Start date : 27.08.2020
End date : 02.12.2020Publish date : 1.1.2021 - 1.8.2021
မင်္ဂလာပါ။ shoon_wh ပါ။
မြတ်နိုးရတဲ့ ဇာတ်လမ်းလေး နောက်ထပ်တစ်ပုဒ်ကိုလည်း ဒီလိုမျိုး နှုတ်ဆက်လိုက်ရပြန်ပါပြီ။
အရင်ဦးဆုံးအနေနဲ့ ဒီဇာတ်လမ်းရဲ့ခေါင်းစဉ်ကို Less Ice, More Sugar လို့ ပေးဖြစ်သွားတဲ့အကြောင်းနဲ့ပဲ ဒီ စာကို အရင်ဆုံး စချင်ပါတယ်။ ဇာတ်လမ်းရဲ့အစက တကယ်လည်း Bubble Tea တစ်ဘူးကနေ စလိုက်တာပါပဲ။ကိုယ်က Bubble Tea ကို ပုံမှန်ဆိုရင် Normal Ice, Normal Sugar နဲ့ပဲ သောက်တတ်ပါတယ်။ တစ်နေ့တော့ အမေက အပြင်သွားရင်းနဲ့ ကိုယ့်အတွက် သူ့သဘောနဲ့သူ Bubble Milk Tea တစ်ဘူး ဝယ်လာပေးတယ်။ အမေက အပူများမှာစိုးလို့ရော လည်ချောင်းနာမှာစိုးလို့ရော ဘယ်တော့မှ ရေခဲကို များများ စားတာ မကြိုက်ဘူး။ အဲ့ဒါကြောင့် အဲ့ဒီနေ့က အမေဝယ်လာပေးတဲ့ Milk Tea ဘူးပေါ်က Less Ice ဆိုတဲ့ စကားလုံးက ကိုယ့်အတွက် အသစ်အဆန်းလို ဖြစ်နေပြီး အဲ့ဒါကြောင့်ပဲ ဇာတ်လမ်းတစ်ပုဒ်က ခေါင်းထဲက ဖျတ်ခနဲ ထွက်လာခဲ့တာ။
Less Ice, More Sugar လို့ ပေးဖြစ်တဲ့ နောက်ထပ်အကြောင်းတစ်ခုကတော့ Bubble Tea ထဲက ရေခဲနဲ့ သကြားအချိုးအစားကို ပြောချင်တာတင် မကပါဘူး။ ဘဝထဲမှာ အေးစက်မှု(ကံဆိုးမှု)တွေ နည်းနိုင်သမျှ နည်းပြီး ချိုမြိန်မှုတွေပဲ ပို တိုးလာစေဖို့ရယ်၊ ချစ်ရတဲ့ လူတွေအပေါ် အေးစက်စက် ဆက်ဆံမှုတွေကို တတ်နိုင်သမျှ လျှော့ပြီး ချိုမြိန်မှု(နွေးထွေးမှု) တွေပဲ ပို ပေးနိုင်အောင် ကြိုးစားနိုင်ဖို့ရယ် ဆိုတဲ့ အဲ့ဒီ စိတ်ကူးလေးနှစ်ခုကြောင့် ဒီခေါင်းစဉ်လေးကို ပေးဖြစ်ခဲ့တာကတော့ အဓိကပါ။
တကယ်ပြောချင်တဲ့ အကြောင်းအရာတွေကတော့ အခုမှ စမှာပါ။ ဘာတွေ ပြောချင်လဲ ဆိုတော့ ဒါလေးက တကယ်ကို ကိုယ့်အတွက် အဓိပ္ပာယ်အပြည့်ရှိပြီး တအား မြတ်နိုးရတဲ့ ဇာတ်လမ်းလေးတစ်ပုဒ် ဖြစ်တယ်ဆိုတဲ့ အကြောင်း။
နေလာရင်းနဲ့ ငါက တကယ် ကံကောင်းလိုက်တာလို့ စိတ်လိုလက်ရ တွေးခဲ့ဖူးတဲ့အချိန်က တက္ကသိုလ်က သူငယ်ချင်းတွေကို ပိုင်ခဲ့ရတဲ့ အချိန်ဖြစ်ပြီး ဘဝမှာ ဘယ်တော့မှ မမေ့ချင်တဲ့ အမှတ်တရတွေကိုလည်း တက္ကသိုလ်တက်မှပဲ စပြီး ကြုံခဲ့ရတာမို့လို့ပါ။ ငယ်ရွယ်တဲ့ဘဝလေးကို ဘယ်တော့မှ တစ်ခေါက်ပြန်မရတော့ဘူးဆိုတဲ့ အတွေးနဲ့ တက္ကသိုလ်ကို လွမ်းရတယ်။ သူငယ်ချင်းတွေကို လွမ်းရတယ်။ အဲ့တုန်းကအချိန်တွေကို လွမ်းရတယ်။ တကယ်ကို ရင်ထဲက လှိုက်လှိုက်လှဲလှဲ ပေါ်လာတဲ့ အလွမ်းတွေနဲ့ ရေးထားတဲ့ ဇာတ်လမ်းလေးမို့ ရေးဖူးသမျှထဲ ဒါလေးကို အမြတ်နိုးဆုံးလို့ ပြောလို့ ရပါတယ်။
YOU ARE READING
Less Ice, More Sugar (Completed)
RandomIf life is a movie, you guys are the best part. ❤️