မျက်လုံးထဲ မြင်မြင်သမျှ အရာတွေက အဖိုးတန်နေတဲ့ အချိန်။
ကြည်လင်နေတဲ့ မိုးကောင်းကင်။
ကောင်းကင်ပေါ်က တိမ်တိုက်တွေ။တိမ်တိုက်ကြားက ရုန်းထွက်လာတဲ့ အလင်းတန်းတွေကအစ လှပနေတဲ့ အချိန်။
တစ်စုံတစ်ယောက်ကို ချစ်နေရတဲ့ အချိန်။
စာအုပ် - အခိုက်အတန့်တိုင်းဟာ မင်းပဲ ဖြစ်ခဲ့တယ်
ရေးသူ - ဟာထယ်ဝန်..................
နေရောင်ခြည်ဟာ အစိမ်းရောင် တောင်တန်းများကို အသားပေး ဆလိုက်မီး ထိုးပြထားတာမို့ အစိမ်းရောင်သည် တစ်လောကလုံး၌ အခမ်းနားဆုံးအရောင်တစ်ရောင် အသွင် ဆောင်နေ၏။ဆွန်းအာ အခု အသက် နှစ်ဆယ်။
ဒီ အနှစ်နှစ်ဆယ်တာ ကာလလုံးလုံး ဆွန်းအာ ခြေဆန့်ခဲ့ဖူးတဲ့ နေရာတွေ၊ လည်ပတ်ခဲ့ဖူးတဲ့ ခရီးတွေက လက်တောင် ချိုးရေလို့ရမည် မဟုတ်။
ဒယ်ဂွမ်လျောင်းကိုလည်း ဆွန်းအာ အရင်ကတည်းက နှစ်ခေါက်လား ရောက်ဖူးခဲ့သည်။ ပထမဆုံးတစ်ခေါက် လာတုန်းက ဒီလိုမျိုးပဲ နွေရာသီ။ ဒုတိယတစ်ခေါက်ကတော့ နွေဦးတွင် လာခဲ့ခြင်း ဖြစ်မည်။ ဆောင်းရာသီမှာဆိုလျှင် နှင်းဖုံးနေသည့်မြေပြင်ရယ်၊ လေရဟတ်အဖြူတွေရယ်က ဒယ်ဂွမ်လျောင်း၏ အလှဆုံး ဆွဲဆောင်မှုတစ်ခု ဖြစ်ပေမယ့် ဆောင်းရာသီတုန်းကတော့ ဆွန်းအာ ဒီကို တစ်ခါမှ မရောက်ခဲ့ဖူး။
YOU ARE READING
Less Ice, More Sugar (Completed)
RandomIf life is a movie, you guys are the best part. ❤️