နည်းနည်းလေး ငြီးငွေ့စ ပြုလာရင်တောင် အဆင်ပြေပါတယ်။
လက်လျှော့ချင်ရင်လည်း အဆင်ပြေသလို စိတ်ဓာတ်တွေ လဲပြိုခဲ့ရင်လည်း အဆင်ပြေပါတယ်။
ခွန်အားတွေ ပျောက်ရှသွားလည်း အဆင်ပြေပြီး ဆုံးဖြတ်ချက်တွေ တုံ့ဆိုင်းနေမိလည်း အဆင်ပြေပါသေးတယ်။
အဲဒီလိုပဲ တဖြည်းဖြည်းနဲ့ နောက်ဆုံးမှာ
မင်းလည်း အဆင်ပြေသွားမှာပါ။စာအုပ် - မလဲကျပါနဲ့
ရေးသူ - ဂျိုဆောင်းယုံး.................
" အဲဒီတော့ ဘယ်သူမှမရှိတဲ့ အခန်းထဲမှာ နှစ်ယောက်က ဖက်နေကြတာပေါ့။ ဒီအတိုင်း ဖက်နေရင်တောင် ဘာမှ မဖြစ်ပေမယ့် အစ်မ ဝင်လာလာချင်း လူချင်း ခွာပစ်လိုက်တာ။ အဲ့ဒါက ပိုထူးဆန်းတာလို့ ပြောချင်တာ မဟုတ်လား။ "
မျက်နှာကျ သွယ်လျအောင် ဖိနှိပ်ပေးသော ရွှေရောင် တလိမ့်တုံးလေးကို ပါးရိုးတွေပေါ်မှာ ပြေးလွှားနေစေရင်း ယူမင်က အသံပြုသည်။
တစ္ဆေမလေး ယူမင်နှင့် တွေ့ဆုံ စကားပြောဖို့ဆို ဆွန်းအာ အမြဲတမ်း ညအချိန် ရောက်လာဖို့အား စောင့်ဆိုင်းရစမြဲ ဖြစ်သည်။
ဒီနေ့လည်း ရပ်ကွက်ထဲက ကျောက်လှေကားရှည်ကြီးပေါ်တွင် ယူမင်နှင့်အတူ ဘေးချင်းကပ်ရပ် ထိုင်နေဖြစ်သည်။ နမ်ဝူ့အကြောင်း ဖောက်သည်ချဖို့ဆိုလျှင် ယူမင်က လွဲလို့ မရှိ။ ယူမင်ဟာ ဆွန်းအာဘဝမှာ ကြုံခဲ့ဖူးသမျှ လူတွေထဲ အကောင်းဆုံး နားထောင်သူတစ်ယောက် ဖြစ်လိမ့်မည်ဟု ထင်သည်။ ယူမင်သည်လည်း ဆွန်းအာကို ထိုကဲ့သို့ ထပ်တူ သတ်မှတ်ပေးထားကြောင်း သိရတော့ အံ့ဩဝမ်းသာ ဖြစ်ရသေးသည်။" အစ်မ တွေ့သွားတော့ အဲဒီအစ်ကိုက အစ်မကို ဘာပြောလဲ။ "
ခါတိုင်းလိုပဲ ညကိုးနာရီရောက်သည်အထိ ကျောင်းယူနီဖောင်းဝမ်းဆက်ကို ယူမင် မချွတ်ရသေး။
ယူမင်၏ သိချင်စိတ်ပြင်းပျနေသည့် မျက်ဝန်းဝိုင်းဝိုင်းတွေက ဆွန်းအာအကြည့်များနှင့် ချိတ်တွယ်သွားချိန်မှာ ဒီနေ့မနက် ကျောင်းမှာ ပေါ်ပေါက်ခဲ့သော အဖြစ်အပျက်တို့ဆီ ဆွန်းအာ အာရုံတွေ တစ်ခေါက်ပြန် ကပ်တွယ်သွားသည်။
YOU ARE READING
Less Ice, More Sugar (Completed)
RandomIf life is a movie, you guys are the best part. ❤️