bhi di thodi..
Magar zyada gum diya.

Akal kacchi thi jab..
Tab hausla diya,
Udna seekha jab,
Tab ghausla diya.
Paisa jab tha bada..
Soona ghar tha diya,
Paisa nahi hai ab..
Par pyaar jeb bhar diya.

Hairaan toh hoon..
Par chalo zinda hoon,
Ek haath ko thame..
Udta ek parinda hoon.

Mahaz sapne dekhna toh kaafi nhi hota, koshishe karni padhti hai, kabhi gardishe mitane ke liye toh kabhi khwaishe poori karne ke liye. Aur agar aisi hi ek pyaar ki dastaan mein do behtareen shabd jud jaye; "Budget aur Bachat", toh usi dastaan ke kuch undekhe, unsune panne khul jate hai.

Naina- Sameer..suno na..

Sameer- Mujhe kuch kehna hai.

Naina- Mujhe bhi kuch kehna hai.

Sameer- Acha..kaho pehle tum..

Naina- Nhi pehle tum.

Sameer- Kaha na pehle tum.

Naina- Maine bhi kaha na pehle tum.

Sameer- Pehle tum..

Naina- Pehle tum..

Sameer- Tum..

Naina- Tum..

Sameer- Kitni ziddi ho na Naina tum.
Toh suno..mujhe Job mil gayi hai.

Naina- Sacchi..

Sameer- Tumhare Birthday par Resume send kiya tha..abhi abhi call aaya, kal se bulaya hai. Aur dekhna is baar main poora dil lagake kaam karuga.
Acha ab tum bhi toh batao kya keh rhi thi.

Naina- Mere pass bhi na ek good news hai.

Sameer- Kahin tumhe bhi toh job nhi mil gayi.

Naina- Aisa kuch nhi hua hai..haan CV send kiya hua tha par ab tak bulava nhi aaya.

Sameer- Der aaye..durust aaye.

Naina- Lekin ab Maths ka kya hoga.

Sameer- Adjust kar lege dono cheezon ko.
Acha agar yeh baat nhi hai, toh phir kaho na kya kehna tha.

Naina- Kehna nhi, dikhana hai.

She showed him a coupon; 'You have won in our Lucky Draw Contest. You can claim your prize from our office during office hours.
Your Prize is MotorBike.'

Naina- Sameer..yaad hai pichle hafte hum jo kapde dhone wala Detergent laye the..yeh coupon usi mein nikla hai aaj. Hume Bike milegi Sameer Prize mein..woh bhi Free mein.
Tum sun bhi rhe ho jo main keh rhi hoon.. kab se bas isi coupon ko hi dekhe ja rhe ho.